牛角次男坊 (荃灣廣場)

营业中

休息中

牛角既肉到底有幾好食，相信都唔使我多講，淨係見到餐廳面前嘅人龍，就已經知道呢間餐廳有幾咁好食，食完之後果然冇令我失望。今次叫咗佢貴少少嘅牛肉飯，牛肉嘅油香味再加埋肉嘅質感唔會太鞋，同埋大量嘅牛肉，滿足晒我呢個牛魔王嘅所有願望呀。而且牛肉汁亦都唔會太鹹，配合埋牛肉飯一齊食簡直令到牛肉變得更加好食。值得一讚嘅係，佢嘅牛肉唔會太肥膩，如果係關注體重嘅人士絕對啱食，同埋呢間舖頭嘅都有唔同嘅小食選擇，我揀咗佢嘅湯煮野菜，一啖牛肉，一啖菜，感覺上可能比較健康掛，哈哈！

牛角飯+溫泉蛋$33+12=$45牛角飯即係紫菜和少量大蔥幼絲、芝麻蓋飯（唔肯定有冇醬油，因為加咗隻浸住醬油嘅溫泉蛋落去），紫菜味極香，加咗溫泉蛋，蛋黃蛋白醬油拌匀，飯粒口感黏稠但唔漿口，唔係好覺蛋香，整體有醬油嘅甜酸同大蔥嘅辛，就係唔係好覺蛋味。食完飲兩杯水清清味蕾，甜膩感沒有了，但大蔥味就揮之不去。牛舌飯牛舌薄切，一整片細嚼有牛味甘香不油膩。王后覺得飯入面嘅大蔥絲太刺激，而且味道久久不散，牛舌有𡁻勁但痴牙。牛肉飯定食牛肉疊成山狀，打卡用一流。牛肉下面有不少芽菜，中火軟腍牛肉嘅肥膩感，王上食曬係大滿足。對公主同王后嚟講可能就係膩。豚肉飯定食王子相當滿意，認為比起食牛角燒唔洗親力親為更方便，而肉類質素沒有差。定食就是$6的沙律和味噌湯

一早預約外賣20:00有得羅！我去到問職員，同埋app亦提醒我已經可以取貨。但20:00去到，職員同我講未有得羅，之後我話個app都顯示有得羅。職員回覆我話係個app自動跳咗去可取單，唔關佢事。再企係門口等候既時間，有另一個職員出嚟同在場差不多30人講話「未煲好飯」，所以未有外賣羅，建議在場等候人士去行下街先。最後我20:20先羅到餐。真係攪笑，一間食肆竟然出現未「煲好飯」既情況出現。該店職員係唔係諗住18:00之後禁堂食應該冇咩人叫外賣就唔煲定飯？在場人士全部等到發脾氣！

成日經過荃灣廣場都見到呢間巨型牛肉飯，又聽男朋友講佢啲牛肉飯好好食，想試好耐，終於有機會食到🤤我叫左次男坊丼定食，望落啲牛肉成座山咁，原來底個啲全部都係芽菜😂。不過咁多肉，有番啲芽菜中和下個肥膩感都好。雖然牛肉塊數唔多，但塊塊都好大塊，食落好淋滑，唔嚡。個碗望落好深，但原來內籠好淺，所以飯嘅份量唔多，女仔自己可以食得哂一個😎另外叫左個豚肉丼。我自己覺得啲豬肉好食過牛肉🤣仲要有粒蛋蛋可以撈飯食最抵讚係，每個定食都有枝細枝裝纖解茶送，真係解哂肥膩😌

本身唔係唸住食呢間，但晚上無奈無乜店有開，所以見到佢仲可以買外賣就決定食啦！因為就到閂店時間，所以用光速去選晚餐食咩好～🐷牛⃝ 角⃝ 燒⃝ 肉⃝ 丼⃝：即煮即拎反上車食，一開！嘩！！好香好正！份量好足夠（不論係肉量定飯量），而撈飯個汁唔係好咸帶點甜甜。呢個飯係十分推介呀，我一定會再買黎食啊！🍖牛⃝ 舌⃝ 飯⃝：份量都係十分夠啊，出奇地多呀～但個飯相對上少左dd汁，令到整身有d dry。但多蔥呢一點令我加分，因為我鍾意食蔥🌿🌿🌿

