影片
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
食家推介
🐑茶走个茶几香，不过色泽未够虎珀，而且薄身，有欠回甘，呢个情况系中茶(主管色泽)同埋幼茶(主管色泽及味道)不足所致，系调配混合茶叶份量嘅问题🐑沙爹牛面，沙爹牛只系微暖，毫无沙爹味，佢系似蚝油献牛肉多啲，尽管个味道系唔难食嘅。面汤够热，可以浸得番热本身只系微暖嘅牛肉。牛肉肉质可以，冇专登落好多食粉乸松佢。个面都煮得ok，软硬程度刚好🐑火腿奄列上枱够热，蛋嚟讲，当然唔会有坊间其他新派店舖咁加咗日本3.6牛乳𠮶啲咁滑啦，但总体嚟讲，能够煎得蛋皮够薄、保持热度上枱，而又冇煎老只蛋，呢个已经系好唔简单🐑牛油多士，贯切香港茶餐厅，牛油求其搽嘅优良传统😂，牛油搽唔匀呢个就梗局㗎嘞，而且份量真系少得可怜。多士上枱已经唔脆，应该系一次过烘好多摆旁边吸收咗水吧嘅水气所致。对于以上情况，我只能够表示，早餐时段繁忙，呢个系可以理解嘅
继续阅读
啱啱去完旅行，晏昼机返到香港，而返到屋企成两大喼行李待执拾，晚餐就梗喺费事搞住啦，睇睇表仲赶得切落去食个下午茶餐当晚餐，悭钱及悭时间。最后选上「牛车水」，因为佢哋嘅茶餐去到6:30pm。话时话，都好耐无嚟帮衬过「牛车水」，因为对佢嘅印象都喺一般般，话好唔好，话差唔差。虽然话嚟食下午茶，但都接近晚市时段，有好多好似我哋咁茶餐当晚餐嘅客人。大多数茶记嘅设定就喺将餐具、调味料摆喺枱侧嘅柜桶，专登都影一影，就喺表示出餐厅唔止地方整洁，企理好多，管理上面都做得唔错，啲姐姐亦好有礼貌。佢哋嘅下午茶餐唔止供应嘅时间由2:00pm到6:30pm，而且，供应嘅款式都好阔，由三文治、多士、飞碟到碟头饭，甚至乎铁板餐都有，实属少见。泰式杂锦金边粉 $41无论老婆嘅金边粉抑或我嘅米线，都非常之大碗，绝对唔似下午茶嘅份量，当晚餐都卓卓有余呀！杂锦就有啲鱿鱼、虾仁、猪颈肉，算喺几多𩠌料，而所谓泰式喺个汤底带点酸咪咪，几开胃。海鲜喇沙米线 $43而小弟嘅喇沙米线似碗咖喱米线，咪睇个样好似杰挞挞，跟清汤底捞番匀，就似模似样似番啲喇沙汤，哈哈！查实，都几香嘅，而所谓海鲜，其实同上面嘅金边粉差唔多，都喺虾仁、鱿鱼仔，仲伴埋豆卜、椰菜，非常搞嘢，唔理佢正唔正宗，其实味道就唔错。热奶茶、热柠水成个多星期无叹过热奶茶，当然嚟到茶记梗喺要整返杯啦，老实讲「牛车水」啲奶茶色泽睇落就好对办，味道都算唔错，至少都够芳香先，幼滑度就争少少。再嚟试试「牛车水」，份量依然喺卖大包，虽然，佢写明喺东南亚餐厅，但睇番今日所食嘅两碗粉面，都有唔正宗之嫌，不过，味道就唔错，地方大，算好坐， 单纯嚟医肚喺个唔错嘅选择。
继续阅读
今早路经美孚、见有牛车水餐厅，紧系要入内食个早餐先😊因为以前深水埗都有分店😊后来分店结业就再没光顾！早餐：热奶茶正正常常三文治餐芝士火腿治新鲜方包👍自选双拼早餐鸡扒拼双烚蛋配汤通粉跟餐包早餐总括：食客大多数系附近老街坊，所以早餐类别都系大路早餐😅
继续阅读
牛车水餐厅点解我会称呼呢间做情怀餐厅因为作为一个美孚人由我细个已经开始帮衬牛车水餐厅餐厅经历过两次装修以前俾我嘅感觉系普遍西餐厅嘅较暗用餐环境装修后变成一间好光猛嘅餐厅餐厅名菜系马来咖哩/沙嗲串烧同海南鸡饭我个人就通常去餐厅食海南鸡饭套餐一碟鸡 一碟菜 一碗例汤 一碗鸡油饭另外仲包一杯饮品海南鸡每一次食嘅部位都唔同有时候会喺鸡翼或者鸡髀位有时候会喺鸡胸位香港人成日都话鸡有鸡味餐厅就正正做到呢一点我会称呼佢做平淡的海南鸡饭套餐如果你系无太多要求佢会满足到你嘅期望
继续阅读
我明明系叫 496号 炸鸡翼 猪仔包 沙律 下午茶餐， 黎到系 卤水鸡翼 仲要无味 肉老 鞋口 ， 问职员 点解唔系炸鸡翼 佢 仲好肯定 咁同我讲‘’ 我地餐厅得一款鸡翼 就系炸鸡翼 呢个系炸鸡翼 ‘’ 跟本完全系乱黎
继续阅读