牛極 (大河道) (已結業)

聽講荃灣呢排新開咗一間叫牛極嘅餐廳，所以我就膽粗粗咁入去試啦。當然，入到去食之前，你係需要自行係自動售票機度買飛。買完之後，搵咗個位放底啲嘢，就可以出去自己裝飯，裝湯同沙律食。湯係牛肉湯，味道幾好飲，食開前作為一個開胃菜都係唔錯嘅選擇。至於個沙律菜，識食一定係加佢個麻醬，因為佢係沙律菜嘅靈魂。至於白飯，我就加咗啲芝麻紫菜，更易入口。等咗咁耐，主茶鐵版牛肩肉上菜啦。餐廳會幫你煎熟一成，其餘就按你需要而決定幾成熟，因為佢有塊加熱咗嘅鐵版石。肉質唔錯，配埋啲醬簡直一流，80蚊一個set，抵啦。

行開大河道，原來新開左間熱石牛食店。一入門口見到一部日本快餐店常見既自動買餐機，可以慢慢揀👇🏻分別揀左牛肋骨排同做緊推廣既牛肩肉眼👇🏻牛肋骨排200g $100油脂重，厚。肉質淋有脂肪香淨係用岩鹽調味就夠哂，而且分量岩岩好，唔會太飽食唔哂😋😋😋😋牛肩肉眼180g $80做緊推廣既肉眼$80幾抵食。肉質唔錯，較淋。熱石既好處可以自己控制生熟度，個人覺得肉眼生啲好食啲。除左岩鹽同黑椒之外仲有三種醬汁供選擇👇🏻👇🏻👇🏻有比較特別既自家制燒汁🙂自助吧有沙律，白飯同湯。整體餐廳乾淨整潔，出餐時間快，價錢唔算貴對得住食材。不錯👍🏻🙂

之前見好多人都介紹過牛極既牛好抵食，今日經開荃灣見到佢新開左間，好肚餓既我地就入左黎試下係咪真係咁好食啦~我點左個西冷牛扒，朋友就點左日本黑毛和牛試下。佢個牛一上黎既時侯都聞到幾香既，試食左一啖就覺得還可以，佢都有牛味又有牛香味，食落口感都OK，不過我同我朋友都好中意食牛扒，而且對食牛都有番D要求，所以呢塊牛扒對我地黎講其實真係一般般，不過係香港黎講都唔錯既，咁又因為個價錢都有番咁上下，佢無可能比太差既牛我地食既。不過，我塊西冷就真係好難食啦，西冷本身就係牛味重D但肉質就UN D既，但我呢塊西冷真係非常難食，一D牛味都無，同埋佢本身個扒唔好，因為佢D血流出黎既時侯，同平時食既靚扒唔同，佢個樣係有D怪怪地既，我唔敢講係咪加工過既扒，我只係知塊扒唔好食，我一定唔會再黎試架啦，都係比多少少錢或者買靚D既扒自己番去煎黎食啦...

宜家食扒越嚟越平民，一百蚊內都食到，仲要沙津、白飯，湯任裝。上個月尾開後一直無嘜客，奇怪明明其他分店好受歡迎，搞到又出嚟拉客又派傳單都得過幾枱。但一到今個月就變樣，接近滿客，果然糧頭定糧尾都係重要考慮因素。入門口自助買飛，雖然款式唔多，但始終得一部機，嚟多個客已經要企出門口，暫時只收現金，遲啲會有支付寶，一出飛職員就攞走帶位，杯係出面室溫檸檬水自己倒，碗具係枱面要攞出去裝嘢，餐具又放返出面要攞返位用，安排奇怪。入去時未到八點，半滿場，沙津菜已變色，有兩款醬汁，牛肉菜湯已見底，飯餘一半，可以加海苔芝麻，但海苔唔香，味道怪怪，就算飯用珍珠米都大大扣分。約半小時後入咗批客，稀稀疏疏坐滿場先加返滿，後加菜新鮮，湯終於由無料進化成無嘜料，稀疏牛肉似牛腩碎，幾舊紅蘿葡，以跟餐紅湯嚟講都夠味。剛攞好野扒就到，牛肩肉眼，最平，$80/180g，望落好夠份量，厚切，石板溫度好高，雖然用廚房紙巾蓋住，但仍可清楚聽到油脂加熱嘅聲音，就算廚房只煮到一成，為免牛扒太熟都要立刻開始處理，店員急急遞上即棄圍巾，但手還是不停俾油彈到，切好時，肉巳全熟，而石板還在發出叫聲，而肉質軟熟，無因全熟變硬，剛開始只加了黑椒同岩

