爆丼屋 (山東街)

营业中

休息中

好耐冇食過日式丼飯，前幾日去旺角唱K，路過爆丼飯口痕就入去食晚飯喇。餐廳用QR Code落單。點單後店員會送上麵豉湯，內有昆布、豆卜、蘿蔔等配料暖暖哋，另外我地各點了兩罐飲品。<三重大極上丼> $398極上丼有海膽、吞拿魚拖羅、蟹肉絲。丼飯鋪滿拖羅和松葉蟹肉絲，份量好多！拖羅色澤粉嫩，入口即溶，加上鮮甜嘅松葉蟹肉絲同埋海膽，豐盛美味。<四重火山盛丼> $298火山盛丼有鮮松葉蟹肉、三文魚籽、海膽、拖羅蓉和玉子。拖羅蓉質感細滑，鮮甜海膽同蟹肉絲增加層次，三文魚籽令丼飯倍添口感。

💁🏻‍♀💁🏻💁🏻‍♂️️💁🏿‍♀️💁🏿💁🏿‍♂️🏷 爆丼屋 @旺角💁🏻 三重大極上丼（連麥茶）$416三重大極上丼呈現了極致的海味饗宴。首先，海膽的口感綿密細膩，散發著濃郁的海鮮味！拖羅亦肥郁甜美，口感實在。松葉蟹肉相當足料！配上醋飯，整體口感極佳，十分開胃。💁🏻六重相撲爆盛丼（連麥茶）$266六重相撲爆盛丼將多種食材完美融合，火炙左口魚裙邊香氣濃烈，帶有微妙的焦香與鮮美，松葉蟹肉搭配甜美海膽，形成一個平衡的口感，使整道菜更具層次。而黑魚籽的爆裂口感，與牛油果的滑嫩口感相互加乘，讓整碗丼飯更加豐富。冷泡麥茶冷泡麥茶口感順滑，清爽！麥茶的香氣悠悠，更能消暑解熱！*隨飯附帶麵鼓湯*是否推薦↩️？✅超巨型，難得朋友仔生日要食好少少🤤🤤

天氣熱真係令人冇乜胃口但刺身魚生另計前幾日我同老公就決定去食想試咗妹耐嘅爆 丼屋餐廳環境簡約舒服其實我有啲覺得係韓式cafe嘅感覺光猛舒適而且坐位尚算闊落一睇menu不得了款款都想食可惜當日三色海膽盛已經售罄我一定會再嚟食架先嚟兩碗熱辣辣嘅麵豉湯鮮鮮甜甜啱哂開胃老公點咗個夢之丼有三文魚、牡丹蝦、帶子、三文魚籽、拖羅同劍魚腩我都忍唔住偷咗一塊劍魚腩食😜爽口新鮮，實在忍唔住🤪🤪而我就點咗個重量級三重大極上丼多塊厚切肥美拖羅，油脂豐富，好香口再加埋勁creamy嘅海膽加埋鮮甜嘅松葉蟹肉滿足哂我幾個願望大滿足總括而言，全部刺身都勁新鮮美味一定會再嚟試其他海鮮丼#爆丼屋 #快閃日本 #極足料 #極滿足 #人氣丼飯 #海鮮祭 #真係爆丼 #魚生飯 #香港餐廳推介 #旺角

呢間主打丼飯嘅餐廳，樓底極高，環境都幾舒服，款式都幾多款可以揀。有一杯味增湯跟餐附送，食生冷嘢之前都可以暖一暖胃先～💡 四重火山盛丼 $298樣樣都想試少少，呢個四式丼飯就好適合我，真係足料到有少少無從入手，當然先淨食海膽啦！呢隻係加拿大海膽，夠晒鮮甜🥹好高質。拖羅蓉小山丘油脂豐富，口感軟滑，配上飯食真係好香口。三文魚籽大大粒夠口感，取代埋豉油，鹹香味一爆開充斥整個口腔。清新嘅蟹肉真平衡返三文魚籽嘅鹹味，拆成一絲絲，送飯食就更適合。我仲好有心機砌到一啖飯有齊4款配料再加珍珠飯，真係四重享受～💡 超份量！三重大極上丼 $398相當震撼嘅賣相，鋪滿大拖羅，碗邊圍住蟹肉，最上仲有黃色嘅海膽點綴。大拖羅望落粉嫩，油脂分佈平均，入口即溶，啖啖魚油香💛海膽一入口有好濃郁嘅蛋黃味，食得出鮮甜嘅味道，口感幼滑。拆出嚟嘅蟹肉送醋飯添加一份甜味，仲可以中和魚腩嘅油脂感，三種材料配搭非常好👍🏻💡 飲品：$48 買一送一  & 忌廉 $18夏天當然要飲返杯啦，緊The PREMIUM MALT'S仲要做緊買一送一，好抵飲～呢隻啤酒以神泡出名，夠凍夠氣，喺街行到熱飲返啖都正！

