牛之鍋

营业中

休息中

夏天仍然係打邊爐的季節，老實說一年四季都不能錯過打邊爐🍲這回事，趁著朋友轉新工作，恰好在銅鑼灣找間火鍋放題店邊食邊閒聊，而牛之鍋絕對係高性價比之選～ 一個價錢包左火鍋、飲品、刺身、甜品放題☺️仲有超過二百款食物選擇疫情關係加上可以試埋不同口味，一人一鍋的確算上最佳選擇，我選擇了最愛吃的壽喜燒湯底，湯頭是淡淡壽喜燒甜味，放牛肉和蔬菜就正好不過；朋友挑選了清甜椰青湯，湯頭帶椰子的清香，配豚肉是絕佳配搭飲品櫃的飲品種類多，除了常見的汽水和飲料🥤，更加有啤酒提供，餐廳以手寫填紙方式點餐，與一般放題餐廳相若，包括刺身前菜壽司天婦羅熟食甜品，火鍋配料如肉類、丸類和海鮮也可以剔選，而蔬菜則須自行在外面拎取這邊放題形式是日本料理加上火鍋和甜品三者結合，款式相當豐富，選擇不少，肉類貼心地分為細碟和大碟，方便想每樣吃少許的客人用餐，美國極上牛肩肉和特選豚肉均有肉味，值得一試再試前菜與刺身都幾新鮮，特別推薦三文魚同帶子👍🏻 火鍋海鮮包括蝦 廣島蠔 白蜆 魷魚都不錯，乾淨新鮮，鴨血和牛柏葉都可以嗌一頓豐富的晚餐絕對不能缺少甜品，這邊的甜品款式很多，仙草芋圓不錯，芋圓口感很Q彈，仙草配上椰果和紅豆是絕佳搭配🤤 榴

呢間嘢門口大大隻字寫住畀客坐兩個鐘食嘢，點知食到一小時45分鐘到，阿姐就三番四次，明示暗示咁樣嚟催客走，搞到我忍唔住要gut番個阿姐,真係不知所謂到極點，原來你間嘢係唔畀客坐足兩個鐘食嘢嘅，咁你就唔好喺門口講大大隻字寫住呀嘛，最有問題係隔離枱仲早過我哋入嚟食嘢，個阿姐就係咁jer住我哋嚟催 ,對隔離枱就隻眼開隻眼閉 ，老公睇到係個經理點個阿姐叫我哋走嘅， 因為我哋已經食到八八九九，飲緊最後杯熱茶，但隔離枱就大模斯樣，仲有好多嘢食擺喺枱度，未食完，所以我哋就畀人針對啦，呢間嘢係咪有問題㗎，大細超到咁 ！！！啲嘢幾好食都冇用啦，不公平對待客人，仲要唔俾客坐兩個鐘，劣評！！！

好耐無同朋友出去大吃大喝啦！所以今次約埋朋友一齊去打邊爐啦！聽佢講佢食過呢間牛之鍋，唔單止火鍋既野，其他既野都好唔錯架喎，所以黎試下啦～有兩款放題既，一款火鍋+甜品，另一款係多左日本料理啦！咁我地緊係選左呢款多d選擇架啦～咁就$$228一位既，價錢都相當優惠喎！餐廳有得一枱share一鍋或者一人一鍋既，咁我地就叫左一人一鍋，衛生又可以大家選自己想要既湯底啦！有成9種湯底可以選擇，咁我就叫左清甜椰青湯既！之後有食品紙剔，有成9種紙剔，好多不同選擇，我地先叫火鍋肉類，有牛肉 、豚肉、羊同雞！仲有d海鮮同丸類選擇！蔬菜類同醬汁、飲品都係外面自取既！美國極上牛肉：牛味較重，肉質都好好，打邊爐一流！豚肉肥瘦適中,好好食啊！鮮件係五香粉醃過既，都有雞腿肉所以都好滑，味道岩岩好！之後仲有好多丸類豆腐果d!魚皮都好脆～鴨血大舊又新鮮！菜類呢就係呢個自助吧到夾既，選擇都好多，同都見到好新鮮，有生菜，油麥菜，娃娃菜呢d主打！菇類都好多！估唔到仲有生根🤣好少見到任食邊爐有得食！醬油配料區都有齊炸蒜，生蒜，蔥，芫茜，辣椒！隨你自己喜歡搭配～不過隔離有d原來係雪糕配料，一時無為意（笑）食完一輪邊爐既食物之後，就

