爭鮮迴轉壽司 (已結業)

早兩日見到新聞紙介紹,所以趕住去試,因為小弟無耐性又伯等所以下午5點就碌咗過去食晚餐,\真係上餐都未消化就要食多餐因為毎碟都係8元所以一d貴d的料都都張價就貨,海胆就係表表姐,但由於去貨快所以好新鮮不過普普通通的三文魚就真係普通得很甜蝦刺身一碟有五隻,,,,,,嘩 !!!!重抵過去超市買牡丹蝦都係8元一隻 ,不過食唔食到就靠你的運氣,因為無得order ,所有一味靠等,等到就你好彩,等唔到都好正常,唯有等下次赤貝...真抵讚,又新鮮又厚肉,重好過有d收你30蚊一碟ge sushi 店連芒果布甸都有一樣8元,不過我就無試,我自己覺得如果食芒果布甸要去甜品店,否則就有d冒險由於唔使望住個價錢牌食,所以兩個人喪食咗25碟 ,埋單計埋加一,hk$220,,,,,一言記之曰"抵"

上月去台灣旅行，被店內輕快既音樂以及方便價錢相宜秧吸引，回港後一直念念不忘，當然，不忘都始終是旅行本身。7時到達，門口已企滿子人，我們已經要係樓梯處排隊。除了鐘情日本菜既八十後九十後，眼見人龍中不少是三四十歲之人，還要是一人前往...相信，這裡的食物質素也不會太差。甫坐下，便被對面沙發位既情景嚇了一跳。檯上擺了五、六棟碟柱，後來聽侍應數碟子數目，五個人，吃了一百二十多碟 是日試了三文魚刺身 x3帶子刺身 x1北寄貝刺身 x1蝦刺身 x1螺 x1八爪魚 x1海膽壽司 x2腐皮壽司 x1腐皮雙式壽司 x1赤貝壽司 x1烤三文魚壽司 x1蟹棒壽司 x1龍蝦沙拉壽司 x18元一碟，大部分都可算是抵食至少軍鑑壽司的紫菜是挺身且脆，壽司飯亦是凍的。唯一可彈就是上甜品的次數太少。吃了個多小時才上了一次。雖然可特地落單，但就無法享受那種等待的閒情。

滿胃子都是朱古力後 跟密友都不約而同起了壽司癮留意過葵芳的分店 意見都是價錢便宜而質素不參差就決定晚飯到這解決 差不多十時走到店 驚見寫著十時後停止入座幸好店員還讓我們入內 餓瘋了的關係 二人在短短的大概二十分鐘就清了差不多有二十碟 店內的壽司款式沒什麼特別 都是三文魚 沙律 鰻魚 蟹籽 等普遍的值得一提的是三文魚 很新鮮 顏色很鮮 咬下去不會是很散由於我倆坐得接近師傅出壽司的位置 都可以吃到一些新鮮製作的 大眾化的價錢 能有這種質素 算不賴了店員亦很友善 只是水只屬微溫 這兒要減一點點分

果日落大雨,,咁我1點到到左~排左2個字到就有~因為佢吾係順住咁入~如果佢有兩個位既,就會安排兩個位入先`所以吾係先到先得=]入到去就見到佢D野都幾新鮮~講下食左咩啦~三文魚:都幾新鮮同多款式吞拿魚:色澤吾錯`煙三文魚:真係估到到佢會有,好好味` 男友話包住D洋蔥更好味花之戀:沙律醬真係好少~蝦沙律: OK~生蝦: OK~帆立貝:俾佢賣相呃左,好淡鮑片:不過不失~鰻魚:好大陣驅風油味 食完再飲茶仲似`帶子:幾鮮甜~海膽:吾錯`魚子:好驚喜=]醋鯖魚: OK~希靈魚: OK~都吾係好記得仲食左D咩~但可惜既係我食吾到燒三文魚,個WAITRESS話佢整緊,好耐都吾見有,,最後見到有一碟,但吾太靚,冇要到~其實樣樣都係$8一碟,真係好抵~咁既價錢有咁既質素真係一流~如果大家要係食到元氣果D出名SUSHI既質素既話~咁就吾好去~吾好食完又話人地難食`提提大家,,果D膠蓋係會有隻碟俾你擺~吾好就咁放返上去,因為見到好多人就咁放返上去`我同男友食左25碟~埋單就$220