A Japanese style steak house where your steak comes out in a flaming hot stone grill!There are 6 types of steaks to choose from, top blade muscle, bone in short ribs, sirloin, tenderloin, Wagyu Akami and Wagyu Futoyushi.You order from a vending machine like you would at a ramen shop.All their steaks come out as rare, you are then free to cut it up and grill it to doneness you prefer.The set also comes with refillable beef soup, salad and rice so you are free to eat as much as you want! My person

今日經過荃灣，發現開咗間新嘅食牛扒嘅鋪頭。於是我同我朋友就梗係要試新野啦🤝👯‍♀️👯‍♀️👯‍♀️一入到去個裝修好有無印嘅感覺，我哋坐低先至發現原來係半自助餐：白飯🍚🍚🍚🍚、日本湯同埋沙律🥗🥗🥗🥗係無限添食😂😂😂😂😂唔驚食唔飽沙律🥗🥗🥗🥗有驚喜佢有兩個沙律醬俾我地揀：分別係胡麻沙律汁、柚子沙律汁。我哋就將兩個將溝埋一齊食，個汁酸酸甜甜仲有芝麻香味，食落好開胃👍🏻👍🏻👍🏻👍🏻跟住主菜就嚟啦我哋分別點左：牛肩肉眼同埋牛肋骨扒，佢舊肉係放喺一個石頭面，牛肉本身係生嘅🥩🥩🥩，然後透過石頭嘅熱力將牛扒加熱‼️我哋就可以調教番啱自己口味嘅牛扒生熟程度💯💯💯喺張枱度已經放咗鹽同埋胡椒🧂🧂可以俾我哋加落去，靚嘅牛扒其實直接加小小鹽就已經好好食，依個都唔例外👍🏻👍🏻👍🏻👍🏻😂😂😂😂肉眼扒啖啖肉👍🏻👍🏻👍🏻成塊肉好厚，食落去好有咬口，好香牛肉味，而且佢冇用油去煎，食落口成個口充滿着牛扒本身嘅油份💯🥩😂牛肋骨扒佢有一個骨痴住佢，仲有少少脂肪，脂肪同埋肉嘅比例好平均，鍾意食淋身牛肉嘅人可以試吓呢一個👍🏻👍🏻👍🏻😂總括嚟講，呢間鋪性價比極高，如果想食牛扒但又唔想食普通黑椒洋蔥汁嘅時候，大家可以選擇呢一間👍🏻👍🏻👍🏻👍🏻

之前在日本酒店的時候曾經吃過一種石燒牛覺得回味無窮，一直都想在香港尋找多一次這種味覺，於是乎就比我找到荃灣這間新開的牛極聽聞已經有兩間分店，今次荃灣近近地就約咗朋友仔食lunch入到去裝修都很有日式風格一入門口就好似日式拉麵店嘅自助售票機先付款然後店員就會幫你安排上牛當牛肉還未上的時候就是你去尋找食物嘅好時機了，事關這裏的沙律，湯和飯都是任食的記得吃飯前先帶一條圍裙湯味道都唔錯喎仲飲咗兩碗添牛肉上嘅時候有紙巾墊住，千萬唔好咁快揭開啊，小心啲油彈到你呀我覺得呢度最特別之處就係可以自己去調教牛肉嘅熟度，因為鐵板有300度嘅高溫，最啱就係我呢啲好鍾意食好熟牛嘅朋友仔啦我就揀咗$100 200g嘅牛肋骨排牛肉非常非常之爽口彈牙，特別是在骨排邊的肉，這個就是我喜歡骨排的原因再配上特別的醬汁包括係黃介辣醬汁，辛辣燒汁和自家製燒醬汁除此之外還有岩鹽選擇而我朋友就就選擇了牛肩肉眼$80 180 g牛肩肉眼，肉質很淋鮮嫩整體感覺非常滿意特別是店員的服務值得一讚下次來的時候要試埋其他牛

