牛車水餐廳 (美孚新邨)

营业中

休息中

今日去咗牛車水，一間由細食到大嘅傳統餐廳，點咗 翠玉瓜排骨河、咕嚕斑塊飯、海南雞飯 同杯 熱咖啡，整體感覺簡單而滿足！🌟翠玉瓜排骨河 真是一個驚喜！河粉滑溜，翠玉瓜爽脆，排骨入味，食落唔油膩，感覺好似健康啲😋 咕嚕斑塊飯 都好出色！🐟 咕嚕汁酸甜惹味，魚塊鮮嫩，味道一流！只不過炸皮略為厚咗少少，稍為影響口感，但整體依然好食，配飯一流😍海南雞飯 表現唔錯。🐔 肉嫩滑，帶有淡淡嘅雞油香，配上香飯好夾。不過份量偏少，食量大嘅朋友可能會覺得唔夠飽😌 醬料方面，薑蓉同辣椒醬都好提味。最後嘅 熱咖啡 以茶記標準嚟講算OK！☕ 香氣濃郁，味道順滑😊

呢間餐廳成日推出咗啲新加坡類型嘅飯，例如海南雞飯，喇沙，豬頸肉檬粉等呢種的東南亞風味， 咁我Expect 佢地會OK，始終成個餐牌都係呢啲。。。試咗兩次，佢嘅喇沙都係得顏色，完全冇味道湯底好淡， 完全冇喇沙嘅味道。。。我仲試過佢地豬頸肉湯河粉，一樣都係冇味道，個湯底好似清水。。。不過豬頸肉嘅味道唔錯。佢哋嘅食物真係好清淡，應該係口味適合老人家🤣 平平哋嚟食早餐或者午餐都尚算可以嘅，但係真係唔可以太高期望。佢嘅價錢算唔錯㗎啦，包晒飲品。

🐑茶走個茶幾香，不過色澤未夠虎珀，而且薄身，有欠回甘，呢個情況係中茶(主管色澤)同埋幼茶(主管色澤及味道)不足所致，係調配混合茶葉份量嘅問題🐑沙爹牛麵，沙爹牛只係微暖，毫無沙爹味，佢係似蠔油獻牛肉多啲，儘管個味道係唔難食嘅。麵湯夠熱，可以浸得番熱本身只係微暖嘅牛肉。牛肉肉質可以，冇專登落好多食粉乸鬆佢。個麵都煮得ok，軟硬程度剛好🐑火腿奄列上枱夠熱，蛋嚟講，當然唔會有坊間其他新派店舖咁加咗日本3.6牛乳嗰啲咁滑啦，但總體嚟講，能夠煎得蛋皮夠薄、保持熱度上枱，而又冇煎老隻蛋，呢個已經係好唔簡單🐑牛油多士，貫切香港茶餐廳，牛油求其搽嘅優良傳統😂，牛油搽唔匀呢個就梗局㗎嘞，而且份量真係少得可憐。多士上枱已經唔脆，應該係一次過烘好多擺旁邊吸收咗水吧嘅水氣所致。對於以上情況，我只能夠表示，早餐時段繁忙，呢個係可以理解嘅

