牛大人台灣火鍋吃到飽 (加拿芬廣場)

营业中

休息中

Gathering 最岩就打邊爐，朋友book左牛大人。今次叫左鴛鴦鍋，牛大人秘方麻辣鍋同藥膳牛蒡鍋，麻辣鍋配料都幾多幾正宗，辣分左小辣、中辣、大辣。今次瘋狂叫美國Prime極級師里肌，肉質嫩又大塊，如果order 多個6份會用一個圓盤上，又幾得意。鮮甜海蝦、沙白、台灣鱸魚片、真台灣鯛魚片都好新鮮。章魚珍珠漿、澎湖花枝槳同蟹籽墨汁漿都好爽口彈牙，而且每款都有粒粒，有嚼口。除左大雪櫃有多款茶類、汽水野飲之外，用電話order食材裏面見到有金桔椰果、冬瓜茶、烏梅汁同酸梅汁，我地叫左冬瓜茶同金桔椰果，我就鍾意金桔椰果，酸酸甜甜好開胃

好多人排隊，唔book定真係唔知食唔食到！午市有3個吃到飽套餐俾你揀，揀左最貴既餐。湯底+$50可變鴛鴦鍋，但我地覺得一款湯底都夠～另外有收費飲品同食物，可以另外再點，但90分鐘應該都食唔到咁多野～極上和牛吃到飽（$198/人）俾90分鐘你吃到飽，佢本身default左一啲食物係必上既。另外，你可以scan QR code再點你想食既小食，例如：鹽酥雞、甜不辣。又或者追加啲肉同餃～除左以上既，亦可出去醬料區拎醬料。嗰度有麵食同滷牛肉配白飯。蔬菜、肉丸等就可以喺醬料區隔離拎～另一邊仲有成排飲品櫃！冷熱飲都有～最後仲可以食返杯玄米茶雪糕收尾！😆鍾意佢既選擇都多，而且食物都唔錯。但90分鐘打邊爐真心唔夠…唔通係因為我同朋友傾計太多？！🥲

好多朋友都話牛大人打邊爐好正,終於有機會試到喇🤩今次試咗佢嘅極上和牛吃到飽套餐🐮呢個餐有好多款肉可以任食架😍牛類方面有：上腹牛五花、安格斯特選牛板腱、安格斯牛小排、手切封門柳、安格斯一口牛肉粒、澳洲和牛M5牛肩卷、美國SRF極黑牛板腱、牛媽秘制滷牛筋、牛媽秘制滷牛肚🐄豬類有西班牙豬梅肉片、西班牙豬五花片、豬雪花肉片🐖另外重有紐西蘭羊卷肉、花雕酒雞件、台灣鱸魚片 、蟹籽墨汁漿、干貝鮮魚漿、章魚珍珠漿🤩而且叫呢個套餐重會每位贈送澳洲M9和牛牛丸兩粒添🥳台灣鍋底有好多選擇,好似帝王食補薑母鴨鍋🐤牛夫人秘方麻辣鍋🌶香濃牛乳起司鍋🧀台灣鳳梨雞鍋🍐台中蒜頭雞鍋🧄牛大人紅燒牛骨鍋🐮台灣濃香蕃茄鍋🍅眷村白玉酸菜鍋🥬四目養生素食鍋🥦阿嬤養生濃湯鍋👵🏻樣樣都好吸引🤩只需加$50就可以要鴛鴦湯底🍲我就揀咗牛大人紅燒牛骨鍋🍲慢燉細熬、清香濃厚😋湯底散發濃郁燒牛骨香味,保留燉牛骨嘅細緻味道🐮除咗肉類之外,出面亦有自助吧,有大量火鍋配料可以拎🥬🌽🦑調味醬料都可以響出面拎到😎飲品方便都係可以任飲架🥤種類超級多,牛大人重有自家製嘅茶類飲品,我試咗菊花普洱同桂花烏龍🫖兩樣都好清甘,唔會好甜👍🏻另外重可以加$38飲18+

