牛繁 (MW Plaza) (已結業)

眾所周知金巴利道係出名食韓國嘢，但係呢間午繁上網睇竟然佢係話係食日本嘢？！原來佢係日韓菜嘅混合版，兩者結合帶嚟嘅係前所未有嘅體驗！感覺好新穎 。一入到黎呢度設有好貼心嘅服務，包括設有口罩袋保持衛生，另外如果你嘅隨身物品比較多可以選擇放入佢哋嘅儲物櫃，另外仲有消毒搓手液為你清潔雙手。我哋喺餐牌上面點左好多嘢食，五花八門非常之多嘢揀，呢度最出名係牛肉，但係我發現原來除咗牛肉佢仲有好多選擇，於是我哋叫咗個豚雞肉拼盤，另外仲有個野菜盛合，除此之外叫咗佢嘅大人氣霧島溫泉蛋拌飯、牛骨蛋花湯，仲有個牛繁和風拌飯同盛岡冷麵添！蛋花牛骨湯啲蛋花整得好滑，散怖喺湯裏面，牛骨嘅味道好濃，冬菇嘅味道好香，雖然有啲咸，但真係想飲多兩碗。

午餐食燒肉，呢間牛繁我之前經過好多次，今日終於黎食番個午餐。午餐幾抵，$128除左燒肉，仲有齊湯、前菜、沙律、飯、飲品。前菜有基本菠菜、芽菜。個湯係蛋花湯，清清地，唔似好似好多韓式餐廳嘅餐湯咁鹹。沙律方面我地每人點左一款，分別係薯蓉沙律同大崎蟹柳沙律。試左少少薯蓉沙律，超creamy。蟹柳沙律則有好多菜，兩款都好啱我胃口。我地分別點左中落牛肋肉、特上牛胸腹肉。牛肋肉比較脂肪多少少所以肉質較軟身。兩款肉都已經好夠調味，唔點醬汁都非常正！飲品我地揀左檸檬茶同烏龍茶，無額外加糖，非常好！最後我地加左海鹽雪糕仲有綠茶雪糕，好大球！食完真係飽到出汁！呢度有齊除味劑、消毒劑等，令大家番公司唔會有油煙味，又可以消毒雙手，好貼心！

All in all 簡評：1 餐廳在諾士佛台下面，地理位置一流。8/102 一定要點她的茶漬飯，不會後悔。9/103 烤肉的話，一定要是他的牛舌。9/104 有時間的話，可以品嚐這裏的梅酒。8/10————————————————————————————自己平時都食不少烤肉店，但如果要說有哪些烤肉店比較好，其實必定要去比較材料的優質程度。今日食了牛繁，在諾士佛台下面，真的不錯。-烤肉店，其實材料的好壞，佔了整頓飯的60%，由於廚師的技術較其他類型的店舖佔了相對較低的重要性，所以烤肉店更加講求用了的質素。-我好喜歡牛繁，因為店員的服務態度真的非常好，另外就是，這裏的用了選材非常好。我經常都會考身邊的朋友，究竟他們能否分得出牛舌和普通牛肉之間的分別。正常是應該有分別的，因為牛舌一般來說是比較脆，而牛肉則是食另外一種的體驗。這一間餐廳的午餐，性價比高。一份午餐也只是$128。--前菜、湯、薯仔沙律等不在話下，今日想重點點評他的茶漬飯，牛小排，牛舌，和他的梅酒。一般去日本旅行，都會是他們的茶漬飯和魚生飯，而在京都，吃到茶漬飯的機會就會更多。-這裏的茶漬飯，大大碗的，表層鋪上了大量的海苔，好惹

最近疫情影響條街少左好多人因為工作關係要出去食野經過見到牛繁之前一直都好想食見今日唔係好多人所以入去食lunch大家可以放心店鋪有做足消毒措施有消毒酒精噴手午市定食有6款可以揀每款都包沙津、湯、前菜、白飯同飲品好抵食！沙津有兩款可以揀蟹柳沙律或者薯仔沙津前菜係大豆芽同菠菜湯係蛋花湯雖然係午市定食但一定都唔馬虎求其有6塊牛小排仲要係高質靚肉如果唔夠食可以追加燒肉我自己就追加咗牛舌會配埋一碗京蔥夾住一齊食可以減油膩唔錯唔錯

