牛之鍋

营业中

休息中

牛之鍋 - 一人一火鍋今日到了銅鑼灣一間火鍋專門店，每次和朋友打邊爐最煩惱就是選湯底，因為有人想食辣，有人想食清淡啲，今次就唔使煩啦，因為這間火鍋店提供一人一鍋，可以選自己鍾意湯底。湯底選了胡椒豬肚湯和皮蛋芫荽清湯。特色刺身在火鍋之前，可以點特色刺身作為開胃菜，推薦三文魚和帶子。火鍋肉類肉類提供兩款美國牛肉片、紐西蘭羊肉和豚肉，最欣賞是每款火鍋種類都是非常薄切，輕輕一焯就熟，完全唔會有過韌的感覺。火鍋海鮮類另外也有適合鍾意食海鮮朋友，有海蝦、魚類、青口等配料。日式小食除了火鍋和刺身，還有多款日式小食例如燒物、炸物、天婦羅。甜品溫馨提示，記得留肚食甜品，因為餐廳有多款甜品，推介宇治抹茶芭菲，賣相味道可以媲美甜品專門店。

刺身、放題，打邊爐絕對係有選擇困難症既最好選擇。刺身例牌都係果d，最正係帶子，夠肥美、甜蝦就夠甘甜，三文魚都唔錯，但係切得太薄身，一次叫十幾廿件都唔怕。熟食方面選擇唔係好多，最正既係榴連炸彈，一咬開榴連蓉炸到個舌頭不行，又脆又軟又香，一個人食左8粒。叫左九州豬骨湯同埋蟲草花松茸,味道唔會太強烈且較健康。兩款牛黎講，我會喜歡肥d既，一黎軟d二黎牛味重d，涮完肉肥膏縮到好細，食落感覺一d都唔肥。另一邊爐必食係花膠，膠膠地既口感又帶d爽，又易入味！絕對要留肚食🥢榴連班戟🥢軟綿綿又唔膩既cream加埋榴連肉好正。榴連蓉雖然唔係過好重手，但cover到成件班戟。棉棉冰就好伏，真係冰無咩味。

今日去了銅鑼灣同一班朋友去了，食火鍋放題！我們選了升級的火鍋可以食魚生，炸物，沙律，壽司，燒物，（（甜品））👍🏻👍🏻👍🏻👍🏻甜品好好味！魚生都有好多種三文魚，帶子，甜蝦，赤貝......味道不錯，幾新鮮！炸物有天婦羅......沙律～中華沙律，芝麻八爪魚仔......的前菜...壽司有火炙壽司，火炙三文魚，燒一燒油香四溢！帶子壽司！👍🏻👍🏻👍🏻👍🏻甜品好好味！藍苺芝士杯好好味！火鍋料都好好味！羊肉好新鮮好香！

放工之後想同男友食餐飽，就黎左呢間可以任食既😆。揀左日本料理+火鍋+即製甜品，火鍋湯底揀左清甜椰青湯，幾清新可以去膩。我地想試多d唔同款食物，每款只係叫左少量。極上牛肉比較薄身但味就比較濃，油分比較均勻。另外推介炙燒芝心包🧀。壽司同刺身款式都好多，好開心有海膽手卷！鮮甜！小食幾岩口味，芝士燒蟹蓋同日本雞軟骨都好惹味！估唔到呢到最驚喜既係即製甜品！抹茶芭菲賣相好靚，仲有日式丸子。芋圓夠煙韌，配埋仙草食真係👍。呢個價錢食到咁多種食物，CP值幾高，推介！

今日去咗銅鑼灣度掃平貨 喺sogo度買咗好多嘢 又攰又熱又肚餓 朋友話不如去搵間餐廳慢慢坐低食嘢 醫返個五臟廟 慰勞下自己咁辛苦 所以就決定去咗呢間牛之鍋度食飯 入到去環境都好闊 好多客 睇落真係唔錯飲品同埋火鍋配料嘅選擇都好多可以慢慢揀跟住就叫咗一個五花腩 呢排嘅五花腩都幾靚 肉質好嫩滑而且油脂好豐富跟住就叫咗一個美國極上牛肉 大家都見到牛肉本身油脂唔係好多 但係正正因為咁 牛肉味好重 亦都冇咁有罪惡感 啱曬各位想減肥嘅女士嚟放肆一下紐西蘭羊肩肉 羊肉不嬲都係我嘅至愛 呢個羊肉食落唔太蘇 可以接受 但係肉質都好彈牙爽口 肉味都幾好刺身拼盤 有三文魚 油甘魚 帶子 赤貝 甜蝦 八爪魚等等 全部都好新鮮肥美 係極上級數朱古力窩夫 外皮整得好脆口 但係入面蛋味十足而且好軟滑 值得一讚 灑上少少糖霜 令成個口感更加甜 朱古力味亦都好出 配上雪糕一齊食 令人有冰火嘅感覺 甜入心呀