厚燒日式牛扒石燒牛扒都出左一排，鍾意食牛嘅我，一路都好想食下。上星期weekend lunch就同左男友去荃灣呢間新開嘅牛極食呢個石燒牛扒。同日本自助點餐一樣，呢間鋪頭都係。首先係自助點餐機買牛扒同飲品，俾埋錢，之後俾飛叫侍應安排座位，就可以等牛扒上。等牛扒嘅同時可以去自助區度拎嘢食，自助區嘅沙律，飯，同麵豉湯都係飲食嘅，仲有檸水～我哋點左兩份餐，一份係牛肩肉眼(180g)，一份係牛肋骨排(180g)。餐廳有紙圍裙提供，果然好啱用。牛肩肉眼唔算太大塊，但係好厚肉，都成3-4cm高。店員話本身啲牛係一成熟，可以自己再燒到自己鐘意既熟到。因為塊石板都極熱，所以男朋友極速快切，廢時表面熟得濟。一切d汁彈落熱石，滋滋滋滋咁，塊面多汁～熱石燒到牛肉外香熱內嫩，加上本身牛肉質素好，同新鮮，彈牙啖啖肉。牛肋骨排應該係帶骨既關係，近骨既牛肉比較嫩滑，脂肪都多小小，所以比肉眼多肉汁同埋香d，同埋容易切d。加上近骨位有筋，岩我鐘意有趙口～

近日同事拎了張新開張牛極的傳單，今日決定去試一試。大概一點左右去到，店舖只有一台客人，大概是因為客人尚未知荃灣開了分店，日後就不知要不要排隊了。一入門口就見到一部自助點餐機，分別可以入($10, $20, $50, $100, $500) 的紙幣以及($1, $5, $10)的硬幣。在機內選擇你想要的牛扒種類及重量，其實汽水飲品都是在機內選擇的(大概加$10左右)。收入不太多的我只點了價值$80的牛肩肉眼(180g)，然後店員很客氣地把收據收去再請我們揀位坐。除了牛扒外，這店舖其他東西都是自助的，包括湯、飯、沙律、水、餐具及其他醬料。今日的湯是日式牛肉湯，味道有點似羅宋湯，但有牛的香味，連我這個不愛飲羅宋湯的人都要比like。湯旁邊是電飯煲，飯的軟硬度適中，再加上我灑了些放在飯煲旁味道不錯的芝麻紫菜粉，令我在牛扒到前已食了半碗飯。這餐廳送餐時會把一成熟的牛扒放在熱石上，讓食客自行切開再燒成適合自己的熟度，牛扒上面亦會有一塊類似吸油級的東西用竹籤固定，避免熱油彈到客人身上，這個設計幾貼心的，但擕帶小朋友的都真的要注意安全，以免燙傷。雖然我是點最便宜的餐，牛扒份量亦很足夠，每張枱面上都有一

聽同事講荃灣新開一間牛扒店，深水埗分店大排長龍，而家新開將冇人知所以唔洗排隊，我冇咩耐性唔洗排隊就去試試店舖好細坐位都迫，所以唔好意思影沙律，湯同飯位置怕影到其他客人每個位面前都放左胡椒粉樽同鹽樽點牛扒有3種醬，第一種黃芥辣冇特別，第二種韓式辣醬又辣又鹹，第三種寫秘製牛扒醬好杰一個芡汁咩味都食唔出，最後我都係原始地用鹽同胡椒粉調味算羅宋湯-偏淡有小小味嘅蕃茄水，低有小小牛肉湯渣，不過就唔夠熱勉強叫暖沙律-碗上有椰菜絲，小小紫椰菜絲同車厘茄仔，有2種汁俾你揀芝麻醬同柚子醋，兩樣我都鐘意飯-珍珠米都煲得唔錯，傍邊放左紫菜粉但顏色好得人驚似放左好耐牛肩肉眼-上菜時見到中間有條根仲驚會韌但冇，我第一次食好心急切到全部細細粒，食到一半已經變左9成熟，即刻放晒落碗先，好彩有小小硬但唔鞋唔似擦子膠仲有小小肉汁，衰在冇經驗原來可以熱好耐下次識食啦總結-牛扒冇用過鬆肉粉同自己買質地一樣但而且肉質都唔錯，又有沙律湯飯任食所以真抵食

