牛大人台灣火鍋吃到飽 (銅鑼灣廣場二期)

营业中

休息中

📍牛大人台灣火鍋吃到飽今次去左牛大人喺銅鑼灣既分店叫左澳洲極上和牛吃到飽套餐醬料區特別嘅有洋蔥牛肉汁，大家可以試吓，拎黎撈烏冬食有另一番風味🤪飲品都有眾所週知既自家樽裝茶，當然可以加錢叫特色飲品/手工啤酒！湯底揀咗麻辣湯，幾過癮，趁住呢度有無限鴨血，咁樣食先至最夾😛當然佢哋嘅牛同埋和牛丸係重點，手切封門柳一定要試吓🤤出面仲有其他台灣丸同配料，都好多野食，我個人就最鍾意芋頭貢丸除左movenpick雪糕之外，呢到既台中仙草凍都好出名，拍得住出面既甜品店，仙草唔會好甜，芋圓又好咬口，咸甜點都好出色🤓今次我仲試咗佢哋嘅黑糖珍珠鮮奶，唔好講少，真係幾出色，唔知以為係出邊嘅台式飲品店買， 珍珠有咬口，唔會粉狀，鮮奶仲要有奶味嗰一種，有驚喜❤️

天氣涼涼地又係時候食肥自己過冬的時候，今次叫咗$388套餐，鍾意食咪隨便叫，無限食和牛🐮秘方麻辣鍋牛夫人秘方麻辣鍋用以辣乾、大紅袍花椒、郫縣豆瓣及三十多種中藥材熬成。先烤後煮的牛骨帶有濃郁香味，氣味醇香，今次食小辣，已經好滿足。必食推介一坐低就送的牛丸印象最深刻，澳洲和牛肉丸，肉味濃郁爽口彈牙齒頰留香，真係一試難忘，再試無妨，可惜每人只送兩粒，遇到為食的朋友要小心自己粒丸。至於套餐內，包括安格斯牛小排，牛香味夠濃澳洲和牛M5牛肩卷🐂 入口嫩滑且帶油脂感S R F美國黑牛後腿肉安格斯特選牛板腱美國PRIME 極級肩里肌排名不分先後都係小編最喜愛嘅部位牛胸爽，係今次的新嘗試感覺比較爽口咁多款高質和牛/安格斯，任食黎講真係好高質～ 除咗牛之外，仲有好多台灣小食牛媽秘製滷牛筋，牛肚蟹籽墨汁漿千貝鮮魚漿章魚珍珠漿士林鹽酥雞梅甘酥脆薯真豬小香腸魚香皮蛋豆腐雖然未買到機票去旅行，唯有食住啲小食頂住檔先最後梗係唔少得，食返個甜品先走今期有Häagen-Dazs士多啤梨西瓜味限定同Movenpick 士多啤梨味飲品方面，有珍珠奶茶同冷凍茶

講唔停已經嚟過牛大人好多次🤩 每次去嘅人潮都好似比上次多咁 今次9:30食完見到門口仲有一對人等緊 真係好誇張😲✔️極上和牛吃到飽 $338平時食呢一個價位嘅話講唔停都會不停encore澳洲和牛M5 牛肩卷🤩 不過今次有個期間限定更加吸引‼️ 就係牛胸爽 牛胸爽帶點軟骨 口感爽口 入口牛脂味極重😍真係超級正🥰豬頸肉都係必點之選～漿類方面 花枝滑繼續係MVP😝 墨魚粒好多 好彈牙❣️ 今次仲試咗牛肉滑 食落味道有啲似漢堡扒🤔另外佢哋個海蝦都係超大隻新鮮🦐 小食亦都係一如既往正常發揮 講唔停覺得最好食係個脆薯😚估唔到而家佢哋仲有埋黑糖珍珠奶茶🧋 唔會太甜 珍珠都唔會太粉 都可以一試👍🏻

牛大人台式火鍋放題雖則而家仲係疫情時候🫣但係晚晚都要排隊晚晚都爆場都知佢咩料啦🤣🤣🤣咁啱又係正公司樓下😚一得閒都會走去食😚😚😚次次都食到抱住個肚出門口🤤🤤🤤———————————————————推薦食物有……..牛板腱！鴨血！午餐肉！推薦飲品有…….冷泡茶🍵🍵🍵———————————————————另外佢啲蝦🦐🦐都好新鮮隻隻都係彈牙嘅！總之就係值得一食再食嘅火鍋放題啦😝😝😝未試過嘅快啲去試啦‼️‼️