唔通荃灣已成為壽司店必爭之地，爭鮮是台灣來的過江龍，到時大戰荃灣地頭蟲，看看到時淨番邊幾間。來爭鮮已是第三次，第一次同女友吃覺得又正又抵，第二次同媽媽吃又抵又夠食，第三次再同女友吃已厭厭地，可能一個月去了三次，已無吸引力，店內只賣壽司，款式少，餐牌唔看都可以，在迴轉帶已看哂全部，我個人覺得味道已勝過元綠元氣明將，價錢統一8元碟，三文魚瘦肥都係8元、鮮帶子都係8元、由貴到賤都係8元，見到咁既價錢，可以吃到好野，一定要去。

爭先:昨天晚上7:30到達, 龍尾去到樓下大X活, 等了四十五分鐘才入到去. 企到腳都痛. 店舖不設取籌, 實在不方便, 加上隔離就係三聯, 如果取籌的話就可以去打書釘, 消磨時間嘛. 希望店方多加考慮!搶食:堂食不設ORDER. 外賣才可以order. 咁我不如買外賣, 仲唔駛加一添. 回轉帶上有什麼你就只可以選什麼, 但店內三條回轉帶不是相通的. 即是A回轉帶上有些款式是其他沒有的. 當然, 大路的東西是三條帶都有的. 但某些款式就不是了. 很奇怪. 我吃了整晚都不停留意有沒有火烤三文魚, 最後忍不住問店員究竟有沒有, 店員才偷偷摸摸地在其他回轉帶上拎了兩碟給我. 店方亦沒有圖片告訴你面前的壽司是什麼款式. 有些真是食左什麼都不太清楚, 但當你問的時候, 店員都樂意解答, 但沒有理由我成個過程碟碟都問下你架, 你肯答我都唔好意思啦. 所以都係建議比我看圖識認較好食物方面真係幾新鮮. 又大大件咁, 所以真係抵食既. 是次吃了共22碟, 飽飽的離開. 喜歡這裡又新鮮又抵食, 但係仲有好多空間改善.

碟碟$8再加一,食物嘅質素就不過不失,都算幾抵食,較為有驚喜嘅係鮮帶子,好鮮甜不過海膽就唔得喇,食咗一碟,苦嘅另外,佢地唔係問咗客人幾位再派飛,而係叫客人就咁排,佢地就有幾多個位嘅空位就叫幾多人入,所以如果多幾個人嘅話,就要不停捉住住門口個阿姐同佢講你地幾多人,如果唔係,等到第朝都無得食,因為佢地唔會主動去安排坐位,呢樣野真係要好好改善

台灣日式餐飲連鎖店「爭鮮」喺香港嘅第一間迴轉壽司分店，「爭鮮」堅持以價廉物美起家，香港嘅迴轉壽司全部均一價收$8(台灣店則台幣30元)；每日不論任何時段荃灣富華中心呢間「爭鮮」都係坐滿人，今日未夠四點路經荃灣地鐵站上去睇見唔洗等位於是就試咗啦！一入到去服務員即刻幫我哋安排座位，店內座位排得密麻麻，如果身型大啲嘅人坐埋一齊都會有啲碰撞~~~食物有握壽司(三文魚、吞拿魚、甜蛋、北寄貝、燒三文魚、赤貝、鮪魚、熟蝦、鰻魚、蟹柳、帶子、花之戀、多春魚子、劍魚、章魚…)、軍艦壽司(芥末八爪魚、代鮑沙拉、蜜汁櫻花蝦、海膽、中華沙津…)、刺身片(三文魚、吞拿魚、凍蝦…)、小食(辣味螺肉、鮭魚刺身…)、甜品(芒果布甸…)，品種唔少，選擇都算多，材料尚算新鮮，但大都是中下價材料，當然$8一碟不要期望會比得上高級壽司料理店~~~食物可算得上是抵食，壽司同刺身絕對唔係「薄切」，材料份量合理，不似一些壽司達人開嘅連鎖式壽司料理店有咁好嘅「薄切」刀法~~~店內員工頗多，但大多是站著，沒甚服務，但仍要收取加一服務費；另一較差的是不能Order食物，所以如果坐得不近出食物嘅位置會比較蝕底~~~以香港嘅平價迴轉壽司嚟講

