牛角次男坊 (荃灣廣場)

营业中

休息中

早排排蘇媽既時候，聞到後面一大陣燒肉味，忍唔住過左一個星期就去試🌚 特上次男丼定食🐂賤外無牛不歡，要試就試最貴既🙂 好似個牛火山咁，啲牛又真係入口即溶喎，牛有燒過既味，以佢百零蚊既價錢食到呢個level都算值😆 初初以為咁少飯會唔飽，點知食大半就濟🤪豚肉丼🐖窮撚唔捨得食貴飯，揀左個最平既豬飯食，唔好以為平就唔好食🤫我覺得佢有啲好食過牛，口感紮實啲，有咬口，但唔un，一咬就開，無肥膏，個人黎講就buy呢個又平又好食既丼多d啦😌店名：牛角次男坊 地址：荃灣大壩街4-30號荃灣廣場1樓112B-113號舖

牛角次男坊丼飯💕💕本身都好中意食牛角既牛角飯大量既紫菜+燒肉汁+溫泉蛋😍😍.次男坊就唔洗自己燒肉，有好幾款肉丼飯揀😋😋#牛角次男坊丼 $88燒肉砌成一個山咁🤣勁吸引啲牛肉對我黎講有啲多呀🤣🤣次次食唔晒啲牛😂🤣中間就係一大堆芽菜🥬有4片紫菜，包住飯食又得，就咁食又得🥰牛肉燒得好香又有口感，牛味濃郁每一片肉都好大片，帶少少油脂，所以食落唔會好靱，都幾軟腍🐮醬汁偏濃味，甜甜地亦好惹味，不過愈食就有啲膩，飲番解茶就岩晒🍵.有次我揀左#特上牛角次男坊丼 $128我覺得上面個款仲好食啲可能呢款牛肉冇咁肥所以食落就乾身少少😆😆.📸 #牛角次男坊地址：荃灣大壩街4-30號荃灣廣場1樓112B-113號舖.

最近好想食燒肉飯，但依家6pm後就無得堂食，唯有買外賣返屋企啦，雖然唔係堂食，但一樣好食😋外賣碗幾得意，好似獎杯🏆😂 燒牛肉燒得岩岩好，食落去有一陣炭燒味🔥🤤，肉汁好Juice，配合醬汁好惹味👍🏻 飯份量足夠，但牛肉再多啲較好，因底部放得太多芽菜，誤以為有好多牛肉😅

今日同屋企人行荃灣廣場，行到夜晚經過牛角次男坊。見到啲餐幾抵，所以就諗住去試下我地叫咗個豚肉丼、燒牛丼同雞扒丼，都要等一陣嘅。等咗陣我哋佢門口放咗好多個餐，所以諗住問吓職員，我哋個餐得未，第一次職員回覆未得，態度都正常嘅。後尾我哋聽到好多餐號後過我哋嘅都拎得，所以再問吓職員點解我哋仲未有。點知另一個職員同我哋講：「得嘅職員會叫你哋，頭先職員同咗你講等幾多分鐘呀？」 我同屋企人都好嬲，我哋俾錢買嘢食，我哋係客人，唔係用咁嘅態度回應問題掛？ 除咗我哋之外，我哋等緊嘅途中都聽到有個職員同個客講：「我哋已經有2個師傅服侍緊你㗎啦！」員工態度差劣，唔會再有下次幫襯。

你會唔會有時好想食燒肉，但係又唔想燒到周身都係味，又唔想太貴呢？ 今日約朋友仔一齊試新野。 有驚喜喎真係估唔到 ，食物賣相好好， 非常之適合影相打卡，女仔嚟講一碗已經好飽。我食嘅係牛肉 ，有少少根，但係味道濃郁， 牛肉下面有大量炒過嘅芽菜， 再下面就係紫菜飯，正！ 食飽飽飲茶消滯，滿足的午餐P. S. 朋友食嗰個係豬腩肉， 佢話入口即溶。 我怕肥真係唔敢試豬腩 為食嘅我迫佢比左半隻半熟蛋來試下， 係我鍾意食嘅味道 ，yummy.

