牛角Buffet (雅蘭中心)

营业中

休息中

之前午餐去過銅鑼灣，感覺是贵而不飽，但牛肉也可以。我們亦幫襯過澳海城分店，也算OK, 於是我們去旺角牛角buffet一試，非常一般。等侯了差不多一個鍾先可入座，2位用一個爐，100分鐘任食時間有點急，我們叫了正價時段$278位的牛肉。真是一分錢一分货，有點不是味兒。本人當然唔會有太大期望。事實也是如此。D肉上枱時還是结冰般實。雖然order很快到，但選擇不多，好多肉燒完後,“柴皮”,吃不下，唯獨是牛舌叫做好D D。當然不可以一既而論，質素有進步空間，但真的沒有再次幫襯的心情。服務算OK, 特別埋單同last call，超快，讚。

先係門口點餐，睇黎佢都好想不停翻台。。。有樣要小心，因為店員忙既會冇比午市定食餐牌你地，我都以為只有燒肉放題，最後一問之下佢就取出，否則真係諗住轉地點食。。。飲品好多，有提子汽水，橙汁，可樂，雜果賓治，定食有飯有麵有定量烤肉，我揀左個冷麵，不過我想話佢個冷麵有d韓風。。。但係牛角應該係日式先岩!? 另外係佢有得揀60或100分鐘，即係用餐時間，而100分鐘仲會將份量加大至1.5倍，都幾多下除左主餐，仲可以出去拎沙律菜，粟米，車厘茄，泡菜，可麗餅等等既頭盤甜品都唔少野，有原味＆朱古力泡芙，Waffle，夾餅，罐頭雜果，再加埋原味＆士多啤梨味雪糕，好正。。。就算係食60分鐘$69最平既餐都可以享用咁多野，真係超值！

一行三人食dinner buffet，加左$28任飲啤酒，到2010 last order我地叫多3杯啤酒，到2040仲未來，瘦女侍應冷淡串我地話：「我見你仲有半杯，驚你地飲唔到所以無落。」我地即係在她面前飲晒叫她落，仲超串話：「你地真係飲到先好叫，飲唔到唔好叫！」真係超掃興，珍惜食物可貴，但飲唔飲到我地識衡量，公司出晒menu同promotion職員唔願跟又串客飲唔到，為左慳少少啤酒而損失客人同被bad mouth，連鎖品牌真係成日比poor frontline staff累！係咪公司想統一做promotion任飲$28但人地未飲完就唔比落？要前線同事批判客人酒量先比叫？講真，我order後成幾個字先到都飲完啦，限時再加限量？

推薦牛角定食 （其實我覺得係個 semi buffet) ，個令月內我已經食左 3 次。我唔係個頭住或者返工，基本上一有機會去旺角就會去食，次次都好滿足。For this semi-buffet. The amount of meat is fixed. But I am okay for this as I can enjoy more for other types of food. I especially like the arrangement of unlimited rice (牛角飯）。珍珠米 + 紫菜 + 蔥 + 燒汁真係好正的組合，就算無肉做餸，都可以扒成碗飯。最正係自己添，要幾多飯、幾多蔥、幾多汁自己話事，咁就整到自己最鍾意的份量了。甜品：無限量食的，puff 唔錯。多數去有原味、草莓味。有次去有抹茶味，正 ！沙律：都係無限量食的，自己夾鍾意的食材，再自己加 sauce, 有我最鍾意的胡麻醬飲品都係任飲的。我食的餐 60 分鐘、埋單八十幾，食得滿足。

第一次食牛角任食🥩🥩🥩同友人約左5:30到 貪佢第一輪唔洗點等嘛100分鐘任食 原來時間好快就過因為又要燒又要食又要拎野我地簡左LV2~~ 友人簡的~燒牛舌 牛肉最好 👍🏻👍🏻快熟又好味平時食牛角一碟得幾片而家任食喎😛😛😛仲唔狂食仲可以出面拎啲生菜包住黎食感覺清啲 又可以食多啲菜五花腩👍🏻👍🏻 夾生菜又係一流仲叫左支豆 不過麻麻地 好細條 無豆食😣雞肉可以但雞翼就唔好叫了 無味之餘仲要燒好耐 嘥位 嘥時間甜品嘅雪糕同泡芙 都好味話咁快就100分鐘了 倚？ 牛角飯呢？竟然無食到牛角飯 嗚嗚😫Overall 食肉獸可以一試😋記得要有效率咁燒😛😛返到屋企感覺都無好大浸味👍🏻去食燒烤類最怕就係咁

之前先訂座位， 諗住見識一下咁多報紙都賣嘅 牛角buffet係點。 一入到去，內部裝修都幾靚， 嗰個自助bat檯都算有啲嘢食。 肉質都幾好，上菜速度都幾快。整體而言，以$300-400嘅價錢都幾正。