叫左元貝平 x 2 但唔係好食~ 無咩味~ 三文魚 x 2三文魚刺身 x 1青瓜魚子 x 1燒三文魚皮 x 1希靈魚 x 1=============================8碟~ $ 64 + 10% 咁既質數都要+10% = =又無碟 又無熱水又成 = =一d 抵一d唔抵啦~

上星期我經過有傳單俾我....見到樣樣8蚊碟....就介紹俾同事啦咁想要外賣到公司.....無得送外賣都唔緊要.....唔算遠叫同事行過去....去到就話見到咩可以從回轉帶上羅落黎...話佢地會有職員幫佢入盒....D盒係得7"X4.5" 咁大.....我同事問有無大個D 唔想咁浪費D盒...一盒過得唔得佢話無......都算啦....我同事問....可唔可我用菜單點...你入面廚房d同事9出黎咪得羅...唔洗向樓面個回轉位度一碟碟咁羅咁醜怪.......又唔得.....只話送多d薑俾我地.....到食物了......因為我無份食......但眼見新鮮度一般咁.....跟著仲有D魚生 生蝦果D 有同事意為係臭左.....叫我試少少...我一試之下.....原來係放耐左...D魚/蝦肉左的味....整體黎講...呢個價錢....呢d質數都好正常....但無下次啦.....sorry 無影底d食物

在台灣的捷運店見過爭鮮，總是用那個高音女仔的音播著店子的優惠。最近這名字打入香港這個美食天堂，先在葵芳，後再到荃灣開枝散葉，以我的推斷，我相信在不久將來還有分店開業。入來的目的很鮮明，就是平價又不用排隊吃壽司。碟碟八元，還望質素可以見得人。三文魚壽司/三文魚腩壽司 – 是晚沒什麼特別出色，所以不停吃三文魚壽司，而質素方面，三文魚還好是正常的厚度，但魚腩不見得肥美些，;油脂分佈平均，兩者也是新鮮的，一定是香港人愛吃三文魚，流量高。醬燒立魚壽司 – 立魚是丁點肥美的感覺也沒有，瘦得有點樣罐頭豆豉鯪魚的質感。面層的醬汁是非常濃烈，濃得過鹹，也有怪味，加了芝麻，不過只是加了難吃度。女友吃一口就怕怕，單以這件說，竟談吃中學時代吃明將的質素也比它還好?! (注 : 本人未吃過明將)蛋壽司 – 薄身，沒有厚切，也沒有實在的口感，蛋香味也不出。我寧可你做兩件好吃的，好過三件也一般。燒三文魚– 燒得不平均，有些位置差不多沒燒過。煙燻三文魚 – 也不太感覺到有煙燻過，不同是有一塊燻了的皮。甜蝦 – 8蚊一碟，是超值之選。也有刺身上，是少少甜，但同樣吸引。蟹柳 – 沒有蟹味，竟有魚味，打邊邊的蟹柳條差不多。

