影片
更多
2006-04-22
29 浏览
軟件硬件都唔多掂，勝在風水好！呢間舖響呢度成廿幾年，味道唔得，價錢偏貴，服務環境麻麻，但係都唔憂做，早午晚三輪爆到「嘭嘭聲」。雖說這兒的海南雞飯食得過、雖說有懷舊鐵板餐供應，雖說茶餐宵夜好抵，…。來這兒還不是因為此區西餐廳選擇奇少，倒是茶餐廳和快餐店多的是！以及這店的地利優勢，響正我樓下！今晚跟老爸到這兒吃晚飯。選了「炒飯餐」（$35；連餐包、湯、飲品）和「咖哩雞煲」（$40），連加一，$84。先來牛油餐包（叮翻熱的柔軟衛星包）、紅湯（濃稠多料的千年羅宋湯）、餐飲（熱檸蜜，足四片檸檬，但僅一百毫升液體！）—約五分鐘，炒飯便來。「印尼海鮮雞粒炒飯」，份量偏多，有至少四、五飯碗的份量。兩個人都食唔晒。料雖然唔靚（迷你蝦毛、魷魚細切粒、迷你雞肉粒…），但都算唔少。但味道超濃！店家下了超多蝦醬去炒，係好香好惹味，但係多得滯，鹹到苦！好快，「咖哩雞煲」便上桌。偌大的金屬器皿，盛著兩隻雞下腿、一飯碗份量的青椒洋蔥、以及好多so-called 南洋咖哩汁。（兩隻雞下腿和一碗咖哩湯，薯仔都無塊，飯都無碗，咁就賣四十蚊加一！！！真係一啖汁一啖$$$）今晚的咖哩汁仲係比平常鹹！服務員鄉音濃厚、態度無禮、地
呢間舖響呢度成廿幾年，味道唔得，價錢偏貴，服務環境麻麻，但係都唔憂做，早午晚三輪爆到「嘭嘭聲」。
雖說這兒的海南雞飯食得過、雖說有懷舊鐵板餐供應，雖說茶餐宵夜好抵，…。來這兒還不是因為此區西餐廳選擇奇少，倒是茶餐廳和快餐店多的是！
以及這店的地利優勢，響正我樓下！
今晚跟老爸到這兒吃晚飯。選了「炒飯餐」（$35；連餐包、湯、飲品）和「咖哩雞煲」（$40），連加一，$84。
先來牛油餐包（叮翻熱的柔軟衛星包）、紅湯（濃稠多料的千年羅宋湯）、餐飲（熱檸蜜，足四片檸檬，但僅一百毫升液體！）
—約五分鐘，炒飯便來。「印尼海鮮雞粒炒飯」，份量偏多，有至少四、五飯碗的份量。兩個人都食唔晒。料雖然唔靚（迷你蝦毛、魷魚細切粒、迷你雞肉粒…），但都算唔少。但味道超濃！店家下了超多蝦醬去炒，係好香好惹味，但係多得滯，鹹到苦！
好快，「咖哩雞煲」便上桌。偌大的金屬器皿，盛著兩隻雞下腿、一飯碗份量的青椒洋蔥、以及好多so-called 南洋咖哩汁。（兩隻雞下腿和一碗咖哩湯，薯仔都無塊，飯都無碗，咁就賣四十蚊加一！！！真係一啖汁一啖$$$）今晚的咖哩汁仲係比平常鹹！
服務員鄉音濃厚、態度無禮、地面猶如MK 茶餐廳般污糟、料唔得……。
店員和收銀常常混水模魚，收貴二三十蚊。侍應唔肯比單客人睇，隨意說一個銀碼，以包中私囊。但收銀員都係唔老實，常常後點的餐茶，當散叫的收費…。幾「黑店」咖！客人要好清楚每份食物的收費，和一定要check 單，否則呃十零廿蚊是少不了！
呢度軟件（服務和環境）和硬件（食物質素）都唔得，但仍然旺到不得了，應該是因為風水好！！
註：此店的葡國雞飯亦是好少料，一件雞下腿、兩件雞胸肉、一件薯仔（好彩的話就有薯仔）、約六片青椒洋蔥，以及份量做湯都得的葡汁。好唔值！
张贴
