牛大人台灣火鍋吃到飽 (加拿芬廣場)

营业中

休息中

好艱苦地book到牛大人，係門口已見到好多人等，book左既要等，walk in既都要等，我地兩個大人兩個細路，當然大仔高過130要計大人了，係門口就要我地選要咩餐，我地試左最貴既和牛餐，坐低左之後無啦啦有人走黎話細佬都要計大人。。。唔一早講。。搞笑。其實野食方面都唔係評論咁好食，覺得性價唔高，純粹試下，我覺得貴餐除左多左和牛牛丸叫好食點之外，牛肉好似牛刷鍋個類，台灣小食都係一般，如果再去都係食中等價或食晏晝會抵好多。重點：d服務員態度都好一般下，好似機械咁，全部都欠經驗，last order 之後要落雪糕，雪糕未到就衝個人出黎用極速語氣講：要交檯啦唔該。我地連佢個樣都未睇到，邊走邊講，我地話未黎雪糕，佢都唔係跟，得多十分鐘先到，服務員放低野食又粗魯。。仲有我覺得牛大人難book位係策略，因為根本就無咩人呀。。。

牛大人我又來了！ 和好朋友聚會，烚吓烚吓就最方便☺️ 想食幾多叫幾多， A5和牛任你叫，仲有超好食嘅鴨血😋今次我哋叫咗澳洲極上和牛套餐，任食各種豬、牛、雞、魚，仲送咗一碟澳洲和牛牛丸，美味Jucy，牛肉味濃！湯底方餐，每隻都好特色，唯有叫鴛鴦湯底，試多一隻味啦。一邊係牛夫人配方麻辣鍋，朋友怕太辣，特登叫咗小辣俾我哋，麻辣惹味😌 另一邊就係牛大人紅燒牛骨鍋，牛味好濃，帶有小小香辣味！不得不提，牛大人嘅配料大部分台灣直送，仲有台式飲品，好有台灣風味。飯聚咁開心，叫返杯18+冬瓜茶，淡淡酒香邊飲邊吹水💦打開app menu，仲有好多小食架！特別推介糖醋甜不辣，酸酸甜甜咁，又香口又開胃。牛大人嘅火鍋質素好，食物選擇又多，性價比亦好高，食極都咁正😍

牛大人係我近期食得比較密既邊爐店，同唔同group既fd都揀食哩間😆夜晚黎到門外滿滿等入座既食客，等左陣肚餓喇，大家都揀左極上和牛吃到飽，120分鐘任食任飲。揀左鮮茄鍋，酸酸甜甜既湯底開胃～實在有太多選擇既食物，肚餓既食住台灣人氣既小食先，台灣腸仔、炸蕃薯、鹽酥雞，即叫即到。糖醋甜不辣 哩個糖醋汁好開胃，正。澳洲M9和牛牛丸哩個推薦連試下，超彈之餘，好濃既牛味。d牛好靚，特別係安格斯牛小排，好林，無限encore! 和牛M5牛肩卷肉味濃，肥瘦均勻。我覺得黎到必點台式特色火鍋配料-蛋餃、蝦餃、瓜仔雞水餃、澎湖花枝漿。自助bar有各款蔬菜同火鍋料任食～哩度既支裝冷泡茶好受食客歡迎，黎到必飲。冬瓜茶就飲得多，加左whisky 變cocktail 真係第一次飲，幾特別。臨尾要食番個麵，好掛湯底，正。哩度d丸物好多款，而且幾有特色，包括芋頭貢丸、香草雞肉丸。

牛大人係我食台式火鍋嘅首選～當然食返最靚嘅澳洲極上和牛吃到飽，都只係$298！眷村白玉酸菜鍋湯底好豐富，大量酸菜、豬肉，越煮越酸，好開胃，之後食多d都唔怕滯主角當然係我最鐘意食嘅澳洲和牛M5牛肩卷！一片一啖啱啱好，油花均勻，一d都唔韌，食咗好多碟～安格斯牛小排呢款油花多少少，食落就更加滑啦手切封門柳，牛味好濃，有咬口，鐵意食牛肉嘅要試呢款澳州和牛牛丸，出面雪櫃無得攞架，一人包兩粒，好好好好彈牙同多汁！食完返唔到轉頭今日d菜都好新鮮，皇帝菜好脆爽雪櫃太多嘢可以攞嚟食，好滿足！仲有飲品，最鐘意飲烏梅汁，出面好少有得飲，正宗台灣風味最後食埋一人一杯包左嘅movenpick雪糕，完美！