夏天熱辣辣🥵就想食涼陣陣🧊既野 日本野就岩哂啦 今日尼既呢間餐廳裝修簡潔 燈光柔和 向上望藍色一片天空咁 仲有幾片雲☁️☁️ 而且枱之間既空間都好闊落 感覺放鬆舒適餐廳叫得爆丼屋當然以丼為主 丼都有唔少組合 最後我地揀左夢之丼同四重火山盛丼 果然爆哂丼呀🤩 滿到唔知由邊到食起好🤣夢之丼👉🏻有白身魚 蟹肉 帶子 吞拿魚 魚子 🦐 仲有蠔（因為赤貝冇貨而轉左）非常豐富 最特別既係白身魚 厚切又爽口四重火山盛丼👉🏻由海膽 蟹肉 魚子 玉子 拖羅蓉組成 最鍾意海膽 好鮮甜 入口即化🫶🏻 蟹肉亦好海味 魚子咸咸地 撈勻落飯到 每啖口感都好豐富如果食完丼仲未滿足 都可以食啲炸物揚物同埋刺身🤭

二訪！旺角爆丼‼️專門店！多款丼飯任你揀！滿足想食丼飯既朋友！環境係簡約風，幾光猛，梳化位坐得幾舒適👌🏻上菜速度幾快👌🏻丼飯如店名真係爆滿呀！😍我哋order果兩款都好吸引🤤好足料！！小山丘咁🤣正呀！一向好鍾意食丼飯😆又飽肚！兩款丼飯都幾好食！我哋揀咗；三色海膽盛丼 $358海膽多到！🤣過足海膽癮🤣三重大極上丼 $398上面都有海膽😍拖羅好粉嫩，幾大件、正！蟹肉幾甜，大家可以試下👌🏻

夏天太熱都唔想食啲熱嘢食魚生飯就最好不過 😃一直都想試呢個滿瀉既魚生飯原來搬左新鋪 今日終於有機會試吓 店內樓底高光線充足 坐落都好舒服-六重相撲爆盛丼超豐富有好多三文魚籽 滿瀉晒出黎配返牛油果 墨魚籽 蟹肉 海膽同埋左口魚裙邊六種唔同嘅口感 啱晒如果揀唔到食咩好嘅你-四重火山盛丼超多拖羅蓉加海膽!!!!海膽都幾新鮮 有驚喜再配埋松葉蟹肉同埋三文魚籽就算食咁多都唔會好漏因為三文魚籽鹹鹹地可以中和返👍🏻大大啖食都仲得 唔驚一啖就食晒好滿足～～除左足料之外佢地啲飯都好多食到好飽👍🏻一個飯仲會跟返一個湯 唔怕乾👍🏻

每次經過爆丼屋都好想去食，今日終於同男朋友去咗旺角爆丼屋！餐廳雖然位於繁忙嘅旺角區，但餐廳座位非常寬敞舒適。每款丼飯都會配一碗麵豉湯。先介紹六重相撲爆盛丼！呢一款當飯用咗好多唔同色材食材，包括黑魚籽、鮮蟹肉、海膽、牛油果、燒左口魚裙邊和三文魚籽等等。各種食材配搭非常好，食落口感豐富。飯粒係黏身嘅壽司飯，配上各種食材，更有風味。三重大極上丼！呢一款當飯稱得上非常豪華，有鮮蟹肉、海膽同大拖羅等食材。海膽的味道尤其鮮甜甘香，入口即化。鮮蟹肉質感都唔錯，食得出蟹肉嘅甜味。大拖羅夠肥美，入口即溶。

