牛繁 (MW Plaza) (已結業)

踏入2020年，新的一年新的開始，當然要食得好啲啦地方都幾大，啱晒同一班朋友嚟開飯啊午市套餐非常抵食，每份都只係$128，想再食好啲嘅話可以加錢upgrade某部份食品值得一提嘅係呢度嘅服務非常貼心，如果客人有需要除臭劑、牙籤、圍裙、吸管、濕紙巾、儲物服務、漱口液不妨可以同職員講聲㗎一個set lunch就包左沙律、湯、飯同飲品，湯就有啲似蛋花湯，仲有啲菇粒添珍珠米餸牛肉就真係最好不過牛胸腹肉質會較淋我另外加$20要左牛小排，牛小排係帶有牛骨既全部都唔使加調味料都可以食到牛肉味

特上牛胸腹肉 $196/2肉質較結實，有咬口又不失軟淋👌🏻牛味係哩餐飯入面相對較濃郁😻 元氣牛五花 $256/2相對地油脂較其他部位豐富油脂分佈亦較平均👏🏻牛味尚算突出肉質偏淋身🥩 蔥燒鹽香牛舌 $98口感偏爽，有少少韌牛味唔突出🐮👅 壺漬牛肋條 $108普通，有咩記憶點😶由於較為厚身，牛肋條唔夠入味肉質較韌亦容易燒唔熟或者燒過龍🤯 上級和牛里脊肉牛味中等，肉質正常不過不失 整體而言，有啲失望😞大家對牛繁評價都好高，試完之後我覺得牛肉牛味唔算濃郁，肉質尚算軟淋，但油脂唔夠豐富🤔無入口即融既狀態🙅🏻‍♀️好似我咁中意食日本和牛既人想係香港過下口癮，個人認為哩間餐廳可能會令你失望🥺另外，食物份量亦唔多，多為薄切，性價比唔高。 可取之處係餐廳通風除臭系統做得幾好，食唔會成身燒肉味🥩而且衛生情況較佳，無論餐台定地面都唔會有油既感覺🚿服務質素亦唔差，會向食客主動提供圍裙👍🏻

中午同老死黎食晏，打算填飽個肚先去睇戲~~老友帶左我黎食燒肉，呢度既地方都幾大，抽風系統亦做得幾好！！呢度午市有set lunch，有六款既肉類選擇，有四款係$128，牛五花同牛小排就要額外加錢~~套餐會包埋前菜、沙律、湯品、白飯同飲品，呢日既係蛋花蘿蔔湯：）沙律有兩款，我地一人一款share食~分別係薯蓉沙律同蟹柳沙律，味道都okkk！之後我地所揀既肉都好快黎到：）我加錢要左份牛五花，而朋友就要左S2既牛肋肉~~牛五花燒完食落軟腍脂香，牛肋肉肉味香濃！燒好既牛肉沾上少許鹽巴經已好好食~當然配飯亦係另一佳選啦xppp食飽飽之後再飲返啖冰凍既檸茶又爽又解渴，正！！！

Weekday 到尖沙咀試食這間日式燒肉。午市人不多，可能是Office 的員工不會有時間慢慢燒肉的原因啦。點了一個午市套餐，有一碟肉，有前菜，沙律，湯，飯，雪糕和餐飲。可能按需求加肉等。環境舒服😄

冬至前夕，放工同老公決定食餐好慶祝冬至，去左在尖沙咀既牛繁，約七點到達，我們沒有book枱，幸好剛好有位，不用等就可入坐。Menu上有不同牛可選擇，有點花多眼亂，決定來個特選盛合吧（$688），一點也不便宜，豪一豪佢吧！個人認為，整個盛合最美味是牛五花、厚切牛舌、肉眼扒，胸腹肉就不過不失啦！點醬料時記得要落點鹽！另外還點了壺漬牛助條，這個價錢不貴，值得推介！在fb上點讚及簽到，更送一碟和牛里脊肉，送既當然不要太高要求！我們更追加了一碟魷魚，好大碟！燒完幾好食喎！好彈牙！這餐晚飯真的很豐富！