呢間餐廳有塊落地大玻璃一路燒肉一落望下街一流Set lunch $128@ + 10% service charge可以加錢𝕒𝕕𝕕 𝕚𝕟套餐包薯仔/蟹柳沙律，蛋花湯，醃菜個薯仔沙律做得好好味，可能係芝麻醬帶起成個味蛋花湯偏濃味醃菜就好好餸飯加$20點左牛小排，肥瘦剛剛好燒完都仲好𝕛𝕦𝕚𝕔𝕪個爐偏細呢份係牛肋肉，筋位比較多呢種要燒耐一陣 燒完熄爐一次過食最開心餐廳會事先開定爐，可能怕大家趕時間返工餐飲有烏龍茶同檸檬茶兩種選擇

朋友生日, 知道她很愛吃烤肉, 就請她到尖沙咀一間烤肉店食返餐, 事關同事推介這裡的水準不錯, 就去試試吧!平日晚近九點, 街道上開始寧靜, 大多店舖都開始關門, 反而這間烤肉店---牛繁, 還是很旺場, 很熱鬧。每張檯都有一個小小烤爐, 爐面上都有一個透明大罩, 油煙很快被抽走, 就算坐滿食客整間店都不會出現煙霧籬漫。這裡除了有多款牛選擇外, 還有少量豬、雞款式, 更有沙律、少量熟食。蔥燒鹽香牛舌: 嫩紅牛舌淋上了汁醬稍為調味過, 烤後夾住香蔥食, 既香口, 還有點牛舌的原汁原味, 很推介!壺漬牛肋條: 入面有兩條被醃製過既牛肋條, 味道甜甜地, 肉味濃郁, 牛脂較少, 不會太油膩還有LIKE 社交平台PAGE, 更免費送一碟澳州和牛里脊肉質素亦不差, 烤的時候還有血水滲出, 肉質很嫩呢

尖沙咀都有😍日本100+分店超抵食 · 已餣味 燒牛肉 套餐🤤牛肉餣得好夠味，好juicy一個$128午餐set包牛肉、前菜、沙律、蛋花湯、飲品+$10追加士多啤梨味雪糕🍓前菜有菠菜芽菜，撈芝麻醬料，好香，令人開胃沙律係蟹柳沙律/薯蓉沙律🥩元氣牛五花（+$10）呢款更加juicy, 油質更多，更薄切入味🥩特上牛胸腹肉2款牛肉都好高質，已經調好味，非常夠味新鮮牛肉一燒熟即食，入味，口感滑嫩，爆多肉汁如果鍾意更濃味嘅人，可以再點醬汁，有2款醬汁，酸酸甜甜咁食完飯，同餐廳員工講：「你呢度嘅檸檬茶好健康」原來唔記得加糖

呢排人心惶惶，又唔敢去旅行住，但又好掛住日本既燒肉😭😭😭😭一於捉埋男朋友出尖沙咀試下呢間牛繁！我地特登早d出去，避開繁忙時間，去到餐廳都好放心，因為地方好乾淨，衛生做到好足，店員都有帶口罩，唔錯唔錯！環境除左乾淨衛生外，空間感好夠，坐得舒服，門口仲有locker俾人放隨身衣物，唔洗索哂d油煙味！而店內既抽煙抽油都做得好好，唔會話愈燒愈焗！講番野食先，首先點左特上牛五花厚度適中，賣相超正，一見到d油花就流哂口水，只要兩邊輕輕一燒就食得，調味方面我地揀左鹽醬，最原汁原味再叫多個溫泉蛋飯一齊食真係一流！另外仲有我既至愛特上厚切牛肋條 肉味好濃，比起牛五花有咬口，超好味！牛肋條份量都幾多，問店員借左較剪，燒香左兩邊之後剪成一粒粒，啖啖油香，超正！食燒肉又點少得牛舌蔥燒鹽醬牛舌，燒好之後係上面加上大量蔥花捲住食，牛舌爽口而且配埋蔥花好有層次感！必點！另外仲有極上牛板腱配月見汁牛板腱相對比較薄身，建議猛火燒一燒就食得，月見汁其實即係甜豉油加雞蛋，將燒肉沾上月見汁，食落更嫩更滑！最後淨係食牛又點夠喉啊，叫埋雞腿肉 雞肉嫩滑，而且味道香口，唔錯！真係好耐無出街食晚飯，今次係大滿足！兩個人加埋$600到

