牛牛台式鴛鴦火鍋

营业中

休息中

興祝朋友生日!7人行一齊去朋友推介的牛牛火鍋。已預先已經用了OPEN RICE的網上訂檯用服務! 不錯!7人位置有點小... 其中一位朋友坐得超擠..食物方面..點了酸菜湯和麻辣湯..味道沒有太大驚喜..用料方面同出面餐廳差不多..新鮮!乾淨!肉類和海鮮為左保持衛生, 需要用紙下單..全晚最推介食物是: 海蝦! 大隻! 肉質新鮮! 更我食完一轉又一轉! 飲品亦是任飲!因為朋友生日, 餐廳會安排播放生日歌...店內太熱鬧!音樂有點小聲..但氣氛不錯!2小時後...經理準時現身結帳...整體不錯啦!

訂了位9時半，9時20分到達，等了二十分鐘才能入坐，只有一兩個職員安排坐位，處理十分混亂。餐廳提供8款湯底，肉類及海鮮是下單叫，火鍋配料自取。食物種類明顯比一般火鍋多，質素不錯，食物櫃亦頗整潔。飲料種類整全，啤酒汽水任飲，有驚喜的是提供花茶，及咖啡，一讚! 甜點亦贏晒，甜品櫃有多種選擇，另有雪條，雪米糍等等。以往對任食的經驗都是只有飽，但味道免提，但牛牛能做到性價比高!! 推介了給朋友，朋友亦讚口不絕! 希望下次去的時候它們已改善帶位問題。

哇....好耐冇打反食評...今次係第二次黎食，因為朋友想試所以再黎食...見到今次人手多左少少，雪櫃都唔係得反少少野食，同上次相比係好左既。今次我黎主要都係想傾下計食少少野，其實我野食得唔多，主要都係朋友食，聽朋友講反湯底係好食既，我都認同，海底撈湯底，愈煲就愈辣！D肉都唔差既，不過好似有點兒薄得濟，原本諗住飲d熱野唔飲凍野，攞左杯朱古力飲，唔加糖都已經好甜好甜，甜到我要轉反凍野飲又到講述既時間啦！講環境— 座位既有點兒窄左少少... 講味道— 不過不失，都係可嘗試既選擇... 講服務— 雖然服務唔多，但每次服務都係滿意，就連洗碗姐姐出黎收野都好有禮貌就係咁簡單

去到旺角唸吾到食咩，見到創興有依間，未聽過朋友有去過，又甘平，本來抱著大膽嚐試。兩條友上到去啲服務員好有禮貌，個個都笑笑口，周圍環境都意外地乾淨舒適。坐低之後，有服務員主動過尼問我地糸米第一次黎，見我地糸第一次黎，就介紹佢地既野食同環境好多款湯底，只有牛肉豬肉同幾種海鮮要落單，其他都糸出去自己拎，食物都好乾淨新鮮，又多款食物，絕對既驚喜啊而且仲有肉燥飯可以食，入面仲有雞蛋食完之後有勁多款小甜點任食，仲有雪糕等。依間已經成為我心入面火鍋既首選下星期朋友生日，絕對要再黎過到我生日既時候都要食吾記得留相，唯有糸snapchat載圖

有驚喜的任食火鍋，原本想吃另一間火鍋，但早一日打去已經訂吾到位，但呢間網上訂已經可以，非常方便。大部分食物都以自助形式供應，方便食幾多拿幾多，不會浪費。沒有甚麼貴價食材，但總類也有很多，對得起這個價錢。牛、豬、蝦，魚等就要寫紙才上，其他青口，菜，丸等等皆為自助。最驚喜的是有個甜品櫃，有不少甜品選擇。雪糕除了自己勺的之外，還有雪米糍和支裝雪條，飲品的總類也很多。而且還有生果供應，雖然只有兩款：菠蘿和西瓜，但都很甜。$168不用加一，算係甘喇。

