牛牛台式鴛鴦火鍋

营业中

休息中

去旺角試過咁多間火鍋店，都係創興廣場15樓全層呢間牛牛台式鴛鴦火鍋最抵食地方夠寬闊，坐位夠多，晚飯輪候時間快。由17:00-03:00時段，21:30後入座仲平二十蚊位，簡直是貓頭鷹宵夜之首選。落單後上菜快，材料又新鮮，有好多款式自助選擇。雪糕牌子種類多，飲品及啤酒仲超過23款，最重要係價錢平，平均由88-168。仲唔須要加一收費。兩位都可以訂枱，方便以後撑枱腳之選。聯歡晚飯也可以有二十幾人枱，真係周到

第一次寫食評，因為呢間值得推介！👍🏻一早起openrice訂左位，同事介紹呢間抵食所以一行5人黎試下，食完覺得無介紹錯，呢度有好多野食，有牛有豬有羊（無影相），仲有好新鮮既蝦、蜆，D蝦好大隻，飲品甜品有好多選擇，可以自己任拎（好驚喜有花茶，仲要連咖啡奶茶都有），甜品竟然有Dreyer’s雪糕，因為當中有人食素的，呢度仲要有素丸提供，食素既都岩食，好體貼👍🏻，服務亦好好，員工經過會主動收野，又極速跟進落單情況👍🏻，包咁多野仲要無收加一都只係收$168 咋，好抵食，下次一定再幫襯！👍🏻

價位嚟講，食物款式又多，飲品多，雪糕雪條仲多，仲有甜品酸菜白肉鍋同海底撈麻辣湯，麻辣湯不錯，辣度剛好，係食到咁後落麵就太吸辣同咸咗啲。酸菜白肉，一開頭嚴不夠酸，問夥計可唔可以俾多啲酸菜，都肯比，但酸菜味道同好多食物都唔夾，得豬羊比較上夾啲。好多唔同種類嘅丸，我無乜試。豬同羊都可以，魚類就爭啲。魚皮超咸，魯肉飯ok。蔬菜都多，南瓜，冬瓜，粟米仔都幾好。雪糕多味，雪條竟然有榴蓮味，仲有牛奶樂等。甜品小碟就試咗焦糖燉蛋，椰汁糕，我就麻麻了

有朋自遠方返黎，想食火鍋，於是揀咗呢間曾經光顧過又抵食既台式火鍋，任食2個小時，可以慢慢食住傾偈。有8款湯底可以選擇，鴛鴦鍋又唔需要另外加錢👍 我地呢啲辣辣愛好者梗係唔放過辣湯底啦，最後揀咗臭臭鍋（唔太辣）+莞茜皮蛋鍋。首輪當然必點所有肉類，包括三款牛肉，二款豬肉，重有羊肉。肉類算新鮮，肥瘦適中。海鮮類種類就唔太多，只有五樣，我地只對蝦、蜆同八爪魚有興趣 😂除咗肉類同海鮮類要寫紙落 order 外，出面有幾個柜擺咗大量丸類。餃。蔬菜。重有花膠添。。。種類真係唔少！！除咗火鍋配料多選擇外，飲品種類都多，啤酒都有3款，啱晒啲酒 👻～ 作為完美既結尾，多款甜品都唔知食邊樣好，但任食既 dryer's 雪糕當然唔可以錯過啦～💃💃 滿足到一個點，抵 👍🤣🤣🤣

之前用openrice 的訂位系統訂位，收到電郵確定非常方便，去到報到只要講姓名電話號碼和幾位就等待安排坐位。訂18：45 但因要齊人才可以進去開始，因朋友放工很遠趕過來，我哋等到19：00 店員說要進入了，我們說還未齊人，她很好再通融我們等多5分鐘跟住要進去開始計時任食兩小時。坐下先叫兩款湯底，和點肉類(肥牛，豚肉，蝦，蜆等等). 枱上那瓶不是飲品是加湯水用的，很細心還有枱上用的垃圾桶給裝垃圾。其他食物就自行到放題區取，食物很多款式，火鍋材料都是火鍋一般材料，但飲品甜品真的多花款..有花茶，咖啡機，支裝汽水，雪糕，雪條，沙冰粒，迷你甜品等等，只是放題食物區地方狹窄了一些。兩小時很快就到了，店員通知埋單先，跟住坐多10分鐘提醒我們外面很多人等位中，我們走時21：15, 竟然還有很多人在等位中，真係誇張，食21：30也不怕因這店關門時間是凌晨3點。我們埋單每人$168 以這價錢食火鍋放題兩小時很超值。

一早預訂咗 ，去到就有位 ! 服務迅速 ，食物選擇款式多 ：飲品， 甜品 ，雪糕 糯米糍到非常齊貨。 服務員態度誠懇 ，除了比較 擠逼， 大致上各樣都不錯 !呢個價錢喺旺角食嘢都算難得!湯底種類 任揀 也不會催促客人快啲完單 基本上 座位 夠坐 但因為 客人眾多 所以先會有逼嘅感覺。食過兩次 會有第三第四次嘅光臨……♡