《食肉獸必食🥩》———————————————-#牛角次男坊 🍚-呢間主打丼飯嘅日式連鎖店，主打即叫即燒，無論係牛定豬肉都非常新鮮，食肉獸點樣可以唔試😍-佢哋嘅牛肉都特別燒製，零舍香口，肉汁濃郁，啱哂肉控嘅我哋😆以米飯選用左日式越光米，口感飽滿。而且碗碗都分量十足，疊到好似富士山咁高🗻-另外個人覺得豚肉都唔錯，肉質嫩滑，撈埋燒肉汁一齊食就一流，帶點微甜，識落唔會油膩👍🏻-⭐ 參考價錢︰特上次男坊丼(SRF和牛): $ 129豚肉丼：$78🍌 抵deal 指數：8/10

❀ 牛角次男坊 #荃灣 #💛 ❀❗️牛角兄弟店牛丼飯 被賣相蒙蔽了❗️——————————————————話說2020年嘅最後一餐決定食平啲😂揀咗牛角旗下嘅飯丼餐廳，主打即叫即燒嘅牛肉丼飯🐮呢間餐廳都幾多人，可能因為賣相吸引而且價錢相對算平，係燒肉版嘅吉野家。最大賣點係有啲成16 cm高嘅牛丼，仲可以加錢轉和牛同埋配海鮮🦞。喺門口櫃檯落完單就可以自己入去隨意搵位坐，大約等5至10分鐘左右就會有。.✷𝑀𝑒𝓃𝓊✷午餐會配沙律同埋嘢飲，當日嘅沙律係類似coleslaw咁，都係mayonnaise撈生菜絲🤓。.☞ 牛角次男坊丼當配穴子定食$108 升級美國SRF和牛+$41Gimmick係有成16 cm高🤨不過原來中間係用芽菜墊。加咗成$40轉和牛都好韌下。。。☹️睇圖以為配嘅係鰻魚，點知原來係星鰻。。。細條得來肉又唔肥美🙈。可取嘅係嗰燒肉汁都ok，幾入味。另外個飯都用咗珍珠米，加咗紫菜，可以再喺出面再攞燒汁，亦係佢哋另一吸引之處，有辣有唔辣選擇，不過自己就覺得個燒汁都幾酸。整體味道: 3/5 整體性價比: 3/5. ☞ 燒鹽麴牛舌丼定食$68薄切嘅牛脷，但都唔算好淋，又唔係爽口嗰種，乜牛脷嘅口感。

想讚下佢個外賣盒為左keep到堂食啲肉堆到一座山咁高嘅樣外賣盒特意做左一個鵝蛋型設計黎保持造型 因為外賣自取有七折 於是試一試叫左一個牛角次男坊丼 一個牛脷丼一打開 係滿滿嘅肉 一塊一塊焦糖色鋪滿飯頂食嘅時候感覺肉仲多過飯咁 可能始終啖啖肉好膩 如果飯嘅比例再多啲就好 宜家唔係好夠飯送至於牛肉燒得好香 好夠味 唔韌 中間嗰堆芽菜可以再好味啲雖然佢嘅存在只係為左支撐著個造型 牛脷都唔錯 配有京蔥 但我覺得牛肉飯好食啲雖然佢係牛角 但佢個飯唔太似牛角飯 可能冇左一大堆麻油紫菜如果嗰飯真係好似牛角飯咁就更加正

又係不吐不快嘅時間😤今日買咗外賣，晚上6點取，7:45開飯。整體：賣相好好，牛肉份量都幾多，並非得面嗰浸（隻溫泉蛋係自家嘅）牛肉：每塊都腌得好入味，日式偏甜嘅燒肉醬汁，大部份都無乜筋，但係有啲有筋好硬紫菜：有4片，脆度OK芽菜：牛肉下面有一堆好幼嘅芽菜墊底，不過係無味無道嘅飯：貌似日本米，但係完全無飯味，又似隔夜飯，實到一嚿嚿，究竟係咩來歷會難食成咁，如果瞇埋眼真係唔知自己食緊乜嘢囉，真係超～超～超～超難食呀！下次係咪要好似廣告咁叫「走飯」？不過下次都唔會幫襯佢喇

牛角次男坊平時好中意食牛角飯 所以見到牛角都有丼飯就決定試下🥳🥳#燒牛肉丼 疊到好高好吸引 但其實個碗中間係突起左 所以實際份量只係正常😂牛肉片不過不失 偏薄好香 燒肉汁惹味 #燒鹽麴牛舌丼定食牛舌都幾彈牙有口感加埋汁 好好食🥳個人認為好食過燒牛肉飯但兩個個飯都一般 雖然有好多汁同紫菜但同牛角飯係有分別唔知係咪兩款唔一樣嘅米我食落感覺都係牛角飯好食啲😂😂整體不過不失 成set大概80蚊左右包野飲仲有個細沙律 小貴

