牛繁 (MW Plaza) (已結業)

之前喺東京食過呢間牛繁覺得CP值好高見香港開嘅時候已經好想試 今日終於有機會試啦我哋book咗9:00 都要喺門口等一陣原來平日咁夜都咁多人黎食仲有圍裙添Menu上面好多嘢揀 價錢都好公道選擇好多 齋講牛已經分左好多種類有澳洲M9和牛 牛舌 牛肋肉 肉眼扒都有😍我哋叫咗肉眼扒 個扒就嚟大過塊面擺上個爐度大細岩岩好油花分佈得好好 食落口唔會太韌又唔會勁肥另外仲叫左個澳洲特上胸腹肉基本上燒兩燒就食得 燒得好香入口好有牛味 食幾多舊都唔厭豬方面叫咗豬頸肉同埋豬五花佢啲份量都幾多 仲要好大塊豬頸肉燒完之後啲肉汁必晒出嚟 超好食豬五花係用柚子胡椒醃製 好入味再加上佢係薄切 燒兩燒就可以食 我哋都食到停唔到口野飲選擇都好多 有清酒 水果酒我地唔係好飲得酒 就要左杯巨峰提子梳打同埋蜜桃梳打 一啖肉一啖梳打 好解渴之前聽人講話覺得好貴 但係完全係物超所值啊下次一定要叫多啲朋友嚟一齊食

今日想食日本燒肉平時都係食開個幾間想嘗試新店見到OpenRice第七位有間叫做牛繁位於尖沙咀金巴利道今晚就食呢間啦即日book位。唔同時段仲有唔同優惠我訂嘅時段有八五折到店後店員同我講有locker可以先鎖起d野其實依間日式燒肉店亦都大有來頭係日本嘅過江龍日本有成150幾間分店佢有兩款拼盤一款有三種另外一款亦是全牛份量太多了，想試多啲唔同嘅款所以揀咗左邊啲肉真係好有質素另外個雞頸肉同簿燒牛舌亦都係極度推薦但係個北海道甲羅燒就一般冇咩驚喜

近排相信大家都特別多嘢煩，以往可能煩嚟煩去都喺工作問題、屋企問題，但依家有可能煩着咩色衫出街、煩去咩區食飯安全啲……等等。小弟份人好簡單，既來之，則安之，無論晌咩境況，不怨天，不尤人，因為怨天怨地都解決唔到問題，自覺應把每件事都做足應有本份先。有人話食餐好嘅可以減吓壓，唔知有無科學根據，但食到啲好嘢，喺會開心啲，所以，今晚就拋低一切煩惱食餐好嘅。「牛繁」喺友人嘅推介，喺日本過江龍，話質素有保證。再晌餐牌中嘅介紹，由1968年創立到依家，已經有超過150間分店，可見有一定嘅實力先可以做到咁嘅成績。怪唔之得有咁多客人捧場啦，當晚所見，可以講全場滿座，仲見有啲枱已翻咗一、兩轉，可見香港人喺幾鍾意食日式燒肉。好多日式燒肉店嘅裝修都喺走簡單路線，又帶點工業風。而個人覺得最緊要嘅喺抽風，佢哋嘅抽風用咗上抽式，個人咁多年食韓式、日式燒肉嘅體驗，下抽式嘅效果會好啲。然而，佢哋加咗個透明大膠蓋，效果算喺理想啲。不過，搶火起上嚟，都一樣好大煙吓。除此之外，銅鉗、鉸剪、醬汁、調味料……等等，已放晌枱上，一齊準備就緒。環境、用具介紹完，就講講有咩選擇，其實，翻一轉餐牌，就見到有好多嘢食，不過，唔知點揀，晌門口

