牧羊少年咖啡館 (香港單車館)

营业中

休息中

去咗單車館食午餐，因為係星期六日，下晝1:45去到，都要等到兩點幾先有得入去食，大排長龍。入到去有午餐Menu，我叫咗個香辣大蝦意大利粉，配個餐飲係薑片檸檬茶。上餐速度好快，個香辣大蝦意粉好好味，啲辣味係酸酸甜甜唔算好辣，個意粉煮得好入味，特別要大贊嘅係個大蝦，因為好大粒好新鮮，好少喺出邊食到咁有鮮味嘅蝦，仲要有成五隻，所以覺得都算抵食。但係杯嘢飲就令我好失望，我叫咗薑片檸檬茶，諗住會係好有薑味好暖粒粒，點知只係普通茶包，上枱嘅時候仲要係未夠濃，飲咗一啖同清水冇分別😔

朋友介紹呢間餐廳已有一段時間, 但係因為佢個位置距離公司有啲遠所以一直都冇機會去visit。去到呢間餐廳有種世外桃源嘅感覺, 亦都比我重新認識將軍澳呢個地方餐廳位置在將軍澳香港單車館入面所以對住公園食飯好有空間感。午餐點了黑椒香蒜煙鴨胸意粉, 分量係足夠一個人食, 意粉本身夠 al dente , 好味餐後配美式咖啡,就係我圓滿嘅午餐。餐廳裝修都好有文青feel, 見到好多人都會喺入面飲住咖啡溫習或者上網, 餐廳服務很好, 值得幫襯嘅文青cafe。

做完運動去咗附近依間餐廳食晚飯，佢有幾款set dinner，我點咗個個大蝦意粉，醬汁creamy好好食，飲品叫咗蘋果茶，小茶壼加杯子好別置，茶包仲可以加水沖多轉仲有味🙈

曾經好紅既一間食店，個陣專登去葵芳個間仲要排好耐隊🤣但始終都唔太近，就好耐無食過-同以前一樣好味😋而且佢每間店既裝修都各有特色呢間係係單車館入面，所以都配合番單車既主題lunch黎都會有lunchset簡，每個餐都包野飲但加$12就可以轉飲靚靚咖啡咖啡又係非常不錯  !-「厚切雞扒意大利包拼芝士薯角」$82其舊雞扒煎得好香口，好juicy又厚身Ciabatta 加熱左，軟軟地，成個包好好味薯條係粗身個款，好香脆！配咪佢個芝士醬jeng😻!-「三文魚子蘑菇意粉」$78好重既忌廉香味，見朋友超快速食哂而且話好好味我諗味道真係唔差haha-佢d甜品都好似好正，下次要夜晚再黎食埋佢d甜品先😋!

想靜靜地咁食個下午茶， 唯有遠離大商場，去到單車館隔離嘅牧羊少年咖啡館到食。今日係平日嘅下午，人不算多，不過靠窗邊的座位已經全部有人坐著， 所以我揀咗正中心嘅大長枱。兩個人最後叫咗一份雪糕窩夫餐同埋一個雞扒包餐。食物質素正正常常，沒有太出色但也不錯吃。反而杯咖啡則不錯， 香濃而不苦，有個小小的心形拉花。餐點份量適中， 不會太大造成浪費，也不會太少唔夠飽。不過一邊飲住咖啡一邊望住窗外大人們和小朋友在池邊玩耍， 輕輕鬆鬆過一個下午也不錯～

呢日夜晚要上親戚屋企開餐 , 親戚住坑口站附近 , 我之前幫襯過沙田既牧羊少年咖啡館 , 今次搵野食先知原來坑口站附近就有間喺單車館內既牧羊系列餐廳 , 所以同老公去食 , 之前諗住參觀博物館既同時順道食個餐 , 而家疫情下當然無得參觀啦 , 所以都係純粹食午餐 , 餐廳內面對面坐既window seat都坐滿晒 , 只得單向落地玻璃窗坐位 , 唯有坐其他走廊位既window seat啦 , 明太子鮮蝦.....蝦係夠鮮味 , 明太子都幾爆汁.....仲要加埋櫻花蝦添 ,  我要all day breakfast 薯角比較乾 , 間餐廳都好闊落 , 樓底高顯得開揚....加上落地大玻璃窗仲要前面有個湖 , 個景無得輸

星期一晚上來到，選擇了望窗的位置人不多，十分舒適有差電位，很乾淨，溫暖的木系M6 三文魚籽和風蜆肉意粉味道不錯，蜆肉和三文魚籽都很多不過意粉份量唔會好多，食量大的話要加點小食M2 明太子鮮蝦意粉蝦都有幾隻，味道幾香可以自助去拎Tabasco, pepper, cheese 粉蜜桃奶酪強烈推介，比較少地方有賣而且味道很好有奶香奶味，質地好滑，同時有桃肉粒和桃香，清甜，飲完仲會有飽肚感跟餐叫可補差價餐牌要到旁邊正門進入環境清幽

又係到周末鬆一鬆嘅時間，好鍾意去一D有旅行感覺嘅地方，因為平日返工已經咁忙週末梗係唞吓輕鬆吓！今次介紹大家嚟將軍澳單車公園裏面牧羊少年咖啡館！環境就真係舒服，落地大玻璃窗對住一片綠草如茵，輕鬆Chill！食物價錢性價比高，今日就試咗紅絲絨蛋糕同埋薑燒黑糖拿鐵！開始第一啖食紅絲絨蛋糕覺得比較甜，佢係比較濕潤果一種，我個人比較喜歡少甜！至於薑燒黑糖咖啡，薑味黑糖味同咖啡味比例都恰到好處！下次約人食午餐先，午餐選擇都唔錯，價錢仲包一杯飲品升級咖啡都係加$12好抵！

