牛角日本燒肉專門店 (皇室堡)

营业中

休息中

自從做左牛角集團會員(原先係因為成日食牛涮鍋所以加入😂😂 後來食多左牛角），每次食燒肉都放棄韓燒。因為愛上日本燒肉既味道，最重要係肉一早腌好而且有多種口味選擇。原先覺得牛角貴同分量不多，但精明既我計落每碟分量不及韓燒多 但價錢相對相宜 因為同一個價錢呢到可以叫多幾款不同既肉，而韓燒可能淨係食到個豬五花好啦廢話小講，友人生日一行五人無預約情況下係繁忙時段前入座。會員優惠卷換左一份牛套餐，誰不知聰明既朋友無聽人講叫多一份。可知道份套餐有牛胸肉 和牛粒 壺漬牛肋肉 etc 多叫一份實在係有挑戰大胃王既念頭因爲我地仲叫左兩個牛角飯， 拉麵，豬頸肉x2，沙律，泡菜豬，蝦，帶子。。。。。。。。仲未數完 所以話專心上堂既重要性，最後係食唔哂仲要哂牛角飯 (評分 9/10)可知道呢一個唔係普通既飯，中意紫菜既我認為加紫菜入任何食物都咁好味我試過加朱古力 shuuu~ 當然呢到就係要加最重要既牛角燒肉汁，令呢個飯更升一級。蛋黃蝦 (評分:7/10)蝦肉質爽而且鮮，不是我最憎既玻璃蝦 但蛋黃醬加熱又有另一番滋味。但整體係好食既辣味豬五花肉 （男友評分：8/10）由張相都見到牛角落醬從不手軟，豬五花分佈平均

平時晚上經過牛角都有人排隊，自己唔鐘意等位，所以冇食過晚市。當日係朋友提意去食午餐，我當然話好啦，一直都想試！我地過左3點去到，唔洗等位之餘，原來3點-5點係下午茶全單仲有7折，加一另計！好抵之餘環境仲要舒服，靜靜地，岩哂慢慢食慢慢燒傾下計！叫左2個唔同既set試下，牛本身靚靚地既話燒完唔洗點汁，已經好好食，喜歡其牛味都濃啊！個紫菜溫泉蛋飯都係加$11就有！我覺得一定要食，可能自己好鐘意食溫泉蛋，我覺得撈埋紫菜同飯好好味呀！記得每人都係$140左右就食到啦👍🏻

放咗工之後，同同事行下街，四周圍都排晒隊，咁我同我同事就決定去牛角食燒肉，順便傾吓計。嘩，我哋起碼等左一個鐘，由少少飢餓，變到饑荒由晚餐，變到食宵夜不過錯有錯着，原來佢九點鐘之後食係好抵我哋叫咗一個燒肉拼盤，再加額外嘅一啲肉同埋蔬菜，佢原來九點鐘之後有一部份嘅肉同埋蔬菜都會半價或者七折，好啦，我原諒你要我等咁耐啦。佢個鹽將相當好食，肉質亦都唔錯，不過奉勸冇壓力嘅，就唔好嗌牛肩。呢一間餐廳10分抵讚，佢為咗響應環保，救救海龜先生，佢嘅飲品都係唔會俾飲管你。

今日中午，同同事一齊去牛角食午餐。呢度嘅午餐勝在價錢平，質素有保證，性價比幾高。午市，餐廳已經坐滿晒人，非常熱鬧。午餐價錢非常抵食，有$65到$95不等，包飲品，而且同事有會員卡，又可以有折扣優惠，真係好抵食。一齊開餐啦！燒魷魚好好食，肉質幾新鮮，入口係脆既。燒肉都幾好食，睇落去都幾新鮮。⭐️雞腿肉香蔥拉麵$62跟餐飲，有沙律，仲有一碗拉麵，真係好抵食。雖然拉麵唔算好高質，但係食得落去飽肚。⭐️蒜鹽牛肉溫泉玉子飯個名咁吸引，其實就是牛肉玉子飯😂午餐加$12 ，仲有牛角抹茶雪糕，幾好食。最後，四個人，都係食咗大約$300 ，超級抵食呀！