今日中午在尖沙咀找朋友，知道尖沙咀金馬倫道，有一間日本燒烤店，叫牛繁，呢間燒烤店喺日本已經有超過100間分店，開正喺諾士佛台下面，一定要來試一試。一坐低嘅時候，就知道呢度嘅餐廳非常之貼心。如果你擔心食完燒肉之後會有好大嘅口氣，佢呢度會有唔同嘅法寶幫到你。餐廳嘅環境非常好。舒適而寧靜。佢嘅午餐非常經濟，$128可以有五款野，由前菜、湯、飯、自選一款肉、加飲品都全包。佢嘅前菜，係撈左胡麻醬嘅薯蓉沙律，沙律裏面仲有餡料，口感鮮甜清新，每一啖都令人感覺好正。佢個湯係一個由滑蛋整嘅湯，湯底清甜，配上滑蛋，呢種嘅配搭好Fusion。烤肉套餐，我叫咗佢個牛肋肉餐，肉嘅質感非常好，燒至五成熟，肉汁鎖住左係筋同埋肉入邊，好正。之後輪到飯，佢呢個餐包左白飯，但如果自己想有另外一啲選擇，係可以叫呢個溫泉蛋飯，只需要加上$15。配上紫菜、芝麻、溫泉蛋汁而成嘅飯，佢係用咗上成嘅日本米，每一粒都非常之圓潤、彈牙，有咬口。如果你想食冷麵，佢呢度都可以將套餐加$20 ，就可以將飯轉成冷麵。餐飲係一杯凍檸茶，甜度控制得非常適中。同呢度嘅服務員溝通，知道呢度夜晚一般都會好多人預約，所以如果唔係食午餐，而係食晚餐，可能需要

我地五個人訂了平日晚上七點. 訂位很方便, 喺OPENRICE可以直接訂位. 用餐時間為90分鐘, 入座起開始計算. 致親愛的客人：店內有提供幾款貼心服務. LOCKER, 進店有儲物架. 可供客人使用. 除味劑, 作為一家日式燒肉店離開前可噴除味劑在衣服上, 燒肉味不用帶回家一次性圍裙, 建議大家向職員取, 因為燒肉的油被想像中彈得遠. 電話不要放枱面點菜方面, 我地人多, 所以直接單點想食的肉. 每碟豬肉為5-6片, 牛肉則8片左右. 介紹一下五花腩豬肉片一定要試試柚子味道, 十分出色. 每口都帶柚子香, 胡椒的辣和豬腩的油香味十分回味!香草的味道沒有特別.五花腩每一碟的大細不一樣, 見圖柚子味道的大細厚度剛剛好. 香草的就遜色了. 柚子味五花腩， 必試香草味五花腩壺漬牛肋條壺內有兩大條牛肋條先整條燒香外皮再剪開一粒粒加葱段再燒香即成. 人氣, 霧島溫泉蛋飯. 中間是生蛋, 外皮是脆脆的大概是蛋伴飯. 口感不錯. 特上牛五花好味！整體OK. 可以在來, 出品不錯.

-特上厚切牛肋條- 🌟成條圓軲轆嘅牛肋條 油脂感覺好豐富 口感軟腍仲有好重嘅甘香 雖然係咁但你唔會有膩嘅感覺 放落口會感覺到啲牛味係你個口游走🏊🏽‍♀️.-極上霜降和牛肩翼板扒-🌟薄切牛扒🥩 冇咩脂肋 但你唔好以為冇脂肋就會好嚡 我建議每邊燒5-8秒就夠 燒到見到仲有啲紅 咁就係最好食入口即溶😴 牛味濃郁.-牛小排-牛小排都冇咩特別 都幾好食 同平時食嘅牛仔骨差唔多.-牛繁和風伴飯-伴飯冇另外配醬汁 因為本身飯底本身有味但唔會好濃 整體不錯 如果想濃啲可以加小小酸辣汁 🍚加完都好正

今日同朋友去尖沙咀特別想食燒肉，經過依一間叫牛繁既餐廳，見到門口全玻璃嘅設計，覺得幾靚就入咗去食。環境來講都幾寬闊，而且抽氣系統超級好，食完都絕對唔會有油煙味！燒肉嘅部份，我哋先叫咗特上牛肋條。非常之厚身，而且上菜嘅時候已經幫你喺肉上面畫上幾條痕，等燒肉嘅時候，更加入味。食落去肉質好鮮嫩，而且又有好多肉汁，配上韓式嘅醬料，依個真係必食！之後叫咗一個極上霜降和牛肩翼板扒。可以見到佢嘅厚薄剛剛好，因為太厚嘅牛扒好難熟，而且未必可以掌握到佢嘅熟度，依塊來講容易燒之餘亦都幾好食。另外我哋都叫咗一個牛小排，份量都有成6塊，而且牛肉質素都幾唔錯，鍾意食牛小排嘢你真係唔好放過。到最後我哋叫咗一個和風牛肉拌飯，簡簡單單都幾好食😋成餐飯無論係環境，食物嘅質素同埋服務嘅態度都真係好推薦比大家去試！

