牛繁 (海之戀商場)

营业中

休息中

天氣轉冷，一定係去吃烤肉和打邊爐。朋友推介到荃灣吃烤肉，即管一試。先讚賞座位寬敞，空間感十足。餐牌選擇很多，最後我們點選了嚴選霜降黑毛和牛西冷和 霧島溫泉蛋飯。黑無喎牛真的很好吃，油花充足，只要加少許調味便能夠吃到牛味了。溫泉蛋飯也很好吃，簡單一隻雞蛋加上日本米，已經輕鬆完成整碗飯牛板腱彈牙， 脂肪比例略少， 反而牛舌有兩種選擇有薄也有厚的， 個人較喜歡厚的牛舌這裏的抽氣也做得不錯，這點不得不提，最怕吃完烤肉，回到家中，又會帶着濃烈的氣味呢

同一個商場，不一樣的招待。商場的店舖真的質數太一般了吧！未能提供免費泊車優惠，食材沒有太大的驚喜，可以選擇嘅餐廳很多，不會老遠跑到荃灣。期待，假如還有分店在北區。😅

Happy Friday同老公撐枱腳去牛繁食日式燒肉，食物種類有好多選擇有日本同澳洲牛肉、豚肉、雞肉同埋海鮮類，仲有好多前菜及配菜，都我哋兩個人就叫咗兩款牛肉、牛舌、雞頸肉及豚肉，仲有前菜和風蕃茄都好好味😋仲有好好味嘅三得利黑金啤酒🍺同埋甜品士多啤梨雪糕🍦都好好味㗎。牛繁不單止好味，地方仲好清潔乾淨，店員都好有禮貌，值得推介給大家😊仲有可以做會員之後可以儲分積分，積分可以換到免費牛肉食㗎👍

✈️朋友下星期就要移民去加拿大🇨🇦所以今晚餞行特登同佢揀咗牛繁食燒肉🔥..今次個荃灣海之戀呢間體驗我覺得就真係麻麻哋，1⃣️枱與枱之間太近，同埋有啲迫，2⃣️食物質素我只係覺得一般，3⃣️但係服務態度就差咗少少啦，啲員工戴住口罩都覺得佢哋黑口黑面，我哋今晚兩個人張枱好細，我哋嗌個二人餐又多嘢食，佢放野落嚟嘅時候好似好唔情願咁，可能因為張枱太細佢都唔知放係邊，佢黑口黑面咁企喺度等我拎開啲嘢俾佢擺落枱嗰陣...張枱咁細，我都唔知仲可以放邊度❌所以整體感覺係好一般。今晚兩個人食咗$752，但係我覺得以呢個價錢得到呢個服務質素同埋食物質素，我下次應該唔會再幫襯了。..🔥牛繁推介套餐 $548 (2人前)比想像中食物質素一般，可能環境因素影響左！..🐂博切得上鹽香牛舌 $88呢個另外加嘅，呢個都還可以，但冇乜特別..🍻札幌生啤 $48..食物：⭐️⭐️⭐️服務：⭐️位置：⭐️⭐️⭐️⭐️..💰 $752 (2人前晚餐)..📍荃灣西海之戀商場2樓2025號

荃灣真係出名打邊爐多，就連燒肉都多😆 呢間牛繁係尖沙咀間分店想walk in食真係難過登天。見荃灣開左分店就try try 先。🤩今次安排左係房既座位，地方非常寬躺，最緊要係無油煙👍🏻1️⃣豪華盛合 $688一睇menu就比佢吸引住🤤盛合包括左特上澳洲和牛肉眼扒，極上澳洲和牛肩板肉，特上澳洲胸腹肉，特上五花牛同厚切牛舌😋牛肉品質有驚喜，好有咬口。重點個厚切牛舌滿足到超愛牛舌既我😋2️⃣大人氣溫泉蛋伴飯 $43朋友話食肉要有飯送，就叫左個溫泉蛋飯😂 仲以為平平無奇，但個溫泉蛋配埋個燒汁真係一流😬3️⃣焦糖啤酒 $38計我話食燒肉當然要配啤酒啦，但呢個係焦糖味，又本住會中伏心態叫黎試🤣 飲落又真係好香既焦糖味，不過飲哂都幾有罪惡感😝

