爆丼屋 (已搬遷) 新店位置

抓緊夏日尾巴 - 牛油果控注意喔🥑, 爆丼屋推出左夏日限定「牛油果丼」！ 呢個丼飯盛載住芥末牛油果沙律、醬油漬秋葵、松葉蟹腳、油甘魚。丼飯上有好大堆芥末沙律醬 (我估倒沙律醬嗰個人應該倒得幾爽🤭), 油甘魚好鮮甜; 醬油秋葵減輕丼飯既油膩感, 呢個丼飯配料組合幾有創意。夏日既 <盛夏蔬食> 系列有燒牛油果、山葵醬油漬秋葵、北海道白粟米。 我幾喜歡秋葵滑潺潺的質感。白粟米咬落爽口多汁, 有淡淡既忌廉味, 但唔係好夠甜。 .

👉🏻爆盛慢燒牛肉丼💲128比menu呃咗 menu啲牛係粉紅色類似係半熟咁 但end up係鮮紅色 感覺好似打邊爐食緊生肥牛咁 生到食唔到😹(可能我地唔太識欣賞生肥牛唔識食🙂)其實兩碗都係我啲frd叫 佢地再個都冇食晒啲牛因爲覺得生到好難入口😹不過個飯嘅汁係幾好嘅🤨有條友仲話寧願食吉野家😹〰️〰️〰️〰️〰️〰️〰️〰️〰️〰️👉🏻三文魚火山盛丼💲128好耐之前食過記得講過啲三文魚太多根 事隔成年再食依然係有根 我諗佢係冇跟紋切🧐呑拿魚蓉超多🤩我係幾中意但好似太蓉🤣除此之外仲有少小三文魚子同八爪魚粒😗成體分量都幾足料😛👍🏻✨魚生多過飯最中意呢個感覺🤤唔明點解隔離台有個人可以接受到淨係食啲魚生唔食飯🤷🏻‍♀️明明啲切粒三文魚同呑拿魚蓉係最好餸飯食 減肥好心返屋企先減啦出街咁食法好掃興🙂〰️〰️〰️〰️〰️〰️〰️〰️〰️〰️碗麵豉湯勁足料😋不過坐得唔舒服😕仲要侍應態度小串 呢間真係好多人排隊但我唔覺得值 只係覺得好足料(名符其實嘅爆丼)但材料唔靚🤣材料靚嘅話「定食DORAYA」靚好多😋不過就冇咁多料喇🤨

香港人貪新忘舊lee 個說法係完全冇講錯話説旺角以前紅極一時既丼屋等成個幾兩個鐘先有得食以家已經唔風光不再日式餐廳競爭不嬲都咁大其實我覺得佢水準keep得幾好唯一就係佢價錢唔係特別平同抵食同埋餐廳嘅小食種類比較少比較集中整刺身飯食過其他餐廳海膽飯不過都係覺得佢嘅三色海膽飯相對比較好味同鮮咩如果唔使排隊而得閒去開旺角都係可以再去幫襯唯獨一個問題就係啲服務員唔太好禮貌唔知會唔會係lee 個原因所以少咗人去食啦

每次夜晚經過都見到好多人係度排隊食依間，懶得等ge我次次都係甘就錯過左嘗試ge機會😖有日晏就經過，終於冇人排隊，yeah…一於入去食啦😬個個都為左個牛肉盛丼而黎，但全部都係肉驚會太滯…研究左一輪餐牌，一於叫火焰盛丼啦🤩岩哂貪心咩都想試ge我🙊🙊🙊期待已耐終於黎啦⋯⋯入面有帆立貝，松葉蟹棒，三文魚，左口魚，仲有蛋黃係上面！最有驚喜係左口魚，好好味😋一吉穿蛋黃，撈埋入飯到，放入口有陣火焰味道，完全吾會覺得吾夾…附送埋一包紫菜，包埋飯同餸加dd wasabi,又係另一番風味個丼都幾足料，食到最尾太飽，剩返d飯。要注意ge係，店舖有最低消費。如果取消依個要求會食得更開心又吾會浪費食物！

