牛角日本燒肉專門店 (皇室堡)

营业中

休息中

二月中旬‧晴幾天也在皇室堡內的餐廳鑽，先去的是牛角。沒話說，只要看到牆上牛隻的解構圖，也會知道這裡就是牛魔王集中地。不要說笑，有時去到日本也會吃牛角，價錢不貴而選擇又多，總是吃得滿足而回的。這一天來吃了兩款新品，燒肉五品盛內的每款肉類都有三至四塊的份量，單計價錢只是百多元，絕對是划算的。兩款牛肉略燒便可吃，加上牛脷都是以濃郁的肉味取勝。豬頸肉及雞肉則要花上長一點的時間去烤，爽脆而厚切的雞肉也嫩滑而美味。鰻魚切得厚身的鰻魚要花點耐性去燒，但肉爽而沒有什麼泥味，油份豐厚而味道甘香，意想不到的好吃。值得留意是不要燒得太熟，才能保留一份脆口口感。店子還供應「燒肉秘笈」，就是新手也沒有失敗的道理。

聽牛角就聽得多, 但真係第一次係呢間日本食網燒。因為得兩個人, 就叫左個有牛有豬有雞乜都有既盛合。（即係懶靚既名，咩都有咁解姐）牛既部份真係正！牛舌真係令我想另外叫多碟！又香又滑食到唔停口！但豬同雞就麻麻, 可能真係牛角出牛咁啦。建議大家都係點返牛仲有叫左個海鮮煎餅同沙律中和返咁油膩！可能因為太多肉, 呢到睇落唔多野, 但2個人食夠晒飽！

次次想食最後都轉食牛涮鍋，今次終於可食到。我同朋友點了一客多肉拼盤，石頭飯及多叫一客garlic牛肉。Garlic 牛肉做OK石頭飯，太濕，碗唔夠熱，冇飯蕉多肉拼盤，有牛肉(ok), 牛舌 ( 薄左d), 雞肉(正常),  整體ok,唔太突出，不過份量少，啲肉又冇yip過又唔係特別鮮味，呢個價錢有啲唔值。加上有啲逼，同好多細路仔，有啲吵鬧。

試過食幾次食牛角，我自己黎講我都幾鐘意牛角，價錢，服務同埋質素都係好，冇咩特別可以挑剔唯一就係佢只係有4人枱，如果多人就要迫埋一張枱或者隔好遠分枱，上次我地５個肥人去食就出現左依個問題喇～不過除左依樣只外其他都好好！今次2個人去食，分別叫左黑糖牛油蕃薯，厚燒牛利，王樣豆腐，鴨胸同埋拼盤。點完菜後，每一次都會有員工細心介紹幾款醬汁同埋夾既用途，如果見你電話放枱面都會主動俾一個透明膠套入住，無論幾爆場依個都係指定動作，公司訓練好好!!!燒肉途中因為我地冇叫野飲，都不停咁飲水，不過佢地KEEP住加水速度都係神級,基本上我個杯都冇咩點缺過水!兩個人埋單大概$400左右，價錢適中!會再幫襯!

平靚正。我通常响v city 食，今次係第一次响銅鑼灣食牛角。真奇怪，不論食物質素，裝修，服務都係銅鑼灣勝。D牛肉比屯門多30%, 又厚又大。調味料又落得比屯門多。這裏的牛肋肉,牛胸腹和牛舌, 不論色澤, 賣相, 大小, 厚道等等...都比屯門分店好.調味方面選了用鹽醬, 他們下醬料時不會馬夫, 每件肉都沾上了鹽醬, 燒起上來特別香口.服務又快，又不用等位.真心推薦。

燒肉拼盤 $168牛角飯 $22單叫牛肉/牛舌(每碟$55)豚肉$42每人$182(好食指數: 7.5/10)燒肉拼盤有幾款牛肉，包括牛肋肉，薄牛舌，腹胸肉，豬頸肉，雞肉。單叫推介厚牛舌，比薄既有口感。牛風飯加上燒汁和紫菜，配上燒肉一流，好好味甜品叫左銅鑼燒$25，兩面烤15秒，脆脆地，入面夾了綠茶雪糕和紅豆。