呢度啲燒肉好味，叫咗幾款都好好味！ 平日午市好抵食！午餐揀咗特上牛胸腹肉$126，配左燒肉汁，牛胸腹肉幾厚身，肉味香濃，有少少咬口。鍾意午市套餐夠豐富，有蟹柳沙律及牛骨湯。我鍾意牛骨湯清清地，有牛香，而且仲有蛋花。除咗白飯仲可以加$18揀茶漬飯、霧島溫泉蛋飯。我哋每樣叫咗一個。另外一個午餐叫了牛五花，我反而幾鍾意食呢一隻肉。香口，肉質好食。上次食過壺漬牛肋條，覺得好好食所以今次都叫。牛肋條份量夠多，有相當好食！就算燒耐咁少少，肉質都好林滑。牛舌亦都相當出色。餐飲揀咗凍檸茶、炭燒鳥龍。食燒肉啱晒！

難得今日約左朋友，一於lunch食好野～ 日式燒肉午市有套餐，價錢抵食又豐富。Set lunch有前菜、沙律、湯及飲品。沙律有兩款，每樣揀咗一款。湯係牛骨蛋花湯。▶️元氣牛小排$148大崎蟹柳沙律，夠多沙律醬，青瓜爽口，蟹柳又夠多。元氣牛小排揀咗配推薦嘅燒肉汁，大大塊，肉質香，肥瘦適中。燒肉汁好惹味。飯加$18揀咗大人氣霧島溫泉蛋飯，好好食😋▶️元氣牛五花$128薯蓉沙律，薯蓉夠蓉，好味飽肚。元氣牛五花配咗燒肉汁，肉質肥美，入口juicy~ 茶漬飯大大碗，有茶香。▶️跟餐加$68加一份薄切特上鹽香牛舌鹽醬。牛舌好爽，好味！▶️散叫咗壺漬牛肋條$108好吸引，有兩大條，肉質林，好入味～呢間燒肉大滿足！

中秋節就梗係要燒野食架啦，但而家天氣咁熱又唔想去戶外果D 任食燒烤場度燒，跟住就諗起不如去食日式燒肉。我地叫左兩個午市套餐，再另外用優惠價追加左兩碟肉。分別係嚴選櫻姬雞腿肉同埋豬頸肉。而套餐仲跟左牛骨蛋花湯、蟹柳沙律、 白飯同埋一杯飲品。嚴選櫻姬雞腿肉啖啖雞肉，肉質軟腍，而豬頸肉切得好幼身，好快就可以燒熟食得，呢兩款肉我都簡左柚子胡椒汁，胡椒味幾濃，燒完都仲食到胡椒嘅辛辣味。特上牛胸腹肉同本屐骨間牛肋肉兩個配燒汁都幾好，可以食得返牛肉本身嘅肉味。牛肋肉比較難燒熟，但味道就比另一個好。

價錢及食物質素都好好嘅日式燒肉店，地方整潔企理，服務員態度非常好，經理用心介紹食物，味道很好，荃灣區最好的燒肉店，絕對值得推介的日式燒肉尊門店👍👍👍😋😋😋

今日兩口子去行下街搵食，有啲想食牛， 好似有3間，但一間係火鍋放題一間係燒肉放題我哋仲話減緊肥（well, 係口號黎）所以都係食單點叫就算。2個人，2個餐（一個普通set, 一個+錢升級左飯），2杯野飲（1杯係叫啤酒好）要加1,大約$270呢度都幾得意，全部要用QR code自助落單呢度幾好環境幾大，4-6人聚埋食都有長枱，同埋佢都算好乾淨。因為韓燒有時好驚個地板呀，枱面係 油淋淋。上菜快，以下就係全部嘅嘢食個套餐包埋一個前菜小食（ 係菠菜同）豆芽 同埋一碗 蛋花湯， 仲有個沙律。個薯蓉， 我實在覺得太heavy同埋加咗芝麻醬好難食，omg 。沙律完全冇問題。其他食家講個牛舌幾好味，我都真係試咗又真係幾好味🤣👍🏻我揀咗鹽燒～焫焫焫焫焫著我掛住食， 都係叫老公影相send畀我用🖖🏻老公係食牛肋骨，都好食。但我 鍾意食牛舌多啲因為可以燒到脆脆地🤭🤤🤤🤤🤤🤤呢個係加錢升級嗰個溫泉蛋飯， 佢份量大約係兩個飯再撈個蛋其實勁咸， 好彩我係叫左白飯， 然後再將我個白飯都撈落去， 先至冇咁鹹。so far 加埋烤肉點醬鹹鹹香香咁都幾好🤤但係 有個唔知 焦糖啤酒，我老公叫左，omg 伏黎既。我覺得大班4

