牛大人台灣火鍋吃到飽 (銅鑼灣廣場二期)

营业中

休息中

💡 食過會心掛掛既火鍋上次食完極上和牛吃到飽套餐之後，隔唔夠一個月已經又想再食多次，今次就去到銅鑼灣分店。🍽 高質素既牛肉其他套餐既牛肉質素都已經相當唔錯，但係極上和牛吃到飽套餐既澳洲M5牛肩卷&同埋安格斯牛小排既肉質會係最鮮嫩，而且係最有肉味既牛肉，試過就番唔到轉頭。🍽新鮮既海鮮海蝦夠新鮮，繼續保持水準，今次都叫左唔少海蝦。台灣鯛魚肉質嫩滑，都係必點之選。🍽和牛牛丸同海鮮漿叫極上和牛吃到飽套餐會送4粒澳洲M9和牛牛丸，好有驚喜，除咗彈牙之外，真係食得出係真材實料，牛味香濃。仲有旗魚漿、干貝鮮魚漿等等台灣特有既海鮮漿，出面好少食到。🍽自助區選擇豐富自肋區食材新鮮，食得太多肉類，都要食番d蔬菜平衡一下，除咗一般嘅生菜同油麥菜，尼度仲有皇帝菜。🍽特色飲品今期新出左珍珠奶茶，適合一班珍珠奶茶既粉絲，可以一邊打邊爐一邊飲珍珠奶茶。Ps/牛大人既牛肉質素有保證，當然套餐愈高級，牛既質素就愈好，係會食到當中既分別。

今天原本開開心心去牛大人食飯，但入到去之後由掃安心出行開始，就要開始受服務人員嘅氣，由支客到服務員態度全部都好差，好似我地食客做錯嘢，去牛大人食飯得罪佐佢地咁，黑口黑面，成餐飯90分鐘，只有前40分鐘冇催過我地，之後嘅45分鐘內每隔多十幾分鐘就過黎催一下過多十幾分鐘又催一下，1個鐘左右時就要求我地買單，買單時問佢點解未夠一個鐘就要我地買單同提醒時間，佢好唔滿意，用發脾氣嘅態度黎同我地解釋，一定唔會再去，冇下次。

༺ 牛大人台灣火鍋吃到飽 ༻☽‎⋆.•*¨¨¨¨¨¨¨¨¨基本資料¨¨¨¨¨¨¨¨¨*•.⋆☽‎➳ 牛大人台灣火鍋吃到飽𖠚ᐝ 澳洲極上和牛套餐($278)ʀᴇᴠɪsɪᴛ: ♥︎♥︎♥♥︎♥︎☽‎⋆.•* ¨¨¨¨¨¨¨¨¨食後感¨¨¨¨¨¨¨¨¨*•.⋆☽必食嘅火鍋店，牛大人喺香港排名第一位嘅餐廳❤️食過唔同套餐，澳洲極上和牛套餐係有最多選擇！食物質素又真係最好😋和牛牛丸套餐送既牛丸，有牛味重，爆汁❤️超正！澳洲和牛M5牛肩卷牛味有時重有時唔重，有時肥啲，有時瘦啲，但係都係好正🤤其實每round 啲肉質素都有啲唔同，但普遍好食🤣兩款魚都重魚味同肥🐟麻辣鴨血超正，鴨血質感好好，配寬粉勁正🥰自助區都有好多好食既食物，海帶結、魚腐、冬菇都正！仲有多款醬汁同飲品選擇，期間限定嘅黑糖珍珠都好好飲，甜度啱啱好，仲有好多黑糖掛杯🧋甜品有仙草凍/雪糕🍦