牛角装收完第一次去返，地方好似光左，冇以前姏暗，位又多左，餐牌同以前差不多，点呒左兩隻唔同嘅牛肉，牛肩肉好香，有肉汁，牛脊肉有咬口，唔同口感，可惜分量太少，成日都覺得好快得番d 白飯

由於遲左leave office for lunch, 諗住是但系樓下食間冇人排既餐廳 lol見牛角1240都唔洗排隊, 就衝入去Lunch sets range from $60-$90, 燒肉set就再貴啲~我地叫左石鍋雞肝拌飯 and 韓式泡菜牛肉拌飯. 個set包沙律, 湯and 餐飲. 個人認為雞肝拌飯有啲dry, 汁唔夠, 石鍋又再蒸發左啲水份... 泡菜牛肉拌飯就好好多~! 雖然牛肉唔多, 但好多配菜, 口感豐富~

好耐無食過牛角，行過聽到做 promo，有 set dinner 買一送一，即刻被吸咗入去！話說每晚限五十 set，好在早去，優惠仲有！一個 set 有魚有肉，跟飯同沙律，再包$42.00以下嘅嘢飲，仲要買一送一，真係抵到爛！我同 bae 仲一人一杯酒，佢飲 Highball，我就柚子酒，兩款都各$42.00以下，所以可 include 落個 set！主食有豬扒，牛脷，牛肩，牛油帶子，石斑魚柳，肉類都有質素，係個🐟腥腥哋，不過加埋一都係$330.00有找，所以唔好錯過！

同屋企人出街食飯 最岩就係大家有唔同既信用卡 有唔同優惠 咁岩見到hsbc係牛角有優惠套餐 除開每人二百幾 食得過！抵過平時散叫啦! 所以一行四人叫左每個set各一首先黎左個溫泉玉子凱撒沙律 我想減低脂肪吸收量 只係用蛋撈沙律都好味呢個係牛角沙律 望落係更加豐富 4人都分到唔少薯泥同菜 好清甜飲品方面係預左每人飲2杯 $45以下既飲品 竟然連酒精飲品都可以叫呢！個人幾鐘意柚子酒同桃酒食物都陸續上枱啦 我地都急不及待燒啦除左蠔係有錫紙盒裝住 仲有一個盒係俾你放菇落去燒 等你d菇唔會太乾d蠔幾新鮮 大大粒蝦肉質都幾彈牙青口無食 俾家人食菇沾滿牛油香味之後就放d小型既菇落去繼續燒牛油係肥d架啦 不過好食就無所謂啦因為叫左兩個套餐既關係係有兩大碟肉😍個人最鐘意既係牛肉: 肩脊肉> 牛板腱肉>牛舌雞肉: 雞胸> 雞腿肉豬肉: 丹麥豬排為左配肉 4個人叫左兩碗葱玉子飯食 好味最後再追加左甜品 鯛魚燒做結尾自己燒既好處係 你想幾脆就幾脆總結 建議叫牛角會員/ hsbc 信用卡持卡人食係扺過你入去散叫

牛角由未係香港開分店到香港開左分店之後都有Keep住食，因為香港店各地點都就腳，價錢都好親民，以前唯一美中不足係唔算好多選擇，不過最近既經歷都不算好愉快，真係覺得好失望😔首先服務方面，唔期望有日式的服務態度，但起碼都要有基本禮貌。門口接待的姐姐由報上人數開始到帶位入座都全程口黑面黑🙎🏿‍♀，上菜的侍應更是無啦啦大力拍D碟落枱‼️，嚇左一嚇Sorry都冇句。。。再黎食物質素方面，「自滿的7 mm」，我地點左腹胸肉、牛肋肉同肩脊肉，每款都只有大約一半厚度，仲要好細塊。腹胸肉一個細碗裝左一半份量，平時食依到只係一塊既份量。肩脊肉是燒肉汁的，不過唔係好見到有汁😑，食落都唔覺有燒肉汁的味道，可能只係名字上的分別吧🤷🏻‍♀咁樣既食物質素同服務，個人認為已經同價錢唔成正比，下次食日式燒肉應該會㨂過第二間🤦🏻‍♀😖