要食高質打邊爐任食，牛大人是不二之選！當日人頭湧湧，幸好有預先訂座呢，環境寬躺有10種湯底可選擇，火鍋配料同埋飲品亦有好多選擇。我地叫左個個牛大人紅燒牛骨鍋，非常適合打卡拍照，牛骨湯底味道香濃又冇味精，我好中意。高級的安格斯牛小排同埋澳洲和牛M5牛肩卷，牛嘅色澤同埋肉質都幾均勻，肉質鮮甜而且軟熟，非常適合火鍋呀。另外牛胸爽同埋澳洲M9和牛牛丸都好掂，牛肉味濃郁！ 不過M9和牛牛丸只限晚市架咋。牛胸爽帶有少量油脂，口感食落唔錯。即食系列: 魚香皮蛋豆腐、士林鹽酥雞、珍珠小香腸，係台灣嘅味道啊！台式火鍋配料好吸睛，有水蓮、手工大黑輪、瓜仔雞水餃、私房鴨血。。瓜仔雞水餃有驚喜，口感軟林，食得出好鮮味~~水蓮也很新鮮爽口。海鮮點了水餃鮮甜海蝦、美人花膠、脆肉皖魚片、脆肉皖魚腩，口感幾爽口，相信很新鮮的。另外樽裝飲品有自家製洛神花茶、桂花烏龍，好吸睛呢！最後甜品是仙草凍/雪糕，好岩夏天食。

晚市Walk in預左要等，真係好多人，所以記得book位啦～牛大人分左幾個級別的任食牛肉餐，我揀左120分鐘任食M9牛，因為有牛胸爽同封門柳，諗起任食就爽了黎呢度除左食牛之外，就係瘋狂叫佢的台灣小食，鹽酥雞，皮蛋豆腐，台灣腸，甜不辣，地瓜條等緊個湯底黎，就通通全部黎一round先推介:地瓜條同皮蛋豆腐除左出面勁多款野飲之外order 有手搖飲品，柑桔椰果，酸梅汁之類另有付費的手工啤同調飲試左佢的冬瓜茶mix Whiskey甜甜地，又幾醇口，飲落又易入口，湯底揀左麻辣鴨血同酸菜白肉鍋，另加＄50辣到揀左中辣香而不太麻，辣度ok,下次會試大辣，酸菜白肉鍋夠酸，最怕就係淡而無味的酸菜M9牛肩肉，偏薄但夠牛脂封門封有𡁻口，重牛味牛胸爽，好正，不用怕佢係肥脂，食落係爽脆，牛油味豐富附送每人兩粒爆汁和牛丸，好食多汁推介：牛肩肉同牛胸爽甜品有雪糕或鲜草凍

生日飯去吃牛大人，一直話想試但好多人，但好多人，所以最後揀咗平日去食，之前一晚先上網book位都仲有，幾好幾好。去到啲職員同好好，知道我地第一次食時都會先介紹一下，禮貌、服務，不錯食物方面加咗升級海鮮，啲沙白好好食 超新鮮 叫咗3次，勁鮮甜，但魚就一般，不過不失。牛幾好，唔錯，牛味濃飲品方面洛神花茶味唔夠，墨魚滑好好味，叫咗2round, 雪糕就建議拎完放5-10分鐘先食，因冷凍得好嚴重90分鐘 確實食得好急下 如果有2小時 就完美了

呢間一定要預先訂位先唔洗等Walk in 有排等兩小時任食選了濃香蕃茄湯澳洲極上和牛 $298對於打邊爐的牛係咪和牛食唔出好大分別呢間嘢又真係幾好食，由其是啲丸類都好彈牙，覺得比在台灣吃過的任食火鍋還要好吃至於飲品方面一枝的茶類都好好飲🤪還有台灣的蘋果梳打很不錯小食基本上都試哂，還好吧但最失望滷肉飯，竟然係難食🥶遺憾地浪費了，食咗啖就冇食甜品方面有movenpick 雪糕同仙草凍，仙草凍有埋芋圓就重好果湯底係屬於重口味重味精食完回家仍感到口渴