講到台式火鍋，大家最熟悉嘅可能就係《牛大人》！最近舖邊爐癮又黎啦😙，決定再去食，繼續叫番“澳洲極上和牛”套餐($328/人)，同樣限時2個鐘◦ 湯底 - 台灣鳳梨雞鍋湯底材料好豐富，除左成隻嘅雞之外，仲有鳳梨、苦瓜、薑片、杞子等配料，口味酸酸甜甜幾開胃，聽講呢個湯底有溫補開胃嘅功效，而食到後面湯底嘅雞味濃郁，都幾特別😍◦ 肉類顧名思義，餐廳主打各款牛肉🤣， 啱晒鍾意食牛肉嘅朋友，個人最推介嘅係澳洲和牛M5牛肩卷，每一塊都切到夠薄，雪花紋清晰，賣相好吸引，食落好香牛肉味同埋和牛嘅油脂香味，口感一流🥰！◦ 滑類漿類另外一定要試嘅係哩度嘅滑/漿，全部都係台灣直送☺️，個人推介真味牛肉漿同埋澎湖花枝漿，睇得出係經過手打而成，賣相唔錯，煮熟咬落好彈牙，肉味好濃郁，而且肉質夠新鮮，相當有水準，值得推介👍◦ 熟食與別不同嘅係，餐廳仲提供幾款台灣地道小食，最啱開頭等上菜時食，個人幾鍾意梅甘酥脆薯，同埋士林鹽酥雞，食落好香好滋味，味道幾正宗，不妨一試😉◦ 丸類蔬菜類另外其他配料選擇豐富，幾款丸子質素都幾好，最推介嘅就必定係澳洲M9和牛牛丸(每人2粒)，煮熟之後咬開見到入面油脂十分豐富，而且好重牛肉味！比較

前幾日同朋友二人黎咗食牛大人晚餐火鍋，入面啲座位好寬敞，坐得舒適。今次揀咗澳洲極上和牛套餐，湯底就牛大人秘方麻辣鍋中辣。呢個套餐有多款肉類可以點，而我地就最期待牛小排、和牛M5牛肩卷同埋期間限定嘅北海道十勝豚！手機落單後幾分鐘就上菜，好有效率。牛肉脂肪分布平均，沾埋牛大人特製醬汁食非常開胃。個湯底辣得黎帶有麻香，除咗肉類之外其他配料就咁食都有湯頭濃郁味道。蔬菜同丸類配料可以自己出去夾，都有好多選擇，包括少見嘅蕃薯葉，香芋貢丸等。個貢丸係我每次同朋友黎都必食嘅！除咗有豬肉香外，佢有粒粒芋頭係入面，令到整體口感鬆軟啲唔會太硬實。海鮮類我地就試咗海蝦、鯛魚片等。入口冇海鮮雪藏腥味，肉口感紮實而有海鮮甜味。建議食多咗紅肉嗌吓魚片調劑番，因為佢清爽得黎令人好有胃口啊！我地有試牛大人嘅黑糖珍珠鮮奶，每人加$25就有，同出面手搖店嘅一樣咁靚，有黑糖掛杯紋路，打卡一流。牛奶同黑糖比例岩岩好，食緊辣火鍋嘅時間飲一飲就好解辣同解渴，啲珍珠煲得香甜煙韌，不經不覺就成杯飲哂。下次有朋友聚會都會想黎再食啊！環境舒適，上餐速度又快，大家都食得開心。

放假約咗閨蜜去銅鑼灣行街，大家掛住行街連晏晝都無食😆閨蜜提議不如去牛大人打邊爐，我當然同意啦🤤4點幾我哋就上咗去Walk-in排隊，一夠5點鐘餐廳就即刻安排入座🫶🏻外面自取嘅配料同埋飲品選擇都非常多，喺社交平台讚好同埋Follow仲有黑糖珍珠鮮奶送，香甜黑糖配上奶味濃郁嘅鮮奶，珍珠如果可以煙韌少少會更加好☺️身為牛魔王嘅我哋決定食最高級嘅澳洲極上和牛套餐😎 套餐附送每人兩粒澳洲M9和牛牛丸，牛丸彈牙肉汁豐富而且牛味濃郁，係我食過最好食嘅牛丸😍澳洲M5和牛牛肩卷油花均勻油脂甘香，肉質軟嫰❤️安格斯牛小排同樣出色， 肉質滑嫩入口juicy！北海道十勝豚豬肉味濃郁，入口爽口唔油膩！台灣濃香蕃茄鍋，湯底酸甜滿滿濃郁番茄味，最後放入新竹米粉將精華吸收曬非常入味👍小食方面士林鹽酥雞、真豬小香腸、梅甘酥脆薯全部都熱辣辣而且有水準同喺外面散叫嘅味道一樣🤤食埋雪糕真係好滿足，飽到要捧住個肚走🤭

