爭鮮迴轉壽司 (已結業)

本身我都係住荃灣,周不時行經MTR附近就見到大大隻字『爭鮮8蚊』上黎又見到咁多食評都話不錯~見咁抵食就試下啦是日星期6,晚上8點左右~未行到上門口已經見到人龍,心諗:唔係下嘛.....橫掂都去到了,就等下啦!等左大半個鐘左右就到我地,都唔算好耐!我地坐迥轉台,其實都幾迫,唔知係咪佢想入多幾個客...我諗我食野同陏動既範圍只有一尺!不過D野又真係幾好食既~同埋都出得夠快三文魚壽司 - 推介!睇相都知夠肥美又新鮮,唔使我多講~希靈魚刺身 - 我最愛之一!我本身係一個好鍾意『食春』既人,呢到既希靈魚都夠大件同鮮甜,正!櫻花蝦軍艦 - 我第一次食~咸咸地又甜甜地,好特別!呢個都好正蟹子軍艦 - 估唔到都幾滿,呢到既亦係蟹子唔係蝦子,我最憎就係出面果D成日蝦子扮蟹子,呢到每一粒都好圓潤同晶瑩剔透!花之戀 - 雖然一碟得一舊,但也不欺場!2片肥美的三文魚做成美妙的花朵~一啖放入口,感覺太滿足了!!貝類 - 所有貝類都好新鮮,唔會好似出面果D乾晒仲要巢皮!我同我男朋友2個人食左32碟!SO CARZY!!!(當然係佢食得多D啦!!)

碟碟都係$8..好平呀..不過當然好多人啦..排到洛樓梯!!!不過都唔算等左太耐..都幾好連d甜品..花之戀都係$8好抵食d壽司既水準都唔錯..唔會話$8而太細舊/難食..同埋都新鮮呀!!d態度都幾好=]會再幫襯!

對$8/碟的壽司原本就沒有抱太大期望，不過見佢長期人山人海，也即管拜會一下，起碼叫做見識過。週六的晚上，人很多，等了好一陣子才有位置。又原來，這裡是有限時的，入座計，50分鐘就要埋單，最討厭這種遊戲規則。甫坐低，見迴轉帶不斷的在轉動，壽司、刺身、軍艦等款式亦不少，可是沒有那幾樣我是有興趣的。幾款壽司，飯糰亦握得不好，材料方面，也不理想，如三文魚並不肥美；蝦亦唔清甜；帆立貝細隻得連飯糰都蓋不住，奠講話厚唔厚身；蟹棒是長，卻全不鮮。當然，以八大元的水準，總不能要求太高，這是交到功課的。軍艦兩款，分別是蜜汁櫻花蝦及海膽，前者口感尚且可以，不過後者就真的不敢恭維，一小小的海膽，是腥的。最終只吃了幾碟，還未需要等到夠鐘，已經可以埋單走人，溝貨去也。

本來冇諗住去呢度...只不過無意中係下面買珍珠奶茶時..突然心血來潮向上一望 發現左呢間店既存在...一樓跟樓梯上..壽司飯味愈來愈濃....去到門口...見到個餐牌上好多 選擇...比較特別係沒有炸物@_@, 但都抱住一試既心態入去....地方比平時一般壽司店大...而且迴轉帶 係分開左2條...而且2條都唔算短....見師傅一邊整..客人就一邊拿...雖然未滿座..但不停出新野..保持新鮮...所有野都係先助...茶包一堆放係眼前...而wasabi係獨立包裝..好似比一般的辣...因為天氣悶熱..所以都唔係食左太多...但整體來講都幾好食...因為被人拿了的那種壽司師傅會很快補上..而且雖然沒有炸物..但整體選擇還是很多..而且冷凍小食也比平常的多...只是時間有點趕..50分鐘而已...食物印象比較深刻乃是三文魚飯..一個醬油碟大小..配了三文魚+飯+少少醬汁 另外甜蝦也算新鮮.. 枝豆也比較好味!時間雖然有點趕..但整體感覺不錯...不過最好選非繁忙時段..所有都係8$ , 雖然有加一 都拉上補下都係比平時的平!

之前食過幾次都好好味，不過今次就，食左其中既赤貝壽司同海膽壽司都好有問題海膽壽司之前食過都ok，今次超戥，戥到食唔到，好唔新鮮!!!赤貝壽司臭同勁戥，咬一口就''哇''，完全食唔到落口的，仲食到想嘔!!!d味湧上黎，要即刻拿杯茶黎漱口先去到個陣味，完全無食到碟野之後即刻同個員工講，員工話個赤貝壽司本身係有d戥戥地，佢當我無食過丫?個員工之後叫左個部長同我地講，佢竟然就係講話'''會幫你同公司反應下咖啦''，甘就了左件事 咁既服務態度都得?今次真係大失所望，之前曾經比笑臉，今次要比返個嬲面佢啦

眼見九龍灣果間"爭鮮"成日都排長龍...今日路經荃灣呢間, 見唔洗等位, 一於試下...入到去全店迴轉位, d位都..好...逼...下... 其實...碟碟8蚊都幾平的, 款式都好多...至於味道就...ok啦~以8 蚊碟來說, 味道質素算唔錯...未試過的不防試下, 不過我諗晚上人多時, 等位會等好耐同埋坐得好逼....咪搞!!

今晚8pm去到, 等左30mins有位原來有人潮管制, 每枱限時50mins, 夠鐘就要埋單走人...食左三文魚,甜蝦,吞拿魚......完全唔新鮮囉...雖則碟碟$8...但一定唔會再有下次...我地食左15mins就走人....

