爆丼屋 (已搬遷) 新店位置

適逢旺角行人專用區已經解除,小女子再次踏進行人區喇👏🏻👏🏻平時行旺角都係係佢邊界範圍經過多,因為好怕好多人,要同人爭先恐後既情景,但依家少左行人區,自覺應該無咁多人喇！所以就過左黎呢間爆don屋食野～有時見到好多人排隊,但有時又無咩人排,捉不到路🙈以我去呢一日就等3張台就可以了第一眼見到果下傻眼了,碗飯都好巨型🍚估唔到咁大碗！海膽丼上面有3種唔同地方既海膽,呈現左3種漸變既橙色,本身諗住咁多海膽應該好滯,但食落又唔會,份量剛剛好,我已經唔記得邊3個地方既海膽了,但有creamy既,又有實肉d既,唔同口感都好鮮甜,值得一試😋

成日都好夜收工先去搵野食,11點個時見到好多日本野餐廳都準備關門,而依間Last order又零晨一點半,都岩D夜收工既人去.我知道依間之前人流好多,成日要排隊,所以今次唔洗等就試下!首先見到價錢實在非凡,同埋個碗好細,都心諗食一次算喇.三式海膽丼第一,邊到三式?第二,味道一樣又偏淡,第三,$268 (未計加一),第四,其實唔飽,不過好滯北海豐盛丼 $198帆立貝食得出係日本貨,但無咩鮮味, 反而燒左口魚裙邊油份多,食飯一流,其他都正常!!!不過食2個丼都500蚊就真係有D貴,因為比係普通日本餐廳同樣價錢但可以食到好多款壽司同刺身!!!

今日難得放假去左旺角食日本魚生飯，見openrice 有咁多好評就揀佢試試。成點幾兩點都好多人排隊我等左15分鐘就有位。睇完menu 發現價錢都幾貴，於是就揀咗呢款最平嘅三文魚火山盛丼係好大碗，飯同魚都好多下，細食嘅女仔可以同朋友分，魚算新鮮的。影相係幾吸睛，不過碗味噌湯就冇乜誠意，無乜料豆腐都冇舊 講下餐廳環境先，座位極度窄，肥啲都坐唔到，正常身形坐低左想郁都有困難仲有發現好多內地自由行旅客幫襯。因為坐得唔舒服，食完我都好快走，賣單嘅時候有點驚訝，因為要收+1服務費... 我完全唔明囉？！總結: 因為價錢太貴（要加服務費）冇乜特別，所以都未必有下一次

其實由爆丼屋開張，我已經幫襯過三四次，次次都係點「海膽丼」，今次真係忍唔住要比個差評。香港地要食到又平又多既海膽唔易，每次一口痕想食海膽，就會諗起「爆丼屋」，呢個份量的確對得起呢個價錢（$284），但質素就⋯⋯⋯每次食完都覺得好伏。（但一口痕又會唔記得左！）食過咁多次，佢地海膽份量雖然多，但質素依然一樣差。雖然未至於腥，但食落口係無味！加上放左一陣，海膽已經變到一patpat、溶溶地咁。明明食落口係海膽既軟綿綿質感，但點解每啖都食唔到海膽味？花左咁既價錢，真係覺得好伏！寧願用呢個價錢出去食50蚊一舊高質海膽軍艦/手卷都冇咁嬲加上我今日自己一個去食，員工當單丁客好似人球咁：我一入坐落完order冇耐，就比店員要求我換位，冇問題；換左位，都差唔多食哂，淨返一兩啖果陣，又有店員再黎問我介唔介意調位！我明明只淨返DD就食完，食緊飯都仲要人換位？明白餐廳想做多幾轉生意，但客人都已經開始食緊飯，呢個時候叫人調位我覺得都唔太尊重。自開業以黎，已經比左好多次機會、幫襯過好多次爆丼屋，今次真係死心。最後特登打呢篇食評提醒自己以後都唔好再黎