又嚟食牛繁~上次食lunch今次食dinner~ lunch係set嘅形式， dinner就梗係單叫啦，肉嘅選擇比lunch多好多， 之前lunch食過嘅牛肋下覺得好正，今次再 encore， 同行嘅唔食牛肉所以叫咗個豬五花，另外仲叫左個青口~大家都食得嘅， 望望下menu原來簽到會送一碟肉，梗係拿拿聲簽啦~ 另外加咗個溫泉蛋飯， 食日式燒肉都係食飯比較冇咁膩~肉嘅嘅quality係無容置疑有水準， 除咗因為要限時間食得有少少趕外， 今次少少遺憾就係冇嗌到味噌嘅肉肉， 呢度嘅味噌暫時係我喺香港唯一個都真係覺得好好食嘅一間~ 其實晚餐都唔算貴，因為佢肉嘅份量明顯比lunch多差不多一倍， 如果兩個人叫四碟肉~ 價錢可能同lunch差唔多，當然沙律湯飲品呀嗰啲就欠奉~我應該都會繼續再來，因為價錢合理~食物質素都唔錯…

真係好好食，D牛好高質素，服務員D服務好周到同埋好有禮貌，連我去攞個餐牌都要幫我玀，我話要自己攞佢地都要舉高個聲牌，令我有種好似返左屋企咁樣lol，好推薦去呢到。

早排同朋友慶祝生日，前一晚先開始搵餐廳，見到Openrice有得Book位就決定去呢間燒肉店食lunch。我地星期六12:00到埗，餐廳啱啱開門，所以得我地一枱客，我都有D擔心會唔好食，不過食完就覺得值得俾番個好評佢。而且，過左一陣，餐廳都差不多坐滿人，所以如果星期六日打算黎食都係BOOK左位先好D。餐廳午市有Lunch Set，價錢$128，包一份肉﹑沙律﹑湯﹑飯同飲品。因為有蛋糕(餐廳唔洗收切餅費，仲要好貼心幫我地點蠟燭同俾叉同碟我地自己分餅，值得一讚!!)，所以我地3個人叫左兩個餐，另外追加左一份肉同upgrade左其中一個飯做冷麵，一個SET份量都算幾多，我地都夠飽。我地叫左S1 中落牛肋肉（鹽醫）同 S3 特上牛胸腹肉 （醫燒），追加左日本雞三角（柚子胡椒），呢到既燒肉係可以tailor-made，揀完想要咩燒肉，就可以揀個肉既醬汁，呢樣野幾好。兩種牛肉既肉質同味道都唔錯，兩個醬汁當中我比較鍾意鹽醫，因為鹽味唔會蓋過牛肉本身既肉味，同時令成塊肉更加香口。日本雞三角我極力推薦!!!! 其實雞三角係一塊三角型既肉，中間位置係雞軟骨，然後旁邊有D雞肉包住。一啖食既時候會食到腍身既雞

好耐無食過燒肉，今日約左個朋友仔黎encore 牛繁，上次食過都唔錯。Facebook like & checkin 可以免費有一份澳洲和牛里脊肉，好抵特選豬五花，肥瘦分明，食落肉味十足極上霜降和牛肩翼板扒，呢個真係好好味，厚薄適中，燒到岩岩好，d肉汁鎖晒係塊扒入面，好juicy盛岡冷麵，冷麵爽口彈牙，加上各樣配菜，口感層次豐富北海道甲羅燒，有好多蟹膏同蟹肉絲，食到lamlam脷北海道帶子，好鮮甜，同個醬料好夾食燒肉點都要配番杯冰凍野飲，我揀左巨峰提子梳打。朋友揀左可口可樂好滿足ge一餐，食物質素滿意，下次可以再黎試其他肉。

好耐無食過燒肉。女朋友今晚話想食日式燒肉，朋友介紹之下，一於來到尖沙咀金巴利道的「牛繁」。極上霜降和牛肩翼板扒 $178。和牛夠晒鮮嫩美味多汁，肉脂分布得好均勻，入口即溶，配上醬汁真係好正，十分Juicy，口感夠層次。特選豬五花 $68因為係五花嘅關係，脂肪都幾多，一燒嘅時候，啲油脂香味出晒黎，好香口！北海道甲羅燒 $68吸睛十足，打卡一流。夠晒鮮味！盛岡冷麵 $68齋食燒肉驚唔飽肚嘅話，建議點一個主食墊下肚。冷麵做得出色，酸酸甜甜幾開胃。北海道帶子 $78一客有兩件，大大粒帶子，正！巨峰提子梳打 $45同燒肉嘅味道都幾夾可口可樂 $28餐廳嘅抽風系統都幾有效，難得食完燒肉都無咩油煙味聞到，抵讚呢餐嘅CP值都幾高，下次會再來

細細間係尖沙咀既燒肉餐廳，5個人叫左2個manu 第一頁既set，再加幾碟小食。Set 款式好多，可以試到大部份牛肉，質素還可以。蔬菜拼盤都係個幾樣，但比較特別有蒜頭，燒到全熟成粒食好好食的。不過餐廳冷靜唔太足夠，亦較大油煙，埋單睇返其實唔係幾抵食，要食飽應該幾貴。不過值得一讚係餐廳有提供李斯德林。