呢間野真開張左一排, 睇d雜誌話夜晚係超多人等位, 我係屋企行去都係10分鐘度, 所以趁就午市前一試...大約11:30度到左, 果然唔使等位, 但有時間限制(50分鐘), 晚市如果都係得50分鐘點夠時間呀, 應該係耐d卦, 我自己一個, 所以食左唔係好多...希寧魚壽司丈爽爽脆脆, 都幾大塊魚, 唔錯..三文魚壽司都幾肥美...蟹腳壽司幾大舊, 仲有d沙律醬, 唔錯不過款式真係比較少, 諗住早d會多款d添, 而且子薑放係迴轉帶上好難夾...整體黎講都ok, 8蚊碟都唔會要求太高...

因為上星期6在東涌的河合居食咗一餐超級不知所謂既垃圾壽司放題, 令到我同我老公都念念不忘好味既壽司...... 巧合下知道原來屋企附近新開咗一排既$8一碟, 原來就係在台灣開到成行成市既爭鮮, 所以星期一一放工即刻同老公走去食~~6點半去到, 已經有人排緊隊.... 心諗,算啦, 排就排, 一定要食到~~ 因為在台灣食過, 好多款架, 拍得住元氣呀~ 台灣係NTD30一碟, 好抵~~ 香港就算$8都唔過份呀! 點知原來係人齊先入得, 排緊隊係因為未人齊~~ 所以我同老公就即刻入得喇~~~我地安排坐在出野食個位! GOOD!!! 好野一出就比我拎咗~ 因為限時50分鐘, 分秒必爭嘛~ 冇辦法啦....雖然選擇唔多, 不過都已經好好喇~ 起碼有帶子同龍蝦沙律~ 三文魚係我地既至愛, 魚腩都有,一樣大大片~~~最後我地兩個人食左總共21碟, 飽到呢~~~~~ 都只係$185咋!!!!!以後可以去多D啦~~~~ 呵呵呵~~ PS. 唔想等位, 可以外賣呀!

7月9日,我同爸媽到了荃灣行.因之前有雜誌報導依間爭鮮迴轉壽司,到晚上六時就大排長龍先可入座. 所以我們下午4時多就到了爭鮮吃晚飯. 等咗一陣,就可以入座. 依間有限時50分鐘享餐, 唔太適合傾計.入到去,係冇餐牌的,大多食物亦不設order. 所以大家不妨在門口先看看餐牌.茶包,壽司醬油和芥辣都是獨立包裝, 質素不錯,也比較衛生. 唯薑片不是獨立包裝. 所有壽司刺身甜品碟碟$8, 我們吃了...燒三文魚骨腩: 吃下,才知是冷盤, 冷冰冰,一點不好吃.海膽軍艦壽司: 聽爸媽說,海膽貨色一般. 赤貝壽司: 赤貝肉大肥厚, 爽脆又甜美, 屬新鮮貨色. 希靈魚籽釀魷魚仔: 好特別, 希靈魚籽脆脆,甜甜, 魷魚爽爽, 兩者很配合呢! 帆立貝壽司: 抵就抵,但不太新鮮. 爸爸未食過,所以要多碟. 甜蝦刺身: 一客5隻,賣相不錯,但吃下黏口, 一般. 三文魚壽司: 肥美,有鮮味,去爭鮮必食. 我哋都食咗幾碟. 櫻花魷魚軍艦壽司: 一般芒果牛奶大福: 冇咩芒果味,入面完全冇芒果,只有忌廉, 失望.

$8碟好抵食上次同朋友食左15碟 朝早朋友話 選擇多過晏就下次晏就去食先 哈哈 !如果多人等位 就會限你食50分鐘 大家要早d去搵位啦 推介 三文魚 帶子GOOD!!下次黎香港要再去食過

每次黎荃灣諗唔到食咩既時候就會黎呢度。知道呢度人多，6點幾就黎排隊，但次次都已經有十幾廿個人排緊。真係估唔到咁多人為左平食壽司都會黎個early dinner。好好彩，鋪頭為左縮短等候時間，所以限定大家只有50分鐘。今次依然食返之前既大路野，不過都試左少少新野。芥辣八爪魚軍艦朋友仔怕芥辣，食到佢想嘔。但我就嫌咩味都無，再加芥辣。芒果布甸上次同今次都見唔少人食，以為自家製，應該幾好味。點知一食就覺得似超市一pack6個果d東南亞假芒果味布甸。象拔蚌壽司大大塊，似咬緊橡筋花之戀外邊既三文魚交俾朋友仔解決，我為既，只係中間d沙律醬。三文魚子軍艦食左好似無食，魚子一放入口已自行爆水。

I went there at 9:15pm, i thought it would be good as pervious. But it only got few choices and the quality is not very good. I wait for a long time for the new and fresh food, but it is nothing new and all the things just the same on the round. i only spend $90 for 2 people, as it is nothing to try. Very disappointed.

知道好多人，所以專登六點幾等位，十五分鐘後就有位啦!!估唔到有甘多選擇，我地食左三文魚、帶子、海膽、蟹子、甜蝦、蟹腳壽司，樣樣都好㊣，好新鮮，尤其三文魚，特別推介，又新鮮又肥美，八蚊真系超值!!!下次一定會再黎食

從得知每碟壽司只是$8, 一直想試試。以這個價錢來說, 比我預期中的好, 例如三文魚和帶子蠻不錯, 其他的如蟹棒, 蟹子也有水準, 但海膽就不太新鮮。整體來說水準和新鮮度也算中上。選擇方面, 當然不能強求甚麼, 都是一般大眾化的口味, 而且也沒有 menu 上的那麼多。其實可以一試，如等候時間短的話, 會再次光顧的。