牛涮鍋 (已結業)

星期六，喺屋企hea到好晏先出銅鑼灣食晚飯，知道WTC新開MouMouClub有和牛放題ShabuShabu，就走去試吓喇。其實去到都過咗九點半，唔需要等位，店員話last order 係十點半，但係因為好想食，所以都不顧一切，入去食一個半小時嘅上級和牛放題。湯底揀咗豆乳併和牛清湯，湯底好快便送到我哋面前，而第一碟order嘅上級和牛併豚肉都隨即送到，仲有一盤免費冰鍋。A4和牛夠肥美有油香，豚肉都OK，不過朕好好好鍾意食牛，所以食完第一碟的豚肉後，都冇再ORDER，只係專心食牛。店員服務態度唔錯，上菜夠快，亦唔會見我哋食得多就慳住慳住，當差唔多到 last order 時，我哋叫定4碟和牛，送來時見到特別大碟，原來係店員專登叫廚房切大碟啲嘅。另外，自助食品區都有好多菜、菇頪等配料仲有4款牛奶公司雪糕任食，又有甜豉油、山葵豉油、柚子醋、七味粉等調味品。因為我要專心食牛，所以只係食咗豆腐同槄庭烏冬，豆腐好滑，烏冬彈牙，有質素，應該都係來自日本。食到最後，其實都覺得好漏，好想有碟椒絲加蒜容刺激吓，可惜係日式火鍋，餐廳未能供應，如果有就好啲囉。湯底同冰鍋都冇咩特別，不過食品質素ok，兩個人都食

東京Mo Mo Paradise山寨版個LOGO由原版既紅底白字片假モーパラ，改左字only，雖然同原版比既質素有一大段距離，兼冇春雨食。有晚去食最平$108放題SHABU，牛就有時好有時差，不過豬肉反而最掂。牛豬當然要店員取，自取廳方面：雪糕：味少，當時只有綠茶及雲尼拿，好甜，牌子不明白飯及炒飯粟米，巢的油豆腐，好掂，好夾火鍋冬菇和腸仔，食得過金菇，正常稻庭烏冬，都係好夾火鍋，好吸味加十蚊任飲百事七喜。加埋一都係百三蚊，銅鑼灣地區算係咁。最唔滿意既係，八點二叫我張飛，九點先有得入去食，我企冇所謂，有老人家架嗎。服務都係麻麻，黎野黎得好慢，追單佢都係同你哦一聲，唔係話唔好意思即刻同你追等，多數都冇交帶，橫掂任食我落多次ORDER。

Actually book 牛陣 (iSqaure) for dinner, I've given that up eventually after reading comments from Openrice. Tried my luck in calling this restaurant at 5-ish to book a table for 2, which didn't work so I decided to go early, arriving at it door at 7:15pm. (The one who picked my call was a gentleman with good manner which gave me confidence in this restaurant.)The time limit is 90mins, you will be given your receipt with what kind of meal you've ordered, time when you are seated, and time which yo

之前食左牛陣但 2 個人都係食左 2 碟牛 + 1 碟豬... 所以今次就無揀任食啦...個 lunch set 真係好抵... 我叫果個係最 basic 既進口牛.. 只係 52 +10%... 配菜自己出去拎.. 仲有炒飯, 雪糕同一杯 set drink... 但就有少少趕.. 限時一個鐘... 如果 1.5 hr 就好好多啦...湯底 : 有清湯, 豆乳, 泡菜.. 揀左豆乳.. 掂！醬料 : 蔥 (比較乾), 個蘿蔔蓉好難食.. 我唔識欣賞...豉油鹹左少少... 麻醬幾好味牛肉 : 麻麻地啦.. 可能我揀既係最 basic 啦... 上次食牛陣都係揀最 basic.. 但牛陣果 d 牛好食過呢度.... 牛味重 d...不過牛陣係第 1 碟最靚.. 再 order 時就無咩雪花啦... 而 mou mou 呢...我見到隔離檯食任食果 d.再 order 既 quality 同第一碟差唔多...配菜 : 豆腐重豆味, 烏冬, 腐皮都幾好食, 獅子狗好雪但熟左味道又 ok, 粟米好甜呀, 其他 (菜 / 蒟蒻 / 年糕 / 鮮菇 / 蕃茄 / 芋絲) 就中規中舉.. 不過金菇

