爆丼屋 (已搬遷) 新店位置

午餐時段路過 見人流唔算好多就入去試一試等左20分鐘左右就有位鋪頭比較細 如果同行有BB車就不建議叫左2款丼飯火焰盛丼左口魚同三文魚都非常肥美 火灸過後更重油脂香味三色海膽盛丼份量多又新鮮一個人係食唔曬一碗而且價錢唔貴絕對會再黎

一心想試一試佢D爆丼，但幾乎全部侍應生態度都好惡劣，連一般茶餐廳都不如，無笑容都不特止，而且仲三不應，全部侍應一齊唔應客人，隻眼唔知望邊，等左好耐忍唔住開聲叫佢落單，有個侍應仲眼神兇狠勁惡又不耐煩咁話“等等啦！”然後另一侍應先過黎落單。過多陣，仲要未問過d客，突然係隔離將d枱用力推落我坐緊張枱度，搞到勁大聲彭一聲，如果唔係已經落單同想試下，就已經起身走人，最後食物黎啦，圖畫就影到好大碗好豐富，但實際出黎size係偏細碗，而且刺身無傳聞中咁新鮮好食，咁貴既價錢，咁既質素，咁既服務，而且位置都坐得好唔舒服，椅子超硬身唔好坐，而且我食既時間係閒日下午3點左右，明明有好多空位，但d侍應勁奇怪不停想叫其他客搭我地枱，好彩大部分客都無理d侍應，只此一次，以後唔會再食，叫3款食物埋單6百幾，咁既價錢，大把日本料理高質過佢又服務好過佢

之前食過吓海膽嗰款，覺得好好味。今次試下三文魚火山丼，飯嘅份量都正正常常，睇佢個碗以為好少，其實食落都幾多，上面嘅三文魚都好多，就瀉咁濟。如果下次食應該唔會叫呢個，可能味道一般，反而會想再食海膽嗰款，因為個人好鐘意食海膽🤤朋友就叫火焰盛丼，左口魚味道唔錯，色澤都好，賣相都幾靚，三文魚夠大，有口感。不過因為星期六比較多人排隊，店員叫我地三個人坐兩人座位，其實都好狹窄，如果下次可以安排到三人座位就更好。

我知道哩度之前話要食既話，要排隊排好耐，所以我等過左個人潮先黎試下，睇下係咪真係咁好味，咁吸引。我係lunch去食既，望落去其真都唔平，閑閑哋都要成舊水😯我叫左個三文魚火山盛丼嗯....睇落真係好多材料既，但係魚生唔係太夠凍同埋差咁d鮮味，底部其實有d芥辣八爪魚（我本人就唔係太鍾意食芥味既，既然佢有就唯有食下啦😭😭）我覺得個Menu可以寫清楚入面會有咩食材會好d,咁樣可以避免有d人唔想食某d食材既話，可以事前同職員講聲🤔整體黎講普通啦，唔係太大驚喜，希望下次再黎會有進步啦😉

今日收早,諗住食返個豪華既LUNCH LA~點知....味道不似預期>.<叫左個牛肉飯,一上檯已經覺得麻麻,因為我知道之前哩間舖頭成日都大排長龍,好難先食到,諗住今日好彩唔使點排隊,可能期望高左LA,所以有少少失望>.<講真,佢既份量係多既,但係都唔算平,AROUND都要$100,牛肉有D『鞋』,口感一般,味道有點淡,感覺整體一般。

每次經過爆丼屋，總有很多人排隊，看一看餐牌覺得不錯，所以一直都很想試試。結果卻令人失望，牛肉沒什麼味道，只是靠醬汁，食到後期已經不想食了，炙燒丼亦是沒有特別，唯一驚喜的是有包紫菜比你😂，而環境就一般，座位很逼，坐得很不舒服，食物只是僅僅合格，這個價錢不回再來。爆盛慢燒牛肉丼火焰丼