放工和同事去銅鑼灣食牛之鍋，因為她說openrice訂座有8折，每人折後約200零蚊就可以任食2個小時，好抵。7點半準時到，店內已經坐滿人。想不到火鍋放題可以揀一人鍋或者大鍋！我們最後揀了鴛鴦鍋，一邊椰青一邊沙嗲。自助吧枱主要是蘇菜和一些麵食等，種類都好足，而且蔬菜好新鮮，好青綠。雖然火鍋為主，但這類串燒、燒物、壽司、刺身選擇都好多，絕對回本！燒茄子、雞軟骨、蟹蓋都出色，蟹蓋好足料，有絲絲蟹肉。炸蝦天婦羅和炸蠔都好好食，蠔肉好飽滿！仲有榴槤波波好好食！！刺身有我最愛的三文魚和帶子，都是厚切的，也肥美。甜蝦、北寄貝、赤貝等都爽脆。到了火鍋料部份，這裹的肉品質比出面同等價錢的放題店好好多，雖然薄切，但肉色和紋理都靚，而且食落有肉味，絕對有䛋意，所以我們encore了幾轉牛肉、豬肉，食多幾盤絕對對得住價錢！生蠔、大蜆、蝦、䰹魚、花膠等都足料新鮮飽滿，encore了幾轉，此外，打邊爐仲要任飲嘉士伯啤酒，真係無得輸！這裏另一回本之作是甜品，這裏的甜品絕對不能錯過！尤其是抹茶芭菲杯。這裏的芭菲杯和出面甜品店出品幾乎一樣，層次和味道都好出色，雪糕質地幼滑，抹茶味好夠！同事一口氣食了兩杯！我喜歡的榴連

今晚約了舅仔兩公婆，他們對愛吃那邊爐，便選擇了這裏。　四個人點了不同的鍋底，各有各的喜好，衛生又方便。麻辣鍋底，味道層次豐富，是個人最喜愛的推介。除了可以任吃任飲之外，還可以任點美國牛肉、美國極上牛肉、紐西蘭羊肩肉、特選豚肉、五香鮮雞件。其中以美國極上牛肉，牛肉味道最為濃郁。海鮮點了生蠔和生蝦，生蠔的味道十足，生蝦爽口彈牙。分享社交平台送 牛小排(细)，牛肉味重十足，脂肪分布均勻，非常美味。宇治抹茶芭菲，這個是這裏的名物，綠茶味道十足，甜度適中。榴槤班戟、藍莓芝士杯、仙草芋圓、軟雪糕窩夫、泰式芒果糯米飯，每款份量都是一人份量，甜度適中，花款很多。值得一提的是這裏的生啤任飲，冰凍的啤酒非常配合吃火鍋。

*💭牛之鍋朋友推介打邊爐首選牛之鍋🐂因為除了火鍋外還有無限量的日式食物提供，如壽司🍣刺身及甜品🍨放題時限為兩小時，包你吃到爆肚🙊點餐紙內容多得離譜🤩有多種食物，刺身、沙律🥗壽司🍣卷物、天婦羅🍤牛肉、豬肉、羊肉和各款海鮮🦪😚除了寫紙仔點菜外，自助吧也有不少新鮮蔬菜🥬而飲品方面則有無限量酒水，啤酒任飲🍻無論食或飲都可以十分盡興😋湯底有多款，分別有豬骨湯、壽喜燒、皮蛋芫荽清湯和麻辣湯等🤤點了壽喜燒及芫荽湯，和朋友一人一鍋😋壽喜燒甜度剛好，芫荽皮蛋份量超多，芫荽愛好者必點✔️美國極上牛肉🐂薄切質感嫩口，淥半分鐘左右就可以吃😋脂肪比例較少，但牛味十足☺️吃得多也不會滯😜紐西蘭羊肩肉🐑羊肉不羶，肉質嫩滑，同樣是薄切，不用擔心光吃肉便會吃滯😋特選豚肉🐖肥美的五花肉😍由於是薄切所以不會感到過份油膩🥰豬味頗濃，配上甜甜的壽喜燒湯底超好吃🤤鮮雞件🐓已預先調好味，應該用上了花椒八角等等，肉質嫩滑😋廣島蠔🦪想不到可以海鮮同樣可以任點☺️灼完後依然大隻沒有縮水🥰即制甜品🍨這裡的甜品相當令人驚艷😍有抹茶芭菲、抹茶新地、珍珠伯爵茶奶凍🍮綿綿冰、連芒果糯米飯🥭仙草芋圓和楊枝甘露都有😍 抹茶芭菲和抹茶新地應該是當中必點的甜品