🌃 餐廳位於銅鑼灣廣場第二期 ， 鄰近銅鑼灣港鐵站C出口，餐廳環境設計相似於日式火鍋放題餐廳，但係食台式火鍋，以簡約木色為主色， 座位以二人卡座及四人卡座為主， 大堂設有多個自助吧， 唯座位空間較為狹窄， 當天進食嘅時候座位已經爆滿。-👨‍👩‍👧‍👧以下為晚市火鍋放題放題 由$208起.🤠 通粉foodie 就叫了 澳洲極上火牛火鍋放題 ， 於下午五時入座， $288 另加一，任食2小時。.🥘湯底💟 小編叫了牛大人紅燒牛骨鍋，湯底 嘅牛骨味十分突出， 充滿豐富嘅骨膠原，另外帶點微微嘅辣度， 唔食得辣都可以叫。.🥗前菜💟 小編叫了鹽酥雞， 台式香腸等小食， 鹽酥雞都炸得幾香口， 台式香腸帶一點蜜糖味，都幾好食唔錯。.🥓主要肉類💟 附送了澳洲m9和牛丸， 呢一個係一次性， 食落爽口彈牙爆汁， 牛肉味超級濃郁。而澳洲和牛M5牛肩卷， 呢一個係任必點， 脂肪油花十分平均， 食落幾軟嫩，牛肉味濃郁， 有一種甘甜嘅感覺。 另外仲叫了SRT美國黑牛牛腿肉、 安格斯特選牛板腱、安格斯牛小排、紐西蘭羊卷肉同埋北海道十勝豚。.🦐🦑 海鮮類💟 小編叫了海蝦同埋 鯇魚片，海蝦幾大隻， 爽口彈牙， 而鯇魚片都幾

第一次在openrice留言，希望大家警惕，此店會把入座時間提早!!! 請注意你的入座時間!!!勿成為我們一樣的受害者服務態度十分惡劣，入座時間偷偷打早了10分鐘，之後不斷催不斷催，在只吃了1.5小時後就催我們準備離開(說剩下15分鐘)，我們有出示證據證明入座時間(安心出行掃碼時間)，但仍不被理會，在最後所謂的'超時時間'被逼狼吞虎嚥，吃了不足2小時也被屈超時，食物質素再好都難頂!非常憤怒及失望，價錢配不上其服務態度，雖然不知其他分店如何，但銅鑼灣分店的店員態度真的很惡劣，不會再回顧。

其實食物質素都ok嘅，大致上中規中矩咁。但服務態度真係好差，令人唔會想再去。本身諗住天氣轉涼同朋友開開心心咁去打個邊爐，結果換來一肚氣，仲要比人急急腳趕走😤事源係咁嘅：佢係按入座/入單時間去計兩個鐘，咁但係呢張單嘅時間就比我哋真實入座時間早左差唔多10分鐘，但我同朋友都好肯定我哋絕對唔係佢所寫嘅時間入座，我哋嗰陣時仲喺街度過緊去。另外，安心出行都有曬紀錄，所以我哋絕對有理由可以反駁佢哋。佢哋一開頭已經不停催促我哋食快啲，仲要威脅我哋如果食唔切或者食唔晒啲嘢，就會額外計錢。咁都算，但佢哋不突止喺唔夠兩個鐘嘅時候已經屈我哋超時，仲要特登拎所謂嘅證據去同我哋嗌根據佢哋嘅紀錄我哋入座時間係嗰個鐘數。我哋都同佢哋解釋有可能係佢哋System出錯又或者一早入咗單，但佢哋依然好堅持咁樣趕我哋走。然後我哋都好無奈咁講話我哋都係食剩雪糕都唔爭在比我哋食埋去，更何況有證有據我哋的確未食夠兩個鐘🤕唔明點解要咁樣趕客走，搞到啲客食到咁倉猝，好唔自在。就算係要趕喺下輪客前清理枱面，就算依家牛大人有幾出名，都絕對唔會係用咁嘅服務態度對待客人囉😠用咁嘅價錢買成肚氣真係唔值，下次唔會再去！