#fridayla_mk⠀⠀⠀⠀⠀⠀⠀⠀⠀⠀⠀⠀⠀⠀⠀爆丼屋真喺每次一到，都喺排滿嗮人😳超旺！⠀⠀⠀⠀⠀⠀⠀⠀⠀⠀⠀⠀⠀⠀⠀個日剛好見到有顧客鼓燥好在經理冷靜應對😢😢先無對其他顧客造成大影響⠀⠀⠀⠀⠀⠀⠀⠀⠀⠀⠀⠀⠀⠀⠀黎得呢度食既大家要有心理準備基本上進食途中喺唔會被打擾😳不過就唔好念住食完可以安靜吹水因為實在太熱門🤣🤣店員都會盡快收拾檯面，接納其他客人！⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣爆丼屋顧名思義即擅長用不同食材，堆砌成各種滿溢的丼飯，堪稱視覺效果驚人，呃like神器，而廚房則由曾任半島大廚的Tony師傅主理😎⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣牛油果丼💲198💭麵豉湯足料好好飲，油甘魚都幾肥美💭同牛油果夾埋， 相得益彰😍😍💭整體個飯好清新， 加紫菜食更惹味💭但松葉蟹腳始終覺得蒸熟會更甜💭生食就一般😢⠀⠀⠀⠀⠀⠀⠀⠀⠀⠀⠀⠀⠀⠀⠀2⃣燒牛油果(半個)💲35💭基本無任何其他調味😳💭就喺牛油果半個，價錢稍貴💭L小姐跟網上既沾醬油食法💭食落真喺有8成似三文魚🤣⠀⠀⠀⠀⠀⠀⠀⠀⠀⠀⠀⠀⠀

環境：⭐️⭐️店內95%是內地旅客，做得遊客生意，一入去坐下已有總不妙的感覺，但已經坐下，只好抱住好奇心態去試下，希望有意外驚喜啦！店內裝修尚可，但坐位窄，似去了糖水舖，食完好走唔好諗住可以坐底同朋友傾下果隻！食物：⭐️⭐️叫左碗「北海豐盛丼」，魚生飯賣相好似好大堆頭，但其實碗飯上面舖左四分一係水草（在蝦後面），加上隻碗其實好細架，騙遊客一絕！刺身方面，帶子同虎蝦雪味重，真係無下次了！服務：⭐️⭐️為左照顧遊客，港🐷的我當然被冷落，無水飲叫三次才斟！但服務遊客卻十分熱誠，不停推介各款美食給他們！

依間野開業到依家長期多人, 不過要排隊就咪預我 .. 誰不知今日經過唔使等, 正 😋餐廳環境都幾擠逼, 食完好走人啦唔預有時間慢慢吹水 .. 我地都係衝著丼而來, 餐牌上丼款唔算好多, 亦有好多散叫, 我點左個中價火焰盛 $145 ,等左10分鐘左右有得食啦個丼果然推得滿滿, 上面嘅海鮮都算新鮮, 無雪味, 有松葉蟹棒, 帆立貝, 左口魚裙邊同三文魚, 質量同份量算對得住個價錢 。不過上面粒生蛋個人又一般般。如果唔駛排隊的話依間可以再回頭嘅。

平時見呢間好多人排隊，呢日中午見到唔使等好耐就去試試。建議如果唔係太肚餓就唔好去食，特別係女仔，因為呢度有最低消費每人一個主食，見好多女仔都食唔曬個飯，不過有見到有人就咁叫手卷+壽司。叫左個三文魚丼少飯，不過份量仍然好大，中間嗰一大pat吞拿魚好膩，食到超滯，整體黎講冇乜特別，價錢又唔平，仲要加一，都唔知有咩服務可言，可一不可再。

今次係第2次幫襯，第1次去係2016年，係開業無耐，覺得唔錯，仲後悔無叫到三色海膽飯，相隔2年，鋪頭內外9成都係內地客，既然黎到，都想食多次。琴晚去到門口都人山人海，等7張左右，臨入座前已經要係門外order先可以入爭在未收埋你錢先2個人叫左三文魚火山盛，極上拖羅盛，未黎野食之前都望到隔離枱，係嚴重圖文與實物不相乎，雖然洗濕左個頭都希望唔好差到劣，由於入座前已order，所以好快到餐先講三文魚火山盛一黎到個感覺係：垃圾桶三文魚粒周邊圍繞住芥辣八爪魚粒，個menu冇寫明會加芥辣粒，如果唔食得芥辣既人，叫呢個基本上唔洗食落去三文魚食落去有腥味，好地地加芥辣粒落三文魚到，感覺就好似此地無銀咁，想遮掩乜？之後碗極上拖羅盛先係經典未放落口都見到多筋，切到牛舌咁厚，睇落好似未解凍原來真係未解凍啊！ 完全食唔到之際，叫左個疑似經理來對質，問佢點解塊拖羅又多筋又未解凍，點樣食？佢答案係精彩：拖羅係有筋架，冇筋唔係叫拖羅啊，我地拖羅要雪住確保新鮮，你1係攤1陣先食啦比錢食飯點解仲要受氣，我等左5分鐘，攤陣再食，都係1樣，咬到中間位係咬唔入，又有雪味，再叫另外同事黎，初頭堅持要換比我地，我寧願取消去樓上食

