牛大人台灣火鍋吃到飽 (大鴻輝(荃灣)中心)

营业中

休息中

有一排好多人食牛大人，都未有機會試，今次有幸可以食到啦！當晚7點openrice book位8點／9點都有位，walk in 都要等一輪先到。今次荃灣台式任食火鍋，兩人位置格局比較擠迫，叫咗個牛骨＆養生濃湯鴦鴛鍋，每碟牛都係3-4片，叫多都食到，味道還好，比較偏好唔點醬油，配合湯汁食。羊肉片有羊羶味，唔太濃，十分推薦！另外都有很多款口味肉漿，可以跟隨自己喜好，落幾多就幾多，試過咁多款，蟹子墨魚漿係最好味架！其他食物款式唔太多，所以有啲失望

難得朋友黎香港玩, 帶佢去食下出名既火鍋店, 6大人, 一個未夠一歲既BB等位等左一陣埋位先知佢比張岩岩好夠坐6人既卡位枱我我問佢可唔可以比張大少少既枱我佢話如果要大D枱就要收埋我個BB 既錢....呼籲大家如果要湊小朋友無辦法放低比人既爸爸媽媽唔好去呢間食仲有叫左3轉鴨血都無黎, 到最後同我地講夠鐘佢先一次過黎哂3碟夠鐘走, 我地已經執緊野, 仲吹我地快D走....諗住好好地食餐飯, 仲要受氣......

牛肉好好食，經濟實惠。飲品種類又多。牛款式又多。打邊爐之選。價錢合理適中。環鏡舒適。不過好多人排隊，如果唔洗排咁耐就好了。不過多人排都好既代表d嘢好食先多人排。

牛大人食過好多次， 舊時質素唔錯， 就算食最平個餐，質素都唔差， 所以都會再去。 但今轉食完已經好有負評感覺。依家基本上都坐唔爆人， 就算旺時7點都仲有3-4成座位。 但依家差左好多！我全家人 星期日食5點-7點時段。價錢又貴左，食最平個餐都 差唔多250一位。 加價都預左， 但依加食物質素下降左好多， 肥牛質素好差。 比d牛5花即頭係d街市肥牛質素， 大部分肥膏黎！！ 叫2轉都係咁差質素，食完無下次了 。 荃灣大攪其他火鍋店， 真係轉其他場好算

第一次去牛大人，因阿仔生日，後生仔好拆得，任食就啱晒佢。優：上菜和收碟很快侍應有禮份量不會到第二，三，四……轉而質數/份量變差或少。缺點：座位有點迫地面滑如果多點熟食選擇會更開心。甜品每人只可選擇一款。我個人喜歡這個仙草甜品。上菜速度快，雖然枱面較細，但食物盆一空，已有侍應來收捨。

超級豐富的打邊爐！有好多款食物，可以滿足我因為疫情冇去台灣的口癮！佢仲有得嗌台灣嘅小食，例如台灣腸，一口雞！又有好多款嘢飲，例如白桃烏龍！佢仲有推薦你點樣去調教好味嘅調味醬!!我嗰日仲帶咗個外國朋友去食，佢覺得超級好食。嗰度仲有超級好食嘅炸魚皮，我點咗四碟。我最欣賞佢呢，係有一啲手打嘅肉啊，蝦肉。係超級滑啦，同埋好特別，好好味！最後呢佢個甜品呢都好欣賞啦帶咗個仙草，佢可能預大家都食到好飽 所以個仙草都唔係好大係我，我覺得個份量啱啱好 ！大推薦！

我們坐5人枱，座位都算舒服。但見到2人枱真係坐得好迫咁。食物真係好新鮮。like fb送的那杯珍珠奶茶真係好正。送嘅和牛丸好味道。上菜亦快。牛肉都好新鮮，油炸鬼好脆。

Stepping into a hotpot restaurant is like entering a world of culinary wonder. The aromas of simmering broths, sizzling meats, and fresh herbs and spices fill the air, making your mouth water in anticipation. The bright and colorful array of ingredients, from thinly sliced beef and pork to leafy greens and succulent seafood, is a feast for the eyes. The attentive and friendly staff guide you through the menu and help you create the perfect dipping sauces to complement your hotpot. A hotpot resta