天氣開始涼，又係頻頻打邊爐嘅季節，襯秋風起即刻約埋閨蜜一齊去牛大人食我哋最愛嘅台式火鍋❤️閨蜜話好想食封門柳同埋和牛牛丸，於是我地叫左極上和牛吃到飽套餐，同埋例牌嘅牛骨湯底我哋鍾意牛骨湯底係因為佢好夠味，而且亦都有輕微嘅辣，更加野味👍🏻極上和牛套餐嘅食材選擇當然多，尤其係我哋會狂色嘅牛肉，款色之多係最吸引到我哋叫呢個餐嘅原因，淨係食牛都物超所值啦！分別有美國SRF黑牛、澳洲M5和牛、封門柳、肥牛等等，頭三者係我哋嘅至愛，牛味濃之餘亦都好有口感。呢個餐亦都奉送和牛牛丸，每人兩粒大大粒，勁彈牙！除此之外，我哋仲叫左好多好多野食，其實menu 入面樣樣都想食想試，只係奈何個胃嘅容量有限，要試晒咁多款食材到真係要分幾次。墨汁漿同章魚漿個人因為好好食，每次都必叫，彈牙，加埋牛骨湯底，係一絕！另外我哋都叫咗韭菜餃、蛋餃、水蓮、魚皮、炸排骨、鯛魚etc, 我哋另外嘅至愛就係鴨血同埋海鮮，牛大人嘅鴨血喺眾多餐廳之中我覺得係最出眾，因為佢真係非常之軟滑多汁，出面食唔到。另外呢度啲先下都係新鮮大牙，又大隻，沙巴又係多肉無沙，洗得好乾淨，食得放心。出面任夾的蔬菜種類又多，我哋都食左唔少菜同菇，仲有水魷。今次我

上次食過牛大人火鍋放題相當唔錯，打邊爐發燒友約我再去牛大人銅鑼灣店，我地今次食極上和牛吃到飽套餐 ，價錢係$328/人，湯底一共有十種選擇，我地揀左唔辣嘅阿嬤養生湯鍋，湯頭清香又夠鮮味，配料有蟲草花、椰菜等，帶點輕微藥膳味道！太好味！🥩極上和牛套餐，包括有油脂均勻嘅澳洲M5和牛肩卷，肉質紥實香口！仲有軟身易人口嘅上腹牛五花肉味香濃、同埋最軟嫩嘅美國prime款款都好味! 🦐海鮮類🦐有魚片、海蝦同沙白😋沙白，海蝦新鮮爽口、蜆肉肥美肉厚 💛台灣直送丸類💛一向都鐘意食丸，真係好多選擇，今次食左麻辣丸、海膽丸，必食仲有花枝丸！🥟餃子🥟 高麗菜餃、台式蝦餃、蛋餃等，款款都好食！🍡台灣海鮮漿🍡鮮味十足，口感彈牙～推介！ 🧃台式飲品都唔馬虎，點了黑糖珍珠鮮奶！又香滑又好味！🍮今次食左西瓜士多啤梨味雪糕同埋台式仙草凍！太完美！牛大人台灣火鍋吃到飽 地 址📍：銅鑼灣駱克道463-483號銅鑼灣廣場二期5樓

凍凍地想打邊爐又懶得係屋企整咁麻煩，近近地去左銅鑼灣既牛大人食火鍋放題，今次揀左個最貴既澳洲和牛放題，每位再送和牛牛丸，湯底都有多款選擇，有辣有唔辣，我地就揀左個平時少食既酸菜鍋，估唔到用牛肉又幾夾眷村白玉酸菜鍋 古法自然醃漬發酵的酸菜，配以五花肉及蛤蜊等新鮮食材，湯頭酸而不嗆、口感溫和，還有濃濃的大骨湯味，每一口都吃得到豬肉的香與雞骨的甜，搭配酸菜微酸的口感，暖胃又舒心，叫得呢個酸菜鍋當然要叫返啲鯛魚片啦，來一個酸菜魚鍋吧，鯛魚片無細骨啖啖肉最適合我呢啲懶人食左咁豐富既火鍋放題一定要飲埋佢地既冷泡茶解膩，咁就唔怕好heavy啦銅鑼灣任食火鍋 必試酸菜鍋底

終於終於食到我期待已久嘅牛大人火鍋🍲，平時人山人海，好彩朋友預早book位，今晚終於試到。既然咁難得，梗係揀個最豐富嘅澳洲極上和牛套餐啦，食足120分鐘，正！🤩呢款套餐每位贈送澳洲M9和牛牛丸兩粒🍢，超級重牛味同好Juicy，仲有啲牛嘅選擇係呢個餐獨有，所以我都主打呢啲款式再encore。湯底方面揀咗台灣鳳梨雞鍋🍍🐣🍲，入面有原隻雞，苦瓜同鳳梨片，喺出邊較為少見到，味道都唔錯，可以一試。呢個套餐獨有嘅食品包括有：安格斯牛小排🥓、手切封門柳🥩、安格斯一口牛肉粒🐮、澳洲和牛M5牛肩卷、豬雪花肉片🐷等等。每一款牛肉都有佢獨特嘅口感同味道，所以爭少少錢揀呢個套餐真係好抵食，肥瘦均勻，入口即溶，基本上淥幾下就已經值得，非常高質。🥳除咗高質肉類之外，仲有好多出色嘅火鍋配料，包括有脆肉鯇魚腩🐠、台灣直送鯛魚片🐟、雲吞水餃🥟、手打魚滑等等，除咗喺電話落單嘅配料之外，出邊自助配料區，都有好多蔬菜🥬🥦丸類🍢選擇，多到根本冇辦法可以全部食得晒🤭食到最後，仲可以每人有一杯雪糕🍨或者仙草甜品🍮，係打完邊爐後最完美嘅作結。