朋友睇到食評話幾好，於是一行五人去食。總共有四款套餐選擇，最貴兩款是和牛，我們不會選擇。另外兩款是涮涮鍋套餐（澳洲牛肉）及上級涮涮鍋套餐（美國牛肉）。我們選擇了上級涮涮鍋套餐，配鴛鴦鍋（豆乳和和牛清湯）。熱食食物：-豆乳湯：只有豆漿的味道，但不夠濃郁，太淡和牛清湯：即是清水，無和牛味整體上湯底：啲味道很快無，只有涮首五次是有豆漿味外，之後便沒有了牛肉、豬肉：（1）第一轉，有兩碟，兩碟都分別有豬肉及牛肉。牛肉及豬肉都很薄，放入口中，不用怎樣咬，己經吞到，油脂分佈平均，不油，有很濃的牛肉及/或豬肉味。很少食到質素這麼好的豬肉，連平時比較愛吃牛肉的我，都十分喜愛。（因為個賣相十分好，所以被極速吃掉，影唔到相）（2）第二轉，情況與第一轉一樣。（因為個賣相十分好及實在太好食，所以被極速吃掉，影唔到相）（3）第三轉，有兩碟，是牛肉和豬肉分開放。牛肉及豬肉都較少油脂，比之前兩轉較差，要咬多幾口，但仍然較其他食肆好（賣相已經知道比較遜色，結果無人爭住去夾，所以影到相）粟米：很硬，我都未食過煮極都唔“林”的粟米幼麵：軟硬度適中，煮耐咗都唔會變溶，再加上吸了牛肉的味道，十分好食雞脾菇：大細不一，第一轉取：

剛剛的週未是男友的生日己經同佢郊遊了一天佢最開心應該係我親手製造的咕o臣 佢d舊同事想同佢補祝生日，男友問我想食d咩，我就建議去世貿一間新店叫 Mou Mou Club，因為一向都好鐘意食牛牛的我一早八到呢間店價錢唔貴而且地點都算就腳。我地一行４人，由於一早己經訂位，完全唔需要等門口都見到有幾pair 情侶在等位大約８點鐘我地就到左，侍應妹妹話要係９０分鐘內完成個ｍｅａｌ因為呢餐係人地請既，所以我地揀左最平的$108+10%+$10 sukiyaki set出奇地我地呢餐唔係點左好多碟牛肉反而我地係出面的自助ｔａｂｌｅ攞左好多ｓｉｄｅ ｄｉｓｈ，例如：獅子狗，日本年糕，豆腐皮，炸牛蒡湯底-　ｓｕｋｉｙａｋｉ，味道唔錯 ，就算再加湯都有湯低的甜味，加埋大蔥，認真一流!!日本年糕 - 原來年糕熟左會縮到好細塊，不過都幾好味炸牛蒡 - 牛蒡湯我就飲得多，但估唔到炸牛蒡的味道有d似炸魚球，個人覺得仲好食過炸魚球，因為魚球多點都會帶點腥味，所以我食左好多件 芝麻+豆腐雪糕- 雖然只係牛奶公司的雪糕，但其味道一點都唔差，由其豆腐雪糕味道清甜，我好飽都食左個半 scoop，芝麻味就略為甜左d 整餐的