又再次來到這間牛角Buffet, 今次一行十多人無得坐房，坐了食物自取處附近長枱，冷氣非常凍，怕凍記得帶外套。我們選了60分鐘自助餐，肉只有一份，其他蔬菜、沙律、牛角飯、湯、甜品、前菜、飲品任取。由於時間有限，對於食開嘅我們，一入坐就各自取食物爭取時間。選餐有A~E餐，價錢由$79~119,另收加一，由於我們有會員卡，等於免收加一。由於我係牛魔王，頭一、兩次來我都選E餐(牛肋肉及骨附牛肋肉),其實兩種肉差不多，只在於有、無骨，又無乜特濃牛味，見朋友叫C餐好似也不錯，今次我試了C餐(腹胸肉及肩脊肉)原味，味道不錯有牛味，肉質又嫩，仲要平$20,自稱牛魔王可以一試。朋友們有的叫了大腸，佢地話好正，將啲肥油迫出來，好脆好正。有的每次都叫牛脷，應該唔錯。有個叫了豚腩肉非常後悔，由於舊肉肥膏大多，好似無肉咁，放上爐好快已燒燶，唯有犧牲舊肉當開爐肥油。順帶一提，爐火開2號，燒出來食物剛好，這是我食了多次經驗。外面自取食物，沙律菜很新鮮有生菜、蕃茄、粟米、青瓜等，前菜有豆腐、冷麵、泡菜等，蔬菜有冬姑、鷄肶姑、洋蔥、熟薯仔等，湯有昆布湯及辣味湯。甜品有pancake、泡芙、朱古力格仔餅(放上爐燒脆，簡

一開始新開張嘅時候已經係好熱鬧，基本上要喺七點之前入座都已經要等一輪好耐有位，所以好耐好耐好耐都冇去試，終於今日要去旺角買嘢所以就去咗牛角試buffet。未夠六點鐘就去到起初以為都冇乜人，但係攞完飛之後都要等多五至10分鐘先有位。入座前要喺reception嗰度揀好咗你要邊個餐（lv）先，跟住然後先入座。佢個餐就有五個唔同嘅lv，依家先上來講除咗lv5之外，其他都係相差$50至$100。驗資係個Staff想有多啲生意定係真係啦佢不斷推介第三級（$298），但其實我自己覺得第二個同第三個又唔係差得遠只不過係多咗其他嘅食材，如果你哋想試吓嘅話都可以選第三級。而我就簡左第二級（$248），入咗左之後就會開始計有100分鐘食其實時間來講都唔係算好夠，因為其實要燒肉嘅話都要一定時間，而佢最好嘅就係落單唔係用紙樂意係用iPad落，不過每次落單只可以叫10樣，咁當然可以落完再落啦。嘢食來講每一次都唔同質素嘅一開始嘅時候有比較凍，啲牛好似仲未解凍而其他嗰啲雞或者豬就一般般，雖然話佢啲有嘅日本燒肉放題來講都係比較高質但係如果係100分鐘之內要食又唔係話真係可以食到好飽。如果齋食嗰啲牛嘅話都價錢都叫合理嘅

一個月食左兩次，係中午時段去食無咩人，食得舒適，食物新鮮好味。選level 2 以上扺d因為可以食埋level 1的食物。得100分鐘，所以要燒得快同埋食得快，因為如果燒得慢。。。就無得食多d野，食物種類ok 有牛角飯任食，又有汔水任飲，仲有沙律任食，正!!!!!服務尚可，大部份員工很好人地方寛闊，舒適，可惜是限時100分鐘

今日係普通返工日子嘅星期一。我同 fds 目標係1930入座。我地兩星期前打電話訂位已經去到8月中後才有得 book。於是我地一定要 walk in！我地諗過唔同方法，分頭行動。(1) 我1815去到攞飛。B52... 門口嗰個職員好好，問我齊人未，仲提我得番3張枱，唔入就1930都未必入到，前面有30張飛等緊1930入。咁我企咗大約1分鐘，睇住d人入，就 full 咗喇。嗰個職員又再好好人咁叫我行下街先，1930再返嚟。咁我去行下先啦。(2) 我其中一個 fd 係會員，用 App 1745 攞飛，B49。(3) 我地全部人1915到齊，勁多人等，門口嗰個職員已經不停叫號碼。嗰d金會員嚟到等一張枱就入喇，所以我明白點解職員提醒1930都未必有枱。成為會員食 $12,000 就有金會籍。眼見由1915開始d客人不停離開喇，即係第1 round大約1700嘅客人離坐。最後，我地用 B49 大約1932入座，食 Level 2。張單有寫明幾點離坐，好清楚！食曬繼續有賞，可以換優惠卡。不過眼見附近3枱夠時間離坐都食剩唔少嘢... 用 iPad 單嘢，不過雙數上，我地5個人會有人無得食，我地又唔