一諗起任食打邊爐，真係別無他選去牛大人呀，一再𝙚𝙣𝙘𝙤𝙧𝙚‼️皆因主攻嘅牛肉質素性價比高🔝食物選擇種類多，鍾意牛大人嘅朋友，相信亦喜歡佢哋嘅台式食物，鹽酥雞、台式腸，仲有必點嘅任食鴨血👏🏼👏🏼唔止汽水仲有勁多飲品任君選擇😉😉澳洲極上和牛吃到飽🐮 $𝟑𝟎𝟖次次都要揀澳洲M9和牛牛丸，牛味非常濃郁，唔會死死實實一陣雪味仲好𝙟𝙪𝙞𝙘𝙮🤤🤤打邊爐最啱飲返兩杯，所以叫咗🔞18+冬瓜茶$𝟑𝟖，由威士忌🥃𝙢𝙞𝙭冬瓜茶，兩者相輔相成揉合威士忌醇厚酒香同焦糖冬瓜茶，真係一試愛上👍🏻

午市放題最貴都只係$198。如果加咗會員嘅話仲有九折添。storelet app 可免費做會員。我哋加咗$50可以要個鴛鴦鍋。湯底要咗麻辣湯同埋酸菜白肉湯。麻辣湯叫咗小辣，感覺真係一啲都唔辣，適合唔食得辣嘅我。酸菜白肉湯好淡，唔建議。自助區都係一般火鍋放題嘅嘢。每樣嘢都有蓋，感覺衛生。飲品區真係好多選擇。有選擇困難嘅人可能要花幾分鐘先揀到自己飲乜嘢。見到佢有台灣嘅蘋果西打，好耐冇飲過，即刻攞返一罐。再飲咗一樽白桃普洱。我見到佢有個雪櫃載着一杯杯嘅雪糕仔。但後尾食到好飽，飽都忘記咗有雪糕，所以唔知啲雪糕好唔好味。因為我都睇唔到佢係咩牌子。叫最貴嗰個放題，可以食晒三款肉。好在我哋叫咗最貴嗰個餐，其實只係差$30 ，但牛肉嘅質感好好多。鹽酥雞亦都好好味。鴨血又好好味。可能因為係平日同埋係食晏晝，唔多人。但都要提前book枱會好啲。佢有個黑色嘅墨魚漿，係咁多個魚醬裏面最好味嘅。

牛大人火鍋由台灣師傅親自主理，大人採用真材實料熬製成九種不同的火鍋湯底，每款湯底各具特色，全天然食材熬製的湯底，絕不會令你吃完有「口渴」的感覺。極上和牛吃到飽（限時90分鐘任食）💰198‼️尖沙咀分店期間限定牛乳起司鍋濃而不膩，可惜最近已暫停供應🔸可任食澳洲和牛M5牛肩卷🔸掃QR code落單，方便快捷，出面有自助區，醬油、小食、多款飲品等任取。亦有台灣特色小食，如真豬小香腸、基隆甜不辣、士林鹽酥雞等，台灣直送火鍋料有手打旗魚漿、台灣海鮮漿、澎湖花枝漿真味牛肉、鴨血、爽滑豬肉漿等等🔸牛的油花分佈均勻，香濃肉味又充滿肉汁，口感細嫩🙂餐廳環境舒適衛生，服務態度不錯🙂上菜速度快‼️需要排隊等候，建議可Book定位先‼️需加一服務費

中午同事話想打邊爐就諗起牛大人，平時夜晚好難卜位，但中午就唔洗排隊都入得。我地揀左90分鐘任飲任食，牛𦟌好味，鴨血都夠滑，野飲有唔同既花茶，大大樽，幾特別，我就揀左洛神花茶，酸酸地幾開胃。最後仲有雪糕食