啱啱7月1日先同囡囡及其同學仔食過一次，已經忍唔住同老公係7月3日再黎，是因這裡真是太吸引了。:我地仲約咗屋企人一大班係7月10日再來，兩星期唔夠已經來了3次。真係食極都唔厭！我地幾次都是order午市套餐，套餐除了肉類之外其他食物都是放題形式供應，以及要在60分鐘完成。這幾次共吃了以下食品：湯底和牛清湯：好像清湯腩般既清但充滿濃濃牛肉香味。豆乳湯：雖然以我來說稍為咸咗少少，但豆味濃而滑。昆布湯：有D似Sukiyaki湯底，帶日式甜豉油香味。肉類$52進口牛肉：雖然係店內最平的，但質素不算差，起碼肥瘦均衡。$68上等進口牛肉：比較起上者，一定會係靚D啦！牛肉佈滿油花。$48豚肉：夠薄易熟，肥瘦均衡。任取任食 –火鍋料食物區熟食日本珍珠米飯：OK！軟而黏。和牛炒飯：老公喜愛食品之一，其牛脂味濃，飯身炒得乾爽。特色火鍋料油揚﹝日本豆卜﹞：媽咪最喜愛，本身平薄，吸收湯精華後待其軟身，非常好味。日本黑薯糕、上海年糕：兩者放入湯煮一陣，口感煙韌。豆腐：妹妹喜愛之原因是有豆味及非常白滑。素麵：滾一滾就可夾上吃，好滑好好味。烏冬：小女最喜愛食品，有質感粗而韌。新鮮蔬菜鮮冬菇、金菇菜、、雞脾菇、白蘿蔔

o係附近行完街，6 點幾，行到附近，睇到 menu 覺得幾吸引，雖然未肚餓，怕之後再返轉頭會好多人要等位，就決定入去食了我們選了︰$138 上等進口牛肉 / 豚肉$10 汽水 ( 7 喜 / 百事 ) 任飲湯底︰鴛鴦鍋 - 豆乳 (侍應推介) 和牛汁清湯侍應先送上牛肉和豚肉薄片，再有一大碗冰水和鋪上竹的盤子先說說那些肉片，肉和脂肪分佈均勻他們教，將肉片放進滾了湯的鍋內 10 秒，然後放進冰水浸一浸過冷河，再放在鋪上竹的盤子，將多餘的冰水滴乾我們先試熱食先，薄薄的，果然好快熟在自助食材吧拿了甜豉油，加大量蔥，正!!!再試凍食，都不錯呀! 好冰涼，o岩夏天食在自助食材吧拎了好多食材︰大蔥、豆腐、芝士腸、冬菇、雞脾菇、韮黃、日本年糕、薯糕、金菇、墨丸、獅子狗、生菜、腐皮、魚腐..... 大蔥、韮黃 - 我冇食過，不過男友食過覺得不錯，好香 豆腐 - 是硬豆腐，好滑 芝士腸 - 同平時出面打邊爐的一樣 冬菇 - 是鮮冬菇，吸了湯底，都不錯 雞脾菇 - 切了一片片的，即使滾了很久，但都比較硬身 日本年糕 - 因為年糕本身冇咩味，滾了後都不太吸到湯底的味，不行!!! 薯糕 - 比年糕好一點，沒年

日式火鍋向來深受本地人喜愛，而這間開在世貿中心的 Mou Mou Club，就以供應限時任食涮涮鍋（shabu shabu）和壽喜燒（sukiyaki）放題作招徠，據說價錢也算便宜，只需二百餘元，即可任食 A4 及 A5 日本和牛。由於手上有張午市套餐 8 折優惠券，決定一家人來這裏試試。我們約於下午二時到達，服務員領我們到店內盡頭一張四人座位，由於靠近窗邊位置，我們可以一邊飽覽維港景色，一邊歎 Shabu Shabu。 甫坐下，老公和兒子已拿着餐牌開始研究。我看看四周，發覺地方也頗為寬敞，裝潢有型整潔，員工制服筆挺，一切都有板有眼。這兒的午市無論是放題或套餐均限時一小時內吃完。我原意想點兩個涮涮鍋套餐加一個壽喜燒套餐，可惜店員說如其中一款套餐選了壽喜燒就只可配甜醬油湯底，但我又想試和牛清湯，所以就只好分別選了涮涮鍋套餐 ($52)，豚肉涮涮鍋套餐 ($48) 及混合涮涮鍋套餐 ($52)。涮涮鍋和壽喜燒的分別在於涮涮鍋以牛肉為主、豚肉為次，湯底煮至沸騰，先汆牛肉享用，湯底滲入牛肉香，便以豚肉及蔬菜吸收食用，最後以雜炊盡收湯水精華，過程中不會熄爐。至於壽喜燒則只吃牛，不食豚，食法是先