由於去日本食過牛角，所以一直都覺得牛角好好味的，所以今次牛角推出放題，就去試一試佢。一上到去好多人，bk左位都要等一陣，因為平時牛角都貴所以見到有放題就好多人去食。我地揀左248（好似係，唔記得了）但d肉真係麻麻地，同日本真係差太遠啦，唔知係咪因為放題既緣故，覺得d肉全部都好差，唯一有一兩舊肉係好味既，但只有兩舊😞其他個d牛真係全部都麻麻，食返豬頸肉呢d就實無死啦😂所以最後都唔係食得好多牛，只可以講牛角要去日本食先好味

今日同朋友慶生。壽星女話鐘意食牛角仲提議試下牛角放題~~上網搵話好難book位，好彩一打就訂到。準時12:30去到... 係門口就會問你揀邊個level同幾多分鐘..當下load左一load..🤡因爲完全唔知5個level有咩分別(建議大家去前可以去OPENRICE望定有咩唔同).. 係好急情況下我地揀左Level 2..一坐低好快就送左3個Level 2 嘅肉比我地..朋友出左去夾沙律同泡菜.. 沙律菜都夠新鮮..朋友不斷推介牛舌..頭3盤牛舌係幾好食...但之後點嘅牛舌都偏厚同韌...豬腩肉同豬頸肉反而又幾好食頭半段好似唔係好夠火力..啲肉燒好耐先熟...尤其係啲雞.....朋友一望先發現只係開左中火.....為左加快速度可以有時間食甜品我地決定加大個火..最終係密密食嘅大前題下...100分鐘內都食得哂啲野..仲有時間食番個雪糕..朋友話普通牛角好食啲...等我下次去試下先

牛角buffet 宣傳功夫實在做得非常好令人排幾小時都肯去食包括我在內 7點拎飛 打算9點都無就食其他因為旺角其實仲有好多好野食根本無必要比幾百蚊去食 除非真係好好味但等到9點時 只差20個咁無可能吾等啦掛所以無耐性真係吾好等 同埋吾好以為等一小時就完係要等3小時架！所以買少少野食填下肚再等吾會早到比你 睇番其他食評都係寫等左三小時 其實搭正三小時有位 都明咩事既 不過認真想試既 咪預足佢三小時lo 吾會有錯既食物質素方面 有圖有真相前菜既 就自己出面拎咁都有足夠既選擇吾洗我寫都知 佢無乜特別奄過得鹽而質素方面 脂肪比例吾夠均勻 食落有少少濟反而件魚非常好食無牛咁油同埋佢d菜類 其實都吾錯金菇 粟米 等等 都做得幾好個爐就同一般分店一樣 都係咁燒環境方面 油煙味偏重 抽風系統好似吾係咁完善冷氣又偏大 好易足凍d食物 凍左又吾好食總括黎講 性價比高吾高 就真係見人見智 睇你食開咩口味同中意食咩

以前食牛角，就住食，因為覺得貴，見到有buffet, 終於有機會試。上網已經見好多人提醒一定要download定佢個apps拎飛先，7:15分拎，見到仲有一百張籌，一心諗住「無事GEI，可能好多人拎左飛見咁多人等唔等呢」，所以就走左去附近行下。行到8:30，只係叫左40張，仲有成60張，但已經行到好攰，所以去左鋪頭門口等。嘩，人山人海。最終等到9:45 先有得人座，有埋個夜割優惠。人座時已經會問你揀咩Level, 我地揀左level 2。其實個場仲有好多位，不過可能唔夠人手執野，所以入座要等好耐。因為好肚餓，所以朋友用ipad 點餐果陣我已經急不及待出去沙律吧拎野食，飲料同醬料。飲左個湯，野食就到。先燒和牛粒、肩、同舌。好"UN"咬唔開，以為未熟，但之後一直燒都係好難咬。反而豬頸肉同雞好食，D肉滑，又有味。而最好味係D菇，夠哂熱又有味。海鮮得斑塊同青口，斑塊都OK, 燒完都仲有鮮味。最後仲可以去拎雪糕食。整體覺得牛質素唔太好，唔知係因為我地叫LV2的關係，定因為變左BUFFET控制成本的關係了。

如果大家真係想食旺角嘅牛角放題建議你哋六點好去攞飛因為真係勁勁勁多人攞完飛去附近行吓再返嚟！因為攞定飛等左一陣就可以入座，入左錢會叫你揀好你想要邊一隻放題 而我就揀咗第四級澳洲M9和牛放題但其實90分鐘真係唔係好夠 大家入到去記得把握時間用iPad點菜同出去自助吧攞沙律🥗 其他日式小食或者甜品 嘢飲種類亦都好多而我就揀咗蘋果汁！一坐低 職員會送上一個牛豬雞拼盤 再等一陣就會上你係iPad叫嘅食物第四級有帶子有大蝦 呢兩款同平時單點食嘅質素一樣！ 上面兩張圖就係澳洲厚切 牛肉粒 肩脊肉 腹胸肉 不過好似有啲難笑要小心控制火嘅大細 小心過熟！ 第四級仲有魷魚 大到長過塊面 我最鍾意就係食 魷魚鬚 正最後要趕住食個軟雪糕就夠鐘要走啦