牛繁 (海之戀商場)

营业中

休息中

一家四口星期六的中午到這店食個燒肉午餐。見到餐牌，花多眼亂，豬牛雞都想見。牛的選擇不少，有薄切牛肉、厚少少的牛腹肉、牛小排、牛肩胛、厚/薄的牛舌等等。一個餐，除了一碟肉，仲跟前菜，今天一小碗內有芽菜同青菜、蛋花湯、白飯同飲品。飯同飲品可以升級至其他，肉也可選擇輕量，或加錢轉重量。而且還可以優惠價追加肉類等。落單後，很快便逐一上菜，很有效率，而且準確無誤。阿仔對牛的質素評價好，我覺得以價錢來說，性價比高，而且每款牛的質感不同，滿足不同人的要求。豬五花，肉同脂肪比例均勻，層次不錯，厚薄合宜。阿仔話雞嫩。一人一個加大餐外，我哋再加了四碟，牛肩胛大大片，厚薄適中，燒片刻便可入口。油脂足，味道濃。再加厚切牛舌100g，有兩片，店預先於牛舌的一邊𠝹格仔，感覺易燒及冇咁靭。是次這餐連加一盛惠$960

估佢唔到幾抵食😇朋友喺呢個商場返工表示想食好耐，難得有時間當然帶佢嚟試吓！午市套餐包左和風前菜 , 餐湯，秋田小町米飯，烏龍茶 和風前菜份量都幾多下，有芽菜同埋中華沙律，淨係前菜已經可以令你飽😂餐牌仲寫咗話男仔或者食得比較多嘅就建議叫150g,細食嘅就建議100g薄切牛胸花、特選薄切肩胛片、薄切牛舌套餐 $118有得揀秘製燒汁當然要試下，佢寫到推薦🥰呢個只有150g,但我想講女仔來講超級飽,估佢唔到原來150g咁多。溫馨提示，真係唔好燒到咁熟，個人認為三成熟啱啱好，食得出牛嘅味道，過熟嘅話就會變咗質。呢三款牛都好好食，口感唔錯，味道更加OK，完全唔需要點汁食。午市盛合 (鹽醬元氣牛小排 , 味增豬五花, 柚子胡椒雞腿肉 ) $125竟然豬五花係最好食，無論係味道定係口感都好唔錯。牛小排都係建議唔好過熟，三成熟啱啱好，配白飯食一流雞腿肉好香嘅有柚子胡椒味，所以絕對唔使點汁食都好香薯蓉沙律 +$15我想講好好食，佢係胡麻醬加薯蓉，超級邪惡！愛薯蓉者表示超級鍾意❤️佢位於荃灣海之戀商場，座位坐得舒服，而且環境好靚，甚至有啲覺得返咗日本嘅感覺，咁抵食朋友表示下次要再嚟食👍👍

最近返工忙到癲左，決定中午食Lunch食下好野慰勞下自己😤揀左呢間Donki附近既燒肉黃店，午市客人唔太多，上菜速度都幾快，牛肉質素都唔錯，重點都幾平😍>澳洲M9和牛腹肉+牛胸腹肉套餐：200蚊都唔洗，就可以嘆到150g和牛，胸腹係牛比較多脂肪既部位，所以會見到好多雪花🥺食落肉味濃之餘，仲要好juicy，點少少汁吊味就得。>中落牛肋肉+木履骨間牛肋肉套餐：牛肋肉係由牛肋骨之間取出既肉，帶有筋膜、肉+油脂，層次口感比較豐富，牛肉鮮味都好濃郁。我私心鐘意呢款多啲，不過呢個餐會有牛肉粒，所以要燒得耐少少。>香蔥蛋拌飯：好出色！以為就咁生食蔥會好有草青味，點知入口係滿滿既蔥香味，配埋蛋汁撈飯，簡單就是美。>牛繁溫泉蛋拌飯：溫泉蛋+紫菜碎+飯素呢個無敵組合，撈飯當然係一流，但如果有更多紫菜碎就會更正😌>鮮檸金橘綠茶&烏龍茶：金橘綠茶好重金橘味，加埋薄荷葉好清涼，岩哂夏天消暑。大大杯既烏龍茶味道正常。跟餐仲會送前菜+湯，我地飽到捧住個肚走😝