#牛繁曾經係日本東京食過一次牛繁，抵食又好味原來香港都有一間分店，位置係尖沙咀午市燒肉定食大大份只係$128蚊，有齊一份肉類、沙律、前菜、飲品、飯、湯特上牛胸腹肥左小小，油脂感比較重本身已用日式燒汁餣好，食落鮮嫩多汁牛小排肉質較厚實，唔會好肥枱上有鹽、日式燒汁、辣醬自行調味小編推薦霧島溫泉蛋飯將溫泉蛋同脆脆、紫菜同芝麻撈均，香滑好味前菜漬物好重麻油味，好香口蛋花湯冇落太多味精飲品超大杯，岩曬食燒肉，超爽！

黎自東京的牛繁對比上次黎食 加裝左呢個強力抽氣扇特上厚切牛肋條 鹽醬牛肋條既牛味最濃 而且厚切得黎 肉質都仲好林 店員會提供較剪比我地剪開一粒粒咁特上牛五花油花好靚 脂肪分佈平均 入口即溶 除左鹽醬外 落多小小鹽更好味蔥燒鹽醬牛舌牛舌係薄切 份量都幾多 店員教燒好左牛舌後 捲埋啲怱咁食 味道好有層次感 有牛舌既爽口 又有蔥既青菜味 好fresh極上牛板腱配月見汁呢個default係配燒肉汁 係甜甜地 再點埋月見汁 即係醬油溝生雞蛋 有啲似食緊壽喜燒火鍋🤣嚴選雞腿肉 用左鹽醬同胡椒去醃製 食落好重胡椒味 非常滿意！食燒肉一定要配溫泉蛋紫菜飯 啲牛肉既肉汁滴落啲飯到 ！

呢間日式燒肉店做緊嘅午市定食都只係128蚊起，真係幾抵食。🤩 除咗自己揀選嘅肉類之外，仲包埋前菜，沙律，飯同埋飲品。⁣🍚⁣⁣元氣牛五花（$138）［好味度：7/10］⁣⁣⁣⁣⁣⁣⁣⁣⁣⁣⁣牛五花其實即係肩腹肉，亦都即係靠頭側嘅位置。🐮 有好多嘅油花，但係油脂分佈就好平均。😆 所以，烤完之後呢，真係好香。😚 而食落去就一啲都唔鞋口，而係非常之嫩滑。😛 不過呢個就比較重口感，牛肉汁味道就相對上冇咁濃，建議揀濃味啲嘅醃料。⁣⁣💁🏻‍♂️⁣⁣雞腿肉&豬五花盛合（$128）［好味度：7/10］⁣⁣⁣⁣⁣⁣⁣⁣⁣⁣⁣叫呢一款，就可以一次過食曬雞肉同埋豬肉。😗 呢個雞腿肉就好嫩滑，一啲都唔鞋。😆 而且亦都好多肉汁，比較濃味。😍 豬五花呢就比較邪惡啦，見到有比較多嘅油脂。🐷 不過烤完之後配上白飯食，真係好香好滿足。⁣🥰⁣

我超like食烤肉 不輪韓式 日式 台式 我都會經常食就算返工lunch 放假食飯 仲可以去超市買肉自己燒今次去到尖沙咀食 主要去行街同埋遷就進行生酮飲食的妹子我地叫左一個lunch set元氣牛五花 + 大崎蟹柳沙律 + 檸檬茶追加葱燒鹽香牛舌 同 特選豬五花再叫一份牛肋條每一樣都好足料而且葱花旦湯 個旦好滑 清而不淡我自己私心pick就係 牛肋條 同 牛舌牛肋骨好夠肉 雖然好厚 但唔難燒口感無得輸 加埋dd葱 完勝而牛舌就好爽口 配埋檸檬汁同精選配醬食到停唔到口我地已經plan梗下次食咩肉到最後佢地都有漱口水 衣物除臭噴霧俾我地用咁幾時食都唔怕有味la