人氣 #爆丼屋 相信大家都唔陌生炎炎夏日🌞約左朋友旺角行街經過山東街見唔洗排隊即刻入左去😂四重火山盛丼 $298四重火山盛丼有拖羅茸、三文魚籽、海膽同埋松葉蟹肉。我本身好少食海膽，怕有陣腥味，呢款幾鮮甜，齒頰留香。吞那魚腩蓉幼細香滑，軟綿綿，好味。大大粒既三文魚籽，粒粒新鮮可口，而且幾乎滿瀉，好治癒。松葉蟹肉鮮甜，一啖飯一啖刺身，好滿足。海膽親子丼 $278店員棒上丼飯，刺身多到滿瀉！好澎湃好吸引！海膽親子丼有三文魚腩、三文魚籽同埋海膽。三文魚腩刺身口感結實飽滿，魚油豐盈。味道甘香，肉質爽滑，食落唔油膩。三文魚控必點🤣冷泡麥茶 $18茶味甘醇香厚。

終於有機會嚟到 #爆丼屋😍😍 呢到既丼飯真係成座山咁🤣啲餸仲多過飯😆😆四重火山盛丼 $398鐘意食既我咩都想食 咁就揀樣咩都有既🤭有蟹肉 、海膽、三文魚子同吞拿魚蓉 上枱真係嘩左幾聲🤩勁開心 超開心🥳 因為真係爆多餸 好難「不」呀多到🤣海膽入口好鮮甜🧡 三文魚籽又粒粒漲卜卜💛蟹肉同吞拿魚茸都好有鮮味❤️ 配埋每啖飯食真係超開心😋三重大極上丼 $298其實真係選用貴價既食材 絕對唔係hea😚材料包括海膽、拖羅、松葉蟹肉碎🥰 頂層海膽都有入量 絕對唔少 入口鮮甜同四重火山盛丼既海膽不同😆第二層係厚切拖羅鋪滿每一吋飯🍚拖羅顏色粉嫩肥美甘甜🍣跟餐仲包括麵豉湯同+$18可以有罐裝飲品🥤#極足料 #極滿足 #人氣丼飯 #海鮮祭 #真係爆丼 #爆丼屋 #快閃日本 #魚生飯 #生啤 #香港餐廳推介 #旺角爆丼屋 @bigbangdon.hk 📍旺角山東街57號地下

-諗起幾年前呢間「爆丼屋」每日門口都排長龍⋯🤭舊鋪果陣都已經食過餐廳主打新派日本丼飯 海鮮、刺身日本新鮮進口🤤丼飯款式都好多 有10幾款 😍睇圖片每款都勁吸引唔好睇佢細細碗 食落勁飽⋯飯量都勁多 食唔哂全部魚生+配料擺到成座山咁㗎⛰️😮📲QR code落單 仲附送麵豉湯🥣💚六重相撲爆盛丼 $248朋友叫左呢款相撲丼😂勁多料黑魚籽、鮮蟹肉、海膽、牛油果、左口魚裙邊、三文魚籽用料新鮮 佢最中意左口魚裙邊 肥嘟嘟油脂好香 每啖飯都食到刺身 jeng🤭💚三重大極上丼 $398雖然我呢個無咁多款刺身 但都超級豐富分別有⋯拖羅、海膽、松葉蟹肉超級多片TORO😍 油脂分布平均 完全無筋 啖啖肉甜甜蟹肉 食落都好新鮮 海膽份量都好多雖然無食哂啲飯 都已經好夠飽了🤭

之前見朋友喺ig post咗story comment 話依間幾好食，於是我都默默bookmark咗，終於今次搵到機會去食喇😬佢哋menu嘅丼飯選擇有成接近廿款，主要係分為有刺身款、炙燒款、燒肉款🤤另外menu仲有壽司、小食、揚物、燒物等等可以揀嫁💁🏻‍♀️三段重大極上丼 $398依款係主打超肥美嘅toro，份量勁多‼️另外旁邊圍住咗蟹肉碎，而上面係仲有海膽添🥰灸燒七級魚蝦蟹丼 $298依款係有七款唔同炙燒過嘅魚蝦蟹，包括有三種魚、蟹腳、三文魚籽、帶子、大蝦，食落好豐富呀😍叫丼飯係會包碗麵豉湯，而飲品就要加錢另叫💁🏻‍♀️