🐮抵食燒肉lunch set！.又食牛？！係🤪唔知點解定時定候實會有鋪燒肉癮，所以今日嚟到牛繁試試！價錢豐儉由人，過口癮價$59去到豪食$178都可以.1️⃣元氣牛小排套餐150g（$148）套餐包咗一碗蛋湯、飯、配菜同埋烏龍茶（可加錢升級做汽水綠茶啤酒）。蛋湯幾清甜，有淡淡嘅蛋味，作為開胃湯幾好🐣配菜如圖示係波菜同芽菜，味道一般，勝在份量都算夠多可以中和下燒肉嘅熱氣🥵😂牛小排厚度及格，燒完之後略要少少牙力先咬得開，不過都係幾香牛味同油脂味嘅.2️⃣豪州牛！上級澳洲M9和牛腹肉+牛胸腹肉套餐150g（$178）套餐同上，另外講講跟餐嘅烏龍茶，用啤油杯裝，首先個視覺效果已經覺得好gur好爽！另外果味唔會搶咗茶味，互相配合得宜，好解渴。和牛腹肉燒出嚟都係好多油脂，燒嘅時候要小心。油脂味香過肉味，不過略嫌有啲筋🥩.想過下癮燒下肉 可以一試佢嘅套餐😉性價比：🌕🌕🌕🌕🌑美味度：🌕🌕🌕🌖🌑獨特性：🌕🌕🌕🌗🌑.@gyushige_hk #荃灣 #牛繁 #燒肉 #燒肉套餐 #和牛 #wagyu #hkfoodie #lunchset #香港好去處 #九龍好去處 #新界好去處 #性價比高 #香港美食指南 #85

成日去開海之戀都睇到呢間「牛繁」，一早收到風佢係日式燒肉連鎖餐廳，呢幾日終於試完要同各位「包膠」一下🤩環境好舒服，全得都唔迫，空間感大，店員有禮貌，我哋一坐低就物色下邊啲午市套餐… 好快手揀左兩個心水😎🐮 薄切牛胸花套餐：薄身的牛略燒10秒，已經香味撲鼻，肉質軟身淋身、嫩滑。秘製燒汁味道好夾啲牛，果然係店舖推薦👍🏼🐮特選3牛套餐：同樣地有薄切牛胸花，特選薄切肩胛片，薄切牛舌。呢款我地揀左鹽醬，鹽味更能突出牛的鮮味，肩胛肉質嫩滑，
比起一般肥牛脂肪含量較低，牛味濃郁。薄切牛舌輕輕一咬就可咬開😍好嫩滑呀👍🏼🐮 提提你地，套餐跟埋白飯，湯，前菜同飲品，仲可以按個人口味升級改飯既款式同飲品款式喔！

個人食嘢點餐有個小小嘅取向，就係好鍾意套餐可以加少少錢就upgrade到食物、飲品，再加少少錢，又可以追加唔同配料、沙律、甜品等等，感覺好似只係俾多「少少」錢，一個簡單嘅套餐就可以變到異常豐富，與別不同，睇完牛繁嘅午餐燒肉餐牌，你就明點解。牛繁裝修走灰系工業風配搭木系日本風，店內又以橙色為主色調，醒目養眼，空間寬敞，環境光潔。午市一人燒肉套餐，價錢相宜，可以按個人喜好及需要靈活升級及追加食物、飲品，幾有彈性，我鍾意！➺蔥燒！牛舌套餐$98：厚牛舌及薄牛舌100g、和風前菜、餐湯，升級大人氣温泉蛋拌飯+$18 ，升級鮮檸金橘綠茶+$18，追加抹茶雪糕+$10➺豚肉盛盒套餐$78 ：豬頸肉及豬五花100g、和風前菜、餐湯，升級香蔥蛋拌飯+$18 ，升級鮮檸金橘綠茶+$18 ，追加大崎蟹柳沙律+$15 ，追加牛乳雪糕加$10QR code落完單都覺得自己點得好豐富➺啲肉醃得幾均匀入味，個爐幾夠熱，啲肉燒兩燒就已經色澤好靚，加埋特色醬汁，送飯一流，特別欣賞厚牛舌，剪開細細塊燒，燒完都鎖到肉汁，食落好juicy！➺兩個飯都好大碗，早知叫一碗share就夠，珍珠米再加埋半熟溫泉蛋已經滑嘟嘟，又有飯

