牛車水餐廳 (美孚新邨)

营业中

休息中

尋日晚去食,嘩..果度真係污糟到嘔,不過見冇咩野食就係度食啦,母親節所以冇夜茶,叫咖哩飯又漏單,D人又唔肯做野咁,價錢又唔係平,地方又污糟,真係唔黎喇!!

兩次來都是週日下午，吃的下午茶。炸雞脾很香口，就是因為第一次叫了這個，才又來了第2次。星洲炒米和炒貴刁都好味的，但焗青口就不行。我們的結論是要點星馬出品的東西，而不是一般港式茶餐廳的東西。普通茶餐廳的價錢，但人不多環境舒服些，會再來。

屋企附近食市只開了老麥, 大家樂, 牛車水, 其中一間茶餐廳, 我就揀左牛車水.... 食左一個16蚊的set 火腿炒蛋多士..... 非常飽~

上星期日行山，o黎呢度食個早餐，本來無咩期望，見格局以為會偏貴，但竟然唔係喎，早餐好多選擇，好抵(抵過葵芳茶餐廳)，三文治好豐富好大件，我只食倒一半。老公叫o既麵餐仲係本身用出前一丁，唔駛好似其他地方要另外加錢。凍飲亦唔駛加錢。食物來得好快，完全配合倒我們只有十分鐘叫餐連食埋 o既趕急。為之後艱苦的旅程打了一個好好o既底。

軟件硬件都唔多掂，勝在風水好！呢間舖響呢度成廿幾年，味道唔得，價錢偏貴，服務環境麻麻，但係都唔憂做，早午晚三輪爆到「嘭嘭聲」。雖說這兒的海南雞飯食得過、雖說有懷舊鐵板餐供應，雖說茶餐宵夜好抵，…。來這兒還不是因為此區西餐廳選擇奇少，倒是茶餐廳和快餐店多的是！以及這店的地利優勢，響正我樓下！今晚跟老爸到這兒吃晚飯。選了「炒飯餐」（$35；連餐包、湯、飲品）和「咖哩雞煲」（$40），連加一，$84。先來牛油餐包（叮翻熱的柔軟衛星包）、紅湯（濃稠多料的千年羅宋湯）、餐飲（熱檸蜜，足四片檸檬，但僅一百毫升液體！）—約五分鐘，炒飯便來。「印尼海鮮雞粒炒飯」，份量偏多，有至少四、五飯碗的份量。兩個人都食唔晒。料雖然唔靚（迷你蝦毛、魷魚細切粒、迷你雞肉粒…），但都算唔少。但味道超濃！店家下了超多蝦醬去炒，係好香好惹味，但係多得滯，鹹到苦！好快，「咖哩雞煲」便上桌。偌大的金屬器皿，盛著兩隻雞下腿、一飯碗份量的青椒洋蔥、以及好多so-called 南洋咖哩汁。（兩隻雞下腿和一碗咖哩湯，薯仔都無塊，飯都無碗，咁就賣四十蚊加一！！！真係一啖汁一啖$$$）今晚的咖哩汁仲係比平常鹹！服務員鄉音濃厚、態度無禮、地

佢D下午茶同宵夜係真係幾抵架推介:焗青口~~但到正餐就咪搞去隔離食大家樂仲快靚正仲有...唔好整到自己好似茶餐廳咁啦話晒都有得据下扒..分返開吸煙區同非吸煙區啦唔該好鬼辛苦食到人地

同朋友一行五人來到美孚，由於美孚都無乜餐廳剩，所以唯有來呢間。剛剛係下午茶時間，下午茶餐都有好多選擇，抄粉麵都係2x蚊，所以最後叫咗五個餐都係200蚊唔使，而且份量好多食唔晒。不過講真除咗抵食，啲食物質素都係幾麻麻。

