牛牛台式鴛鴦火鍋

营业中

休息中

第一次寫食評⋯呢間野唔講得笑任食火鍋星期五都係$168啲火鍋配料多到 兩個鐘都唔夠食一貫任食甜品雪條/雪米糍、仲有一口甜品⋯雪糕都多味過人啤酒、汽水（支裝）、沙冰、花茶、咖啡（炭燒）酸梅湯、果汁～飲野都有排你揀！醬料又十幾款 有選擇困難都幾難攪火鍋配料自助區（鵝腸、生腸、牛柏業、豬大腸、牛筋、花膠⋯）湯底推介杏汁、麻辣鍋肥牛、羊肉片、海蝦、蜆、魚腩、魚片（劃紙仔）台式肉燥+珍珠飯&生果 無影相我一行4人 帶埋未夠兩歲女女都食到飽飽總括黎講 冇得唔再食多 好多次囉

跟一班舊同事麻甩佬吃宵夜他們最愛帶我去火鍋任食，貪其平靚正。這次帶我來到這家店宵夜火鍋任食$138。.我們點了的鴛鴦湯底是麻辣和辣蕃薯，真的有點太辣，而且有點搶鼻，害本來飲花茶的我也忍不住飲可樂。但這湯底讓我辣得過癮，加多點湯就好了。.這店的食物、飲品、甜品選擇多不勝數，肉類尢其鮮嫩。丸類也好好吃，特別是魚丸牛丸貢丸，非常彈牙!員工服務態度也很好，值得再來。

記得一定要訂位，如果walk in都好難入場！試過星期五等了差不多三小時都未入到場！但多人總有理由！由於價錢合理，牛肉質素都不錯，甜品，飲品，丸物都比較多種類！另外，還可以下單落海鮮！環境都好清潔！可以再食！

食過幾次 每個湯底都好好食 個人最鍾意酸菜白肉鍋拼男朋友嘅麻辣鍋 大家都可以食到自己鍾意嘅口味 餸有超多款 牛肉豬肉好新鮮好嫩 鍾意食海鮮嘅仲有大蝦同蜆 雪糕雖然有啲難bug 但係好好味 甜品都有好多款又有水果 價錢唔貴員工服務態度又好 一定會再有下次

很好吃，也很豐富的火鍋，就是麻辣火鍋不夠辣，不過，也算接受範圍之內，建議先預定，我們是預定的，看見沒預定的人，等位時間挺久的，但是，真的，真的，良心推介，平民價格，158/人，不加一是重點

今日宵夜係旺角搵個邊爐打 誤打誤撞去左創興一入到去見環境都幾舒服同好似幾多野食就決定食食物種類的多牛肉質素都唔錯所有野食都黎得快同埋麻辣湯底都夠辣！我叫左芫茜皮蛋同埋麻辣湯底兩個都好正甜品飲品亦好夠多 以咁既價錢絕對係超抵！

這陣子收工收 8點，星期五晚和同事們試了這間牛牛台式打邊爐。在沒有訂台的情況下， 9:30 試到餐廳 ，大約等了 15 分鐘便有得入座，真是喜出望外的感覺。價錢是$138 加一的收費 ， 落岩一人$148 。 火鍋湯底點了台底麻辣鍋及臭臭鍋。臭教鍋湯底有些豆腐， 魚乾，西芹。 麻辣都是花椒八角辣油， 沒有得選辣度，所有食物都是任吃，除了啤酒。臭臭鍋三小姐就覺得沒什麼特別臭特別香，但比普通芫茜皮旦湯底有味，可試一試。 麻辣就不重香料味，但很夠麻和香 ！ LIke👍🏻火鍋離不開都是牛， 牛就看來什麼貨色有時會像肥牛，有時會似雪花，好似撞彩甘。 有沙白和蝦任食 ，味道新鮮。 沒有什麼特別食料 都是任食邊爐的貨色。蔬菜類會有勝瓜， 幾得意。 特別之處在於甜品有dryers 和一燈燈的雪米糍， 都很好吃的,但雪糕要用刨下 。

上網見人推介，就坐言起行，即刻BOOK位。點左鴛鴦鍋，一邊麻辣，一邊沙嗲。任飲任食，肉同海鮮在落單紙填數量，其餘配料出去任拎。友人同我都係好酒人士，見到呢間啲啤酒任飲唔嬲對眼即刻發光。牛肉、蝦同脆肉鯇好食，點左三輪。主攻丸類同蔬菜，食材都幾新鮮。上網見到話魯肉飯好食，我地就覺得麻麻，得個咸味，可以唔使試，費事嘥位記住留返啲時間食甜品，通常食太飽會食唔落。我地死都要試，點知中哂伏，都係食返糯米糍算。兩個鐘真係唔夠皮，傾得黎又唔夠時間食，齋食唔傾又唔知見黎做咩⋯⋯如果加時食足三個鐘會好好多！

朋友介紹的火鍋店，地方寬敞、乾淨衛生，食物既款式多元化，基本上打邊爐會食既配料都有；除左火鍋配料任食外，還有雪糕、甜品等，都係自助任取，飲品款式亦都比其他火鍋店多，價錢公道，絕對抵過自己買野係屋企打