疫情之下宜家夜晚無左堂食 夜晚除左做個乖寶寶食媽媽飯之外, 就係叫返個外賣返屋企食了~ 咁岩行過牛角次男坊竟然見到佢做緊外賣75折~!! 價錢實在太吸引了吧~!!!1️⃣牛角燒肉丼 💰$59 > 💰$44.25燒肉份量都幾多, 厚度適中唔會太薄, 每一塊都燒得好香, 少部分仲燒到有d焦脆邊邊添~~ 肉質幾唔錯, 略微多左ddd根XP燒肉同飯中間放左好多芽菜同紫菜啖啖飯除左紫菜之外仲有好香既燒肉汁同燒肉香味添呀~ 係好懷念既味道T.T 太好味了~! 原諒我太耐無食燒肉了><可能價錢真係幾吸引, 排隊既人真係好多>< 最後比我發現可以網上落單XD 可以搵返上面張圖掃下個QR Code👆🏻 同埋記住預鬆ddd時間, 外賣太多所以出餐會等耐少少🤏🏻😉

晚市無得堂食咁唯有叫外賣啦，係荃灣，依間日本野真係好多人排隊買外賣，我叫完都等左20分鐘先有得拎，但係食完之後就覺得係值得等既！個豚丼一開盒就好香啦！一黎就叫到好多豚肉係入面！真係好豐富！之後中間隻溫泉玉子又係岩岩好！咁成個飯撈黎食，加埋佢啲汁，成個飯真係即刻唔同哂，好好食！啲豚肉又唔會太肥，食落口好juicy好好食！佢外賣又有折，用openrice用支付寶比又平多1%，所以加加埋埋真係好抵食！之後等我試埋佢其他飯先🤤

呢間野顧名思義就係牛角個friend啦，如果想食燒肉唔想自己燒，自己一個食又怕尷尬，就可以搵佢喇～​.​每個定食都會跟一碟前菜，酸酸地幾開胃，仲包飲品或味增湯，飲品方面有各式汽水同茶選擇，上菜嘅時候會先用一個膠蓋冚住，放到你面前先拎走，如果唔夠燒肉汁嘅話，可以出去佢哋個自助吧自己拎，牛角飯迷嘅你加幾多牛角秘製燒肉汁都得啊～🤣.​🐷豚肉丼定食（$78）​呢個睇落冇餐牌上面嘅肉咁多有啲失望，但食完唔會唔夠飽，豬肉方面覺得有少少韌，都算有豬嘅油香，燒肉好快會凍哂，所以建議快啲食。​好食程度：🌕🌕🌕🌖🌑.​🐮燒鹽麴牛舌定食（$68）​呢個係冇溫泉蛋嘅，但係食牛角飯，點可以冇溫泉蛋，所以就加咗$12加🥚，濃郁嘅蛋香撈埋紫菜、飯同佢哋嘅秘製醬汁超正～ 講返佢個牛舌，切得好薄，有濃郁嘅牛香，燒得啱啱好，唔會韌，仲可以見到啱啱好medium嘅粉紅色。​好食程度：🌕🌕🌕🌕🌘.​📍牛角次男坊​荃灣廣埸112B - 113號舖​東涌東薈城名店倉7樓706號舖​

疫情下大家都捱得好辛苦，獎勵下勤奮工作嘅自己，晚餐就食豪少少，叫個極上牛肉飯啦OpenRice 外賣自取有折，依家唔試得幾時？落單後由公司行去拎，時間剛剛好，唔駛等就有得拎忍唔住食左兩啖先記得影相熊本玉名牛咁上下名啦，唔太記得外賣都好，好香好有牛味，而且唔「um」飯量因為叫左多飯嘅關係，所以都足夠飽，比起豚丼飽啦最少順帶一提，要餐具要+$2，拎外賣時記得睇一睇呀，有同事試過拎到返公司準備開餐先發現店家冇俾到餐具又收左$2

疫情下大家都都無得堂食晚餐，係荃灣又想食dinner,見到依間既外賣有折又多人等，又好似好大份咁，所以就試下啦。叫左個牛角次男坊丼定食，有折，所以都係$66咋！一番到屋企開左發現佢真係好大碗，又勁香，食落口好彩仲夠熱，個賣相本身都已經贏哂，入口個味仲正！啲汁撈飯好好食！牛又多，又唔太肥，又唔老，好易入口！$66真係超值！仲要包左支野飲！下次我好想試佢個鹽既牛脷飯，依間真係好好食，最好係你可以app落單，之後周圍行下先番黎拎！