之前同朋友講開,搵緊一d質素好既丼飯,大家都討論過好多都係可一不可再,而爆丼屋就係當時既bucket list入面,趁住依家sem break,就緊係出去食番餐好嫁啦😋今日收工約左朋友去旺角食爆丼屋,之前聽人講話要排好耐隊,可能我地算係早收,唔算特多人,等左15min左右,叫左個咩都有既丼飯,因為我地諗住去掃街,而且一個刺身飯對讀緊書既我黎講都算貴,所以2個女仔叫左一個,個飯都幾大！而飯既醋味份糧剛剛好,唔會太黏口,配埋d刺身食都夠！味道唔差,但唔算特別好食,如果要排隊排成個鐘既我就唔會喇！總括黎講都唔差👍🏻

旺角長期人龍小店 只有一間分店的爆丼屋黎試下睇吓有冇真係咁爆丼先佢嘅三色海膽丼份量的確幾多 海膽亦算鮮甜不過我自己比較喜歡凍食海膽佢嘅海膽份量係完全蓋過整碗飯仲可以用紫菜包住海膽食如果女仔食的話飯係多到食唔晒 建議如果兩個都好鍾意食海膽叫一個就可以另一個可以簡其他所以我哋另一個就揀咗鰻魚飯厚切鰻魚的確有口感 大大舊 加上自己本身好鍾意鰻魚汁 要黎撈飯正不過實在太多飯。真係食唔晒！最後飲埋佢嘅湯 食到包包咁離開哈哈

行過旺角諗唔到食乜，search 下有咩好評，見到呢間爆井屋咁多好評，試下佢好唔好食先！😂😂我最喜歡既就係蟹子沙律，所以必點的！一上枱，已經令我驚呼連連，真係鋪滿左好多蟹子啊！好滿足呀👍👍另外都叫咗甜蝦飯，真係鋪滿左好多甜蝦係面頭，非常足料，完全對得住個價錢打完食評我又想再去食過，但濕疹體質都真係唔可以食咁多適可而止🤟🏻🤟🏻整體而言，爆井屋都值得推介，新鮮料多，價錢合理，唔算好貴！💪🏻💪🏻

原來井字加一點，係讀個*當*字原來係飯咁解，哈哈長知識了。開左一段時間，人龍短左，係時候要排一排；湊下熱鬧啊嘛配料鋪滿飯上面，一啖入面有滿滿既送同飯灸燒左既帶子好好食，魚生飯其實屬於一般- 場內好逼，要搭台，教訓我唔好買咁多野😂- 入座會有茶包，示意店員加熱水，好細心又消滯

在旺角常經過看到這間餐廳排隊的人龍很長, 不怕嘗試新店, 很想試試. 一向喜歡吃日式燒鰻魚, 所以點了鰻魚丼. 下單後約十分鐘便送到面前, 滿滿的鰻魚, 約7-8件, 帶著濃郁的燒烤味. 加上一隻溫泉蛋, 賣相吸引. 鰻魚表面燒得很脆, 肉質嫩滑, 美味! 但美不足是, 吃日式料理並非使用日本珍珠米. 這一點十分失望, 也要扣上不少分數.要留意坐位很擠迫, 感覺很不舒服. 而整體餐廳的感覺也不清潔.坦白說, 以$148一碗並非日本米的鰻魚飯, 沒有下一次了.

爆丼屋熱潮應該無人不知，每次行過，無論午餐時間或是晚餐時間，門口都是人山人海， 所以一直無時間試!今日6點去到，見唔算超級多人，決定拎飛等位，最後都等了差不多45分鐘先入得去!一入去，入面超迫，超多人，有d行都行唔到的感覺!我地叫左火焰盛丼及 北海豐盛丼! 火焰盛丼有帆立貝、三文魚、左口魚裙邊、松葉蟹棒、上面再加粒半熟蛋黃;北海豐盛丼就有帆立貝、赤蝦、三文魚子、海膽、松葉蟹棒、玉子。火焰盛丼果然是堆得滿滿的，火灸的程度恰到好處，火灸後的三文魚及左口魚裙邊令整個丼飯飄出陣陣的香氣，而且食落多了一份魚油香! 而北海豐盛丼的赤蝦都好鮮甜，帶子亦入口即融，加埋三文魚子，簡直一流!但當中的海膽就麻麻，有點苦味，不過整體上是不錯的。