好耐之前已經想試吓牛大人，不過聽啲人講好難book，咁岩喺OpenRice見到可以預約，終於同家人一齊可以試吓。當日按預約時間去到排隊，好快已經可以安排入座，員工好Nice服務態度又好，而且座位寬躺舒適。湯底多選擇，有好多台灣特色小食…好好味，出邊自助區有好多粉面，有我最鍾意食嘅新竹米粉，仲有牛丸、貢丸、蟹柳、冰豆腐、花枝丸、萵筍、生菜…等等。飲品款式多，除了一般嘅汽水之外，還有很多特色飲品，如冬瓜茶、金桔椰果、酸梅湯、菊花茶…等等。最後還有甜品，有雪糕或者仙草可供選擇。非常滿足😋

好朋友生日問我有咩好提議，身為火鍋控嘅我梗係提議去食火鍋放題啦，我近期嘅至愛 “牛大人”，雖然系火鍋為主，不過有幾款台式小食，我都好推介大家，其中一款麻辣鴨舌已經值回票價，再加上麻辣鴨血，諗起又想去食啦由於佢系台式火鍋店，所以比平時大家食開嘅火鍋店更加多湯底選擇，今次就選擇左台灣鳳梨雞鍋，睇個名已經幾吸引，鳳梨湯底真系第一次試，除左鳳梨重有涼瓜，感覺上即時無甘熱氣。牛大人自家出嘅飲品，4款各有特式，真系好難選擇。朋友生日梗係要啤啤佢啦，黑米, 小米釀製架。排列井井有條，乾淨衞生

🐂🐂🔥人氣爆燈牛大人台式火鍋吃到飽，次次都見門口大排長龍，最怕甘爆滿不過壽星想食，唯有試試，好彩有得book……不過冇諗到book左到現場仍然排長籠，果然犀利！店內極大，座位超多，4人枱濶落坐得好舒服。牛大人確抵食，繁忙時間連湯底$248，湯底款底極多，款款想試結果加$59要鴛鴦鍋！牛大人紅燒牛骨鍋及香滑牛乳起司鍋。🧀🍼🥩🥓用qr code 落單，除左各款牛同肉類海鮮仲有台灣特色小食，如真豬小香腸、基隆甜不辣、士林鹽酥雞等，台灣直送火鍋料有手打旗魚漿、台灣海鮮漿、澎湖花枝漿真味牛肉、鴨血、爽滑豬肉漿等等🍖🍗🥬🌽🥕另有自助配料豐富非常豐富，大部份台灣直送，蔬菜類、丸類、粉麵，包羅萬有🍸🍹🍷🍶飲品有自助有點餐，各款台式港式飲品都有，樽裝冷泡茶類都有4、5款，冬瓜茶、鳥梅準、紅棗茶，各式各樣都有

冇得飛台灣咁耐😫真係好掛住台式邊爐🫕牛大人咁出名又長期多人排隊～果然名不虛傳～個白肉酸菜鍋好好味😋酸味好出～放菜落去吸湯一流～仲有和牛真係入口即溶鍾意食丸、食菜、粟米🌽、南瓜🎃、豆腐嘅就可以去自助區揾食～～台灣出名嘅王子麵同埋鍋燒面都有得食～佢地係我去台灣食街頭小食嘅必點項目想盡興D～我重點咗杯18+威士忌冬瓜茶～估佢唔到咁夾～當然佢哋嘅冷泡茶都係非常之好飲啦🥰最鍾意白桃烏龍😎真係勁清新想開胃嘅當然就飲洛神花茶啦想再開心啲仲有其他酒類可以點仲有就係呢個玄米茶雪糕記住唔好唔記得食呀

想食好耐 不過唔想排隊 果然比我打去bk 到就去啦 排咗三個字入埸 嘢食都多款 速度快 門口個哥哥 好好人 比咗個好位我 係卡座 平排坐 2個人好正 嘢飲特別好 d自家茶 好正 非常喜歡 不過未試哂 下次要試埋😍