今日黎到位於牛大人嘅銅鑼灣分店食飯，牛大人一向嘅食物都好高質，所以我定期都會去。牛大人嘅台式嘅食物依舊保持到質素，無論係熟食或者係肉類都好好味。熟食之中嘅鹽酥雞都幾正，外脆內軟，又多肉汁。佢地嘅牛肉我覺得係比其他打邊爐嘅店鋪更優質，牛肉味香濃，油脂比例又岩岩好，好好味。其他食物例如丸類等等都幾正，包括香芋貢丸等等，有肉味又有香芋食。最後個甜品都幾有特色，有椰香味，唔會太甜，仲有花生等等嘅配料。整體來講，牛大人嘅食物質素依然保持得好好，之後有機會嘅話都會再嚟。📍牛大人台灣火鍋吃到飽 (銅鑼灣廣場二期) (銅鑼灣)銅鑼灣駱克道463-483號銅鑼灣廣場二期5樓#牛大人 #銅鑼灣好去處 #hkfoodie#beautifulcuisines#kolhk#foodstagram#nomnom#lifestyle#finedining#香港好去處#打卡#吃貨#美食日記#香港美食#美食推薦#相機食先#hkfoodblogger#hongkongrestaurant#hkfoodshare#hkfood#hkig#igfood#hkkol#fotd#hkfoodporn#amazing#相機食先#香

上星期和朋友到牛大人打邊爐，餐廳食物質素OK！當日有一位應該較高職級職員Jason服務有熱誠，有禮貌，對客戶嘅需要照顧得很周到，態度絕對值得嘉許，下次會再光顧！

是日同HONEY一早BOOK定牛大人，現在真的WALK IN都未必有位，證明真的仲KEEP住到人氣，同HONEY照都系叫左極上和牛吃到飽套餐，極上和牛吃到飽套餐今次加左個SRF美國黑牛後腿肉，真的好重牛味，大大塊真的好吸引，湯底都系食牛大人秘方麻辣鍋，牛大人秘方麻辣鍋加埋牛肉真的好好的配搭~LIKE埋FB就會有埋黑糖珍珠奶，食麻辣野，飲奶就可以保護好個胃飲品都系茶類比較正~~一人兩粒的和牛牛丸，真的好YUMMY~~牛肉都系KEEP住有水準，真台灣鯛魚片真台灣鯛魚片真的要食，啖啖魚肉又無咩骨~~台中仙草凍同埋H字頭的ICE CREAM，真的一個餐的GOOD ENDING 真的要BOOK位!唔系真的未必有得食~~

牛大人真係幾乎晚晚爆場，今次難得朋友BOOK到位，去到唔駛等太耐就有得入去坐。特別揀了極上和牛吃到飽，貪佢可以食多好幾款頂級靚牛肉，牛大人紅燒牛骨鍋湯底都渡錯，但如果牛骨味再濃點就更好。靚牛肉包括SRF美國黑牛後腿肉、澳洲和牛M5牛肩卷、手切封門柳、北海道十勝豚、安格斯牛小排、安格斯一口牛肉粒等，最好食的是手切封門柳，肉質嫩滑，牛味又濃。其他丸類菜式當中，最推薦的是澎湖花枝漿，入口真係粒粒花枝肉，唔好唔記得除咗手機點餐的餐單外，在店舖最埋面都有不少配料選擇，芋頭貢丸都係一定要食的丸類之一；至於海蝦同脆肉鯇魚腩都值得一食再食；其他台式小食如皮蛋豆腐、小香腸、豬血糕之類，淺淺輕嚐即可。基本上食材真的選擇頗多，不過來的份量太少，來一次只得兩塊，真的要不停拿著手機點餐，一邊食一邊點，其實可以多少少這樣就不用不停收碗，人客又食得舒服點啦。而且侍應提醒埋單的時候不太足，五分鐘前才告知，鍋裡的食物都未食完，明白人客太多，好想快點讓出檯來做下一輪生意，不過可以早少少提醒人客的。