年初七周圍都要訂位只有這間店有位所以試下這間店價錢$158又冇加一幸好前一晚訂了位一出電梯超多人等位我們選了2款湯底食物好多款蔬菜。丸類。甜品都要自助好多種類肥牛很新鮮美中不足座位真的好迫連放手袋都放不到

呢個打邊爐我已經來吃了三次 每次都不會令人失望 性價比高的餐廳 每次必食滷肉飯每次叫的湯底 都會叫酸菜白肉湯底 岩晒我唔食得辣的食家配料可以自己夾 必食黑色的丸 如無意外係墨魚汁丸 每次吃都會爆汁 正丫 不過每種配料都好新鮮 不會有過份冷藏味道

飲料有汽水、咖啡、花茶。多元化，還有嘉士伯和韓國罐啤酒，最好有喜力、青島。牛肉、🦐、梅花豬肉和疏菜生鮮。但是有時地面會濕滑，可能是客人拜濕。地點世算方便，食物種類多，應該有合口味的。

由於天氣太凍關係又想打邊爐，就去左呢間牛牛！味道唔差，食物種類都ok！但每次去既服務態度都係超差。張台夠細，已經無乜位，嗌D待應收一收個湯壺，竟然答你：擺埋去入邊，唔使俾我。十分無禮貌！！

第一次食 6點去到冇乜人 早食早享受食物選擇多質素不錯新鮮的湯底好味有雪糕雪條甜品任食鴛鴦湯底一流有牛肉安格斯包還有羊肉豬肉都十分之好食服務質素快不是店員會幫你加湯 如果選擇咗麻辣燙會幫你加麻辣汁而不是水添加食物很快不用等很久另外 有雪米遲食 有芋頭味芒果味原味 10分抵食 2個人食400不用埋單窮人首推我建議大家早啲去 因為我食完之後八點鐘已經超多人係出面排隊而且夾食物的時候不用迫記得記得要食紅豆冰仲有牛奶朱古力味雪條好有童年嘅回憶

今日慶祝朋友生日，大家搵籍口一聚，因為都好耐無見，搵地方聚集超多人等位，證明受歡迎及抵食選個湯底先啦我們湯底主攻不辣，好香啊肉類和海鮮類要畫紙我們叫左好多配菜要出去攞我們有三隻紅碟，用紅碟出去取丸類，腸仔，蔬菜，湯丸送入鍋內滾滾，超好味飲品多款，但我較喜歡樽裝，環保啤酒任飲，又有汽水，花茶甜品多款，有雪糕，糯米滋

果日行完山諗住去打邊爐，貪佢個胡椒豬肚湯底唔差，之前都黎左兩次，無乜問題既，但係今次就出事喇用openrice預先上網訂左座，但去到都等左一個鐘先入得，即場攞飛既反而仲快終於有位既時候竟然安排一張4人枱坐兩枱3人客入去，叫人點坐？最後我地同另一枱都嘈先肯拆開兩枱，但都係環入多枱二人客夾入黎食物方面個豬肚湯淡到水咁，麻辣果邊無乜問題，配菜同甜品又長時間唔補貨，食過兩次真係最差今次，唔會再黎呢間食，應付唔到既就唔應該夾硬入咁多客

第三次來到這間台式火鍋今次終於記得影相寫食評既然來了三次，當然有吸引我的地方星期五食~價錢每個人168算係旺角中的平價任食質素都未必係最好，但對得起這個價錢湯底都比一般火鍋店多選擇同特別食過兩次，沙嗲湯底一定係必選但不食辣，又不食杏仁的朋友，實在少選擇但今次多了素食湯底所以愛菇的我們今次都選擇蕃薯雜菌素鍋餐廳好細心地分開兩瓶湯底給我們添加當然~素食那瓶只是清水上鍋時，店員都有問我們素食湯底放那邊我們不是素食者，當然放那一邊都冇問題但餐廳這一點細心，值得加許提提大家餐點紙沒有素食湯底可選擇如果要order素食，就要自己寫上去另外~令人失望的一點是…蕃薯雜菌湯底竟然沒有雜菌…估計是因為沒有太多人食素食火鍋所以餐廳沒有特別準備~湯底都是即時烹調然而整個湯底都是:清水+粟米+蕃薯+青瓜沒有味道的~這一點扣了少少分餐廳除了提供火鍋任食還提供台灣肉燥飯一煲肉燥+電飯煲供大家任食肉燥味精很濃~材料很足，還有雞蛋如果不是有火鍋~我應該會多食幾碗餐廳提供的火鍋材料及調味都算多選擇店員都refill得快餐點紙上有得選擇肥牛，豬，羊還有數款海鮮選擇甜品方面亦有雪糕雪糕雪米滋提供還有提供各式各類小甜品飲品除左

麻辣火鍋内無鴨血豆腐，一啲都唔台式，四人sofa位坐六個人，迫人到攞唔到野食，啲人等位企晒入黎攞食物區，野食質素一般，太趕時間，兩個鐘夠鐘即刻要人起身，服務太差，唔會再試。