啱啱去完旅行，晏晝機返到香港，而返到屋企成兩大喼行李待執拾，晚餐就梗喺費事搞住啦，睇睇錶仲趕得切落去食個下午茶餐當晚餐，慳錢及慳時間。最後選上「牛車水」，因為佢哋嘅茶餐去到6:30pm。話時話，都好耐無嚟幫襯過「牛車水」，因為對佢嘅印象都喺一般般，話好唔好，話差唔差。雖然話嚟食下午茶，但都接近晚市時段，有好多好似我哋咁茶餐當晚餐嘅客人。大多數茶記嘅設定就喺將餐具、調味料擺喺枱側嘅櫃桶，專登都影一影，就喺表示出餐廳唔止地方整潔，企理好多，管理上面都做得唔錯，啲姐姐亦好有禮貌。佢哋嘅下午茶餐唔止供應嘅時間由2:00pm到6:30pm，而且，供應嘅款式都好闊，由三文治、多士、飛碟到碟頭飯，甚至乎鐵板餐都有，實屬少見。泰式雜錦金邊粉 $41無論老婆嘅金邊粉抑或我嘅米線，都非常之大碗，絕對唔似下午茶嘅份量，當晚餐都卓卓有餘呀！雜錦就有啲魷魚、蝦仁、豬頸肉，算喺幾多餸料，而所謂泰式喺個湯底帶點酸咪咪，幾開胃。海鮮喇沙米線 $43而小弟嘅喇沙米線似碗咖喱米線，咪睇個樣好似杰撻撻，跟清湯底撈番勻，就似模似樣似番啲喇沙湯，哈哈！查實，都幾香嘅，而所謂海鮮，其實同上面嘅金邊粉差唔多，都喺蝦仁、魷魚仔，仲伴

今早路經美孚、見有牛車水餐廳，緊係要入內食個早餐先😊因為以前深水埗都有分店😊後來分店結業就再没光顧！早餐：熱奶茶正正常常三文治餐芝士火腿治新鮮方包👍自選雙拼早餐雞扒拼雙烚蛋配湯通粉跟餐包早餐總括：食客大多數係附近老街坊，所以早餐類別都係大路早餐😅

牛車水餐廳點解我會稱呼呢間做情懷餐廳因為作為一個美孚人由我細個已經開始幫襯牛車水餐廳餐廳經歷過兩次裝修以前俾我嘅感覺係普遍西餐廳嘅較暗用餐環境裝修後變成一間好光猛嘅餐廳餐廳名菜係馬來咖哩/沙嗲串燒同海南雞飯我個人就通常去餐廳食海南雞飯套餐一碟雞 一碟菜 一碗例湯 一碗雞油飯另外仲包一杯飲品海南雞每一次食嘅部位都唔同有時候會喺雞翼或者雞髀位有時候會喺雞胸位香港人成日都話雞有雞味餐廳就正正做到呢一點我會稱呼佢做平淡的海南雞飯套餐如果你係無太多要求佢會滿足到你嘅期望

我明明係叫 496號 炸雞翼 豬仔包 沙律 下午茶餐， 黎到係 鹵水雞翼 仲要無味 肉老 鞋口 ， 問職員 點解唔係炸雞翼 佢 仲好肯定 咁同我講‘’ 我地餐廳得一款雞翼 就係炸雞翼 呢個係炸雞翼 ‘’ 跟本完全係亂黎

5月14日，大概中午1:30半，入到餐廳諗住搵位，收銀短頭髮膚色黃黑嘅阿姐態度極度惡劣。本來去得茶餐廳冇預計有服務，但佢碌大對唔算大嘅眼，凶神惡煞呼呼喝喝，喝令唔俾我哋坐某個位。本來諗住息事寧人，佢仲窮追猛打。呢啲咁嘅服務態度根本就係趕客，食物就算再好食曉飛都冇用！一肚氣，去隔離隨便搵間其他嘅，完全係天堂地獄嘅分別。如果想去受氣嘅，就隨便去幫襯啦！難怪冇人願意留響香港消費！之前遇到老闆幾好人，但請咗個咁嘅員工，絕對冇下次

食什扒60元，加湯6元，加凍飲6元成份扒有1條腸，1片有梳打粉味的牛扒，1片似白烚的豬扒， 油淋淋的薯條一點脆都沒有。員人攞錯食物到另一枱，之後送回來質問是不是轉了枱，大佬呀你自己入單入枱又關個客事。個收銀仲衰用alipay比錢，手機已顯示成功支付版面， 個收銀又冇禮貌叫我唔好走， 因為佢部機仲loading緊， 我同佢講 冇影響㗎喎，呢個係線路問題我走同走都唔關我手機事，死都唔比我走， 最後要過先可走。這間食物又差人又差永無下一次