而家唔洗去牛角食燒肉果陣先食到牛角飯啦😂😂（我都係咁啱google search先知道）因為集團開左專食丼飯嘅餐廳 而且唔算貴 下午茶大約$40幾 lunch 定食就$70起跳🤩-📌燒鹽麴牛舌丼定食 $68首先份量同價錢係成正比～牛舌係薄切但都有8片其實幾多😌 連埋配菜一齊食仲可以解膩😋食牛角飯當然知道醬汁重要性😍 餐廳有個area 比你refill醬汁🥰🥰 確保你可以好滿足咁食牛角飯😋😋 如果有多啲分店就好啦🥳

基於疫情一直都無食過燒肉放題🍖甘岩一田感謝祭幫屋企入貨時 見到🐮牛角次男坊即排隊食塊牛角飯頂一頂癮🤤同老婆分別叫左燒鹽麴牛舌丼同次男坊丼先講牛舌丼👅未食前都會擔心牛舌根位口感會太有嚼勁但食落嚼勁適中 而且有陣油香 配埋蔥絲減膩 老婆食唒成塊都無問題 而次男坊丼實物同相片一模一樣🍚牛肉份量充足而且牛肉腌得好好味 吾捨得既情況下都分左幾塊牛肉俾老婆試😂而牛肉下係墊左芽菜 可以平衡下罪惡感因為跟餐既關係 有幾款飲品揀🧃最後揀左肥仔水 成餐就圓滿唒🎉

個日原本想排峰壽司，但遲左攞飛上openrice搵到呢間，見d相都唔錯又唔使點排隊，就一於試試佢我同女友嗌左個牛丼加穴子，另一個就係牛舌丼。我覺得價錢同份量都冇乜好投訴，80蚊左右包埋野飲仲有個細沙律，份量亦都係算好大份，料同飯都多不過質素我覺得就麻麻，肥牛係一般吉野家質素，太肥同埋都係un，反而牛舌有對比下會好d。不過如果想過下口癮食牛又要夠飽，呢間都ok既。但如果對牛肉質素有d要求，咁我建議都係食其他☺️

🥩牛角次男坊丼定食(美國草飼牛腹腩)($88)(🍚7.5/10) 推介❗️本身見到呢個牛肉丼已經俾佢既賣相吸引，日本米配埋牛角燒肉同紫菜，疊到成座富士山🗻咁高，官網話有16cm高係真嫁！牛肉加埋都有8-10片，份量相當吸引！每一塊厚薄適中，有燒過牛肉面脆脆地同好香，重點係保留到牛既味道同肉汁，既Juicy亦唔會有好油膩既感覺！飯底用日本米，不過食落偏淋唔太乾身，中間夾左好多芽菜，扣除芽菜後飯既份量偏少，對男仔黎講可能唔夠。套餐會跟前菜同飲品(解茶/可樂)，前菜係沙律菜，但好似放左好耐咁食完無開胃既感覺，總括黎講呢個價錢可以一試！

荃灣廣場其實好多野食，近日因為行過荃灣廣場某間日本時裝店，所以順便在附近的餐廳搵野食。老公食過尼間（外賣）覺得好食，所以今次帶我一齊去叫外賣。我地叫左兩碗牛肉飯，層層碟堆得好高，可惜我拎外賣返到尼，唔知幾時個飯蓋掀起左。搞到其中一個牛肉飯倒哂出尼咁跟住要處理下盒飯先啦，然後仲有另一個無事嘅。牛肉飯講返牛肉飯，單叫唔跟餐平啲。價錢合理啊！賣相我好相信堂食係會靚好多，佢個牛肉係堆砌得好高，好似日本旅的時食個啲和式餐廳咁，好吸引。咁但係我地外賣嘅話，佢都好有心思用個波球狀嘅外賣盒俾客人帶走，又可以依照返堂食咁將牛肉堆得好高。可惜我地可能當時又一抽二”能”，搭車返到屋企仲發現一個倒瀉埋，呢咁hea~味道其實好美味，日式燒汁配牛肉飯無得輸。希望疫情過後，我都好想試堂食。食佢地其他嘅餐。