第一次在這裡晚飯, 等候了大約15分鐘, 點了骨膠源沙律:主要是生菜和昆布,亦有一粒粒透明啫喱狀的骨膠身和牛肋骨:燒熟了後充滿肉汁,軟腍好味牛舌:不堅韌,有口感而嫰滑海鮮拼盤:有蝦, 魚肉, 帶子, 青口, 蠔和一些配菜; 蝦肉結實彈牙; 魚肉用汁燴了, 更入味; 帶子肉一梳梳; 青口有海水味, 十分新鮮; 蠔配了牛油, 吃得更津津有味; 但反而配菜很難燒, 容易燒燶石窩飯: 是韓式的石窩飯, 有泡菜, 很有新鮮感餐廳的整體服務安排細心, 服務員佩帶口罩, 而且餐桌有一張介紹烹調食物時間的單張, 十分細心!

去牛角食過咁多次dinner，基本上未試過有一次喺冇book枱既情況下可以walk-in直入。不過，可能係因為weekdays既關係，今次等左大概半個鐘到就有位。同其他分店一樣，餐廳抽風做得非常好，裏面絕對聞唔到油煙味，侍應亦都十分細心，喺落單既時候提醒大約需要既等候時間同埋枱上各種調味料既用法。石鍋泡菜牛肉飯($62)︰上枱既時候熱辣辣，D湯重係boiling temparture咁非常正！泡菜既肉味同埋D湯飯撈埋一齊放入口食既味道非常特別，有少少酸辣湯既口感之餘亦都食到白飯煙韌既口感，好特別。不過，可能因為放左喺石鍋裏面太耐既關係，D牛肉食到尾段既時候好似有少少overcooked咁，「鞋sap sap」之餘亦都過老，下次再食既時候一定要先拎起，咁肉質應該會好好多！牛角冷麵($62)︰湯底酸酸「mei mei」，非常特別，絕對係開胃之選，可以中和返食肉果種感覺。溫泉蛋同埋泡菜都煮到啱啱好，就算凍左都唔會有種好奇怪既感覺。麵身方面，雖然雪凍左，但都仲食到少少煙韌既感覺，口感一流。主角牛肉雖然好似typical既街邊火腿感覺，冇乜特別，但係要盛讚D配料青瓜，因為當佢撈左落個湯之後真係十

在門口心大心細要唔要入來之際，女侍應好有禮貌地請我地入來。點了杯桃子味骨膠原特飲，水果味濃，甜甜酸酸好易入口，好味。拉面熱辣辣，又 滑又彈，但真要趁熱食，否則一會兒就吸哂D水份了。

友人替我提早慶祝生日，讓我來選我愛吃的。我也沒特別想要吃些什麼，不過上次與友人吃過 "牛角日本燒肉專門店" 她頻讚好嘛，而我也覺得這店的肉真是美味得很，於是我們又再到銅鑼灣店 encore 嚕！我分別試過 "牛角日本燒肉專門店" 的三間分店，包括：旺角，德福和銅鑼灣。銅鑼灣店是給我感覺最好的店，他們的接待員或是店舖內的職員們也很熱誠和有禮貌，經常面帶笑容令人感覺很親和。醬料介紹清晰，傳送食物的男職員也很清楚說明肉類的燒法。在下單時我問了入會做會員的手續，入會費是 HK$200，會籍至到今年年底。我沒有參加，感覺現在已差不多五月下旬才入會的話好像有點不划算哦！我和友人二人點了一個牛角飯 (HK$22，漲價了，之前是 HK$19的。我忘記替這個拍照呀！) 和六個燒物：1) 黑糖牛油蕃薯 (HK$42) ~蕃薯被輕輕烤熱外層，暖暖的、甜甜的蕃薯混和熔化了的牛油，這個我真是大愛，美味得無話可說！2) 蛋黃醬海老 (HK$52) ~ 我們原先想要塩味牛油帶子，不過已售罄了。之前幾次也有吃這個海老，今次有點不同是前幾次的蝦比今次的細小但隻數多，今次的蝦就比上幾次量少一些，不過大一點而且連著蝦尾。