今日同朋友去咗 一間銅鑼灣近鵝頸橋附近嘅火鍋店，入到火鍋店都幾大，睇宣傳好似好多嘢食，有魚生丶甜品種類多唔係樣樣都好食 ，我自覺得榴槤系列班戟，可以入得口及雪糕，牛肉豬肉超薄，我食咁多火鍋我覺得不太好味，但職員個個都好招呼，有基本野啤酒汽水任飲 反而這間有生啤，如果未試過可以試，但試咗一次未必再去🥲

今日同朋友約係銅鑼灣見，佢突然好想食打邊爐，係附近搵咗下搵到來呢間！來到先發現原來佢係有火鍋+日式料理+甜品 放題！一次過滿足三個願望！依家推出係一人一鍋，注重衛生啲！個場地望落都整潔！同埋只有蔬菜類放至場中間方便大家取用，及醬料嘢飲都係自取，另外其他就全部用 order 紙，送到上枱面，所以大家要離開座位次數唔多，都好方便！一邊打住邊爐，一邊食住刺身、壽司、天婦羅、燒物，真係好多選擇！天婦羅同燒物都即叫即整，所以時間要等耐少少！係等嘅時間又可以食住邊爐，我揀咗麻辣湯底，貪佢涮肉醬汁都唔駛點，夠晒味🤣打邊爐就係要辣先過癮！美國極上牛肉雖然唔係最正但都唔差，咁多選擇嘅情況下兩個人都食到3、4碟！仲有叫得甜唔放題甜品嘅選擇都唔少，都有成10幾種咁多！望到好多款都想試，所以都叫左4款，好彩每款份量唔大，而且印象最深刻應該係 軟雪糕窩夫🧇，都係即叫即整，外脆內軟👍🏻

約了大胃王朋友食晚飯，我一早就訂了刺身火鍋放題，位置在鵝頸橋，餐廳都幾大！湯底有8款，我們選了清甜椰清湯。出去行一下，看看有什麼！醬料區自助區有不同蔬菜和公仔麵，另外有麵筋、豆腐等配料！蔬菜都好新鮮！飲品都有好多，有汽水，茶，連啤酒同啤酒機都有，大人細路都滿足！肉類有豬，牛，羊，雞，非常推介美國極上牛肉，我印象中叫了5碟，這個價錢來講，質素好好，不會有怪味，牛肉色澤新鮮，入口好嫩，沒有膩感！羊肉片都不錯！另外必點的有各種海鮮，我們點了蠔，蝦和蜆，蠔的size都不會很細，有蠔味，蝦都幾鮮甜！另外，都推介花膠仔和鴨血，花膠仔幾厚身，補充下膠原蛋白，開心！鴨血幾鮮！刺身新鮮，水準不錯，我最喜歡希靈魚！北奇貝都推薦！熟食選擇都好多，我們花多眼亂，都點了很多！牛舌炆得好稔，好入味！燒菠蘿好甜！鐘意食榴連要食炸蛋，外脆裡面甜甜地！我覺得牛之鍋最驚喜又比較特別的地方是特制的甜品種類好多而且款款都好吸引，認真要留一留肚食甜品！窩夫即叫即做，熱辣辣，外脆內軟好香蛋味，同甜品店吃到的一樣美味！因為太飽，都好想試抹茶芭菲和芋圓，下次再來過！