今日有事返左公司，原來女王又要返去，4點令鐘差唔多就行去尖沙咀行下，全日無食野又有D肚餓想搵野食，見到牛大人之前響銅鑼灣打過一次感覺良好，今日多口一問女王竟然一口話好，5點可以打邊爐🤭Let’s Go!!!!!!!!上到二樓無見人龍太好喇，6點入坐應該係食牛大人的最佳時機，大家唔想等位可以留下喇😜填完紙仔就被安排坐一個特別的卡位，因為舊會員無特別優惠了，因為人唔多食唔到咁多先選左$208餐，星期六日加$10，都有三款牛可選擇架👍出去拎茶混醬後就馬上QR落單啦，拎左白桃烏龍同桂花烏龍，呢兩支都好推介，去牛大人我飲茶唔會飲可樂架🤣醬料多蔥多茜好開胃，綠綠的好靚好想食野喇我🤤湯底我要左鳳梨雞窩，好清好清好清，如果大家喜歡濃味記得唔好試，要叫牛骨湯底！牛試左上腹牛五花，簿簿地肉味唔夠濃，我食左兩小碟就無再叫安格斯特選牛板腱-呢個就無限encored，顏色好吸引，無太多筋位，厚薄適中，超級新鮮，輕輕滾15秒加上我獨創的芫茜蔥鼓油，我只想不停進食唔想講野喇😋另外仲有一款SRF極黑牛肩胛肉眼，佢係好似手切肥牛咁好有厚度，肉味更加濃郁，滾佢3-40秒食落去更見滿足，不過會好快飽肚所以呢款只encore

星期五邊爐夜！同事生日約左一齊去食牛大人！極上和牛吃到飽套餐好抵食，而家仲送澳洲和牛牛丸～*今晚去左尖沙咀分店，好彩一早訂左枱，晚飯時間去到見到好多人等緊位。*湯底揀左熱門台灣鳳梨雞鍋，雞件好滑溜，大大隻勁正。*極上和牛吃到飽套餐必點澳洲和牛M5牛肩卷，肉質特別嫩滑仲充滿肉汁勁JUICY，油脂豐富肉味夠濃郁，好有咬口。*安格斯牛小排都好正，豐富大理石花紋，入口即化，食落鮮嫩多汁又唔會過於油膩!*真味牛肉漿、澎湖花枝漿、蟹籽墨汁漿都好高質，彈牙又爽滑。*爽脆炸魚皮油脂豐腴，口感特別香脆厚實。*真豬小香腸肥瘦適中好爽口。*士林鹽酥雞軟嫩多汁夠哂酥脆。*而家只要like 社交平台就送金鑽愛玉冰，甜度適中，清甜解渴，好岩打邊爐飲。*最後仲奉送甜品，揀左MOVENPICK雪糕，好滿足啊！！

牛大人本身都好出名，都唔係第一次食，但係book枱都好難，所以book到都好開心！為咗食佢個重點澳洲M9和牛牛丸 (只限晚市)，就一定係揀C餐，除咗有啲粒好香味道濃郁嘅和牛牛丸之外，仲有比較高級嘅M5和牛同埋牛小排，一般都唔會差嗰幾十蚊。 瓜仔雞水餃都係我嘅重點推介，好得意細細粒水餃，裏面啲肉都好鮮，皮好滑。講返個湯底先，湯底就揀咗牛骨湯，味道濃郁足料！俾錢食最貴嘅套餐梗係叫最貴嘅高質素嘅肉，澳洲和牛M5牛肩卷+安格斯牛小排各有各好食，一款入嚟比較濃郁，另外一方就比較脂肪多少少，質感滑啲，牛胸爽真係比較爽口，唔算太大塊，可以encore多幾次。台灣野我就最愛私房鴨血（辣），同出面食嘢好唔同，特別彈牙，鹹香又有少少辣味。台灣小食都好值得推介，魚香皮蛋豆腐、士林鹽酥雞（辣）、真豬小香腸真係好似去咗台灣夜市或者台灣餐廳，好正宗嘅台灣風味，特別係小香腸，而鹽酥雞都keep到好香脆！當然唔少得其他落order嘅配料，包括水蓮、脆肉鯇魚片、手工大黑輪、鮮甜海蝦、美人花膠、新鮮沙白，全部配料都好新鮮大大件。另外不得不提嘅係讚好社交平台仲有愛玉冰，甜甜地裏面有菠蘿有口感，出面仲有好多款自家製嘅冷泡茶，