香港人最鍾意打邊爐，今晚試咗銅鑼灣冠景樓牛之鍋日式火鍋放題。兩小時任食刺身、火鍋、炸物、甜品等不同日式料理，多款飲品&生啤任飲(無須加錢)，包羅萬有，各位一定要試吓啦！！！主角當然是火鍋！鮮紅新鮮入口即溶的薄切美國極上牛肉，質素絕對有保證，紐西蘭羊肩肉無腥味，讓口感更鮮嫩甜美。除了肉類之外，還有海鮮，各式各樣的火鍋配料。刺身有三文魚、八爪魚、帶子、北寄貝、赤貝、甜蝦等，十分鮮甜高質。至於脆卜卜的炸物，芝麻雞翼， 黃金炸生蠔，紫心香芋丸， 榴槤炸彈 ，大蝦天婦羅，不油膩炸得十分鬆脆，必試！甜品亦是這餐廳的王牌，提供了17種不同款式的即製甜品，當中最最最欣賞的是抹茶芭菲和抹茶新地雪糕，香濃的抹茶味，不可不試！大家記得留肚食甜品啦！

本來同朋友滿心歡喜黎食放題，點知食到一肚氣，俾啲職員”hup”，真係好差嘅用餐體驗。首先，上菜速度慢過豬油。搭半坐低，完全冇人主動送上點餐紙，要問先有。點完，成搭十一先慢慢黎第二，上菜嘅數量同我地點嘅不符。嗌6件刺身，黎得2件，仲要黎唔齊，尤其甜品叫極唔黎第三，最最最嬲嘅係，當我地發現啲嘢黎唔齊，所以就叫員工跟下，居然串返我地嚇我地再嗌就要罰附加費，但事前完全冇提過，明明係佢黎唔齊第四，員工之間講嘢有極大出入，責怪客人。A員工叫我地可以俾返正價延長用餐時間，食埋枱上嘅嘢，到我地食完臨走，B員工走黎用極晦氣嘅態度，同我地訓話，話加左價唔等於加時，係佢地好人啲先俾我地繼續坐，態度非常差總括嚟講，唔想俾啲員工咁對待就千其咪去銅鑼灣店，好差，荃灣店試過幾次都唔係咁，點解可以咁大反差？

好耐無去放題放肆一番，呢間牛之鍋有齊日式料理、火鍋、甜品放題，平日晚市228蚊加一食足兩粒鐘，款式極之豐富，質素絕不遜於其他專做日式料理或日式火鍋嘅放題餐廳，仲有Erdinger生啤任飲。火鍋湯底一人一鍋，叫左麻辣同壽喜燒，兩款都好濃，淥完野食直接食夠晒味，豉油都唔使點。美國極上牛肉油花平均唔太膩，肉味唔錯，唔韌唔鞋。廣島蠔幾甜，蠔味頗濃。麻辣湯底當然唔少得鴨血，香滑。刺身都唔錯，算新鮮，帶子、赤貝、甜蝦寧舍鮮甜。炸物夠脆夠乾身，炸粟米本身夠甜，再加埋鹹鹹地嘅調味，好滋味。醬汁牛舌厚厚地，又腍又入味。甜品有成十幾款，宇治抹茶芭菲茶味突出，唔會得個甜字。珍珠伯爵茶奶凍一放入口淡淡地，吞完先慢慢回甘，有料到。📍牛之鍋銅鑼灣堅拿道西10號冠景樓2樓A號舖