難得約到好久不見你朋友出黎食飯，我就緊係要揀打邊爐邊邊佢啦！我地揀呢間牛大人貪佢食物多款，湯底獨特啦！我地就揀左澳洲極上和牛餐仲送每人兩粒澳洲M9和牛牛丸呢粒牛丸真係不得了，多汁彈牙超爽口仲有呢杯18+冬瓜茶，加入左酒精真係好飲好多我哋就點左個鴛鴦鍋牛夫人地方麻辣鍋及牛大人紅燒牛骨鍋牛骨鍋微微香辣超鮮味麻辣火鍋又香又麻又辣，愛辣人士必試！小食仲有人見人愛嘅厚切午餐肉及糖醋甜不辣酸酸甜甜開胃又好味！飲品亦有多款可選仲有超多牛類可選擇，牛肉新鮮嫩滑勁高質又好味！一口牛都唔錯，牛味香濃配麻辣湯勁好味！每碟份量剛剛好，唔好睇好多盤，其實一下子就滑哂！黎到一定一定要點呢到嘅鴨血鴨血又係勁厚切又嫩口，配麻辣湯真係無得彈好食到點左好多好多轉！出面仲可以自肋拎配料呢到嘅火鍋配料真係超多款式應有盡有

牛大人有幾難book位相信大家都知🤣🤣🤣walk-in仲要唔知有無位、要等幾耐，試過幾次都摸門釘之後，今次終於book到位啦！去到門口已經好多人，一邊係俾book左位嘅人，另一邊係即場walk-in嘅人，不過book左位都唔算等好耐，係門口同店員揀你要嘅套餐同湯底，就可以入去啦今次就叫左澳洲極上和牛套餐，湯底就揀左鴛鴦鍋：牛大人秘方麻辣鍋同牛大人紅燒牛骨鍋，兩個湯底都好濃郁，仲愈煲愈入味牛方面都有驚喜，安格斯牛小排同安格斯特選牛板鍵係我今次最鍾意食嘅，而朋友都大讚封門柳好出色其他配料都好好味好多選擇，特別係滑類同埋餃類，仲有小小海鮮例如沙白、鯇魚腩、蝦呢啲，最特別係仲有水蓮食！呢個係台灣獨有嘅菜，真係好好味😋除咗用pad點菜之外，外面都仲有大量丸類、菜類、豆卜、牛柏葉等等等等大路嘅野食任拎，野飲都係係外面拎，好多好多選擇🤣🤣總括來講呢度選擇好多，味道好味，下次再book到枱都要再返嚟食🤣🤣👍🏻👍🏻👍🏻👍🏻

而家一年四季都咁多人熱愛打邊爐😋如果冇訂枱真係唔使指意有位🤣今次我哋訂咗近排好hit的牛大人台灣火鍋食到飽✌️呢度啲待應好有禮貌，用QR 自助落單的，上菜速度好快，大部份飲品、調味料、蔬菜、丸類和粉面都係去出面自取的👍非常方便✌️由於我哋揀左價錢較高的台灣鳳梨雞鍋，所以可以點的食物非常多和豐富😋😋安格斯牛小排~好嫩滑牛味濃澳洲和牛M5牛肩卷～油脂分佈平均安格斯一口牛肉粒～細細粒易入口，亦唔會靭台灣鱸魚片～好滑牛胸爽～真係好爽，好重牛油香味蟹籽墨汁漿～蟹籽和墨汁勁配合水蓮～必點台灣特色菜，新鮮、爽甜真豬小香腸～切成小片，皮脆肉香最後仲有甜品😋😋