唔好睇價值好似幾貴，碗野好似幾細；從女仔既角度，呢碗飯食唔晒都飽，男仔食晒都應該會飽唔食過唔知，因為佢係盛到個碗滿一滿，啲飯塞到實一實呢間比人捧到上天花既食店，出名多人食、多人等位，但今次既等候時間比我想像中少咗45分鐘，我當日去係星期三夜晚，可能閒日早少少既晚上（6-7點）會易有位，因為我發現我食完之後（大約8-9點）已經好多人等位。入到去仲要係人山人海，好不熱鬧，得一條通道比員工同食客，um 有少少危險，不過員工小心啲就可以接受既我同朋友被安排係入面8-9位既單人Bar位，面壁高椅。可想而知，單拖黎食野既吃貨都可以有機會黎食好野，唔洗擔心尷尬啦！呢到既用餐用具都幾有和風style，好靚。Order野食方面係入座前order，所以坐低無耐，好快就有野食喇！我就揀選咗「三文魚火山盛丼」！嘩，野食一到 我第一下反應係：點食啊大佬... 佢真係滿到、豐盛到我覺得郁一郁就會跌晒啲魚生，呢一個moment我先知道，原來枱面隻碟係比吃貨將啲魚生放住係隻碟到先架！真係日式餐廳就係細心~講番食物，佢有既魚生係三文魚、三文魚子、芥末魷魚、拖羅蓉同玉子招牌，全部都係呈粒狀，切晒粒，方便處理同方便入口三文

爆丼屋真係店如其名！位於旺角波鞋街附近，人頭湧湧嘅街道有一間好多人排隊嘅魚生飯店！其實都成日都經過，不過由於人多嘅關係完全唔想排隊！好彩今日有少少都係等一百張枱（其實好快，因為好多人轉頭都走咗）大概等左一個鐘啊！店內坐得滿滿，而且很迫！有多款魚生飯選擇，但係上菜10分快！不過員工的態度就10分差，黑晒面唔想做，多人都唔係咁㗎我叫左個海膽吞拿魚茸海鮮丼：有海膽吞拿魚蟹腳蟹子！10分豐富，味道都新鮮的. 海膽雖然份量多，但係屬於普通級數，冇乜味道朋友就叫咗個蟹丼， 有蟹腳牡丹蝦，蝦子蟹膏！這個配搭都幾特別，但係朋友話未到就略為淡了一啲，一定要配豉油Wasabi先帶出佢哋嘅鮮味！不過蟹膏就麻麻哋！總括來說他們價錢10分公道百幾蚊碗咁大碗，唔怪得知咁多人排隊啦

每次經過旺角，都有一大班人係門口等位，以為好好食，但原來只係被人吹捧到好好食，亦有可能店主覺得自己已經被吹捧，所以服務非常差，因為唔怕冇客源。食野等位好正常，要齊人先入都ok，冇問題，亦要求客人入之前點好晒野食先入都明白原因，但正常一間餐廳，你餐牌嘅食物賣晒，係唔係要通知客人呢，唔係要我等齊人就黎入得嘅時候先同我講好多野食已經賣晒，多謝你先，唔同你好想要我等咗半個鐘之後叫我走，8點鐘都未夠，好多野食已經賣晒，咁不如你關門啦。今次去食我地有5個人，thank you晒，叫我地坐面對牆嘅位，你話我地2個人就冇所謂啊，想傾個計都要叫到對面先應到，但想講出面中間係有6人位，怕5個人傾計太耐阻止你做生意，但做生意唔會係咁唔識撈。連加水都只係比個水壺你自己裝，但佢係收加一服務費，多謝先，服務都冇就收人加一？加一唔係老馮！

Me and my bestie wanted to try the popular Don dished from Big Bang Don. There was a couple of people at the front door waiting when we arrived. We only had to wait for 15 minutes for our table. It is a small restaurant, the tables were placed in rows, so we sat very closely together, I won’t say it is the most comfortable seating but it is manageable. We ordered two dons: Salmon and mixed sashimi big don & Slow-cooked beef big don, plus a side dish: Crisp cheese.The salmon and mixed sashimi big

開咗咁耐次次都咁多日今日野左收工10點幾嚟到唔使排隊，要同朋友仔試吓啦海膽丼海膽好多,一見到就有一種好興奮嘅感覺！但係其實真係食唔到一半就已經感覺好漏，海膽其實就一啲都唔鮮味，咁感覺質素好一般，＄258來講其實係滿足視覺效果，因為海膽嘅味道真係.......唔知乜鬼嘢海鮮丼雖然望落去好細玩但係都係唔會食得晒嘅，比目魚燒完之後好香，三文魚子比起一般嘅嗰陣腥味好重，但係我好鍾意，赤🦐唔新鮮，反而佢啲海草幾好食日本生蠔個樣好靚呀，一食落口想講粗口！一啲味都冇，仲衰過超級市場一包包嗰啲解凍廣島蠔刺身，垃圾一次就夠啦，冇特別，就係咁多，完！