去完日本旅行之後就對日本野食念念不忘, 特別係刺身, 返到黎香港就超想食上網搵睇下香港邊道有靚刺身食啦, 最後揀左間係旺角專門食刺身丼飯既餐廳再嚐刺身滋味~~餐廳位於旺角鬧市, 地點好方便丫~~~店內面積唔算好大, 但樓底好高, 空間感十足....我地2人坐左張圓枱, 座位寬敞一睇餐牌就好興奮喇!!好多款刺身丼飯選擇呀, 例如海膽, 三文魚, 吞拿魚, 帆立貝, 赤蝦等等......唔食刺身既朋友都可揀牛丼, 鰻魚丼之類~~冷泡麥茶 $18忌廉 $18每個丼飯都包一碗麵豉湯~~麵豉湯味道清甜, 唔會死咸三色海膽盛丼 $358金黃色既海膽鋪滿整個丼飯, 超澎湃喔!! 海膽控必食海膽分別來自加拿大同日本~~加拿大海膽較大塊, 肉質細嫩, 口感滑膩, 有種獨特既海水味~而日本海膽味道較鮮甜, 口感細膩, 肉質柔軟食完成碗絕對滿足到對食海膽既慾望!!!灸燒七級魚蝦蟹丼 $298叫得七級魚蝦蟹, 當然係有七種刺身啦~~包括吞拿魚拖羅, 三文魚, 白身魚, 松葉蟹腳, 帆立貝, 赤蝦同三文魚籽灸燒過既刺身好香喔~~ 別有一番滋味!!全部刺身都好新鮮, 好好味!!!我最最最鍾意既係拖羅!! 油脂非常

呢間爆丼屋唔少媒體介紹過，可謂超人氣！口碑極好，以用料新鮮而聞名！兩年前幫襯過一次念念不忘，今次趁朋友生日再次到訪，質素都keep到😍✌🏻 10分推薦大家前往🌸🌸🌸🌸🌸🌸🌸🌸🌸🌸🌸🌸🍃三段重大極上丼$390👍🏻👍🏻我係拖羅控！當然要叫個拖羅🫡🫡🫡拖羅分量極度慷慨，覆蓋住成個飯，油脂豐富，入口即溶！幸福感滿分最頂還有一堆海膽🤯碗邊則圍上大量鮮甜蟹肉！🍃灸燒七級魚蝦蟹丼$298👍🏻👍🏻呢一款同樣得我心❤️ 七款蝦兵蟹將齊集於此！包括赤蝦、拖羅 、三文魚腩 、三文魚籽 、松葉蟹腳 、白身魚及帆立貝七款刺身炙燒後更釋放海鮮的魚油味香濃不失鮮味三文魚腩同拖羅燒後，微微炙過，保留刺身滑溜鮮甜的質感 入口即溶赤蝦都好誇張，直頭好似喺海水撈出嚟帶有淡淡的海水味 蝦膏濃郁 極鮮甜爽口🍃無糖可樂 @$18.

好耐以前食過爆丼屋，原來佢搬左新舖朋友又未食過，咁就入去食個晚餐啦☺️☺️☺️同以前一樣都係咁足料，好多餸好似仲多左好多唔同款嘅丼飯有選擇困難症嘅我都揀左一陣😛😛😛座位比以前舒服好多，唔會好迫我地叫左兩個丼飯，2罐可樂原來仲會有麵豉湯，食完勁滿足勁飽😌😌😌💜四重火山盛丼吞拿魚蓉喺中間好似一座小山丘旁邊有松葉蟹肉碎、三文魚籽、海膽圍住全部都好鮮味，海膽份量又好多每食一啖都有好豐富嘅魚生伴住呀😋😋😋💜三重大極上丼好期待呢個丼嘅拖羅呀塊塊都好肥美好多油脂數量仲唔少，食極都好似仲有呀松葉蟹肉碎份量都好多圍晒邊海膽又一樣好鮮味🤤🤤🤤