咁啱星期六去行街，個friend話想食呢間黃店💛我哋兩個嗌左豚肉丼定食同埋牛角丼配蟹肉沙律定食，個汁唔錯~甜甜鹹鹹，啲肉都好Juice👍🏻，個前菜酸酸甜甜好開胃啲服務員有笑容，好有耐性解答問題，會有下次

身為飯怪，真係好鍾意食丼飯🍚🌟有時唔想花太多時間排小店，都會揀黃商連鎖店幫襯下～❤️好似牛角次男坊，大件夾抵食，就係我至愛～！😍牛角次男坊真係大件夾抵食，飯怪好去處！餐廳夠大，幾好坐。佢哋嘅牛肉片燒製過，脆脆地，好香口。呢度主打即叫即燒燒肉丼，以肉類份量多見稱，官網聲稱每碗有16cm高！雖然食食下，發覺中間夾有芽菜😏但目測肉片量都約有8-12片，份量都算對得住個價錢，相信大食啲嘅朋友都夠飽！另外，佢哋飯底係用日本產越光米（我至愛！），粒粒飽滿香糯，撈埋佢哋嘅自家製燒肉汁嚟食，成件事真係超滿足！😆呢個燒牛肉丼，幾乎係我每次嘅必點之選！我鍾意佢哋嘅牛肉片，火喉燒得剛剛好，脆脆地得嚟唔會乾柴。肉片油脂適中，唔會食上口一嘴油，而且肉味幾濃，整體味道唔錯。佢哋嘅燒肉汁，質感比較濃郁，甘甘甜甜，食上去幾重柚子香，幾襯燒肉，惹味得嚟又解膩。平時食開燒牛肉丼，今次就貪心啲，試埋穴子＋燒牛雙拼～～呢個飯係視覺上都幾誇張，喺富士山般嘅燒牛丼上，再加原條穴子！燒牛肉就不重複講～坦白說條穴子認真麻麻，燒得唔夠香，同埋唔知係咪我影相耐，食到條穴子有少少腥味...😰樣就夠浮誇，不過實在唔算好食，我諗我下回都係叫返普

本身落街諗住自己整丼飯，但係經過牛角次男坊見到外賣自取有75折，計返一個飯先40蚊左右，但去超市買盒肉都要40幾，最後決定外賣算數😂本身都有啲驚佢係圖片只供參考，會得好少，但又唔係咼。叫得最平呢款牛丼，就梗係唔期望啲牛會好正，但都比想像中好食，賣相都keep到堂食咁，最緊要係夠食😂不過得嘅就用apps叫左先，因為比較多人外賣，我就等左近半個鐘。但真係抵食嘅。

位於荃灣廣場的牛角次男坊，之前夜晚去，都排左陣隊先入得，不過係值既！排得咁辛苦，緊係要叫最豪華既試😌..🔥牛角次男坊丼配生海膽-(火炙)呢個睇相都知不得了🤤 滿滿的牛肉山，再加一板海膽！幸福，就是那片牛肉的juicy，加上蔥香，再來一口牛肉汁的日本米飯，再呷多一口新鮮的海膽，我已經飛上天了😇..🔥燒鹽麴牛舌丼繼續幸福的味道😭牛舌大大塊，煎得很香，肉質軟，入口即溶，那陣肉香在口腔裡不斷飄揚，久久都未能散去..🔥豚肉丼 (西班牙豚肉)轉個角落，繼續幸福的味道🤩 豚肉很嫩滑，大大的溫泉蛋，一刀下去，蛋汁溢出，拌著蔥花的油香，流到日本米飯粒上，又再次升天了😇..真係難怪咁多人排隊，實力之選💯無得輸！睇完相我又想食啦😭😍.

星期六下午經過牛角次男坊，見到外賣自取有優惠，本身外賣餐牌已經平過堂食，而家額外再有七五折，我喺OpenRice Apps度落order用支付寶俾錢再多1%折扣。外賣自取牛角次男坊丼78元折實後58元落order後10分鐘就有得攞，佢哋都好有心思，紫菜分開上，個碗有靚，碗蓋係拱起嘅，返到屋企都可以還原番堂食嘅樣貌，未食睇到都開心呀食埋之後佢嘅牛肉好似肥牛咁嘅樣，薄薄地，牛肉有焦香，白飯香軟，冇嗌錯呢個外賣，真係好好好好味呀