疫情期間見佢外賣有折打算試吓 點知一試完全冇下次簡直垃圾 從來都未試過打邊爐啲肉唔要得 佢嘅牛肉又so又黑 直頭係唔新鮮嗰隻 完全唔入得口 其他食材一樣都係唔新鮮 價錢又唔算平 簡直唔係人食大家樂仲好過佢 唔會再幫襯囉 華明邨去食牛都唔明點解佢啲牛完全唔新鮮又勁大浸蘇味 最慘啲牛肉係黑色救命🆘 汁左佢算吧la 🤮🤮🤮🤮🤮🤮🤮🤮🤮🤮🤮🤮🤮🤑🤮🤮🤮🤮🤮🤮🤮🤮🤮🤮🤮🤮🤮🤮🤮

復活節假期同男朋友黎食午餐，叫左2個lunch set, 用qr code落單的，落完好快會上燒肉汁，一格係味噌醬，一格係燒肉汁，2個汁都令到d肉好好味。另外前菜嘅份量都唔細，一碗有晒芽菜同菠菜，仲有蛋花湯，不過太鹹一般，飲品我哋都叫咗唔使加錢嘅烏龍茶。我地叫咗一份300g牛胸花，多d肉，肉切得幾簿，另外加咗$18將個白飯變做溫泉蛋飯，有埋紫菜同埋飯素。另一個叫左豬牛雞盛合，豬五花好正，醃得幾入味，反而雞就麻麻，牛佢係牛小排，都吾錯。

前幾日男友仲捧住兩大袋野接我收工，兩大袋原來係⛩日式燒肉套餐，一袋係食材，用保溫袋裝住，另一袋係爐具，突然覺得好感恩🥰牛繁2人前套餐👩🏻‍🤝‍👨🏼⥼前菜⥽芽菜｜菠菜加左芝麻同油調製，食落幾香😋⥼主菜⥽木屐骨間牛肋肉｜特上牛胸腹肉｜澳洲M9和牛腹肉｜特選肩胛肉🥩整體肉質鮮嫩，牛味濃郁，輕輕一燒已經牛香四溢，滲出少少牛汁🤩。唔同部分口感都有唔同，最鍾意牛胸腹肉既軟腍質感，油脂分怖幾均勻，經醃製過再帶微微香甜。特選五花腩🐷以味增醬醃製，味道幾濃，惹味但唔太鹹。肉質軟熟，味增同五花腩好夾，食到溶溶地既脂油香🥓日本櫻姬雞腿肉🐓雞肉鮮嫩滑溜，配柚子胡椒醬，清新唔油膩👍🏻⥼蔬菜盛合⥽冬菇｜紅蘿蔔丨青紅椒｜洋蔥圈｜生菜｜泡菜｜蒜頭｜香蔥🥬蔬菜幾新鮮，色澤好靚✨，可以配襯肉類解膩⥼醬汁⥽燒肉汁丨味增醬丨調味用燒用汁🍖肉類本身都好夠味，如果想再惹味啲，可以點汁享用😋⥼飲品⥽可樂食燒肉一定要飲可樂先夠爽❗️爐具套裝 ╦╦鐵板爐具｜燃料兩罐丨燒烤夾｜火槍丨牛油紙設備齊全，鐵板爐具小巧精緻💫足夠兩個人慢慢享用美食。今次只用左1/3 燃料，可以留返下次再燒🔥之前食燒肉外賣都係大伙兒一齊食，燒肉2人餐都係我既第❶次。

下午4點左右，同朋友行完山，三五知己諗住去食下燒牛肉，點知難食到一個點呀！牛肉韌(朋友話食緊撒隆巴斯喎)，簡直係食唔到你選擇係鹽味定醬油味，一個字鹹味，碗飯又凍又唔係珍珠米，二維碼落單完全落唔到，要經人手落單，但店員冇態度！唯一好處就係唔使等位，環境舒適，呢個係一件最開心嘅事！

平日朝早11點幾入座，成間餐廳得小編一枱客😂抽風系統做得唔錯，唔會大油煙同埋啲枱枱櫈櫈立痴痴咁，衛生都幾好😗.🐮蔥燒薄切牛舌set $126通常日式燒肉店嘅lunch set就$100內，但呢間包左超多嘢食(沙律、香蔥蛋拌飯 +$18、牛骨蛋花湯、飲品同埋前菜)，所以都算抵😎 每次食燒肉，牛舌係必須的🥳香蔥蛋撈飯真係好好食，加$18都算值得，個湯就唔知點解浸味勁怪，不過有包飲品所以問題不大😂.🐮特上牛胸腹肉set $126基本上啲嘢同上面嗰set一樣，呢個就 +$18跟咗霧島溫泉蛋飯，不過都係香蔥蛋好食啲🤪牛肉就正正常常，冇乜太大驚喜/失望🤓.💰人均消費: ~$140.🍽味道: 3/5 🏙環境: 3/5‍👨🏼‍🍳服務: 3/5💧衛生: 4/5💰價錢: 3/5

