牛舞日本燒肉‧涮涮鍋放題 (利舞臺廣場)

营业中

休息中

🧁食物質素：😍😍😍😍📸打卡指數：😍😍😍🧹衛生指數：😍😍😍😍💁🏻‍♂️店員表現：😍😍😍💵性價之比：😍😍😍地址: 銅鑼灣波斯富街99號利舞臺廣場8樓A號舖🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹今個月真係食咗好多燒肉😂天氣凍咗胃口就特別好🙂所以食放題真係最抵今次揀咗銅鑼灣嘅牛舞餐廳裝修光猛舒適想講最近佢真係推出咗好多優惠12月1號開始推出生日優惠壽星可以免費獲贈薩摩牛生日蛋糕想講個薩摩牛幾高質同朋友慶祝拎住個牛蛋糕影相真係幾特別食放題加$88仲可以有埋生酮蟲草花雞湯底可以shabushabu做佢會員仲會有虎蝦同埋薩摩牛月見燒送虎蝦真係同我手掌一樣咁大個月見燒入口即溶 點埋啲蛋漿真係好好食想話佢哋出邊仲有熟食吧佢哋個玉子燒都幾正天氣咁凍又想打邊爐又想燒肉就啱晒🤤🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹

雖然銅鑼灣食肆林立，日式燒肉選擇居多，但係要除咗燒物之外，可以同時間食到刺身火鍋，同埋任飲酒水的話，這間餐廳無疑係我嘅首選。為慶祝女朋友紀念，決定選一間佢最鍾意嘅地區食飯，方便食完野購物，我哋揀咗個$688魔笛牛套餐,除咗有燒肉之外，亦有刺身火鍋甜品，非常豐富，直頭跟酒店自助餐一樣。一開始嘅時候，會先嚟一下燒肉拼盤，可以畀客人試一下哪種食物比較適合，才點餐，燒肉方面最出色一定係日本薩摩牛，這裏嘅薩摩牛相當厚切，肉質脂肪分佈相當均勻，質素極高。火鍋方面，這裏嘅豆乳鍋非常出色，豆乳味濃郁之外，入面亦都有大量嘅蔬菜，可以中和飽肚感，海鮮燒物方面，尤其鮑魚及係魷魚特別出色，還有雞泡魚乾，非常適合送酒。酒類方面，這裡會走超過五款，有紅酒白酒梅酒sake，非常適合愛好杯中物的人，配合燒肉去享用。刺身方面，這裏有多款選擇，帶子及北寄貝非常鮮甜，相當出色，愛好貝殼類似嘅人士，應該會覺得今餐非常超值。如果大家鍾意一次過試勻不同令食物的話，一定要選呢間牛舞，性價比非常之高，但係要預早訂枱。

勁耐無食過放題啦，燒肉放題更耐無食過利舞臺呢間坐得好舒服，光線又充足，好乾淨！最重要係呢牛好靚，上碟又快又準確！我地叫左樂天澳洲和牛餐，可以簡既食物種類都好多！有雞、牛、豬、海鮮、魚生、蔬菜同炸物等。喜歡既仲可以打埋邊爐🤣🤣而肉類分無醃同有醃，醃左既多數係韓辣醬或燒汁。因為肉類好新鮮，所以我地多數嗌無醃既，原汁原味！每枱會送一個牛舞拼盤！最好食係左上既和牛，雪花分佈平均而juicy ！入口即融，好好味！！可惜只有兩片🙈🙈燒得好靚，唔洗點醬汁都已經好好食！！望見都流口水🤤🤤雖然係醃左，但唔會好濃，唔會蓋過啲肉味。每次份量唔會好多，可以試多幾款啲肉有少少雪花，食落唔會好韌，好有牛味同多肉汁！仲有海鮮都係任嗌，生蠔好大只，甜美！虎蝦大大只，肉質都好爽口！魚生新鮮，但唔係叫左好多，因要留肚食燒肉炸物即叫即炸，熱辣辣，有我最中意食既榴連炸彈燒蔬菜或打邊爐，自己去雪櫃夾，都幾多款簡！😎😎好豐富既燒肉餐！好好食同好滿足，會再去！