尖沙咀有一間性價比高的日式烤肉店，它主打的午市套餐只是128元，若想升級部份食物只需加10至20元，豐儉由人。午市套餐包括烤肉，白飯，湯，沙律及飲品，想吃便宜好吃的烤肉，來牛繁沒錯。一開始先上的是沙律，湯和前菜，前菜有兩種，芽菜及皇帝菜，前菜調味鹹淡剛剛好，芽菜口感爽脆，翠綠的黃帝菜脆嫩得很，好不開胃。可能為了避免蓋掉烤肉的味道，湯品以蘿蔔蛋花煮成，喝起來只有一點點鹹，蘿蔔蛋花份量給得不手軟，挺有誠意，朋友直呼好喝。沙律方面有薯蓉沙律和大崎蟹柳沙律可選，我們選吃沙律各一。大崎蟹柳沙律用料豐富，滿滿的一碗，蟹柳鮮甜極致，青瓜絲清脆，粟米甜美，沙律配上酸微微的醬汁，令人胃口大開。朋友的薯蓉沙律也不錯，薯蓉沙律猶如雪糕球般，淋上香濃的胡麻醬，多麼誘人。薯蓉沙律綿密無比，裡頭混合蔬菜粒，增添沙律的咬感。朋友覺得吃烤肉最好配喝炭燒烏龍茶，可解飽膩嘛。琥珀色的烏龍茶入口香醇，茶味厚實，慢慢細嚐還有烏龍茶炭燒後回甘的味道。對於我來說，梳打是最佳解飽膩的飲品，所以我選了巨峰提子梳打。粉紫色的巨峰提子梳打酸酸甜甜，氣泡不斷冒出，小小的刺激令精神為之一振。紅潤的元氣牛五花每一口都是驚喜，牛五花油脂豐沛，柔

位於尖沙咀金巴利道的牛繁，係日本過江龍，已有過百間分店，質素一定有保證。午市時間，未見太多人，但到1點-2點開始愈黎愈多OL 黎食Lunch，以到Lunch 有Lunch Set ，只係$128，Lunch Set 價錢合理，有沙律，飲品，白飯，如果唔鐘意白飯可以升級冷麵、牛繁溫泉卵丼、茶漬飯，另外亦可追加蔥燒鹽燒牛舌、雞軟骨、特選豬五花或雞肉，仲有雪糕追加。Lunch Set 有6款燒肉，我點了元氣牛五花。前菜大崎蟹柳沙律，菠菜芽菜，味道唔錯我好鐘意佢以碗湯，入面有蛋花，蛋花好滑，個湯好清甜我白飯升級左牛繁溫泉卵丼+$15 都幾大碗，撈埋溫泉蛋一齊食，就咁食已經好好味，肉未到已經食晒成碗飯啦！元氣牛五花大約有十片，油花都算平均，將牛五花放上爐上燒兩燒已經食得，牛五花牛味濃，好軟腍，吃出陣陣油脂香味，超好食。另外我散點了北海道甲羅燒，好多蟹膏，蟹味濃郁，一隻唔夠喉檸檬茶都好大杯最後追加了鹽味雪糕

—難得今日個lunch break鬆動d可以嚟個燒烤 慢慢食都得落完單就上前菜同牛骨蛋花湯芽菜/菠菜 加咗芝麻粒好香薯蓉沙津/大崎蟹柳沙律雖然個名有d頹 但其實沙律球入面係有蔬菜絲所以食落都輕盈唔滯元氣牛五花($138)放上爐即刻嗞嗞聲 油脂燒至焦香同埋好貼心嘅係 安裝咗個罩從而減少油濺到食客特上牛胸腹肉($128)相比起牛五花要咀嚼多幾下不過都算係軟腍嘅————————————————牛繁尖沙咀金巴利道40號MW Plaza地舖