爆丼屋 (已搬遷) 新店位置

夜晚放工同朋友去旺角買鞋, 行過爆丼屋見倒唔洗排隊, 就走入去諗住試下味, 點知又係直昇機聲...餐廳空間唔算大, 但座位數量安排合理所以用餐空間尚算足夠. 餐廳裝修實屬一般, 音樂會比較大聲.本來點了一客拖羅飯, 一客鰻魚飯和一隻海膽燒龍蝦, 但店員告知燒龍蝦要等30分鐘, 實在過份只好取消. 可能用餐時間較早, 上餐速度算快, 只等了十五分鐘左右.拖羅飯放滿一層厚切的魚生, 看上去每件都很肥美, 味道亦鮮甜, 但仍比不上黑門市場質素. 珍珠米每粒都飽滿, 不過以每客250價錢只算表現合格.鰻魚飯就比較普通, 水準不過不失. 但價錢亦比較合理, 配上蛋味道亦很夾, 個人覺得性價比不錯.由於本人食用味精後會感到口乾, 而當晚飯後不久已經覺得口很乾, 想必很多鮮味都要歸功味精, 實在很難了解為何會經常爆滿.

兩個人叫了一個火炙丼，一個招牌三文魚丼飯。兩款味道正常，真心覺得沒什麼特別，周圍都食到這個質素，略嫌不值這個價。可能因為我們都叫了些比較親民的丼飯，眼見其他內地人食海膽那款，食得很滋味。不過，如果是食海膽那些高質素的海產，我不會選擇來這裏食，有太多更加好的選擇。

Place was easy to find. We got the crab roe salad and uni bowl. It was delicious. My husband wanted to go back a second time just for the uni bowl. The uni bowl consisted of three types of uni. The rice was perfect. Great price and good quality. Was very satisfied with this dinner. The crab roe salad was good at first bite. After the uni bowl, the flavoring was just overwhelming. Would opt out of the crab roe salad next time and try the sweet shrimp or salmon bowls.

日本料理多數以海鮮為主，這次想食d肉類.看中一款‘爆盛慢燒牛肉丼’日式牛肉有著入口即化的聲譽.雖然係揀左細嘅size但係d牛肉掛係飯上面，一口飯一口牛肉.香氣逼人牛肉加上生雞蛋的搭配讓牛肉嫩上加嫩.日本米的搭配絕對是恰到好處.一點肉腥味都沒有、證明係好品質的牛肉.但吃多了會有d膩因為畢竟全是肉，可以搭配wasabi一起食用當然店家還有其他的丼可以選擇.我自己推薦海膽，可能是現在鍾情海膽的甜味道..

在旺角的鬧市中........等位等好耐喔.........開了甘耐都仲甘多人.........等左差唔多一個鐘！好多三文魚籽.....真係好高好高呀.....海膽同三文魚籽都好新鮮......👍🏻👍🏻👍🏻👍🏻👍🏻有左口魚和帶子.....鮮味十足.........分量十足.....👍🏻👍🏻👍🏻明太子玉子燒.......其實已經好飽.....不過都要試吓！👍🏻👍🏻十分滿足！！！

由於經常路過都好多人排隊，所以一直好想試吓，但結論係「請我都唔會再去！」1/ 星期五晚預咗多人，我哋3人去等咗45分鐘先入坐，因為很多二人枱，所以票碼比我後的都比我先入坐⋯這並不是重點～2/ 最後，有位女店員安排咗我地入場，但入場前先要落單（都無問題），但她居然安排咗張二人枱比我三人座，仲要係拍住隔離張枱嗰隻，所以迫我兩個人坐埋邊梳化位（這還未算），我哋太迫所以拉開少少張枱，唔想貼住隔離，於是帶位的女店員立即阻止，我哋唔明點解（只係兩張枱中間分一條兩寸嘅隙位⋯佢話隔兩張枱嗰3位都係咁坐！咁之前點解要比我票碼更後的人入坐先？😤好快我斜對面有張三人位，於是我問可否搬過去，點知位男店員幫我問門口個女店員，佢唔比！於是另一個男點員走嚟叫我坐吧枱，我哋唯有移過去⋯3/ 食物真係好一般，講緊$198/碗飯，仲要八點就無晒左口魚。後嚟有一碗好遲先嚟，我哋追單，佢哋查都唔查就話整緊，最後我哋兩位差不多食完最後嗰碗先嚟。4/ 一食完晒，不到二分鐘，有另一位看似高級一點的女店員立即問我哋可否執拾，你係feel倒佢想你哋開啲交枱，所以我哋唯有食咗25分鐘就立即走（話明每枱可食90分鐘）！5/ 在埋單時，我問