今日跟閨蜜一起去旺角朝聖，一直都好想食哩間野，平時好多人排隊呀，今日去到見到人龍唔係好長，於是就喇喇聲去排隊食啦，大概排了十分鐘就到我地啦我地兩個人點左一份原隻龍蝦盛丼，一份三文魚火山盛丼龍蝦盛丼賣相超級好，一上台我跟閨蜜都哇一聲，真系原隻龍蝦上喔，龍蝦肉彈牙味道夠濃郁。跟住就係三文魚盛丼啦，哇，D三文魚真係爆出來咁濟呀，味道好鮮甜，夠新鮮，份量好多，連我地都差D食唔曬呀！食完簡直大滿足呀！！總言之一句講曬，賣相味道都一流呀！

第二次去食依間丼飯~晚飯時間都幾多人, 好彩2個人去唔洗等位係旺角食飯預左會逼少少…要將就下2個女仔叫左2個丼飯加1個小食👇🏻👇🏻👇🏻👇🏻✨爆盛牛肉丼$128今次因爲叫2個飯所以食細size, 無大size咁堆到好高, 視覺上差少少😂但都係大大碗！最鍾意個白色醬👉🏻山葵忌廉汁, 撈飯食好開胃✨北海豐盛丼$198有好多魚生！而且都好新鮮~鍾意食海膽既朋友大讚~我就喜歡三文魚籽🙈✨一口芝士$48上台時入面既芝士仲融融地🤤因為實在太好食, 一定會有下次！價錢上其實算中等, 而且佢好食嘛加油keep住啊╰(*´︶`*)╯♡

之前次次經過襯都望到一大條人龍，今次我諗住6點去到實無死，點知都係一大條隊，差唔多等左45分鐘先入得去。講真入面環境就真係麻麻地，為左疏導人流佢會一張2人台4個人坐，所以入面好迫好多人，小心行入去唔好整到其他客人呀！Menu既選擇唔多，所以我地食左個三文魚魚生丼同火灸魚生丼。初時見個碗咁細覺得一定唔夠飽，點知原來都唔講得笑，食落都幾多，佢仲隨飯附送面豉湯同2包紫菜。魚生份量都幾多，但略嫌飯底無乜味，但整體黎講都算okay

🐹晚餐時間在旺角，經常見爆丼屋門外都很多人排隊。這次陰差陽錯拿了飛，竟然不消一會就有位。不是太好魚生飯，熟食丼的只有鰻魚跟牛肉，想著在這兒牛肉應該只是用普通貨，還是選鰻魚好了。朋友就選了魚生飯。魚生飯上枱，有帆立貝、火灼三文魚、左口魚裙邊、松葉蟹棒、上面再加粒半熟蛋黃。分量很足，朋友都無從入手，一開始食得有點狼狽，差點掉了幾塊。朋友表示魚生還算新鮮肥美，初初起筷時很爽很滿足。帆立貝大大舊啖啖肉，不過三文魚不火灼會更好。後來愈食愈滯，最後勉強吃完魚生就罷了。🐹：建議食了兩三塊魚生，看到飯才弄破粒蛋黃，不怕膩就成粒直接啪啦細食的美眉選刺食跟手卷會更好。鰻魚飯就是八大塊鰻魚，再加上一粒三成熟的流蛋。鰻魚有點失望，初初未食飽也沒有一入口登一聲的感覺，而且很肥很多魚油脂，就是很普通的幾塊肥鰻魚，然後，燒汁很少很少，只有很少部分的飯有燒汁那個流蛋的蛋汁很淡，連飯一起食只會更滯，沒什麼作用。食到中途，油膩感重到覺得再食下來會吐，最後鰻魚剩下三大塊，真的真的食不下🐹：總括而言，很油膩很滯還有很貴的一餐，近四百元，食是食飽，但飽得很空虛。

前日在豉油街一帶出勤經過爆丼屋，見到平常勁爆滿既小店，小些人排隊，熱熱地諗住試下，排左15分鐘有位。點餐呆等了20分鐘，不過心諗，花巧靚野應該值得既，繼續等。25分鐘後上啦上啦！呢個最低入場價既三文魚丼望落真係好新鮮好吸引，有呑拿魚容，粒粒三文魚，魚子及粒粒魷魚，但食落好奇怪，無論你食幾多口，都食唔到各項料的味道，只食到腍腍既魚....呢d真係食不知味...呢個價錢，食個咁既飯，我諗除左影相，都諗唔起食左咩味道🤮