喺香港都幾難搵到又有得食日式放題又有得打邊爐同食甜品嘅舖頭🍲 今日小編介紹既呢間就可以同時滿足大家三個願望🤩 仲要openrice訂位有七折🤪非常高cp值～🌟 日式料理火鍋甜品放題-晚市 (折後$172)牛肉嘅質素都相當唔錯，油脂分布都幾好😋 比起出面其他火鍋店，呢度既海鮮，例如蝦🦐 蠔🦪 青口同蜆，都唔使額外加錢😍火鍋配料方面，芝士麻吉燒真係好好食，有芝士味又煙韌！必叫😚 刺身方面就都相當高質，我哋雖然淨係叫咗帶子同三文魚🐟 但兩樣都相當鮮甜！小食方面有驚喜，估唔到有燒雞泡魚乾🐡 值得一試！而呢間舖頭都可以滿足甜品控🍮 有十幾幾款甜品供選擇，仲要有棉棉冰！🥰 呢個價錢有咁多選擇可以話係相當抵！*另收加一服務費味道：🌕🌕🌕🌕🌑環境：🌕🌕🌕🌗🌑價錢：🌕🌕🌕🌕🌗

今晚朋友同我我黎食火鍋放題！！當中除左可以任食火鍋之外，仲有刺身壽司、沙律串燒、炸物小食同甜品飲品都係可以無限添食架 ：）我同朋友想試唔同既湯底，所以要左一人一鍋~朋友既胡椒豬肚湯真係好重胡椒香，而我就要左甜甜地既壽喜燒：）呢度既肉類多為薄切，所以淥一淥經已食得！極上牛肉比普通肥牛少脂肪，肉味較重~我最中意帶有羊肉香既羊肩片！朋友就偏愛肥瘦相間既豚腩片xpp其他火鍋配料整體嘅質素都不過不失：）刺身壽司嘅質素都唔錯，尤其是甜蝦好新鮮！小食都係以炸物同串燒為主~我同朋友都好鍾意呢度嘅芝麻雞翼，皮脆肉嫩大大隻！！我哋各自都encorel咗兩次呀=]黎到呢度一定要留肚食甜品！！！！有回甘嘅抹茶芭菲，熱嘅仲有湯圓添！！各適其適一定有一款啱心水；）

幾年前試過餐廳位於荃灣分店的放題，價錢合理，食物選擇非常多，絕對是隱藏版抵食放題。餐廳環境比較幽暗，更接近日式放題的格局。火鍋可以選擇一人一鍋鍋或二人一鍋，這方面的安排很靈活。湯底我們選擇了蟲草花松茸湯和胡椒豬肚湯，湯底偏清淡，任吃火鍋配料、肉類。牛肉我們只是吃了一盤，因為實在太多食物選擇。飲品除了常見的汽水、罐裝茶外，還有啤酒選擇。有各式各樣的食物選擇，不過要寫紙下單，建議餐廳使用掃QR code，更節省人力物力。沙律/一品料理我點了海蜇沙律、芝麻八爪魚、味付螺肉，不得不讚前菜新鮮，份量也足夠。刺身有不少選擇，例如甜蝦、赤貝、帶子等，整體新鮮。我比較喜歡吃壽司，點了燒鰻魚壽司、三文魚腩壽司、芝麻鰻魚卷、加州反卷、香蔥吞拿魚軍艦，最喜歡燒鰻魚壽司，鰻魚入口夠香軟。天婦羅/揚物有芝麻雞翼、黃金炸生蠔、榴槤炸彈、大蝦天婦羅、番薯天婦羅、牛油炸粟米，比較少見是炸榴槤，質素很不錯。最終的是，甜品選擇夠多元化，而且誠意十足。宇治抹茶芭菲層次分明，是平價版的中村藤吉。泰式芒果糯米飯很高質，糯米飯很香軟，芒果很甜。藍莓芝士杯入口軟綿綿，楊枝甘露味道也不差。▫️一口價吃到日式料理、火鍋和甜品放題，一個字