好耐冇食，始终覺得日本任食抵食好多，今日見有hsbc credit card優惠，又忍唔住想食！欣賞個kale芝士沙律，夠simple又refresh，好味！燒肉還可以吧！

朋友喺外國返嚟想食燒肉，聽聞牛角唔錯就嚟試下。但今日年三十午市已經好多人，等左40幾張枱大概45 mins終於入得去。餐廳採用自動化system叫野食，用平板點食物有埋圖片睇都幾方便，而且操作簡單。 Menu 嘅定食有唔同嘅配搭組合，有平有貴，可以按喜好揀兩款肉。我自己就叫咗燒肉定食A餐，揀咗牛舌同腹胸肉兩款肉類，套餐包埋迷你沙律、白飯、麵鼓湯同一杯野飲($95)。雖然牛舌腹胸肉都(林)身，有牛肉香味，但個人覺得肉類份量偏小，唔夠送飯。朋友就叫咗個牛肋肉四品盛合($149)，價錢貴啲當然係多啲牛肉多啲種類選擇。不過試過幾款牛肉之後其實覺得款款牛肉都差唔多。枱頭有三款點肉嘅醬， 分別係燒肉汁、辣醬以及鹽蒜醬。鹽蒜醬點牛肉好夾，辣醬就麻麻地。衛生方面，餐廳有提供兩款鉗夾生同屬熟嘅食物。午市平平地想食燒肉$100以下都可以有找，不過肉份量就真係唔夠。要食多d唯有揀貴啲嘅套餐。

Suddenly craved meat so decided to give this place a try as we were somewhere near Windsor and there was no queue waiting at around 12:10p.m.We were seated very shortly. The setting was quite good as the partition in the middle offered more privacy despite sharing a table with others.We ordered the most expensive lunch set 特上和牛牛肋肉&牛角嚴選五品燒肉(和牛牛肋肉,肩脊肉,腹胸肉,丹麥雞胸肉,豚肉,牛舌) one with 燒肉汁 and one original without any seasoning with some top-up items. We placed our orders via an iPad. We waited quite a whi

來到我最愛的牛角餐廳~人好多.等左陣,有位,可算是LUCKY^^入到去,坐低,好快有STAFF幫手服務都幾好.拎野來都快今日叫左D牛肉,金菇... 尢魚^^全部都好好食 ,不過都要讚我地自己有位好識燒野食既朋友係到其實野食好味,都好講燒野食果個人兄既能力牛肉大多我地都唔會煮得好熟,,我諗6,7成到.細細片,入口就輕咬可食^^另外,尢魚的確正一定要叫的..^^因為好FRESH^^成台人,包括我自己都讚到拍爛手掌但都係果句..煮得好,先會好食喇但都要讚下呢到牛角好好^^

食過一次後一直都對牛角心思思。今次黎原來仲有某張信用卡優惠，可以用優惠價食佢個和牛套餐！正！和牛真係果然唔同，燒到7成熟就岩岩好，有超香油脂味。配上佢個牛角飯，好香！

一大班朋友去牛角食燒肉 之前就發現牛角同北川半兵衛搞左crossover燒肉都可以同抹茶有關🤔----------熊本豚腩肉配抺茶塩醬 ( $88 )熊本豚腩肉味肉質軟 油脂分佈平均 配上以北川半兵衛商店抺茶粉調製的抺茶塩醬 唔好以為會甜 其實係鹹嘅😂更能突出豚肉嘅香 感覺幾特別😌-抹茶啤酒 ( $46 )啤酒係Sapporo 加入由京都直送的北川半兵衛商店宇治抹茶粉 飲落有淡淡抹茶味 可能因為呢款啤酒原本都唔算濃味 令到兩者出奇地夾😬-北川半兵衛商店 宇治抺茶雪糕 ( $38 )呢度嘅雪糕當然唔止咁簡單 仲加左紅豆同小丸子☺ 抹茶唔會太甜 奶味幾濃 同紅豆果然係絕配😌-怕燒肉油膩 叫食個沙律打定底就啱哂 港🐷見呢個都幾多人嗌🤔羽衣甘藍沙律 ( $59 )羽衣甘藍有排毒作用😏幾fresh 撈埋沙律醬同杏仁係邪惡啲 但口感一流 值得一推👍🏻