Team 同事生日book左呢間牛舞食lunch! lunch 得個半鍾多小小真係要好好把握時間！ 幫我地安排坐位既staff 都知我地趕時間，好快手就話左比我地知，自助甜品生果雪糕飲品區既位置！我地點點選了個鰻魚定食和日式叉燒拉麵，生日壽星就即刻走左去自助甜品雪糕區！原來佢地都有d熟食選擇的，價錢合理呢！-蒲燒鰻魚定食定食有野菜及腌制既酸青瓜幾開胃！鰻魚熱騰騰吃較滋味，皮燒得幾脆口加埋甜甜既蒲燒汁很不錯呢！-日式叉燒拉麵拉麵算足料，有紫菜、粟米、魚旦及叉而且都幾夾，略嚴麵既份量較細但麵質不錯，湯底是豬骨湯底幾濃但又唔算肥膩，叉燒幾鮮味，好食！-自助區我們選了日式甜品和菓子、卷蛋,和風味濃呢！我們還選了芒果及抹茶雪糕糯米糍及二款明治雪條，好吸引呢！整體主食及自助區既選擇都幾多，雪糕甜品也有質素，幾滿足會再幫襯呢！

位於銅鑼灣利舞臺既牛舞提供午市定食或燒肉放題,款式好多,定食都可享用任食自助區60分鐘,有飲品,日本雪糕同數款熱食(超推介玉子燒😛)!大均$120就得,抵食程度4.5/5分😎和風生薑牛肉飯Beef Shogayaki $88牛肉絲味道濃郁帶有淡淡薑味,流出既牛肉汁拌飯一流!定食連開胃清爽既中華沙律同新鮮既日本野菜,整體份量係非常夠食!蒲燒鰻魚飯Japanese Grilled Eel $128鰻魚超足兩,原條上超吸引!而口感肥美滑嫩,高脂肪高蛋白乎合一餐營養所需

燒肉放題，一係吾食，一食就想食好啲，因為吾止想填飽個肚，仲想食靚牛，所以揀“牛舞”我揀左澳洲和牛嘅B餐有自助吧，有好多熟食，有飯有湯，但既然揀左和牛餐，就緊係食和牛啦🤪牛胸腹脂肪分佈均勻，睇色澤就知啦～入口即溶，吾係非一般嘅牛肉，這個部位係我至愛😍牛頸脊肉質鮮嫩，牛味濃，又係另一番口感同滋味😍當然吾少得牛舌啦和牛好味，都要食啲海鮮沖擊下啲味蕾嘅😅牛油香草帆立貝加左牛油同香草伴煮，香氣四溢，😋原隻大海蝦燒蝦原汁原味，蝦頭有膏，不過要留意，吾好燒太耐，咪就徙左隻蝦😅仲有刺身添，但和牛胸腹太吸引喇，我呢個牛魔王點會咁快就停手吖，一於叫完再叫，再燒再食😂呢間啲單跟得好足，出單又快，所以就算食100分鐘，都有充足時間食到滿足為止👍食埋生果，雪米糍，就真係又滿足又sweet,sweet 喇

又想食燒肉，又想食刺身，想來想去，朋友話一次過滿足晒我所有要求，於是去左銅鑼灣“牛舞”揀左樂天澳洲和牛放題$448先送上一碟牛舞拼盤最吸引當然係澳洲和牛嘅牛胸腹啦～跟住用手機落order,當然係叫最好味嘅牛胸腹啦～牛胸腹嘅脂肪平均又夠肉汁，輕輕一燒，油花化入牛肉之中，既有牛肉的嫩度，亦有油脂化開的甘甜，滋味👍牛頸脊都係必食啦～牛頸脊屬於牛頸及肩胛之間，係牛隻活動最多的部位，脂肪較平均，牛味亦較濃，真係各有千秋，食到停吾到口🤪差啲忘記自己想食刺身，都叫左幾款:希靈魚，帶子，鯛魚，墨魚，北寄貝。。。特別喜歡嘅係墨魚，有一種獨有的鮮味，口感出奇地有咬勁，咬起來十分彈牙，口感嫩中帶脆，出乎意料好味😋😋😋牛舞始終主打牛肉，我都吾執輸，食左好多個round牛胸腹同牛頸脊😅最後食埋生果，雪條，仲有雪米糍，真係好滿足🤩

