影片
更多
2010-06-24
15 浏览
晚上同友人想去試世貿中心新開食海南雞飯的店, 但係要等16張枱, 所以我地去咗食牛放題 “Mou Mou”。都係要等, 不過等咗10分鐘就有。 我地叫最平的 $108+10%+$10(任飲汽水), 90分鐘, 格局勁似我喺日本食果間, 牛 & 豬就order的, 其他配料就出去自己任攞。叫到我地的number時, reception姐姐已經問你食咩, 放便我地一入坐就可以有得食, 我地話要$108餐。佢問要咩湯底, 2個人可以選擇2款湯底, 我要了昆布湯、友人要了辣湯底。之後佢再問加唔加$10汽水任飲or加$20啤酒任飲。我同友都選擇加$10飲汽水。reception姐姐再話依家係新開張, 所以送”冰”鍋, 即係比一盤冰水你同d牛、豬過冷河。之後就帶我地坐低, 果然就立即送上汽水、一盤冰, 仲好好笑容咁同我地講可以出去攞住食物先。(真係好過有d邊爐放題, 一坐低就計時, 但客人都未諗到要邊款, 個爐又遲遲未送上嚟囉)食物：牛&豬都ok靚咖, 仲好薄身, 所以連豬都唔洗淥好耐。不過原來牛、豬係要同侍應order的, 我仲以為佢會不停refill, 哈哈, 搞到我地呆咗好耐先叫第2碟牛。當
叫到我地的number時, reception姐姐已經問你食咩, 放便我地一入坐就可以有得食, 我地話要$108餐。佢問要咩湯底, 2個人可以選擇2款湯底, 我要了昆布湯、友人要了辣湯底。之後佢再問加唔加$10汽水任飲or加$20啤酒任飲。我同友都選擇加$10飲汽水。reception姐姐再話依家係新開張, 所以送”冰”鍋, 即係比一盤冰水你同d牛、豬過冷河。之後就帶我地坐低, 果然就立即送上汽水、一盤冰, 仲好好笑容咁同我地講可以出去攞住食物先。(真係好過有d邊爐放題, 一坐低就計時, 但客人都未諗到要邊款, 個爐又遲遲未送上嚟囉)
食物：牛&豬都ok靚咖, 仲好薄身, 所以連豬都唔洗淥好耐。不過原來牛、豬係要同侍應order的, 我仲以為佢會不停refill, 哈哈, 搞到我地呆咗好耐先叫第2碟牛。當然仲有其他配料係自己攞的：稻庭烏冬、烏冬、素麵、芝士丸、豆pok、腸仔、日式年糕、粟米 (超甜的)、大量蔬菜 、和牛炒飯、白飯……….仲有牛奶公司的雪糕。以最平的$108嚟講, 都已經好ok, 一定食得飽你。而送的一盤冰水, 我試過整嚟食, 就一般囉, 今次唔洗$就無所謂, 之後如果要$就唔洗諗。
由於同行友人個”勢”比較弱, 唔係好食得, 所以我地total都只不過係食咗2.5碟牛、1碟豬。點解有0.5碟牛?因為尾尾15分鐘, 有侍應問我地仲要唔要肉, 因為last order (但其他自己攞的食物就仲可以去攞), 咁友人已經飽到呆咗, 我呢個食肉獸真係唔夠喉, 但一碟就真係食唔哂, 所以我問侍應可唔可以要半碟, 佢話ok, 所以就叫半碟自己食..呵。
好滿足的一餐, 以呢個價錢, 真係ok咖。地方清潔, 侍應個個都好有禮貌 (由其係女侍應)。唯一唔好係2人枱唔係話細, 不過佢d碟隻隻都好大, 加上佢送果盤冰水…都唔係好夠位用囉。
應該都會有下次, 下次會食多d牛。哈.
张贴