突然掛住係日本住嗰幾年啲生活，想起旺角有間爆丼屋，魚生非常新鮮。所以今天同家人一齊嘗過夠。只可惜不復當年！非常失望！首先，接待員的態度非常有問題，完全稱不上招待，她只是求其比個座位就完工，並要求入座前要選好餐，一入座就同時落單。速度驚人。。即是客人們哦⋯⋯你們是不可能改單的，因為這間舖爭分奪秒！加單呢⋯⋯就可以啦！請問這是做飲食業的態度嗎？它們的座位是4個人一張枱，再黐住隔離嘅4個一張枱，即是8人一枱，對面坐，剩餘一條只可一個半人行既行人通道用嚟送餐，通道左手邊是8人長方枱，右邊是靠牆邊坐的4人枱，當我們一行3人入座時，她們竟安排我們其中一人坐在通道呢⋯⋯即嗰張枱要坐9人，坐三邊，我們其中一人要坐通道，如通道闊尚可，但其通道只得一個半人行過，每次有人行總要側身避免碰撞，他們還要用餐盤上餐，大家想想，這樣的快餐何以會食得舒服呢？正所謂貼錢買難受！以後都一定不會再來。當時只時6點半左右，並不算太多人，亦不是有人輪候，我們入座時，同枱既兩人正好結帳，我們只要求調回正常坐位，但他們不接受，話之後會多人。如果不是下了單，我們真的想走！當然，食物梗會好快送上，因為真的好想啲客快啲走！我比較過自己之

平時同女朋友係旺角行街經過呢間餐廳都見到好多人排隊，但就冇特別留意食啲乜，因為見到咁多人排都唔想排埋一份，因為有排等直至有日黃昏時間落大雨，咁岩企左係間餐廳旁邊，先留意到係食丼丼飯，款式幾多，亦都好大碗下，加上當時冇咩人排隊，所以女朋友就話決定要食呢間。見到好多人都叫三色海膽飯，所以我都黎返碗，勁大碗，同埋真係好多海膽，食落去好滑同好新鮮，另外會送一包紫菜連埋海周一齊食！正！會送湯一碗。我女朋友就叫左碗火焰盛丼，但就走火（不燒），因為唔想被燒既味蓋過新鮮既味道。

成日聽爆丼屋個名，但自己就未試過，今日就同朋友黎試下。啲丼錢價錢都幾高，最少都要百幾蚊碗。帆立貝·三文魚籽盛丼 $178刺身既份量的確係比普通既多，而且真係就黎逼爆個碗。三文魚火山盛丼 $128上枱時啲三文魚粒差唔多要掉既感覺😂丼飯都幾好食，刺身都幾新鮮，而且份量的確唔少，細食既女仔其實未必食得晒成碗。不過個價格有啲太貴。

想試呢間爆丼屋好耐，見好多人去食某星期六下午就同朋友即興去食喇！我點左呢個火焰盛丼，其實食落就冇咩特別，但係擺到滿滿咁 係幾靚既友人點了爆盛慢燒牛肉丼，我都食左幾塊😜堆到成座山咁既牛肉 非常足料 味道方面 個醬汁好有驚喜 同牛肉好match值得一試👍🏻

食左2碗飯4百幾蚊，我唔係話佢材料唔足，不過味道一般,海膽飯幾好食,但係我重點係想話佢環境連大家樂都不如d位逼到唔收埋隻手就要同格黎有肌膚之親,格黎果個係咁咳，你又驚你啲嘢畀佢咳曬佢啲病菌落去，基本上你會想早走早著，仲要0服務，點解要收我加1...唔坐由至可，一坐簡直似 監犯放飯咁，1張長枱坐滿灑人，1人1碗飯，坐中間既出入都要講10次“唔好意思”或者“唔該借借”，頂。。。 我左邊狂打乞次，右邊肺癆咁，叫我點食得落...

裡面個肥仔態度超級差，完全不會和客溝通，講嘢超級臭串，裡面d刺身一般貨色，又不新鮮。眼看門口排隊，所以才入去試下，點知中伏。未試千其不要去。冇經理管理員工質數。不會有下一次!!!