我哋四個人去食，佢任食兩小時，未齊人叫我哋坐住先，放低個煱先開始計時，其實呢個時候我已經喺度食滷肉飯，食緊甜品。佢有好多款湯底揀，其實唔用豉油都夠味，我點了麻辣，和臭臭兩款窩底，我以為好似臭豆腐，但食落似無咁辣嘅麻辣湯底，佢有好多滷水牛筋,滷水豬腸呢D台灣食物。牛肉同海鮮寫單叫，其他食物要自己夾，夾有夾嘅好處，夾幾多自己預返，都算衛生。海鮮佢有脆肉鯇，有蜆，有鮮蝦，有魚頭。不過有讚亦有唔好，佢d牛肉真係麻麻哋，希望改善一吓，太薄了。甜品佢有雪糕，雪米糍，仲有一系列西式凍餅，都幾好味。

31/3/2017朋友生日～見之前有ig推介尼間～一於試下早一個禮拜係openrice訂左位 ）8點準時到～但係人好多 門口姐姐都好有禮貌話執緊枱 要等一等～最後大約等左15分鐘左右先入到😂入到去已經好大陣邊爐味 好想快d食叫左麻辣鍋同酸菜白肉鍋有幾個櫃裝火鍋配料 有熱飲罐裝野飲凍飲沙冰 又有十幾款醬料比大家溝😂職員姐姐見我地好斯文吾係好出去拎野食 都好主動行過黎介紹場地同推介野食🙈十個讚比職員姐姐！食左好多野 肉類要用單落 雖然黎得少但係keep住嗌都keep住比 蝦同蜆都吾錯🙈 甜品櫃都有勁多小小甜品 吸引吾到我 但係吸引左我班FD 每樣拎d試🤣 最後食足兩個鐘 飽到上頂🙈唯一扣分係麻辣鍋吾算太辣同埋都幾多紅油 酸菜白肉認真無酸菜味 似清湯😂但係無阻大家不停食！

本人已一早訂枱兩位，咁夠鐘就入位，點知佢俾搭枱位我，大佬呀！火鍋呀！你張枱同大x樂咁大，中間有個電磁爐（正常家用size) 都唔知仲可以點擺野食囉⋯⋯上一次黎食過，食物水準不停，但帶位人任已經差，一眼望入去大把吉枱，帶位可以同你講無位，門口坐到爆晒......帶位同兩個職員不停為左安排位置大吵大鬧！不知所謂！

新店台式牛涮鍋，店內冷氣夠涼（最怕冷氣不夠，又熱又焗），位置尚算坐舒服。價錢相宜，一直覺得酸菜白肉鍋很吸引，於是試試。結果味道非常淡，沒有酸菜味。另一半是海底撈麻辣鍋，味道一般，沒甚麼特別，不太「麻辣」。食物種類很多，但沒有特別好吃。湯底不夠好，已經輸了一半。整體一般般，還好。牛肉色澤尚好，但牛味不濃。五花肉肥而不香。豬梅花肉肉質尚好，但肉味不重。其他食物種類多，但就是大路食品，沒甚麼特別。菜倒是非常新鮮清爽。

全組同事食飯聯誼，一心諗住公司飯局食完就算，點知非常驚喜，同事都忍唔住大叫好耐都冇食過咁高質素任食火鍋,$158 食物選擇多服務質素好都冇加一，絕對值回票價！❤️甜品❤️一入座，友善既阿姐即刻推介甜品，種類多到媲美buffet, 除左甜品櫃驚艷之外仲有雪糕雪條雪米糍任君選擇。可惜冇聽阿姐話，諗住留肚作戰堅持食飽先食甜品，所以只係試到兩款，都非常有誠意。如果閣下等緊鍋底未有野食時不妨先試甜品，包有驚喜必試咖啡奶凍，口感滑彈咖啡味濃，唔食咖啡味可選原味或朱古力長腳杯慕思啫哩外型吸引，慕思濃密厚身，啫哩酸酸甜甜好開胃❤️醬料❤️本人打邊爐非常鐘愛醬料調配環節，呢度有成17款，一定調到啱❤️飲品❤️除左一般罐裝飲料竹蔗茅根酸梅湯，有沙冰已經驚喜，估唔到仲提供沖泡熱花茶，包括玫瑰菊花同薰衣草，食完甜品凍冰冰食返杯，真係一個完美總結❤️火鍋配料❤️一般火鍋配料有齊，蔬菜用小筒裝住企理衛生方便拎取必必必食推介白魚蛋，唔係一般粉漿溝成既魚蛋，而係魚味濃郁彈牙既乒乓波星洲白魚蛋❤️環境❤️全部卡位設計大至分為兩人或四人座，街外比較少見提供兩人卡位既火鍋店，而且座位有足夠空間放置手袋大衣，坐得舒適❤️服務❤️縱觀所有侍應阿哥阿姐