今次係第2次食爆丼屋, 對上一次要係門口足足等左1.5小時先可以入座, 入到去都坐唔夠1個鐘就走人. 今次我地非繁忙時間去到, 6:00左右, 要在門口等第1張枱, 入面已經full左! 餐廳面積不大, 座位很多, 坐得很迫, 食完就要起身.. 同隔離位唔識既人近到會碰到手爭...  我唔中意咁樣既環境. 可是爆丼屋的刺身確實是吸引, 份量亦滿滿! 我次次都食唔晒, 今次仲要打包拎走添! 今次除左叫個regular刺身丼, 亦都點左新嘗試鰻魚飯, 好滿好吸引! 質素亦非常之好!

呢間爆丼屋開左係旺角已經一段時間，一直無入去食，原因係每次經過都好多人係門口排隊，今日早左去到見無平時咁多人排隊就入去試一試。攞飛等左15-20分鐘左右，未入去之前侍應已經叫我地可以點左嘢食先，入到去座位超迫幾乎同隔離膊頭貼膊頭，路口有人行過一定撞到我，等左10分鐘先黎一碟炸雞，平平無奇，唔係特別好食但都唔算難食，再來一碗拖羅丼，起初見佢賣相唔錯所以有啲期望，一食第一啖，依塊拖羅有根嘅，再夾開啲拖羅試下碗飯，頂！碗飯暧暖地嘅！此時已經無話可說，因為伏已中，唯有嗱嗱聲食埋佢，之後等多15分鐘我老婆碗海膽丼先到，海膽唔算新鮮有腥味。以佢咁嘅價錢，我真心唔會再去！我唯一唔明點解仲會有咁多人排隊。

中午行經旺角，朋友想食爆丼屋。12點幾已經好多人排隊。朋友點了燒鰻魚盛丼　($145)，而我則點了四重火山丼　($298)等左15分鐘左右，終於上菜食後感：味道：燒鰻魚丼好好味，咸度適中四重火山丼好鮮甜，D剌身真係好到流出黎。唯一不足地方係海膽真係唔新鮮，從顏色見到，係深黃色，味道未至於壞掉，但感覺放左幾日。價錢：燒鰻魚盛丼　($145)四重火山丼　($298)個人覺得價錢偏貴，性價比一般環境及服務：都幾逼。不過香港地地少人多，空間小都係正常。呢個座位與座位之間空間偏細，食野預左隨時撞到隔離個個。服務黎講，因為侍應生都好忙，基本上唔會有時間招呼你。整體：3星下次會否再幫襯：可以再試

自從生完仔之後 我已經好耐無出過旺角啦今日擺底阿b 同老公拍下拖仔啦夏日炎炎 緊係食d涼野爽爽啦喺呢度左揀右揀 最後揀左呢間見個個留言都話要排隊 應該都唔差啦一去到就相當墟磡好多人排隊 好多遊客排隊😑應該都係d鄉里 或者旅遊書介紹過啦一埋去拎飛 店員都相當好禮貌建議我地企喺度等因為佢話兩位都唔係等好耐好啦 就聽佢話 真係唔洗半小時就入得啦個店員好好仲可以喺我地等位時落定單加快個速度入到去 坐位係非常非常非常之窄如果我係左手揸筷子就真係hihi了旁邊位先生 初頭都‘呀’得隻手好開可能佢見我身型都唔係小野 就自己縮埋少少等左無幾耐 鰻魚飯先黎um....唔係好夠鰻魚汁 普通 不過不失之後再黎我既蝦蟹丼um... 都係普通 蟹腳只食到雪藏 無鮮味蝦就大隻既 但鮮甜味都係欠奉佢仲會送碗味噌湯（係咪味噌湯？）好難飲 唔知乜黎 好怪any肥 食一次就夠 唔會再去第二次囉