呢度可以一人一鍋揀湯底、又或者大鍋揀湯底。我就揀咗蟲草花湯底，湯底味道都幾出，但係唔會太濃。呢度刺身壽司都係任食，估唔到擺盆幾靚；而且相當新鮮。刺身我叫咗帶子、蝦🦐、赤貝、希靈魚、三文魚、八爪魚🐙，全部都唔錯！放題來講真係有驚喜！前菜我叫咗叫咗蜆肉、八爪魚🐙呢度嘅壽司都相對地賣相唔錯有驚喜黑松露帶子、三文魚壽司、炸蝦卷等。肉類基本上豬肉、牛肉、雞肉都有、牛肉呢度都味道唔錯，佢呢度嘅肉不論牛同豬都係較簿身快熟。海鮮有蝦、扇貝、蠔🦪、蜆。另外仲有焗蟹蓋、串燒，食品種類多到數唔晒。最後順帶一提呢度嘅甜品相當有驚喜佢有綠茶雪糕巴菲、芒果糯米飯、窩夫🧇、芒果布甸、芋圓等等。甜品真係好食！

#銅鑼灣美食 #小蓮星呑食銅鑼灣🔻 牛之鍋銅鑼灣堅拿道西10號冠景樓2樓A號舖/🧃晚市放題2小時 (日本料理、火鍋、甜品)$228日本料理有好多日式放題都有嘅食物可以選擇，例如刺身、壽司、炸物、燒物，因為想留肚打邊爐同埋食甜品，所以冇叫壽司，刺身方面，估唔到質素都唔錯，都夠新鮮同埋鮮甜，唔會雪到冇晒味，首推赤貝同埋三文魚！燒物方面，芝麻雞翼燒得啱啱好，夠熱，皮脆肉嫩，必食！另外好得意嘅係有焗蟹蓋食😂火鍋湯底叫左麻辣同sukiyaki，好多仼飲仼食日式邊爐嘅麻辣湯底都係一味得個辣字，一啲層次都冇，但係呢度真係先麻後辣，仲要越滾越辣，原來入面真係有加到辣椒同八角，非常驚喜！要來滾肥牛同埋豚肉片真係一流！火鍋配料選擇多元化，有蝦、蠔、青口、蜆等海鮮，都好鮮甜！甜品有成版選擇😂😂太飽關係，叫左珍珠伯爵茶奶凍同芒果布甸only, 勁有驚喜，芒果布甸上面係布甸，下面係奶凍！竟然有層次之分，而伯爵茶奶凍更加正，茶香好濃，跟住見阿媽，如果唔係太飽一定叫多幾杯。另外仲有一大驚喜，就係有生啤任斟任飲！男朋友飲得勁開心！/#food #foodie #hkfood #hkfoodie #foodporn #

因疫情關係，很久未約過朋友食飯出來聚了，今日特意約了朋友在銅鑼灣的牛之鍋訂了位，一齊晚餐聚下。餐廳卡位寬敞大大張坐得很舒適。放題有沙律、一品料理、燒物、壽司、手捲、軍艦 、天婦羅、揚物、刺身、即製甜品 、火鍋配料……等，還有自助的蔬菜及菇類火鍋配料……，及飲品~，任飲任食，當真開心~~刺身要了三文魚、鮑片、帶子、赤貝、甜蝦……，各款刺身都新鮮鮮甜。尤其喜愛三文魚，軟滑油香。鮑片及帶子，特別的鮮甜。至於炸物，我最愛芝麻雞翼、榴槤炸彈 ，2款都是剛剛炸好，入口還熱辣辣，雞翼肉嫩多汁，非常香口。榴槤炸彈內裏流心，濃濃的榴槤味，外脆內流心，真是必食之選！最喜愛這裡的湯底可以一人一鍋，我們各人要了一鍋，喜愛哪個湯底自己揀，湯底都有多款，我當然揀了我喜愛的麻辣湯鍋，要了中辣，湯底麻辣好味道！至於火鍋放題，當然少不了食火鍋必食的牛肉，美國牛肉和極上牛肉都是高質牛肉，美國牛肉多了一種油香的味道，極上牛肉則牛味濃郁！紐西蘭羊肩肉紐西蘭羊肩肉切得非常薄，隻需灼上約4~5秒就可以食，麻辣清甜的湯底，令羊肉麻辣更添鮮味！特選豚肉豚肉也是切得非常薄，腩肉間肥間瘦的，食落不會肥，感覺帶點爽口，滿口油香。牛小排讚好