囡囡同3個同學約埋係銅鑼灣睇戲，我同媽媽及另1位家長就等佢地睇完戲之後一齊食lunch。囡囡一向嗜牛同火鍋；我發現世貿開咗間Mou Mou Club，所以提議到此一嘗。我地浩浩蕩蕩一行7人大約中午12時30分到達。大家開開心心選擇心頭嗜，有牛﹝分幾款唔同級數/價錢選擇﹞又有豬，午餐60分鐘有套餐或放題。不過我地最後選擇套餐每人有一碟上級進口牛/豬肉﹝可以交換黎食﹞，而我地要咗兩個湯底分別是和牛清湯同豆乳。仲有場中央有個食物區，而區內所有食物都是自取任吃的，火鍋料分別有素麵、烏冬、日本黑薯糕、上海年糕、豆腐、大蔥、洋蔥、生菜、芽菜、娃娃菜、鮮冬菇、雞脾菇，又有炒飯同白飯，甜品有4款雪糕﹝綠茶、芝麻、豆腐及雲呢拿﹞，醬料都是自己選配。先講湯底，個豆乳湯比較咸，和牛清湯好好味，而牛肉同豬肉好薄好好味好易熟，所有任食配料都好新鮮，雖然唔係名牌雪糕；但係都好味。見班囡囡個個都食得好起勁﹝連平日食得少的都食好多﹞，有傾有講不知鬼咁開心。最重要係連我媽媽都好開心好滿足，不單是個肚滿足，佢見到個孫女開心自然自己都開心。不過開心既時間係特別過得快，1個小時就完啦！我地7個都吃得飽飽離開Mou Mou C

ONE NIGHT男朋友話去世貿食dinner本身諗住試下剛剛開業不足1個月的"海南少爺"不過係門口一望, 地方細, 位置少, 而且已經差不多坐滿...所以去了隔離的"牛涮鍋 MouMou Club"MOU MOU 是日文牛的叫聲，正好體現了品牌概念源自日本東京新生代的MOU MOU CLUB 牛涮鍋的活潑形象。MOU MOU CLUB牛涮鍋是提供日本進口優質和牛的涮涮鍋(Shabu Shabu)及壽喜燒( Sukiyaki)放題專門店，除了日本和牛外也有澳洲進口牛肉以供選擇。客人在別緻優雅的和風裝修的店內, 自由地在自助食品區內無限量挑選新鮮野菜及烏冬麵類, 更有香滑雪糕放題供應。7點到, 唔洗等位, 直接入去, 入到去就waiter好快就俾個price list睇有8款不同價錢4款係不同價錢的牛 + 豬 (有4個湯底揀)other 4款係不同價錢的牛 (好似得1個湯底 + 送1隻雞蛋)呢間食肆係限食90mins, 任食的, 汽水每位+$10就任飲我地2個第1次食就梗係叫左最平的$108的不同價錢的牛 + 豬仲叫左個泡菜湯底tim好快就拎左碟牛 + 豬黎$108都唔錯架, 幾靚, 仲

Went here for dinner last week with friend, ordered the $100 something all you can eat beef set... food quality is not that good... while service is ok, it took 20 minutes for the beef to arrive... and all beef was slice very thin and does not have any flavors.. can tell the beef is not fresh... dessert is ok bor, all you can eat ice cream, quality quite ok. wanted to try the hainan siu yeh restaurant next door, people say it is very good but too many people. this place is still new so i think c