Book左19:00☺️18:52到😅入面冇人都要等5分鐘食都ok! 不過叫5碟就黎3碟！重有服務真係差！叫人又無人理！一個鐘頭三個字之後叫人埋單！仲要企喺度等你攞張卡出嚟先行走唔會再幫襯……垃圾

年初三同屋企人Book左位18:00三位新年每位另加$20都唔係問題，點知俾張勁窄圓枱我 仲要係搭枱（自問我唔係瘦到可以3人坐2人枱既人🙄），反而walk in 有卡位🙄真係呆左咁我book黎做乜？？？職員又唔識變通 問可唔可以轉枱有幾張吉枱都話無得轉枱。見到張name list明明我係排第三已經唔係遲book仲要無遲到 竟然係俾張咁既枱我 咩事？？唔會再有下次唔會再食呢間分店

節日諗住約FD食餐好既 開開心心就今日預約左牛大人 4位 7:45pm早到15分鐘 預約左仲要攞號碼等等左成40-50分鐘 先有位坐而且出面等位既位置特別窄 啲人逼黎逼去 我唔知係咪得節日先係咁好啦 我地四個坐低叫野食 落番茄湯同紅燒牛肉湯底 （加湯底+50番茄湯還好 紅燒牛肉麻麻同一般般（唔建議）服務還好 有時叫侍應無反應野飲都算多 肉有啲少比較失望原先以為佢叫牛大人可能特別多牛肉叫要叫四份先特別多肉 可能台灣野都係咁食雪糕都要另叫侍應比甜品牌少少失望 無下次再食 主要係等既時間太耐 倒不如食第間

聽聞不易訂枱，今次有幸訂到。環境太擠逼，無地方放袋。適逢用餐當天天氣冷，食客的厚外套無地方放，掛椅背又怕服務員經過狹窄的通道上火鍋料時弄污，唯有全程放在腿上，十分不便。為何不在椅下放置籃子，方便食客？食物方面，湯底點了牛骨及酸菜，普普通通。自取火鍋料亦屬普通。萵筍及淮山切成大大件，有點不適當，切片才嘗到其爽度。牛肉算不錯，最推介的是墨魚滑，有墨魚味及彈牙。總的來說，可能給名氣影響了期望，所以有點失望。加上這個價錢，寧願選非連鎖的火鍋店。

水蒸氣蒸上燈罩不停滴水，仲要滴落個煲度，個店員仲要笑住同我哋講係呀，解決唔到㗎係㗎，之後成餐飯一路用紙巾抹燈罩一路食，個個行過冇人理。。。。。。。。。。。。。。。。。。。。。。。。。。。。。。

約埋幾個朋友一齊去、諗住可以 開心聚下。但去到 我哋明明7個人有一個歲半bb、但比左個6人位細枱我哋🥺根本坐唔到😵‍💫 book 同攞位都講咗7個人，一攞到枱朋友都有再講仲有個小朋友、店員話要度高度， 其實哩啲都唔係問題，溝通左好耐都唔係好肯換枱比我哋🥺 係咪要我哋企住食？ 成個感覺好差，小朋友也是人，都要坐低食飯🥺 最後再企左一陣，終於換枱比我哋。食完啲野都唔覺得特別好食，應該唔會再去第二次啦⋯⋯怕怕

經OpenRice book 位🤤 7:25就去到🌋一打開門基本上人多到寸步難行😭都唔緊要等咗5分鐘左右就入去座🙏🏻基本上呢度係爆滿埋左位梗係要出去拎嘢飲同埋蒜蓉豉油嗰啲...意外就發生呢度...個地下滑過溜冰場一個唔小心爭啲跌倒chok親個波羅蓋怨怨痛🥲🥲攪到之後全程冇胃口食嘢牛大人嘅嘢食不嬲都唔錯但真係整親之後完全無胃口食野🤷🏻‍♀️嬲到我連和牛都冇影相😞牛丸係送嘅..食物用QR code落單都來得好快但係有啲野食譬如鴨血落咗幾次都冇嚟到就要問侍應拎先有