牛大人台灣火鍋吃到飽 (加拿芬廣場)

营业中

休息中

尖沙咀呢間牛大人開咗咁耐都未去過，今日終於有機會嚟試吓。趁天氣未熱返，揀個牛大人秘方麻辣鍋食吓先。雖然揀咗小辣但都食到成身汗，辣得好過癮。今次另外加錢嗌咗兩杯18+冬瓜茶飲吓。飲落味道唔係好甜，入口有少少酒嘅回甘味好特別。台式飲品每樽都用獨立茶包夠濃味。喺嘢食嚟之前點咗啲前菜食住先。鹽酥雞炸粉夠薄雞肉結實唔嚡。真豬小香腸好煙韌有嚼口。澳洲和牛M5牛肩卷肥瘦均勻，肉質好嫩牛味好濃。必嗌私房鴨血好嫩滑又juicy，encore咗幾次。章魚珍珠漿爽口彈牙，再加埋粒粒章魚肉更有煙韌口感。寬粉煮熟咗晶瑩剔透，每條夠厚身食落韌韌地有嚼勁。第一次食玄米茶雪糕，口感好滑入口有淡淡茶甘香味幾特別。