朋友喺CWB收工我地就直接約左果頭食飯~一上到去環境好寬敞而且職員都好有禮貌! 讚讚~自助飲品同菜吧, 超級多選擇~連啤酒都係任飲的!先叫左刺身壽司食~刺身幾新鮮而且選擇都唔少~~壽司仲有海膽魚子黑松露帶子等等, 食多幾件都輕鬆回本啊!!湯底選擇左一邊麻辣另一邊蟲草花松茸湯, 肉類放麻辣果邊, 海鮮同菜菇就放蟲草花松茸果邊, 做到提鮮效果!!超正!!我有影低任食MENU有咩食, 放埋上黎俾大家參考下!極上牛肉, 豚肉都有影俾大家睇~兩者相比我比較鐘意豚肉~~肉質較有彈性,脂肪比例好D~~海鮮方面叫左帆立貝、廣島蠔、海蝦、鯇魚件、蜆等等~選擇都唔少, 而且任食黎講質素算OKAY! 仲叫埋鴨血, 諗住放麻辣湯底整麻辣鴨血XDDDD熟食方面叫左炸蠔同芝士燒蟹蓋試下~嗯~我都係鐘意食刺身壽司同火鍋多D ~~~最後一定一定要點埋佢地嘅甜品作結!!! 食過咁多間放題, 認真真係第一次見到會有咁多選擇!!! 而且大部份都係高質的甜品而唔係俾粒糯米滋HEA你果D!!!我呢杯抹茶雪糕芭菲真係要TRY!!!! (唔記得有冇記錯個名) 極具層次, 抹茶味濃~下次朱古力脆脆米同CREAM令到杯甜品LEVEL

經過銅鑼灣，眼闊肚窄嘅我又想打邊爐，又想食壽司，所以就去咗食久違嘅放題！講起放題，大家都一定覺得質素麻麻。但出奇地呢間放題啲質素整體唔錯，係中上水準！特別出色嘅係打邊爐配料，選擇多而且好新鮮！特別推薦廣島蠔同鴨血！絶對係回本之選！另外仲有刺身、壽司、炸物同串燒，每樣試少少都滿足到我口癮🤣 抵讚嘅係佢甜品選擇勁多！平時啲放題通常都淨係得雪糕個啲，呢到有芋圓仙草、抹茶芭菲！好有誠意！整體嚟講係一個幾唔錯嘅放題餐廳！下次想咩都食下嘅時候都會再返嚟！

今天放工約埋朋友去銅鑼灣堅拿道西10號一家日式名為“牛之鍋”放題食飯，據說還有好幾家分店，很受歡迎，與家人、朋友聚會都能放開的好好飽餐一頓。火鍋店面積都很大，能坐不少人，環境布置寬敞明亮，我們平日夜晚七點半來都基本上full house。火鍋湯底就有近十種，我們點了壽喜燒和麻辣湯鴛鴦鍋，享受兩種風味。火鍋配料和熟食品種齊全，可根據自己的口味選擇。燒烤類如蟹蓋、雞軟骨、牛舌都質素極高！蔬菜和飲品都是自助的，食物擺放整齊有序，品種繁多，新鮮營養。我哋兩個女仔都叫咗日本小食，都几好食！Staff都好nice同熱心，同我們不斷介紹，我與朋友好自在、隨心所欲，即使人少也能吃到好多好吃的，“牛之鍋”真是放題的好去處！

想吃刺身，壽司，燒物，甜品和火鍋? 牛之鍋都能一次過滿足你的要求，而且它具一定的質素，價錢在銅鑼灣區來說堪稱親民價，對於附近工作的上班族來說是個不賴之選。火炙三文魚壽司柔軟肥美，可謂入口即化，火炙三文魚壽司放入嘴裡真是一種享受。三文魚親子軍艦咬開橙紅晶亮的三文魚子，鹹香味躍到舌尖，海膽有著濃稠的鮮甜。黑松露帶子壽司鮮美滑溜，口感細緻，吃完還有陣陣黑松露的清香。刺身集合我最愛的三文魚，北寄貝，赤貝，鮑片，甜蝦，赤貝夠厚度，挺爽口的，口感極佳，甜蝦甘甜又彈牙，一口一尾多爽快。三文魚色澤很美，模樣動人，鮮嫩無比，北寄貝彈脆絕美，給人大快朵頤的滿足。熱騰騰的千島燒蟹蓋相當吸睛，甜嫩的蟹肉微微香烤，配上酸香開胃的千島醬，瞬間令人食指大動。串燒日本雞軟骨選用的雞軟骨品質蠻好的，嚼起來脆中帶韌，嚼感甚佳，強力推薦當餐前小食。雙拼火鍋湯底我們選了蟲草花松茸湯與麻辣湯，麻辣湯上桌時已能聞到陣陣香辣味，入口時完全不是印象中的重油，重鹹，重麻辣，而是香麻中帶溫潤的辣。拍檔湯底蟲草花松茸湯入喉回甜，蟲草花和松茸交織出清香，順口得讓人忍不住一碗接一碗。愛吃火鍋丸餃類的朋友，我強力推薦粟米流心丸，裡頭的粟米流心瀑