火鍋來講，牛大人係我嘅首選！ 有遠方回流香港嘅朋友約飯聚，有得揀梗去牛大人！每次去牛大人，即使係平日，門外都見人龍，今次去尖沙咀呢間牛大人也不例外～第一次去尖沙咀分店，面積大座位多，是次分配到靠窗卡位，4人同座都坐得好舒適。朋友久別重逢，當然要啤啤佢，一人一杯店沙咀分店限定—冬瓜茶whiskey，味道好特別，清甜得來又帶點酒味😋再來重頭戲火鍋，我地揀選左最貴嘅澳洲極上和牛任食，多款優質靚牛任食👉🏻安格斯牛小排、上腹牛五花、美國極黑牛肩肉等靚牛，每人仲有兩粒澳洲M9和牛牛丸～肉肉控嘅我地感覺超爽，靚牛入口，肉味香濃又彈牙，好食！湯底揀返我最愛嘅麻辣同酸菜白肉，一酸一辣最佳配搭。小食又是不能錯過的一環，小香腸、鹽酥雞、皮蛋豆腐等，配酒吹水一流！只可惜尖咀分店沒有鴨舌～最後食埋個雪糕同涼粉，真係飽一飽！

牛大人火鍋加料衣夾，個夾係好污糟生曬銹我同小孩食到一半，因為煮完麵要撈啲麵上來，我先撈到落個鍋底，撈出一個衣夾，佢地想收走個夾換過個鍋俾我當無事，我堅持要keep住個夾囉我唔知佢地係咪成日都跌衣夾落火鍋，我反映個鍋有衣夾，啲職員都好冷靜好冷淡，話換過個囉。係我話好離譜好噁心，之後佢地話加長我用餐時間30分鐘，天大嘅恩賜我話要報食環落案保障自己，職員先叫副經理出來同我道歉，俾8折我，但唔好以為收平少少就係掩口費。咁離譜既事，我一定要講俾大家知尋日食完呢餐污糟野，傍晚我地就開始出現腸胃炎症狀，胃痛、肚痛同肚痾，到今日都仍然係咁。我唔知係呢個衣夾火鍋攪到我地咁，定係我投訴之後佢地換左個鍋俾我加左料

昨晚7月11日星期日 好運中 只book咗幾日 就book到位 ，當日去到尖沙咀嗰間 ，見到沒有book到位嘅客人 己經開始排隊等後 條龍真係幾長龍，可能佢地覺得值得 博下機會 有沒有機會可以進場進食，不過通常都會有機會，我和朋友 網上預約時間 準時可以進場，超正 職員俾咗二人卡位我們，一見到雪櫃茶類超多及超大 及 茶類好飲，我哋食咗$300 任食嗰款M5黃牛，我以為火鍋其實樣樣都一樣，湯就唔講啦，因為冇乜特別 ，所以要講啲肉類 ，啲牛肉完全超柔軟和新鮮，有些牛肉粒及牛片等等 ，雖然滾耐咗 ，完全肉質冇太大問題和不硬口 真係可以😊唔怪得咁多人進食難book位，未試過火鍋會食咁多，我應該都會再去，因為同其它火鍋店價錢差唔多，但好食好多😃 希望下一次可以容易book到位啦

好耐無打邊爐啦~今晚約左同事一齊去食牛大人，揀左尖沙咀分店，一早BOOK定位唔洗排隊~餐廳環境寬敞舒適，兩人卡位都相當闊落~揀左極上和牛吃到飽，可以任食澳洲和牛M5牛肩卷，掃QR code落單就得，勁方便~出面亦有自助區，醬油、小食、飲品等任取。湯底就揀左經典口味-台灣鳳梨雞鍋，有苦瓜、鳳梨等配料，雞件好爽滑～必點澳洲和牛M5牛肩卷，口感扎實，厚薄均勻，香濃肉味又充滿肉汁，細嫩又有咬口，勁滿足。必點之一仲有安格斯牛小排，油花分布均勻，食落鮮美滑嫩，口感細緻、鮮嫩多汁，好正。章魚珍珠漿、澎湖花枝漿都好值得推介，爽滑彈牙，味道香濃，咬落好煙韌。鬼馬老油條酥脆有韌勁～自助飲品區有齊汽水、茶飲等，必試自家製樽裝茶品，清新解膩。晚餐仲送甜品，有MOVENPICK杯裝雪糕同台中仙草凍供選擇～