最近天氣開始有秋意嘅感覺，就最岩打邊爐🥰牛大人湯底同配料都好多選擇🤗仲可以任點👏🏻店面都幾大，夠寬闊，有大圓枱同卡位，坐得幾舒適😊屋企人揀左澳洲極上和牛吃到飽🌸同阿嫲養生濃湯底😌除左可以用QR code 落單之外，餐廳仲設有自助區，入面有飲品同蔬菜等。澳洲和牛M5 牛肩卷雪花分佈平均，薄薄一片，入口軟嫩。北海道十勝豚肉味濃，口感細滑。澳洲和牛牛丸係套餐送嘅口感彈牙，入面仲有肉汁🤗除左肉類，我地點左海鮮，沙白超大隻，仲要粒粒都好肥美，脹卜卜咁，吸哂湯汁😍海蝦🦐好新鮮又大隻🤓脆肉鯇魚腩，唔多骨，食落彈牙😋章魚珍珠漿，聽個名未必知係咩，其實佢係粒粒嘅章魚係入面，有少少似墨魚滑。蟹籽墨汁漿，黑色嘅墨魚滑都幾特別😋我地仲食左唔少台灣嘅地道小食。🥳e家like and follow 仲送青檸薄荷梳打😋食完火鍋仲有雪糕食😍

今次去左食台式任飲任食火鍋，呢間餐廳經常大排長龍，標榜由台灣師傅主理，其中多款配料更是由台灣直送，還有多款台式湯底選擇，我就揀左台灣鳳梨雞湯，用原隻雞開邊、鳯梨、苦瓜熬製而成，味道清甜回甘，呢個湯底煮出黎既食物份外鮮甜，推薦推薦！我揀左澳洲極上和牛吃到飽，可以任飲任食120分鐘，每位仲送兩粒和牛牛丸，一口咬落去就爆曬汁，真係好正，叫得呢個餐緊係要瘋狂食和牛，和牛油花均勻，肉質軟腍，除左和牛外，仲有上腹牛五花、安格斯特選牛板腱、安格斯牛小排、手切封門柳、安格斯一口牛肉粒同美國PRIME極级肩里肌，食盡牛既不同部位。火鍋配料除左可以用手機落order外，出面還有自助區，自助區有數十款火鍋配料同飲品可供選擇，食到悶悶地仲可以order台式地道小食，有滷肉飯、台灣腸、鹽酥雞、甜不辣等等。最後緊係要食個甜品作完結，甜品除左有哈根大師雪糕外，仲有台中仙草凍。雪糕有三種口味，其中一款是期間限定，期間限定又點可以吾試，原來係西瓜士多啤梨味，又幾特別喎！另外仲叫左個台中仙草凍，仙草凍有三款配料，有花生、紅豆同椰果。

初初牛大人好難book 位,次次都要搶訂位。今次本以為難book，當日去到又原來唔多人食。下午邊爐放題食九十分鐘，三種價錢選擇，星期六日假期每位再加10蚊。如果要求不高，有豬有牛都夠食既話可揀中價位既餐。飲品，蔬菜，丸子，麵自助式俾人拎任飲任食。飲品多選擇，有多款泡茶又有紙包飲品同汽水。菜同丸子都佔兩個雪櫃不過略嫌職員添菜添得比較慢。麵就有台灣米粉，王子麵同烏靠等揀，款式唔算多。有白飯有調味料放題自助式俾人裝。整體肉類質素唔錯，食物選擇不少。因為地方頗大，人多食牛大人亦不失為一個好選擇

今晚去了銅鑼灣「牛大人台灣火鍋吃到飽」食火鍋，我們大約 7:30 PM 去到餐廳取票，等了30分鐘，約 8:00 PM 才安排入座最後，我們決定叫「牛大人120分鐘吃到飽套餐 - 澳洲極上和牛 $318/每位」，湯底選了「牛大人紅燒牛骨鍋」，套餐包括：🥢 澳洲和牛M5牛肩卷、上腹牛五花、安格斯特選牛板腱、安格斯牛小排、手切封門柳、安格斯一口牛肉粒、美國PRIME極級肩里肌、西班牙豬梅肉片、西班牙豬五花片、豬雪花肉片、紐西蘭羊卷肉、花雕酒鷄件、台灣鱸魚片、蟹籽墨汁漿、干貝鮮魚漿、牛媽秘制滷牛筋、牛媽秘制滷牛肚…等甜品可選 雪糕 或 台式甜品整體來講：牛大人係我其中一間至愛食嘅火鍋餐廳，而且已經是多次幫襯埋單💰：$700 ($318 + $318 + 加一服務費$63.6)

