影片
更多
2010-07-12
22 浏览
啱啱7月1日先同囡囡及其同學仔食過一次，已經忍唔住同老公係7月3日再黎，是因這裡真是太吸引了。:我地仲約咗屋企人一大班係7月10日再來，兩星期唔夠已經來了3次。真係食極都唔厭！我地幾次都是order午市套餐，套餐除了肉類之外其他食物都是放題形式供應，以及要在60分鐘完成。這幾次共吃了以下食品：湯底和牛清湯：好像清湯腩般既清但充滿濃濃牛肉香味。豆乳湯：雖然以我來說稍為咸咗少少，但豆味濃而滑。昆布湯：有D似Sukiyaki湯底，帶日式甜豉油香味。肉類$52進口牛肉：雖然係店內最平的，但質素不算差，起碼肥瘦均衡。$68上等進口牛肉：比較起上者，一定會係靚D啦！牛肉佈滿油花。$48豚肉：夠薄易熟，肥瘦均衡。任取任食 –火鍋料食物區熟食日本珍珠米飯：OK！軟而黏。和牛炒飯：老公喜愛食品之一，其牛脂味濃，飯身炒得乾爽。特色火鍋料油揚﹝日本豆卜﹞：媽咪最喜愛，本身平薄，吸收湯精華後待其軟身，非常好味。日本黑薯糕、上海年糕：兩者放入湯煮一陣，口感煙韌。豆腐：妹妹喜愛之原因是有豆味及非常白滑。素麵：滾一滾就可夾上吃，好滑好好味。烏冬：小女最喜愛食品，有質感粗而韌。新鮮蔬菜鮮冬菇、金菇菜、、雞脾菇、白蘿蔔
我地幾次都是order午市套餐，套餐除了肉類之外其他食物都是放題形式供應，以及要在60分鐘完成。這幾次共吃了以下食品：
湯底
和牛清湯：好像清湯腩般既清但充滿濃濃牛肉香味。
豆乳湯：雖然以我來說稍為咸咗少少，但豆味濃而滑。
昆布湯：有D似Sukiyaki湯底，帶日式甜豉油香味。
肉類
$52進口牛肉：雖然係店內最平的，但質素不算差，起碼肥瘦均衡。
$68上等進口牛肉：比較起上者，一定會係靚D啦！牛肉佈滿油花。
$48豚肉：夠薄易熟，肥瘦均衡。
任取任食 –火鍋料食物區
熟食
日本珍珠米飯：OK！軟而黏。
和牛炒飯：老公喜愛食品之一，其牛脂味濃，飯身炒得乾爽。
特色火鍋料
油揚﹝日本豆卜﹞：媽咪最喜愛，本身平薄，吸收湯精華後待其軟身，非常好味。
日本黑薯糕、上海年糕：兩者放入湯煮一陣，口感煙韌。
豆腐：妹妹喜愛之原因是有豆味及非常白滑。
素麵：滾一滾就可夾上吃，好滑好好味。
烏冬：小女最喜愛食品，有質感粗而韌。
新鮮蔬菜
鮮冬菇、金菇菜、、雞脾菇、白蘿蔔，珍珠荀、粟米、生菜、波菜、娃娃菜、蕃茄、芽菜、大蔥、洋蔥
丸類﹝午市只有一款選擇﹞
獅子狗：沒有什麼特別。
甜品
4款味道的牛奶公司雪糕，分別是綠茶、芝麻、豆腐及雲呢拿。
頭兩次服務員的態度非常誠懇有耐性講解餐牌上的分別，而且更會在你入座及享用了45分鐘後體貼地告知你：「還有15分鐘享用時間，仲有什麼可以幫你地呢！」。但是今次就差咗D，是因到最後5分鐘時，1名身穿西裝的男士﹝應該是經理掛﹞，既然走到我面前語帶不滿地說：「時間差不多，請妳儘快食完，出面仲有其他客人等枱嫁。」當時我和老公都是差不多就食完面前的雪糕，心想他可唔可以用好D聲氣或其他方法來通知我地呢！
雖然如此，我地成班都食得非常滿足。但係60分鐘其實是很趕的，如果下次到最後5分鐘時仍是那樣好似比人“喝”走咁，幾好我都唔會再來！
张贴