影片
更多
2018-06-12
415 浏览
唔好睇價值好似幾貴，碗野好似幾細；從女仔既角度，呢碗飯食唔晒都飽，男仔食晒都應該會飽唔食過唔知，因為佢係盛到個碗滿一滿，啲飯塞到實一實呢間比人捧到上天花既食店，出名多人食、多人等位，但今次既等候時間比我想像中少咗45分鐘，我當日去係星期三夜晚，可能閒日早少少既晚上（6-7點）會易有位，因為我發現我食完之後（大約8-9點）已經好多人等位。入到去仲要係人山人海，好不熱鬧，得一條通道比員工同食客，um 有少少危險，不過員工小心啲就可以接受既我同朋友被安排係入面8-9位既單人Bar位，面壁高椅。可想而知，單拖黎食野既吃貨都可以有機會黎食好野，唔洗擔心尷尬啦！呢到既用餐用具都幾有和風style，好靚。Order野食方面係入座前order，所以坐低無耐，好快就有野食喇！我就揀選咗「三文魚火山盛丼」！嘩，野食一到 我第一下反應係：點食啊大佬... 佢真係滿到、豐盛到我覺得郁一郁就會跌晒啲魚生，呢一個moment我先知道，原來枱面隻碟係比吃貨將啲魚生放住係隻碟到先架！真係日式餐廳就係細心~講番食物，佢有既魚生係三文魚、三文魚子、芥末魷魚、拖羅蓉同玉子招牌，全部都係呈粒狀，切晒粒，方便處理同方便入口三文
呢間比人捧到上天花既食店，出名多人食、多人等位，但今次既等候時間比我想像中少咗45分鐘，我當日去係星期三夜晚，可能閒日早少少既晚上（6-7點）會易有位，因為我發現我食完之後（大約8-9點）已經好多人等位。
入到去仲要係人山人海，好不熱鬧，得一條通道比員工同食客，um 有少少危險，不過員工小心啲就可以接受既
我同朋友被安排係入面8-9位既單人Bar位，面壁高椅。可想而知，單拖黎食野既吃貨都可以有機會黎食好野，唔洗擔心尷尬啦！
呢到既用餐用具都幾有和風style，好靚。
Order野食方面係入座前order，所以坐低無耐，好快就有野食喇！我就揀選咗「三文魚火山盛丼」！
嘩，野食一到 我第一下反應係：點食啊大佬... 佢真係滿到、豐盛到我覺得郁一郁就會跌晒啲魚生，呢一個moment我先知道，原來枱面隻碟係比吃貨將啲魚生放住係隻碟到先架！真係日式餐廳就係細心~講番食物，佢有既魚生係三文魚、三文魚子、芥末魷魚、拖羅蓉同玉子招牌，全部都係呈粒狀，切晒粒，方便處理同方便入口三文魚係佔大部分既，魚生真係好新鮮，粒粒魚生雖然撈埋一碗，但依然味道分明，感覺唔會「食緊一碗唔知咩」既感覺，好一碗MIX DOM！三文魚子大大粒，完全無被其他魚生壓爛。芥末魷魚是所有魚生以外既點綴，為鮮味添上另一種新鮮既味道，好評！而「拖羅蓉」由於佢既吞拿魚味唔算突出，佢無咩特別味道，外貌雖則唔好，惟口感特別。所有既魚生同飯均有溫差，雖放埋一齊 但仍然做到冷熱分明，係好值得稱讚！
而我朋友就order咗「火焰盛丼」。朋友個個我就無食到喇，但從我角度睇，佢既擺位同顏色分配都好吸睛，好吸引。佢呢個飯就貴啲既，因為用既食料會貴少少同無咁普通；佢有既食材有蟹棒、帶子、左口魚、少量三文魚，THEY ARE ALL MY ALL TIME FAVOURITE！下次食我一定會試呢個！據我朋友講，佢既帶子係最出色既，鮮味突出，成碗飯唔蘸 豉油都可以，而事實上佢又真係無點蘸，因為佢中意食佢最真實既味道
佢有兩塊紫菜比我地，店員就無解釋係點處理既，我地就就咁食咗佢算（如果有吃貨知道，歡迎留言話我知，等我長長知識，哈哈）！
整體無論係食材、環境、服務態度、入座安排、擺設都十分好，惟一有待改善既係佢無咩refill茶既服務，我地成餐飯只係飲咗一杯，又無機會比我地自己斟，係差啲野咁姐。
张贴