今日係週年紀念，當然要同男友食餐好既。哩間牛繁係食日式燒肉。諗落每次係香港食都係韓燒，日式燒肉都係第一次，非常期待。地舖加上落地大玻璃設計，店內陽光充足，可以望見街景，環境舒適寫意。非繁忙時段，人流唔算多，可以慢慢坐，傾下計👍🏻👍🏻。午市套餐百幾蚊就有齊湯、沙律、飲品、飯同高質燒肉😍😍。基本套餐有四款燒肉選擇，加多$10可以多兩款選擇。湯同沙律份量比預期中大份。雞蛋湯清甜好飲，蟹柳沙律加左芝麻醬，非常開胃。食完個前菜燒肉就到喇😍。肉質賣相相當唔錯，肉質望落有光澤夠新鮮。我地今次就揀左牛筋肉同牛胸腹肉。兩款肉各有千秋😍。牛筋肉肉質就相對較淋夠嫩；牛胸腹肉牛味香濃。燒爐細細部，上面安裝左個透明大蓋罩住油煙，食完身上都唔會好大陣味😁。哩到仲好貼心提供有鎖儲物櫃，可以完全杜絕手袋/大褸吸味。$10加左一球豆腐味雪糕，味道清淡，唔會太甜😍😍。

朋友生日，我們逛街後到了這間日式燒肉店慶祝。今次主力都是點牛為主，結果點了一個沙律，一份牛肉拼盤，一份牛舌，虎蝦及一個飯，再加了兩杯啤酒。霧島溫泉蛋沙律 $48 沙律菜，蕃茄，配上芝士，溫泉蛋，感覺好新鮮。牛繁三點盛合 $268 有三款牛的不同部位，上級牛五花，中落牛筋肉，特上澳洲胸腹肉，牛肉不用燒太長時間，但吃起來好有口感，重牛肉味。蔥燒鹽香牛舌 $98 牛舌切得薄身，唔需要花太多時間燒。越南黑虎大蝦 $88 有2隻，虎蝦尚算大隻，蝦肉吃起來爽口。霧島溫泉蛋飯 $48 燒好的牛肉，配上熱辣辣溫泉蛋飯，避免只食肉，太膩。最後，燒肉怎可沒啤酒呢⋯

P小姐呢排強烈表示要食燒肉💪🏻😠H先生當然要聆聽民意 回應佢既訴求👌🏻👌🏻牛角放題我地都會定期幫襯 所以想帶佢食下新嘢🤩今次去食既呢間原來係喺日本開左有成150幾間分店😱.三點盛合真係幾抵食👍🏻三款分別係上級牛五花 中落牛肋肉 特上澳洲胸腹肉🤗入口感覺唔係好大分別🙂牛味綜合黎講都算ok 脂肪分佈平均😚肉質偏向較為煙韌啲 醃肉醬汁味道惹味唔算好咸😋燒完香口都唔需要特別再點醬😛不過輕手返啲會更加突顯出個肉味😜要讚下每片肉既份量都唔細 大口既H先生都要分兩啖咬開🤣🤣.雞腿肉同豬五花就揀左鹽醬 個醬比較傑😌蒜蓉同鹽既比例較得幾好🥰唔會特別咸但又帶出到嗰種蒜香😘可能醬汁較厚身 所以入口連埋肉汁既感覺好豐富濃厚🤤雞脾肉好滑 無雪味 肉味甜😄五花肉嗰層脂肪雖然邪惡 但睇住啲油標出黎💦燒香左再放入口 又真係幾正似似地進化版煙肉🐷.最後唔夠喉加多碟霜降牛五花🐮呢碟既肉質再韌啲 有少少過龍🤔肉味相對上都較頭三款啖味😅不過仍然juicy👍🏻

朋友帶咗我去最近好hit嘅《牛繁》食日式燒肉。非常平民嘅燒肉，價錢唔算貴， 打正旗號過江龍香港分店， 平日晚上都非常多食客捧場。餐牌好多選擇， 淨係牛肉都有幾版介紹。爐上面嘅抽氣再有一塊透明玻璃隔開油煙， 不過我覺得同對面嘅人傾計有少少困難～～大部分嘅燒肉都可以選擇味道：有鹽，味噌或汁燒。壶漬牛肋條$108要加推介嘅牛肋條， 兩大條牛肋條只是$108器皿獨特，好似一個甕缸。可以整條鋪上爐燒完再剪开， 或者剪開才燒都可以 。肉質有嚼勁， 有少許脂肪和筋腱， 醃味唔錯唔會太鹹亦唔會搶去去肉味。食燒肉配冰凍既可樂和啤酒唔少得啦～～ 冰杯底真係夠曬凍！👍❤️牛温泉卵丼$48香軟嘅日本米飯鋪上紫菜碎和味素， 主角係滑滑嘅溫泉蛋， 稍為撈勻， 非常美味！！特選牛大腸$68我唔記得咗牛大腸和牛小腸嘅分別。原來大腸嘅脂肪團比較誇張， 仲非常惹火， 次次都燒到著火！！入口軟綿綿但都相當邪惡～正做緊推廣，like 佢嘅facebook仲可以送多一份《上級和牛里脊肉》 薄薄的一片， 甜甜的醃味， 一燒就可以放入口， 有油花有肉味，正呀！薯蓉沙律$38幼滑惹味嘅薯蓉加入蘿蔔絲， 口感特別， 味道唔錯。各款菜式，