約咗朋友喺荃灣行街, 大家都未食野就諗住喺附近搵食, 經過大河道有人派傳單, 見有新開張既石燒牛就揀咗呢間"牛極"。餐廳就位於大河道巴士站附近唔難搵, 屬於半自助形式, 買野食就好似日本咁有售賣機, 揀好食物俾錢就ok, 店員就會送上牛扒, 而湯, 沙律, 醬汁, 白飯同水就自取, 而餐廳亦有提供圍裙俾客人免得被油濺到, 非常細心。牛扒有牛肩肉眼, 牛肋骨排, 西冷, 牛柳, 日本和牛, 有三個重量選擇, 因為午餐唔算好肚餓, 我地點咗牛肩肉眼(180g)同牛肋骨排(200g)。點好餐就去拎自助食物, 沙律菜都好新鮮, 有兩款醬汁選擇, 日本胡麻醬同柚子醋汁, 我自己就揀咗柚子醋汁, 清新開胃啲。日式牛肉湯有點似羅宋湯但好好味, 好濃郁既牛味, 我飲完一碗再添多碗。白飯仲可以自助落紫菜芝麻飯素。調味料除咗有枱上的黑椒同鹽外, 仲有黃芥辣, 辛味燒汁, 自家制燒肉汁, 自己鍾意邊樣就攞邊樣。主角出場喇~ 餐廳都好貼心預先放張廚紙喺面, 唔會一黎就俾油濺到。 一上枱牛扒大約三成熟, 因應自己需求再煎幾熟, 我地都鍾意比較熟少少七成熟, 就切開哂一件件再煎。 牛肩肉眼(180g)🔸午餐黎講份

星期一才在旺角吃完牛極今天在荃灣看到開了新分店忍不住又鋸了一塊扒價錢應該是公價，跟旺角的一樣同樣是採用自助收銀機但不要太相信機器可能會找錯錢或食錢我這次就找多錢了誠實孩子很誠實地還回$100給店員牛肩肉眼400g － $160感覺這次的比旺角那次大塊得多而且肉的位置也比較好*熱石熱力不足可以叫店員更換熱石上次無留意到有此服務，所以不用心急切得大大塊，今次吃到一半就叫店員換總括而言，荃灣店比較好。一來，店內的空間較為寬敞，走動也方便點。二來，自助區的材料也齊全很多。例如：燒肉醬汁區上次沒有黃芥末醬，和燒肉汁非常浠。這次不單止有，而且濃很多。不過，奇怪的是自助區有很多細細隻的小飛蟲。不明白新店為何也會有，希望下次可以改善這點。

今日路過見到牛極喺荃灣都開咗分店，一入到餐廳見到用自動販賣機，增添咗濃厚嘅日本感覺，係一個好方便既點餐方式，好方便👍🏻揀咗個牛肩肉眼，餐廳嘅餐具、湯…飯…沙律都係以BUFFET形式任你自己攞，一定食到飽👍🏻先嚟試吓個牛肉湯，牛味好濃郁，沙律嘅蔬菜新鮮，沙律汁都有芝麻同柚子，我喜歡配柚子汁，味道清新好特別😋，裝埋碗白飯埋位等上主菜。話咁快，肉眼就已經到咗，見到枱面寫住”本店供應一成熟”，平時食開五成熟嘅我，好期待一成熟嘅會係點？原來係唔同平時食開既肉眼，好喜歡佢嘅口感，同埋好夠肉汁，一D都唔會韌，鍾意食牛嘅，一定會愛上，下次一定要帶埋班牛魔王朋友過嚟食😋

幫襯個旺角牛極，覺得幾好，知道開左係荃灣所以新界人既我一定要帶埋屋企人一試。荃灣店位置比較難找，係荃新天地前面隔離戴麟趾夫人診所後面，天橋底下。食果方面今次點左和牛富油脂，牛肋骨及牛肩肉眼，呢次體驗好深，因為第一次食得出不同牛既分別！日本和牛肉質明顯不同，油份足夠，唔錯。牛肋骨那款骨帶肉果種口感亦是好特別。最後那款牛肩肉眼肉味同肉汁都好平衡，好juicy. 如果你有機會都要叫幾款一齊試食食感受不同牛既分別，正！

看到文章話荃灣開店就即管去試吓原來去當日正是開店第一天由於是第一天的關係食具環境都很乾淨唯一是冷氣不夠 、當日人數不多未至於汗流浹背食物質素也不錯。那個即煮嘅燒汁一定要一試總括來講不用排隊是值得去一吃。喜歡食牛的人更加要去。性價比不錯的。點了一個牛肩肉眼 加個汽水 那個日本湯也不錯 湯飯同沙律都是自助任家的 本來想試triple steak 但見到那條長長的人龍真的十分恐怖這間牛極是性價比十分高的下次可能會試試牛肋骨