我哋一行四人點了澳洲和牛燒肉，但全部牛都係未夠凍，肉質極硬！完全沒有和牛級數，連普通嘅水平都冇。牛肉粒極之韌，勁多根位，根本冇一舊ok. 水準之差真心冇見過。另外兩款牛也極之唔合格。唯一可取是雞肉和豬肉，但係我唔需要用呢個價錢去食呢兩種東西。涮涮鍋也極失望，澳洲和牛也是沒有牛味，配菜亦唔新鮮！呢幾年內食過嘅最差一間餐廳，一定唔會再幫襯。呢個價錢有好多其他選擇，真係銅鑼灣之中最伏嘅燒肉。裝修有幾靚都冇用。員工服務不過不失。

今日朋友生日 🎂 所以當然想去任食放題食返餐勁嘅，咁啱朋友又想食刺身、火鍋、同燒肉放題，所以就同佢去利舞臺嘅牛舞食燒肉放題，一次過滿足哂佢嘅要求。😆餐廳環境光猛裝修光鮮，我哋揀左最貴嘅日本薩摩和牛放題，有得任食和牛，凡惠顧 A-D 放題套餐都會免費送牛舞拼盤 🥩和牛真係無得輸，油脂分佈非常平均，入口時口腔充斥住濃郁嘅牛味，味道超乎預期 🤤 所以都叫咗好多Round。除此之外仲有大量海鮮，有干燒鮑魚，鮑魚級數一啲都唔似食梗放題，拍得住出面嘅海鮮專門店一樣咁出色，另外甲羅燒更加係十級推介，食得返日本旅行嘅味道，呢個要比一百分 😋 牛舞日本燒肉真心物超所值，如果有機會必定再食，燒肉放題第一選擇。

前日同朋友喺銅鑼灣行街，行到咁上下就係時候要搵餐廳醫肚。大家商量左陣，最後決定喺銅鑼灣時代廣場附近落腳。咁啱行到去利舞臺，朋友見到有燒肉放題，食肉獸嘅佢當然唔會放過呢個機會，所以就決定食燒肉放題，牛舞自己之前都係觀塘食過一次，嗰次就食最頂級嗰個日本薩摩和牛，和牛嘅質素相當唔錯，所以今次都係照舊。餐廳環境幾舒服，而且相當乾淨企理。餐單裏面和牛都有好多款式同部位比你揀，仲有啲係醃咗味嘅，另外海鮮、炸物、串燒、刺身提供嘅種類亦非常多，外面重有熟食提供。和牛品質相當唔錯，對得住個價錢，肥而不膩嘅脂肪超級邪惡，搞到成晚不停食。😋磯燒鮑魚肉質鮮嫩，醬汁甜香，值得一試。帶子刺身都係任食 😋 炸物上枱時亦係熱辣辣。👍🏻

之前知牛舞就係因為佢有和牛燒肉食🐮🥩店鋪主打日本自家農場直送嘅鹿兒島薩摩和牛，餐牌有全日同午市燒肉及涮涮鍋放題供應，另外平日晏晝仲有定食可以選擇㗎！今日就同老公食個晏先❤️我哋每人揀咗個便當定食，套餐包 60 分鐘自助區任飲任食，自助區包括有沙律、熟食、湯、日本雪糕、甜品同飲品等等。定食我選擇咗蒲燒鰻魚飯 ($128）定食，鰻魚燒得好香口，肉質滑嫩肥美，醬汁份量啱啱好，配埋便當内仲有泡菜、椰菜同米飯，其實份量都足夠。老公就揀咗溫泉蛋和牛肉碎飯，撈埋嚟食醬汁夠晒覆蓋所有飯粒，牛肉碎份量亦十足，非常容易入口，話咁快就食哂！自助區嘅熱食都有三四種，鍾意食佢嘅咖喱牛腩炆得好入味，軟腍鬆化。中華沙律同拍青瓜做前菜適合不過。 唔夠飽嘅仲有炒飯可以選擇。 幾飽都好都要留肚食雪條，口味多到呢❤️我就最鍾意食角十棒同煉奶雪條啦！