原本打算去sogo 食飯，點知突然間男朋友仔又話想食牛角，哈哈，當然冇問題啦，但等了一個鐘才有位。因為限時1個半鐘，所以等候的期間已經諗好食咩。環境真的很好，一點也沒有燒肉味，不會令人覺得臭臭的，雖然這是基本的，但不是間間做到啊! 哈哈，這也是我再次食牛角的原因。 2個人坐卡位，好闊落，正!!待應先介紹桌上的醬汁，有蒜鹽(白色個樽)，燒汁醬(中間)，辣醬(我覺得唔辣的)。我地選了燒肉五品盛合，有牛角上級牛肋肉，腹胸肉，牛舌，雞腿肉，豬頸肉，粟米和冬菇。另外再加了一份上級牛肋肉，泡菜蘿蔔，石鍋泡菜牛肉飯(附昆布湯)。上級牛肋肉 (中間)--牛味濃，肉質鮮嫩，紋路清晰，油脂分佈算平均，有咬口另加的一份上級牛肋肉要了鹽醬，所以不用沾任何醬料已經好好味腹胸肉 (最深色的)--肉質比較稔，肥瘦均勻，肉味濃郁，我自己最喜歡呢種牛舌 (圓圓的)-- 薄身，但彈性，也没有筋，是我少數在餐廳會選擇的食物。雞腿肉—肉嫩滑，不肥，先燒雞皮，不易燶，雖然唔覺有咩特別調味，但都不錯豬頸肉-- 厚薄適中，肉質爽，配蒜鹽最正粟米-- 超甜，好正，原本想叫一碟粟米，但怕會食唔岩做成浪費，所以放棄了。冬菇-- 都超好味

星期日18h40到達，都要等四十分鐘先入得去，證明人氣高企！都有d期待，畢竟係單點而且價錢吾算便宜，七點半終於入到去， 有卡位坐，位置舒適夠大又夠私隱，店員蹲低落單快速簡介醬汁，我地叫左菜拼盤，肉拼盤，麻油蒜頭，海鮮煎餅，冷面，牛角飯，牛角雪糕最後上，雖然知食日式燒烤吾應該叫韓食，但真係好失望，冷面連最基本的雪梨都無片，個湯汁好杰，而煎餅好粉味，海鮮得幾粒，菜拼盤好普通，最後只有雪糕同牛肉不錯，兩個人食左440，服務ok，但食物吾得，我吾明點解一間以燒野食做主打的店個燒汁可以做得咁普通都夠贍講到咁pro？

遊曰的時候，因有太多選擇，反而沒有光顧過牛角。在港，台吃過盛八，伊呂波及乾杯後，才愛上曰式燒肉，貪其調味較合口味，也較多花款。現會不時輪流吃不同曰式燒肉店，牛角是其中一間。燒肉店通常會供應不同的酒精飲品，本人不好杯中物，至愛反而是原味乳酸梳打，清爽醒胃，和燒肉至夾。沙律也是必點，能平衡肉食為主的燒烤。這道BLT凱撒沙律，用料簡單，拌勻起來，卻出奇地好吃，火腿咸香，生菜爽口，麵包粒香脆，蕃茄清甜，雞蛋香濃，每口都充滿着豐富的味道及質感。接著，主角出埸，燒汁牛胸腹，甜甜的，有果香，肥瘦均勻，故不易燒乾，入口仍肉汁充沛。塩味牛油帶子，size不大，但約有七，八粒，用鐵板上的，這樣便不會讓溶化了的牛油及葱粒，全流入燒爐中。帶子算爽口，是大人細路也會喜愛的。薄切香葱牛舌也算容易掌握火候，每邊燒5秒，便剛好，咬下去有彈性，也没有筋，點塩醬吃更有提鮮作用。也點了雞腿肉，先燒雞皮一面，然後才反，便不會太黏網，肉質算嫩滑，當然不要期望吃到鮮雞味。弟弟常常嚷着要吃牛角，主要是為了那碗鋪滿紫菜芝麻及加入了燒汁的牛角飯，若再加入溫泉蛋，淨吃也都精彩，但今天的米粒略濕，也不夠煙韌，剛上抬時，紫菜已黏結着一起，香