假期午餐唔洗等位就已經好難得。老婆話要食燒烤，又唔想午餐就任食，好彩係唔想等位的情況下撞入呢間。點了兩個定食，講真不如一開始就收貴少少，選個飯或麵都加幾種價錢，對有選擇困難的我都幾苦惱。。最後我加了錢叫個蔥加蛋飯，希望係可以生食用的日本蛋啦。。不過唔多想，有點太鹹，我加了個白飯落去搞埋都係鹹，好彩我個腎應該唔錯，大家記住加個白飯落去搞下，唔係就。。。切好放雪櫃，加點醬上檯，幾方便。喇，呢個要考慮下蔥同牛放埋一齊，都係生，所以我唯有加埋落去一齊烤，最後我技術差。。烤燶嗮。。sorry左下個薯容。。已經調味了，希望唔好加麻醬啦。。午餐，我係覺得唔錯的，大家可以try try.

服務人員對客人態度 ：「先生，（之後不說話） 」 之後六人餐嘅嘢就不斷第俾你，讓你擺低喺張枱度佢自己唔會擺喺張枱度，同佢講張枱唔夠位擺佢話擺返入廚房囉⋯⋯ $2000幾蚊叫個六人餐仲買支酒未到90分鐘叫你買單 食嘅時候唔會同你執枱收野之後埋左單就一窩蜂係咁過嚟執三四條友喺你面前係咁執野 好野 你搵第二個幫襯啦仲衰過放題任食我使乜來你到食之後經理來，：「咩事， （又係唔講野）」 同佢講個服務態度好有問題之後佢都唔睬你啊哦知道明白 成件事好似冇俾人服務過，何以服務態度服務質素

餐廳空間寛敞，裝潢配件亦顯心思，帶出日系悠和風格。座位之間亦有足夠空間，可以自成一格地用餐。薄切特上鹽香牛舌 ($88)• 選擇了以鹽醬作為配搭，醬汁剛好吊起牛舌的香味，使肉味更香濃一點，但又不至於太咸而奪走牛肉的味道。• 牛舌的厚度適中，炙燒一會便已足夠，食到爽脆的口感之餘，又能嚐到油香。豚肉雞肉三點盛合 ($168)• 盛合包括：豬五花、櫻姬雞腿肉及豬頸肉。全部都以長條狀呈上，品嚐時有種啖啖肉的感覺，口感十足。• 兩款肉都醃得均勻入味，基乎不用醮醬汁都十分滋味。• 豚肉的肉味頗香，肉的質感偏向有咬口；雞肉則較為嫩滑，把皮的部份燒得微焦會更香口。極上和牛板腱 配 月見汁 ($178)• 肉和油脂的分佈大概是7:3，頗為大片，而切割的厚度亦剛好，可以很快便燒出成品之餘亦充份保留到牛肉原始的味道。• 配上嫩滑的月見汁，使原本香濃的牛肉外層微微包裹著生雞蛋的滑溜令滋味程度大大提升！

its my amazing experience..wanna share with u..當日打完排球好肚餓同其他同學仔都鍾意食日本燒肉。呢一間燒肉店真係包羅萬有好多日本出名嘅菜式佢哋都有,尤其是價錢都好平民化但係亦好舒適。1.我自己女仔最愛當然係溫泉蛋飯。溫泉蛋顧名思義就係日本傳統食蛋嘅方法。只單啱啱好可以倒落飯度撈飯食真係唔錯。配上他們特有的紫菜真係入味三分。2.其次佢哋嘅特選豬五花腩真係唔錯。唔會太多脂肪， little辛辣味。

🥢⛩牛繁今晚揀左食燒肉，唔想食放題，又想嘗試吓優質啲既肉質，呢間餐廳就啱晒啦。今次推介呢個2人前，份量剛剛好，岩食得light既朋友😀🥒🐮🐮四款牛肉🐮🐮四款牛肉唔使揀，每款有大概四片，每款都唔同嘅質感，可以一次過試晒，好嫩口，咬落去肉質多，正！配菜揀咗：泡菜、菠菜、蟹柳沙律、生菜配味增醬…生菜可以包肉食🐷🐷兩款自選肉類🐷🐷今次揀咗雞三角和豬五花，雞三角是雞軟骨，肉感有驚喜，美中不足的是醃得太重味。豬五花薄身，燒到稍見焦，就剛剛好。👍🏻✏️環境舒適，啲衫和頭髮都吾怕痴實油煙味。我地慢慢燒，爐頭燒到最尾有小小見焦，不過我諗仲可以燒好耐的。