平時去創興見到哩間任食火鍋,又多肉選擇,又有海鮮,一直都想試下但每次去到都超多人,今日就預先book定7:15,但最後遲到7:30先去到結果要等位,最後等左1個鐘多少少入得(太多人)點左個沙嗲湯底配芫茜皮蛋湯底而食物係自助既,除左海鮮同某幾款肉類食物種類夠多,丸類,肉類,菜類,全部齊全,而且不斷會換款/補充另外要落單既肉同海鮮,好快上菜,而且全晚無甩過單蝦蜆都好新鮮,不斷叫!而牛肉都有多款選擇甜品都有好多選擇,自助雪糕,雪條,雪米慈,大腳板,有好多選擇最後以旺角火爐入面,無論價錢同質素,都算係數一數二不過客人就好多,無book到就可能要等耐少少

又來食牛牛啦呢排來牛牛來得好密自從同媽咪食過一次之後佢就愛上左15樓嘅牛牛雖然我都好鍾意來食但係我冇佢咁瘋狂佢話希望每個禮拜都要來一次好似掌門人咁呀！（每個禮拜一次「窩唉ni」❤️）呢度啲嘢食選擇同飲品選擇都超多野飲有花茶好健康啊呢個係冬陰公丸唔係度度有我地每次都會食啲南瓜超甜一定要試吓滑雞件本身調左味非常之好味唔需要點任何醬或者豉油都好好食最緊要最緊要係食落好滑蔬菜方面我哋係食得最多嘅啲肉類我哋食得比較少蔬菜全部都好新鮮魚片頭好正呀食左粒白肉魚蛋，好爽啊！魚嘅香味好香濃冇諗過打邊爐係有飯食仲要係台式肉燥飯好正啊有埋蛋添啊甜品選擇超多除咗甜品櫃嗰啲之外仲有雪糕、雪條、雪米糍等等記得記得要食生果呀因為d哈密瓜真係好爽好甜呀一定要攞啊！呢度個老細諗得好周到每張枱都有一樽湯擺喺度等我哋自己加唔使下下叫人來唔需要個顧客等同埋張枱上面有個細細地嘅筒仔俾我哋擺垃圾嘅食完野啲殼啊唔要就可放落去咁就keep住d碗碟都可以用來裝野食啦又唔洗叫人換碟抵讚👍雖然我哋嗰張二人枱唔算好大張但係因為佢細心嘅安排令到我哋可以食得好舒服唔需要下下搵人來收碟下下搵人來加湯自己鍾意食乜就出去攞咩好free同埋呢度真係好多選

嗰日約咗朋友去打邊爐，去咗旺角嗰頭。一入到去個環境好大好靚，啲位都好闊落。第一件事梗係攞野飲啦，嘢飲都好多選擇架，仲有啤酒添要咗個杏汁湯底，個湯底好清好特別。嘢食都有好多選擇配料直情多到離晒譜添仲有牛豬羊同海鮮，不過呢啲要入紙先至可以叫到，我好食海鮮好新鮮。仲有啲嘢食係好特別架，唔係出邊嗰啲地方隨便搵到架。啲生果都好新鮮，食到差唔多嘅時候記得攞啲黎食啦。仲有啲魚蛋係黑色架，唔好睇佢咁嘅色好好食架。最後梗係要食返個甜品啦。

今晚突然想打邊爐，於是上網尋找好食既火鍋，雖然旺角區選擇多，但好多都令人失望。唯獨今次有驚喜啵。湯底今次選擇了出名既麻辣同糊椒豬肚。麻辣湯底夠濃郁，糊椒豬肚湯配料又多，又好食，兩款湯底就算加左四次清湯都無沖淡，下次會試埋杏汁湯底。海鮮新鮮，蝦同青口都唔錯，無雪藏味。和牛牛肉有鮮味，不像雪到壞晒既牛肉，肥瘦比例均等。而且甜品款式多，基本朱古力蛋糕/布丁/啫喱/芝士蛋糕/雪糕雪條一定有。飲品多選擇，除了一般既罐裝飲品外，仲有熱啡同奶茶，最重要有乾花同茶包，可以自製菊花或玫瑰花茶！收費仲要二百蚊都唔洗（一個人）CP 值絕對高！！

朋友介紹e 間台式任食火鍋 抵食得黎選擇都幾多 推介麻辣湯底 有微微藥材味 不算太辣 另外一邊係酸菜白肉湯底 一般般啦材料都算幾新鮮 飲品選擇又多 基本上up得出ge打邊爐材料都有 真係可以一試ga服務都算幾好 唯獨門口帶位阿姐⋯ 上番黎openrice 都見有人話個40-50歲阿姐態度差 應該都係同一個人 哈哈哈

原先想去瓊華大鍋口的，但人太多要9點後先有位拎，結果去創興睇下，有個大大招牌就上去望下上到去味道濃得鼻痕，就拎位要等5個，結果都等左35分鐘，人山人海有得食了，揀左麻辣同酸菜白肉鍋，嚟到湯味好濃，仲有3款🐂肉兩款🐷肉同🐐肉揀，亦有蜆，海蝦，鯇魚片同大魚頭叫……而其他一般的火鍋料就喺外面拎，都有好多唔同選擇，但拎豉油同其他味料就要大排長龍飲品方面自由斟的有芒果沙冰，橙汁，同花茶可以自己調製……但旁邊亦有三大個雪櫃內有啤酒，韓國飲料同汽水，食完仲有甜品，但自家製的就好一般，食返兒時經典大腳板雪條同雪米糍會好d, 另外亦有雪糕可以食，綠茶味異常地濃如果唔介意湯味濃，絕對誠意推介