話說我星期日差錯樓梯拗親腳，星期一去睇跌打，原本諗住夜晚求其食啲嘢喺屋企休養就算。點知個frd突然打嚟問我一唔一齊食飯，跟住佢話打邊爐，最後揀咗哩間兩小時任食火鍋!座位格局都算寬敞，而且擺明車馬係做台式吃到飽火鍋。除咗肉類同海鮮，其他火鍋食品，飲品，甜品都係自助形式。不過雪糕櫃雖然係寫住Dreyers, 但啲雪糕應該係牛奶公司雪糕，不過都預咗嘅啦，始終哩度唔係台灣，邊會有貴價雪糕任食啊~仲有就係我食到尾聲先發現罐裝飲品櫃原來擺喺最後面，枉我一直飲自助斟飲品...火鍋紙上只有湯底，肉，同海鮮選擇，招牌湯底竟然係海底撈，咁梗係試下佢係咪同大陸嘅海底撈一樣咁正，麻辣湯底味道的確唔錯，而另一半湯底就揀咗芫茜皮蛋湯。肉方面就點晒3款牛，不過個人比較鍾意食牛小排，貪佢無乜肥膏。豬肉肥膏唔算多，亦都唔錯晚餐時段埋單1人$158，勁抵!本來話限時食兩個鐘，我同朋友由8點幾食到11點半都無人趕!哩個價錢有哩個質素真係唔錯!不過唯一要彈嘅係佢哋個Wifi我連極都連唔到…

由開張到而家真係食左好多次，食物選擇多仲好抵食！尋晚又上左去打邊爐，之前都介紹過火鍋食物同湯底！今次想講既係喺飲品雪櫃見到有啤酒打邊爐加啤酒真係絕配！一問之下，原來昨天剛剛發了酒牌！真係好👏🏻👏🏻另外又一發現呢個沙巴翁啫喱一口氣吃了三杯再以大腳板雪條作完美結束😝😝又係時候減減肥了總結:5:30食到7:30，走時已經好爆！真係早食有早食的好！而且訂枱會比較好星期六$168一位，咁既食物甜品加飲品嚟講感覺非常良好🤣🤣🤣

話說要請食飯,大家都話要打邊爐,做主人家嘅我梗係搵間任飲任食,食得飽班人又慳住個荷包!今次唔揀雞煲,上咗樓上食台式麻辣火鍋,有折又有新鮮感!黎到感覺開揚唔迫,唔錯,點左個鴛鴦鍋,一邊麻辣一邊清湯!原來只有豬牛肉海鮮係點,其他全部自己出去拎,幾好吖,起碼係自己睇過想食先至拎,食幾多拎幾多,讚!因為太多經驗係黎到見到個樣都唔想食同埋數量明明寫一件黎一大盤!出面雪櫃材料非常新鮮而且refill得快!手打墨魚膠,彈牙又有墨魚粒，好味!雲吞好似係自家製,大大粒,爽！豆腐黎啦…一開始放嘅蜂巢豆腐而家食就差唔多喇,入晒味,又香又辣!甜品有幾種,但最正都係有3款味嘅雪糕櫃!2百蚊一個人,可以再黎

湯底特別多選擇，食物新鮮種類又多，服務態度又好，飲品超多，連雪糕都有好多好多種，地方坐得好舒適全部都卡位，只不過真係人頭湧湧，人勁多同埋抽氣好似有少少唔夠，我最愛架手包餃子供應太小，好快搶曬，百幾文真系超抵食，會再幫襯

我們今晚一行8人，9:30後入坐，138元一位包括了加一，食物真的不錯，講真呢個價錢邊度揾呀？湯底正，又多配料，牛肉正，重有雞子，甜品飲品咖啡雪糕乜都有，下次會再食過。