食左15碟~三文魚壽司唔係碟碟都靚, 要自己choose, 有d真係好肥美, d脂肪分怖得幾好, 新鮮希靈魚刺身黃色魚春卜卜脆, 不過有d腥, 有3 大塊芥末魷魚紫菜諗曬, d飯散散地, 醋味ok, 但d芥末好辣, 魷魚爽口辣東風螺甜甜地又辣辣地, 有9粒, 好爽口, 唔梅三文魚子壽司咬落去卜卜脆, d魚油 bid出來, 好正, 有一片青瓜中和下油膩鰻魚壽司好厚肉, 唔梅, 但d醬太甜多春魚子壽司冇咩特別~

我16/5 去過爭鮮想等開門食sushi,我唔係貪果陣4蚊一碟咁平,係同friend心思思想試下~我果陣11:15am去到門口一睇,大約有差唔多10個人等緊位,我以為大約開11:30am-12nn左右,我15/5 晚上,都想上去爭鮮睇下到底幾點開門,不過樓梯太窄同埋太迫ge關係,所以無上去~ 16/5當日睇睇張營業時間通告,原來開１ｐｍ－８ｐｍ　 但而家已經咁多人等位..所以決定唔想等咁耐,加上係要 齊晒人先可以入去食,進食時限為50分鐘....埋單果陣將價錢取至整數....到16號當日,2位朋友同我都係心思思想去睇睇~果陣12:20pm左右,幸好呢次唔駛等位,坐在差唔多最入的位置,客人已超過全場的半數,人氣真係高呀 不過我地望住迴轉帶的sushi款式,其實來來去去都係果10幾款, 但我又真係完全想不到staff服務態度很不錯,而且比葵芳的爭鮮壽司外賣店店員態度更更更好!!!! 呢間迴轉店的員工真係非常之多, $8 / 一碟,其實價錢唔算好貴,加上我試過到葵芳的爭鮮壽司外賣店買過約4次sushi,所以對呢間店鋪的品質有極大的信心,幸好今次都無令我失望, 扲完sushi的膠蓋唔係蓋

嚮台灣好出名既爭鮮, 嚮台灣已經食過好幾次, 印象好好, 好抵食。前排黎左香港做外賣都已經有特登去幫襯一下。外賣既壽司都好抵, 3蚊件, 幾新鮮‧所以一知佢開門市, 立即要黎試下。雜誌話日日排大隊, 連下午3點幾仍會見到人龍, 未去都擔心有排等‧最後點幾到達, 完全唔洗等位, 大把位等住你。一入去, waiter 安排個出菜位俾我地, 諗住好好啦, 可以第1時間拎d 野食, 但坐坐下唔對路囉, 愈坐愈熱, 廚房d 熱氣係咁傳出黎, 仲有d 洗碗水味, too bad! 最後忍唔住叫佢調左位。但期間睇到d waiter 次次都係一黎就安排d人客坐個個位，但個個坐左陣都會調位。而食物方面，一睇個樣唔多吸引，唔多新鮮，葵芳外賣還比佢好，失望。仲要款式唔多哦。最好食都係三文魚，而鰻魚係無味既，帆立貝食落怪怪的。我地２個人食左１１碟，有４－５碟都係三文魚。不過碟碟８蚊，真係唔可以要求ｄ咩囉！不過唔會再黎囉！！

行過見到新開張，決定做先頭部隊睇下環境！環境： 裝飾可以，都幾乾淨。服務： 都幾多侍應，但覺多餘，因全部自助，又唔使落單。食物： 味道一般，$8 你想點。如果數款式，真係幾多，但揀唔落手，材料大多是前菜料。一般大眾喜愛的三文魚、吞拿魚等，出現率是極低，成餐都只出現過一次。總結： 月尾無錢和初中生之選，我想年紀大些有些要求都可免則免。用餐後感覺無奈，因無得自己落單(外賣都係無得落單，要企住等想要的出現)，等自己想食的壽司出現，心情好像上網打怪等Boss出現一樣！最後決定唔會帶女友去，免得被罵。