東京超人氣燒肉店「牛繁」的午市套餐有多個選擇包括豚肉、鷄肉和牛肉，套餐除主食外還有沙律及飲品。「特上牛胸腹肉套餐」選了燒肉汁，牛胸腹肉佈滿油脂，一面燒一面散發香味，此部位的肉味濃厚而且鮮甜，作為燒肉的材料實在一流，好有口感。「元氣牛小排套餐」都是選了燒肉汁，我覺得最原汁原味。牛小排有五件，肉質較為厚實，較多筋膜，朋友就是喜歡這個質感。另追加一份「薄切鹽香牛舌」但真的很薄，口感不足，但味道不錯。餐湯是牛骨蛋花湯，清甜好味。前菜有菠菜及芽菜，好爽口。蟹柳沙律又足料，菜絲新鮮爽脆。我哋還追加了一客茶漬飯，米飯加上飯素，再倒入清香的茶湯，非常好味。另加多一客盛岡冷麵，冷麵QQ的很清爽。

因為兩年冇得去日本嘅關係，真係好掛住日本嘅燒肉，估唔到香港都食到正宗日本燒肉，牛繁燒肉款式多種類，牛、豚、雞、海鮮都有好多選擇，真係覺得自已響日本食緊燒肉嘅感覺㗎😝仲有佢哋嘅三得利黑金啤就係我至愛😍出面搵唔到架。最值得表揚嘅就係每一位員工，個個都好有禮貌👍亦會悉心介紹食物給客人。環境亦非常舒適乾淨，食完仲唔會有油煙味架😊今次食咗龍蝦尾，牛舌，雞頸肉，牛小排等等，味道very good😋😋😋

午市-店長嚴選豪華套餐（4-5人前) （$1628）❤️‍🔥🥩特上霜降牛五花（燒肉汁）雪霜般的牛五花，雪花均勻，配咗燒肉汁，肉質肥美、入口Juicy、軟熟無比，咬落去入口即溶。❤️‍🔥🥩特上牛胸腹肉（燒肉汁）牛胸腹肉脂肪豐厚且味道醇厚，肉質具彈性，牛肉味香濃。❤️‍🔥🥩厚切特上塩香牛舌經過大火鹽燒，口感爽口彈牙，真係一試難忘！❤️‍🔥🥩上級和牛里脊肉（月見汁） 和牛果然唔同花紋，色澤都同一般嘅牛肉相差好遠，極多雪花，分布得好均勻，一睇就知係靚牛肉，配上生蛋造成嘅月見汁，味道非常出色。❤️‍🔥🥩特上M9和牛肉眼扒和牛色澤鮮艷，油脂豐腴，肉汁混合軟滑蛋漿，口感好滿足。❤️‍🔥🥩極上霜降和牛肩翼板扒油脂分佈好靚，而且和牛油香味濃郁，令人回味。❤️‍🔥🥩嚴選霜降黑毛和牛西冷油脂分布比較多，牛味濃厚，入口即溶。🐔🐖雞肉& 豬肉類🤍櫻姫雞腿肉（味噌）啖啖雞肉，肉質軟腍。🤍特選豬頸肉（辣味噌）豬頸肉切得好幼身，好快就可以燒熟食得。🤍特選豬五花（柚子胡椒）柚子胡椒奄製的味道特別，吃落令人很開胃，豬五花帶油脂，燒出來較香，軟熟又有口感。🦀海鮮類👍🏻原條蒲燒鰻魚冇骨，厚身，啖啖肉。👍🏻北海道甲羅燒 2份重蟹膏味，鮮甜。

同個食肉獸食晚飯梗係要走飯多肉啦😂！好！今次就book左呢間牛繁等佢食個夠！係海之戀呢間好新好乾淨！掃一掃個 QR code就可以上網落單啦, 我哋點咗個牛繁推薦套餐, 2人前$548, 有牛五花牛胸腹肉同埋牛肋肉, 另外可以額外再揀兩款肉(主要係雞同埋豬嘅唔同部位既肉), 兩款沙律同埋兩款前菜, 都真係夠曬飽唔洗另外加野！講番啲肉,每款都有四隻味可以揀, 適合唔同口味嘅人,而且肉質仲好鮮嫩, 燒出嚟好好味真係值得推介