今日係朋友嘅推薦下來到尖沙咀一間日式燒肉店。門面雖然同普通嘅燒肉店冇乜分別，但係原來呢一間係日本連鎖式的燒肉店，名字叫牛繁。喺日本國內十分出名。除咗一般燒肉常見的牛肉豬肉之外，還有很多蔬菜選擇。壺漬牛肋肉這個也是小店的招牌！牛肋肉放入了青紅椒和洋蔥等等，加入壺中用上特色日本燒汁醃制。味道濃郁非常。肉質好滑，難怪成為店入邊的招牌菜。柚子胡椒雞腿肉來自日本國產雞的雞腿肉，真的與眾不同。肉質十分彈牙可口。配上有少少辣味的柚子胡椒，相對地比出面特別的醃料，清新得來又唔會過分單調。北海道扇貝 加入蒜蓉汁，燒起之後特別可口！不過對於我這個食肉獸來說，都係和牛好。最後以一個牛肉蓋飯作結。份量也很多，絕對夠兩個人至三個人食。

午市抵食美味日本燒肉平日一至五有午市套餐，而且價錢只係$128呀，只係某啲肉加$10或者$20，我地叫左牛小扒同埋牛下腹。牛小扒畀相對地厚，而且肉汁比較多，牛味相對地香，我覺得幾好食。另外，我哋叫嘅牛下腹，就相對地肥膏分佈多一點，但係食落去味道都好香。午餐仲包飯餐湯及飲品，仲有沙律，揀咗蟹柳沙律，分量都幾多。前菜仲有芽菜同埋菜青菜，都相當唔錯，唔會太油膩。我哋仲覺得啲肉幾好食，而且夠香。下午黎坐得舒服，服務又唔錯。

尖沙咀燒肉都好多選擇，今日來到來自日本的牛繁 (Gyu Shige)，聽講在日本也有好多分店。質素相當有保證，適逢喺地鐵站距離大概8分鐘路程，距離也不太遠! 食物方面，價錢亦都是豐儉由人。有貴價的和牛，都普通一百多元一碟的牛肉也有。如果不太喜歡肉類，還有海鮮選擇。鹽燒薄切牛舌這一味是牛繁的招牌菜。牛舌薄切後，經過鹽醬醃製。燒好後可以加上香蔥，點一點檸檬汁解一下油膩感。鮮冬菇冬菇上特製的醃料，由於燒烤爐的火力十分夠強，所以不消幾分鐘已經熟透。好香，食左咁多肉，係時候食返啲菜啦！除咗冬菇之外，還有高麗菜選擇！越南虎蝦蝦肉十分彈牙，經過短短時間燒香後，有陣陣海水味。蝦肉實淨，一路燒的時候，蝦膏傾盆而出，蝦肉的香，真的令人流口水！店入邊的燒烤爐比一般的小，所以油煙味不太強。小店也設有儲物櫃，如果擔心油煙的話可以將隨身物品放進locker，好貼心的服務呢！