晚上同友人想去試世貿中心新開食海南雞飯的店, 但係要等16張枱, 所以我地去咗食牛放題 “Mou Mou”。都係要等, 不過等咗10分鐘就有。 我地叫最平的 $108+10%+$10(任飲汽水), 90分鐘, 格局勁似我喺日本食果間, 牛 & 豬就order的, 其他配料就出去自己任攞。叫到我地的number時, reception姐姐已經問你食咩, 放便我地一入坐就可以有得食, 我地話要$108餐。佢問要咩湯底, 2個人可以選擇2款湯底, 我要了昆布湯、友人要了辣湯底。之後佢再問加唔加$10汽水任飲or加$20啤酒任飲。我同友都選擇加$10飲汽水。reception姐姐再話依家係新開張, 所以送”冰”鍋, 即係比一盤冰水你同d牛、豬過冷河。之後就帶我地坐低, 果然就立即送上汽水、一盤冰, 仲好好笑容咁同我地講可以出去攞住食物先。(真係好過有d邊爐放題, 一坐低就計時, 但客人都未諗到要邊款, 個爐又遲遲未送上嚟囉)食物：牛&豬都ok靚咖, 仲好薄身, 所以連豬都唔洗淥好耐。不過原來牛、豬係要同侍應order的, 我仲以為佢會不停refill, 哈哈, 搞到我地呆咗好耐先叫第2碟牛。當

少有地係銅鑼灣食lunch, 諗起世貿有間 MOU MOU, 就黎試下.12點半黎到, 唔係好多人, 難得既寧靜, 都幾舒服.一坐低就有個女仔行埋黎解釋個menu, 有耐性又有禮貌 .點左個豬肉 lunch set, 湯有昆布湯, 牛乳等(其餘唔記得)揀.其他食材自取, 有炸牛蒡, 豆腐, 芋絲, 年糕, 獅子狗卷, 素麵, 烏冬, 冬菇, 蘿蔔, 芽菜,金菇, 菜等等, 仲有炒飯同雪糕. 見佢不停 refill, 都好快手.服務好好, 好細心, 我食到咁上下熄左個爐, 至少先後有3個服務員行埋黎問駛唔駛加水, 開番個爐咁, 態度都好親切, 一d都唔敷衍.點幾鐘開始多人, 不過D人都有 manner, 唔會搶夾野食.總括呢講, 食左個好舒服既 lunch.

第一次接觸Mou Mou Club是無意中看到將軍澳店有和牛火鍋放題，我們呢兩個和牛怪幾遠水路都特登走去試。坦白講，當時並不特別impressed（原因見下文），所以對那間沒有食評。今天原本想試MMC旁邊的海南少爺，個reception好似好貼心咁登記左我個電話號碼，話有位會打俾我wor。點知見到側邊就係MMC，都幾多人排隊，我老細和牛癮又發作，見佢蠢蠢欲動，好啦登記埋呢間睇下邊間叫先啦。當時呀少爺大概5-6張檯，MMC至少10張左右。等左廿分鐘到，少爺個邊都仲係無乜起息，反而MMC已經有得入! (溫馨提示：門口reception哥哥跳號碼跳得好快，一個號碼叫兩聲無人應即飛，所以如果號碼差唔多到千祈唔好行開!不過我唔知過左號碼佢地會點處理。)入到去即叫和牛火鍋，我老細肚餓即刻食左碗和牛炒飯頂肚。我都試左半碗，味道算ok啦，任裝既飯會有幾多和牛?!想叫生啤，點知未批酒牌。食環署快D得唔得？呢度D菜/豆腐/肉丸之類既食物係自助形式，肉就任叫，不過都算上得快，雖然有時都係要催下佢。不過佢地落親單就一定出俾你，搞到我地連續出左兩碟和牛，不過好在食得曬。醬料都係任裝，但我最欣賞就係佢地用左甜豉油