臨時起意的周日晚餐，因為手邊有會員coupon，就決定來吃這家日式燒肉環境地點位於皇室堡1樓的牛角，地點便利，在shopping熱點上沒有預先訂座的我們，排了45分鐘有多…裝潢是日系簡潔木質風格，通道開揚沒有壓迫感；雖然是燒肉店，但店內抽氣通氣良好，沒有油煙感，環境整潔乾淨！座椅闊落舒適，即便點了多樣餸菜也能一一放下！雖然真的等了好久(以非新店來說)，還幸入座後的座位令我們相當滿意！一坐下就感到疲勞全消，感覺等了那麼久換來一頓舒適晚餐也是值得的！食物品評麻香椰菜($19 + 10%)清爽開胃的小吃，椰菜爽口清甜，胡麻醬汁充滿芝麻香味，味道很好但偏咸，咸得我們最後向侍應要了一杯熱水來浸淡醬汁牛角飯($19 + 10%)外表看起來平平無奇並不吸引，但卻是重要的綠葉角色，能令其他小菜更加美味的魔法食品！飯粒香軟溫潤，以香烤的紫菜、香蔥、芝麻及醬汁增添口味，直接吃夠香口，拿來拌肉類或豆腐料理更是一流！上級牛肋肉(燒肉汁)($59 + 10%)厚切牛肋肉肉質鮮嫩，柔軟彈牙、有嚼勁，牛味、肉味濃郁，肉間充盈著甜美的肉汁！燒肉時發出陣陣肉香，燒久了只是外層焦身變香，而不會變韌！當然，燒到中身半熟，取

忙咗一排終於有時間寫番篇食評！撞岩友人K話咁耐冇見不如出嚟食餐飯而佢又唔知想食咩嘅機會，於是小弟就上openrice睇下有咩岩食，決定試下呢間只有正評沒有負評的食店。一坐到埋位，侍應哥哥已經好貼心咁話「不如畀兩個膠套你哋笠住個電話丫~」，講真淨係呢個舉動已經加哂分！而落order之前同一位侍應哥哥又好好心機咁介紹餐廳提供嘅三隻醬汁，分別係蒜蓉醬(左)、日式燒汁(中)同埋沙爹醬(右)。雖然佢一日睇怕係咁重覆講呢段話幾千次但係都算係咁啦！首先當然係點咗上級牛肋肉(前)+豬頸肉(後)呢兩樣出名嘢啦。講真牛一碟成$59堅唔算平但係燒完之後食落口好好咬得黎又唔會硬，同埋真係好有牛味 至於豬呢就唔太特別~ 另外都叫咗個石鍋牛肋肉湯飯。雖然肉真係唔多但個飯整體嘅味道都好濃郁，而且湯和飯的比例剛剛好。美中不足的就是份量少了點…後尾再添食，嗌咗個蛋黃醬海老。燒法幾特別，係連埋個盤一齊燒一分鐘，而過程中就順便將面頭嘅沙律醬撈勻~ 平時小弟都唔好食沙律醬的，但燒熟了的蝦配上這醬卻係相得益彰！沙律醬的味道不但沒蓋過蝦味而且令蝦吃起來更鮮！！最後當然唔少得嘅甜品小弟點了個牛角栗蓉雪糕(抹茶)。個人覺得抹茶味比