午餐下午茶居然到6點30今日去完街，好耐無行美孚，眯落車行下同食個早晚飯，去到哩間門口，以為我睇錯定佢印錯，下午茶到630都已經特別，午餐餐牌也是到630。優點- 午餐同下午茶餐牌時間夠長，性價比高。改善點- 餐具比較油因為吾系太餓，所以只是叫了兩個下午茶豬扒金邊粉 （$41）4分- 豬扒同粉分開上，加分。- 份量比一般下午茶多，加分- 豬扒有骨，炸得吾錯，吾硬。- 金邊粉比較”淋”焗豬扒意粉（$45）4分- 份量比一般下午茶多，加分- 番茄味道好- 豬扒都做得吾錯- 又系個意粉做得太”淋”後來睇返Openrice,食評比較差，但佢又坐得幾滿，我自己又覺得幾OK喔。

係牛車水，點咗個$59腰果雞粒蝦仁炒飯。有熱奶茶加中湯。個中湯係老火湯，好好味。個腰果雞粒蝦仁炒飯好多大大粒腰果。加埋大大粒蝦仁，混入炒飯一齊食，好好味。腰果配蝦仁，本人都係第一次食到。杯熱奶茶好重地度香港風味。個人誠意推介。

西冷牛扒午餐68蚊包湯同飲品價錢睇落係ok嘅黎到之後發現分量極少牛扒勁硬……薯條勁少… 唔講仲以為係嗰啲歐陸常餐食完都係覺得唔係好飽完全係性格餐廳， 沒有服務可言落單後都不要問店舖環境一般，枱面、地下都有點黐笠笠刀、叉上面都見到仲有啲污漬係度叫佢换就再換一個更加污糟嘅有說不出的恐怖飲品叫咗凍檸茶簡簡單單味道一般個人而言想搵個坐得舒服餐廳不要在這裏想找點好食的東西不要在這裏以呢個質素竟然可以喺美孚咁多年真係估佢唔到

昨晚同家姐去美孚牛車水餐廳晚飯，坐低落order後(飲品未落)，食物吃到一半，我揮手叫侍應生幫忙落飲品order，但無侍應生看見我揮手，剛剛有一位男侍應生行近我後面，我開聲麻煩他落order，他沒有回應我，我於是稱呼他“靚仔，麻煩你幫我寫飲品”，怎知他說“呢度無靚仔”及行去廚房那邊，我唯有請另外一位女侍應生幫我，最後吃完東西，我到收銀處付款完返回座位取手袋準備離開，那位被我稱呼靚仔的男侍應生剛巧拿著啲食品及飲品經過我身邊，我便立正讓他先過，他竟然說“係咪想我幫你洗頭呀”，嘩....到底我做錯甚麼事呀？原本開開心心吃一頓晚飯，郤受到如此的對待😭

蒜蓉牛排飯 塊牛排有啲細塊 仲要係偏薄 但食落唔柴 因為個汁味道ok所以個飯係好食嘅 但餸嘅份量就唔太夠 個飯係冇配菜 所以食咗塊肉之後 淨係可以用啲汁嚟送飯食 呢個飯就不太推薦雜錦金邊粉都係同樣問題 冇咩餸 得一片扎肉 一片豬頸肉 少少芽菜 少少蜆肉 金邊粉食落冇味 要飲湯先食到少少味 總結都係不太推薦 如果你口味淡嘅話可能就ok叫咗兩個飯 一個飯就即刻到 另外野飲同另一個飯就等多15分鐘 問個姐姐就冇咩點理我哋 呢個位就有啲扣分囉 但佢下午茶啲野算平嘅 個名聽落都吸引 可能咁啱叫咗伏野

以前去老字號牛車水會鐵板牛柳，宜家會去食佢嘅下午茶，好多選擇，每次去都會食串燒🔥😋😋😋😋（五串，有雞、牛、豬揀）我揀全豬🔥，個沙爹醬先緊要，呢度好食好正宗👍👍