未寫前唔覺意見到呢度喊樣超多, 希望唔會影響個人立場啦. 但佢地又真係唔太爭氣. Menu超誤導, 伙計又上錯野. 當日中午同埋兩個舊同學去食, 見到menu某頁有馬來料理, 有樣菜式叫'參乜', 見佢又有相睇, 價錢又ok, 我於是乎就order牛肉參乜, 仲跟埋西式紅/白湯(伏線), 食過餐湯餐包後, 好喇, 捧到埋位, 完來只係一碟有紅綠黃椒炒牛肉既, 獻汁有d 咖喱沙爹喇沙味. 普通到無倫, 同相片不對辦. 真懷疑自己order係咪真正既馬來菜參乜, 而且, 佢原來唔係套餐, 只係一碟單頭野, 跟飯另叫. check番個menu同部長查詢, 至知真相大白. order時個後生仔伙計經驗淺唔醒目, 如佢提提都可避免, 但又咁好彩, 先前因個menu誤導以為係套餐, 咁我地叫左餐湯餐飽啦, 個後生仔伙計又錯埋一份, 上埋比我地, 又食埋, 好在因為咁打左個底, 如果齋食呢碟搵笨野真係屎不冥目. 當然其後佢上呢碟外表極似廣東菜既參乜, 先知奇怪, 無理由食呢碟會比餐飽餐湯我地食, 我地後來再+錢補個白飯, +埋呢個參乜搵笨, 錯錯撞撞砌成一個如此套餐, 先至飽. 食多左佢既餐飽同湯,

我以前都可以一個月去一次, 但好像數個月前開始,食物和服務水準都不斷下跌, 已經好耐冇幫襯.今晚心血來潮想比多次機會佢,點知勁失望:生炒骨: 一上枱便知冇鑊氣, 望落唔脆口,個汁又上得差, 點知食落仲死, 我男友直情話係微波爐翻叮之作!燒雞腿沙拉:隻雞腿係炸, 唔係燒, 仲要冇味, 真係咁簡單的野都可以咁難食!

唔好食!食物質素越來越差,最至命係個d侍應態度惡劣,對客人似係仇人,尤其是o個個呀叔! 唔駛旨意我再黎!!!

同朋友一行三人食晚飯, 三人餐包湯白飯餐飲三個餸, 湯要羅宋湯, 唔夠味, 餸要西檸雞, 西檸雞居然唔酸, 中式牛柳, 牛無牛味又靭, 個汁亦麻麻, 西蘭花炒臘肉幾大碟, 算係比較正常0既一味, 但就好油, 總括嚟講, 唔好食!

星期五同朋友路經美孚,唔係咁想去茶餐廳,就走左去牛車水試下,叫左一客海南咖哩飯同黑椒豬排飯,女侍應冇咩禮貌有點串黑椒豬排飯OK,但我個咖哩有點怪味我同侍應講,之後幫我換過一個(佢個樣好不滿)飲品都麻麻地,地下唔乾淨,仲好多蚊侍應成日講D唔知咩野話好似講緊我..........比我好差既感覺

啱啱講完這家餐廳的員工在屋村行人通道的地上把筷子入套，昨天又去隔離馬會買六合彩，經過時又見兩位阿姐在行人通道對着地上一個大膠盆，內有大量肉塊，兩人用竹籤把肉串起，可能是做沙爹串吧，一些衛生措施也沒有，更加可見在行人通道工作是他們的正常程序，試問對客人有甚麼保障？這樣的食店，揾你去光顧！

質素唔多掂強差人意唔駛旨意我再黎食服務不佳

一向對這食店無甚麼好感，因服務不佳，食物欠佳，地方不潔，最近一事更令我郤步，當天投注完六合彩路過，見到兩位大嬸，坐在行人通道的櫈仔上，兩人當中有一大膠盤（是疏窿的）筷子，放上地上，全無遮蓋，把每雙筷子入在紙套內ｏ如此情境，你以後還有冇勇氣幫襯？