天氣開始轉涼，梗係要食啲暖笠笠嘅嘢，咁又點少得打邊爐同埋烤肉呢？但要決擇起上嚟又好有困難？呢度就可以一次過滿足晒兩個願望啦！仲要係任飲任食，無論係幾多個願望都可以滿足到啦！呢度最高級嘅menu係有日本鹿兒島嘅名物「薩摩和牛」放題。冇睇錯，真係*和牛*放題呀！「薩摩和牛」嘅飼養方法同生活環境都十分講究，以熊本米為飼料，飲用來自櫻島火山的火山泉水，造就咗佢完美嘅肉質，同時令佢變得與別不同。佢相對其他日本和牛嘅肉色會較紅，油分也更高，雪花脂肪豐富。由於「薩摩和牛」嘅養殖條件嚴謹，更着重牛嘅血統，所以一年產量稀少，格外矜貴。一上枱就明顯認到佢同其他牛肉嘅分別，佢嘅脂肪分佈均勻，雪花紋理清晰，望起來粉粉嫩嫩的。食落去牛肉嘅嫩度同香氣都非常明顯，一咬滿嘴嘅油香滲出，油脂中帶有一股非常明顯的奶油香。而且肉質鬆化，幾近入口即溶，食完真係翻唔到轉頭！呢度有幾個和牛部位可以選擇，有赤肉、和牛粒、和牛薄切同埋牛肋條，仲有唔同醬汁嘅配搭，保證你可以試到唔同風味。當你食日本和牛食膩左，仲可以揀澳洲和牛、美國prime牛同安格斯牛等脂肪較少但牛肉味重嘅牛肉去平衡翻。除咗高級嘅和牛外，其他肉類都應有盡有，如羊肉、豚

在此曾為地標、後來重新發展的純 shopping / dining 大樓內，也有一家開業多時的しゃぶしゃぶ；不知是否業主招商的政策，一直都沒有路線接近的對手。近期情況不同了，一個具規模的FMCG集團，在此開設了其第二品牌放題食肆的分店。既然可以「即時升呢」，也不急於一選就選薩摩和牛了。加上之前所學、澳洲和牛也交出不錯的成績，就先選B餐吧！一輪時興的二維碼點菜後，上菜！完成第六回合的和牛學習，結論很簡單：她的牛，的確可使我「起舞」，就集中盡情享受牛肉吧！

本來少吃放題的我，遇上優質和牛是另一個胃！這晚去「牛舞」已經是在近月來在銅鑼灣光顧的第三間，刻意作個比拼。位於利舞台廣場8樓的「牛舞」，以「自在感」來說最優勝。 首先是環境，開陽寬敞，坐得舒適，沒有放題店的繁忙壓迫感！隨時起身走走、取醬料或食物，順便鬆一鬆。其次是配套，同時備以涮涮鍋，正合我意，可以涮大量蔬菜先吃平衡肉膩，況且有些肉，我覺得以涮放式烹調更美味。 設置了如自助餐的冷熱櫃爐，看得到的食物始終更吸引，選擇更正確，再說，備以之熟食雖然貴精不貴多，質素不俗。 例如胡椒豬肚湯，中餐廳亦末必喝到這般濃郁的胡椒香，值得稱讚。 日式咖喱牛筋腩飯，同伴自製的這一碟，加了一只半熟蛋及若干紫菜，味道唔錯。 我取了炆魚及木魚玉子，味道得。 而且時間上蕯摩和牛放題有120分鐘，別看少那多了廿分鐘！足夠時間可以輕鬆慢慢燒，需知道燒肉不同火鍋，燒得匆忙失凖，會令食味大減！ 五款放題，豐儉由人，平日正價由每位$128起至$628，頂級的蕯摩和牛放題，全146種食物，送涮涮鍋及酒精飲品。 每位$628蕯摩和牛放題：牛舞拼盆預設牛舞拼盆，用個牛形木板盛載，有些心思！包括各式各樣6款肉：蕯摩和牛牛肋肉、澳洲和