同老友食飯，又可瘋狂食到飽，一定會諗起任食牛大人！<<極上和牛吃到飽套餐>> 慢慢食2個鐘食到飽$318本身係食肉獸關係，立即叫主打澳洲M5和牛,同安格斯牛小排啦！！澳洲M5和牛-肉質非常嫩滑,薄切刀功下，顯得特別易咬同吸晒湯汁！牛味非常出😉安格斯牛小排-啖啖牛肉口感！必叫！期間限定 北海道十勝豚 - 豚肉就算煮熟些口感都好嫩！豬肉味十分鮮，忍唔住叫多幾碟，不用只食牛牛🐮。2粒澳洲M5和牛牛丸!牛肉味好濃郁仲好JUICY!!章魚珍珠滑勁好食！必食！美人花膠絕對驚喜，一叫再叫！脆魚鯇 勁爽脆！冰荷青檸梳打雖然有好多雪糕選擇，但個人認為牛大人既台式仙草勁吸引！多料又好好味!!

晚市放題火鍋無論食物及飲品的選擇十分多,完全不會漏單。自取飲品、食品的種類款式都很多,想試齊也不易。晚市甜品可選雪糕或仙草,仙草很好味,即使已經很飽也要吃。120分鐘也夠時間吃得飽飽,只是肚子不夠位!服務員友善、禮貌態度都很好,地方整潔及舒適。想試完再試的食店!

香港人無論春夏秋冬咩時間季節都鍾意打邊爐😂今次去咗位於銅鑼灣好受歡迎嘅牛大人！嗰日去好彩有訂位 ，但都要排隊按返時間入席，更加唔使講嗰時大量Walk in嘅客人🫣極上和牛吃到飽 $318今次就是最貴嗰個package上腹牛五花丶牛小排丶手切封門柳丶安格斯一口牛肉粒丶澳洲和牛M5牛肩卷丶美國PRIME極級肩里肌丶西班牙豬梅肉片丶豬五花片丶紐西南羊卷肉丶鮮魚漿呢啲全部都有得食！無論你鍾意食啲咩肉類，總有一款啱你，而且特別啱晒食肉獸！😁另外，每人贈送兩粒澳洲M9和牛牛九2粒，味道好食，唔同一般嘅肉丸，肉質更加鮮甜美味✨而我嗰日就選擇蕃茄湯底，平時食都係食啲清湯或者豬骨類嗰啲～原來都唔錯，湯底清甜！而且，唔會咁油膩，就算食到最後都會有蕃茄嘅甜香味，有啲餸菜仲唔使特登點豉油都充滿香味添🫶🏻除咗用手機落單嘅嘢食之外，出邊都有唔少嘅嘢可以揀，例如啲丸同蔬菜呢啲，調味料都可以自己揀☺️嘢飲方面同大家知道嘅一樣，都係好多選擇，特別多啲冷泡茶～嗰日比較特別就係堂食限定仲送咗杯青桔梳打😍🫶🏻去到最後就梗係唔少得甜品啦！同行嘅朋友揀咗雪糕，我就食咗台灣仙草💗同平時食嘅唔同，更加落咗蘆薈花生呢啲，真係好好食❤️

今日夜晚去咗試呢間牛大人任食火鍋，一行兩個人訂咗五點鐘120分鐘任食火鍋，環境可以，去到櫃面前侍應提出任食90分鐘話價錢會有唔同，心想反正都食唔到咁耐，所以接納咗提議。跟住我哋就開始點食物，有牛肉類、海鮮類、小食類、餃類等等，雖然分類多，但可供選擇的種類並不多。飲品種類有桂花烏龍茶、落神花茶等等都唔錯，不過啲樽蓋唔係密封式，最後每人送甜品一客，由於每次點食物會一人一份，即如點韮菜餃二人就俾二粒，每人一粒，唔夠先再點，所以唔會浪費食物。

工作人員態度差！冇下次！尤其門口知客！我們都有付款的！不是乞食！食完的碟沒有人收！其實真係要五套一下，咁樣即係趕客，令客人感覺不愉快！一肚氣！其實點解唔禮貌啲，大家都好過！