年初黎過一次食午市日式火鍋放題，相隔一排又心思思想打邊爐，就約友人黎呢度試下晚市放題先。原來晚市放題有兩款，分別係火鍋+甜品，或者日本料理+火鍋+甜品，價錢相差四五十蚊，時間兩個鐘。實際價錢視乎入座日子同時間。今日胃口大開，於是決定一試日本料理+火鍋+甜品放題，星期二晚，每人$228加一。一）日本料理都有幾多野食，分五大類。1）刺身，重點有貴價既帶子，甜蝦同赤貝！三文魚：肥美八爪魚：稍為韌左少少鮑片：有嚼勁，少少鹹帶子：雖然細粒同薄左少少，但係好鮮甜，必食北寄貝：正常赤貝：爽脆有海水味，必食甜蝦：雖然細隻，不過好鮮甜，必食希靈魚：非常爽脆2）壽司/手卷/軍艦，壽司飯量唔係特別少，所以唔可以試太多燒鰻魚壽司：正常火炙芝士蝦壽司火炙三文魚壽司三文魚腩壽司黑松露帶子壽司馬刀背壽司芝麻鰻魚卷：芝麻好香，卷入面加左d芝士，多重味道同口感芒果吉列蝦卷加州反卷蟹籽軍艦貝柱甜蝦軍艦香蔥吞拿魚軍艦：紫菜仲係脆脆地，香蔥吞拿魚滑溜三文魚親子軍艦3）天婦羅/揚物，重點居然有日式放題熱門菜式如黃金炸生蠔，紫心香芋丸，榴蓮炸彈！芝麻雞翼黃金炸生蠔：外皮薄脆，入面勁多汁，蠔味香濃，必食紫心香芋丸：外皮薄脆，入面煙

最近天氣又稍為清涼，食火鍋最合時。友人帶我去了一間任飲任食火鍋店，鍋底可選一個大鍋或一人一鍋。疫情下，一人一鍋最好，又可自選喜愛湯底。㨂選了胡椒豬肚湯，翻滾後，散發出胡椒的辛香味。牛肉有兩款，美國牛肉和美國極上牛肉。美國牛肉較為脂肪多少少，極上紋理，肥瘦均勻，但兩者嘅肉質都好軟腍。海鮮有蝦，蠔，帆立貝.....鮮甜味美啊！自助區有醬料和蔬菜類，亦可在餐紙上剔選，各式各樣，乾淨衛生。隨了火鍋外，還有熟食，刺身，壽司等，款式多。點了牛舌，牛肉卷，燒魚乾，串燒...味道不錯！甜品我好喜歡抹茶芭菲，份量恰到好處，好正！

見到呢間係任食，有刺身壽司又可以食打邊爐，種類夠多啱晒我地為食嘅人😂刺身同壽司質素意外地都唔錯。刺身雖則薄薄地，但都好食嘅；壽司就同出面普通壽司店可媲美，呢個價錢任食好抵食～炸物質素唔錯，食物上到黎係熱辣辣，係即叫即製～炸雞翼、炸蝦、炸鰻魚都好食👍打邊爐一人一鍋，我地叫左麻辣同壽喜燒湯底，推薦麻辣湯底👍係食過同類日式火鍋中，呢到麻辣湯最夠味～配料方面種類都好多，我地都係鍾意食肉多，美國牛肉&上級牛肉都好食，同麻辣湯好夾～其他蔬菜類配料係自己出去夾，食幾多夾幾多～