單車館冇開，以為呢間野應該冇咩人食，點知去到要排隊，原來因為限聚令，佢每枱只坐兩個人，仲要隔到好開，所以要等位，不過算等得快，本身前面排10個人左右，我地都只係等左10-15分鐘就入得，我地好好彩坐窗邊位既卡位，坐得好舒服。食物方面，我地叫左一個芝士三文魚意粉$78，同埋豬扒包配薯角$82，意粉份量少左d，但芝士味好香好濃，三文魚同蘑菇都好多，幾好食，而豬扒包都唔錯，豬扒好厚，薯角幾脆，仲配左個好好食既芝士醬，兩個餐都送飲品，咖啡同生薑檸檬茶味道比較淡，不過不失。侍應服務都有禮貌唔錯，埋單$160，不設加一，下次會再食。

餐廳位於單車館地下，樓底高，很有空間感。如果坐窗邊的位置，可以望住公園景，有遠離煩囂的感覺。套餐點了鮮忌廉黑松露醬雜菌意大利粉。意粉不是多汁的那種，吃起來一點也不會覺得膩口。配黑松露醬，炒得很香。意粉和配料的味道和比例都岩岩好。但份量偏小。跟餐配了冰水果茶。有新鮮香橙和蘋果。味道清甜解渴。還點了一份心太軟配朱古力雪糕。心太軟很出色，一切開便流出朱古力來。朱古力流心又濃又甜。配搭雪糕，一冷一熱最佳享受。

疫情嚴峻，差不多食咗一個月外賣，要放愛寵~不羈的馬，出去走走，現情緒病徵。行行小徑，往單車館此處，打完風應該少人，果然2人限聚令，祗得3枱客，好安心！鮮忌廉野菌帆立貝意粉，帆立貝厚身，中心嫩滑，散發海鮮味，好過昨晚自煮~樓上買來急凍。忌亷微甜，奶少，所以不太香，但滑，所以不膩，意粉有質感，彈，煙韌，珍珠菇，香草，洋葱，都是忌廉最佳拍檔。厚切雞扒意大利包，雞扒邊燶脆香，中間熟而有汁而不乾，有味而不咸，夾蛋黃醬，蕃茄，生菜，伴薯角，車打芝士醬，又是視覺與味覺享受！要加配玉桂蘋果茶，分解芝士及薯條油膩感。我要揀可外望及看水池位置，看着樹木被風吹搖曳，有時大有時细，不同樹，不同風姿，前面人工池，水面水波蕩漾片片，風吹或過濾泛起效果，那有分心動、風動襌理，總之喜歡看。風雨之後，尋鳥聲，那麽多蝴蝶出沒，黑色黃班，淺綠藍邊，黑框淺點，有拍翼，飛翔， 凌空收翼……，煞是好看！

呢間牧羊少年喺單車館入面，玻璃窗夠晒大，喺度Hea夠晒舒服，有微微嘅陽光照住啲食物，心情好啲食嘢都開胃啲。佢之前有個好似係鴨胸炒意粉好好食，不過最近好食好似冇咗，唔知係咪轉咗MENU。卡邦尼長通粉幾Creamy，冇Beans果啲意粉咁膩，都OK；明太子意粉鮮味，唔錯；加錢就有得配藍莓乳酪沙冰，味道好，但啲冰有啲太多，搞到啲沙冰好似飲兩下就冇晒咁。整體嚟講食物都幾好食嘅，不過佢最正都係個位置，同埋坐得夠舒服，啲枱全部都大大張，唔會話好迫，所以Weekend嚟hea都幾好架。

鮮忌廉菠菜長通粉 $72多汁，長通粉掛到汁，有口感，但有少少油膩，菇既份量可以多少少中和返個忌廉。意式蕃茄豬扒拼香煎魚柳珍珠飯 $78蕃茄汁濃，夠鮮茄既酸味，豬扒正常可再煎多陣，就香口d，魚柳火喉唔夠，配珍珠米，整體正常。。📍位置特別，單車館後門入口，假日要等位。📍平日下午茶比較抵食，同朋友聚會唔錯。

滿城疫情肆虐之下單車公園的牧羊少年咖啡館，很難得的有好氣氛今星期5要坐卡位還要等位午餐送一個飲品上面的乳酪下面的冰凍Latte加12$很好喝-望出去又境色怡人這個咖喱煎雞扒拼魚柳白飯餐只係68$非常吸引幾大的煎雞肉3塊雖然味道麻麻地,無什麼鮮味,但仍然飽肚的。咖喱汁有鮮蕃茄粒,比較醒胃,你想想：這樣價格,就會感覺良好.魚肉也是很普通,沒有什麼鮮甜味,一片,主要是賣大包,感覺豐富的-又有魚..….又有雞😜一個冰凍飲共80$茶餐廳都未必可以.這珍珠白飯就不夠咬口和 彈性少許「罕」不好吃-我們都吃少許算數.

係屋企困左幾星期，難得同屋企出去食個晏雖然要等位同分開坐，但可以自己霸個大卡位haha😗之前食過葵芳既牧羊 TKO尼間就裝俢靚啲有feel啲 野食都好食喎！咖啡好飲過葵芳個間我自己覺得😌食個lunch$100有找 外賣自取仲7折！希望香港快啲好返(林鄭唔好再玩野)可以出去再揾野食😋😋😋