今晚陪朋友到金巴利街試婚紗, 順便係附近搵間餐廳一齊dinner~每次經過呢條街, 總被"牛繁"所吸引, 呢間係日本過江龍既烤肉店, 正好今晚我倆就入去邊食邊傾!每張檯都放有一小個烤爐, 烤爐之上除了有一個抽煙煙囪, 煙囪額外加配了一個罩, 除左可以令燒烤散出既煙集中被抽外, 亦能避免到燒既時候唔會彈到自己。牛繁 主打牛, 當然牛既款式較多, 亦有豚肉、雞肉選擇, 除烤肉外, 都有沙律、小食、飯類等等..【壺漬牛肋條】HK$108壺中放左兩件牛肋條, 牛肋條醃得好入味, 而且夠林, 夾集淋左少少汁既香蔥一齊食, 甜甜地又帶香口, 而且冇筋連帶。  【蔥燒鹽香牛舌】HK$98薄切牛舌淋左少少汁, 燒既時候唔會令牛舌太乾, 夾住香蔥食, match!【極上牛板腱厚切和牛板腱排】HK$198牛板腱既牛脂分佈幾平均, 肉比牛脂多, 所以入口唔會成口油, 肉味幾重, 肉質都幾嫩。【雞軟骨 （日本雞三角）】HK$68平時食雞軟骨都係一粒粒, 第一次見雞軟骨係三角, 真係好少機會係其他餐廳見到。軟骨爽脆唔會太硬, 質地似豬耳既軟骨, 唔怕硬到咬傷d牙, 正!!LIKE & SHARE 餐廳Faceb

店內有大塊落地玻璃，坐在窗邊，外面的自然光射進來，感覺很光猛舒服。店內座位闊落，每張枱上有一個別緻的燒爐，抽煙管正正在燒爐上邊，基本上油煙味都可以吸得走，所以餐廳並沒有很油煙的感覺。午飯時間，叫了兩個lunch set, 一個牛五花，一個得上牛胸腹肉。每個lunch set另外有湯、沙律、飲品、前菜、白飯，非常豐富。湯應該係旦花䓤湯，湯清清甜甜，材料豐富，除咗好多旦花，仲有蘿蔔、紅蘿蔔、蔥、冬菇。沙律無論係薯蓉沙律或蟹柳沙律都新鮮好味。牛五花肥瘦適中，一碟都有大約10片，牛五花食得出油香，啱晒唔鍾意食太瘦肉嘅人。餐廳俾埋兩款醬汁，但基本上牛肉已經好有牛味，所以都唔需要點醬汁去食。牛胸腹肉比較大片厚身，但係食落口嘅感覺係出奇地好，肉質比牛五花更林，而且牛味非常突出，下次要encore.最後仲加埋個士多啤梨雪糕，食飽飽好滿足！兩個人食咗咁多嘢埋單都係三百零蚊，都幾抵食。

約咗好友食飯， 近尖沙咀金巴利道嗰邊，多數都諗住食韓國料理， 但經過一間頗有 日本燒肉feel嘅餐廳， 心思思入咗去。店舖裝修果然有日式燒肉嘅風格和氣氛。 更提供locker畀客人存放袋或衣服， 免被燒烤煙燻到。埸內抽氣系統稍弱~睇返餐牌介紹， 總店果然源於日本。 燒肉選擇多樣化， 牛肉更係有兩板介紹～～ 不知選哪一款好。 小食，熟食，選擇則唔算多。特上牛胸腹肉$98牛胸腹肉好鬆軟， 雖未至於入口即溶， 不過咬落肉味濃，而且有甜甜地嘅醃味。特選豬五花$68選用了柚子鹽作醃製， 個人覺得味道太濃，搶去五花腩本身嘅味道， 還好肉質唔韌， 肥瘦相間，相當美味可口！盛岡冷麵$68炎夏天氣 特別喜愛吃冷麵。可以自已加入果醋， 個人意見加少許就夠因為醋汁頗酸。 冷面夠冰涼，煙韌， 加咗辣辣地嘅泡菜青瓜絲和蘋果片， 配搭清新又夠醒胃!壶漬牛肋條$108抵食嘅推介項目， 兩條份量不少嘅牛肋肉， 肉味濃但肉質唔算軟嫩。 壼裏還有紅椒，青椒， 顏色和賣相都夠曬搶眼。 特別還附上日本蔥花， 放在剛燒好嘅燒肉上，蒽香味令燒肉味道更提升！