爆丼屋一早聽聞，每次經過都見好多人，今次就排隊試一試佢，本人很喜歡食海膽，所以三色海膽盛丼係我的選擇😋😋😋另外叫多個小食，爆盛蟹籽沙律🥗因為人好多，所以等候時間都會比較長，但見職員忙到冇停手，都會願意等，大約等左10幾分鐘，三色海膽盛丼上枱了！單靠賣相已經好吸引，三款不同的海膽放在一起，好飽滿，好足料😍😍迫不及待要開餐😋😋海膽鮮甜，配搭白飯一流，份量仲好足夠，再配搭蟹籽沙律，味道清新，爆滿的蟹籽，好爽🤣🤣整體唔錯、會再來食😋😋

「地點」：舊板前地點「環境方面」：星期日 大約7點30 2個人等位大約10分鐘環境：搭枱和比較擠迫「食物方面」：三文魚火山盛丼/火焰盛丼：魚生份量都算多飯也很多 兩碗都有跟紫菜同湯魚生都算新鮮但冇乜特別燒白豚肉：比較油膩燒牛肉丼：我見到好多張枱點 但好多張枱都食唔到一半隔離位也是 所以我都問他們味道如何 他們說這個丼質素很差 難食「服務方面」：有加一服務但服務生態度很差茶餐廳的服務 「價錢」：2個人 2個盛丼 一碟串燒還有加一服務$353 平均每人$176這樣的價錢選擇很多不用選擇這一間快餐店的質素總結：不值不會再回頭❌❌❌❌

星期三睇戲前想食少少野喇，平時經過呢度都到好多人，今日6點3去到見都冇人就食下喇兩個女仔本身想叫一個大牛肉飯 加 兩件海膽壽司， 但個侍應話每人最少要叫一個飯， 因為我哋真係兩個人真係食唔到兩個飯咁多。。。 但佢話一人最少要食138蚊， 咁我哋最後就叫咗一個大牛肉飯同一個板海膽， 牛肉飯都幾好味， 個醬汁係有生雞蛋 同埋有一啲稀嘅沙律醬， 味道配搭得幾好但係嗰一板韓國海膽， 就冇鮮味， 有d d 腥， 啲海膽有d d 黐住塊板下次嚟食,都應該係只可以食佢哋嘅飯比較好

平日去都爆丼屋門口，都會見到有幾十人排隊，都唔知要排到幾多點，所以一直冇入去試。尋日，見時間尚早，大約五點半去到門口見到唔使排隊，就去試吓。但原來入面都已經坐到full full地。一入到去，座位都幾迫下，再見到份滿有經歷的Menu完全覆蓋着我的餐具，有輕度潔癖的我，已經即時扣晒分。再見到隔離枱叫咗份三文魚火山盛丼，有點覺得伏伏地（佢地最後係食剩一半的）。望住個Menu，同男朋友都不約而同選擇了北海豐盛丼。裏面有海膽、赤蝦、帶子、三文魚子同炙燒左口魚裙邊。刺身都尚算新鮮，但略嫌帶子薄了一點。不過，炙燒左口魚裙邊絕對有驚喜，有少少燒香左味道，口感食落都唔錯。真係好彩冇叫錯野食八卦的我不忘周圍望下周圍的人食d咩，見到個燒鰻魚盛丼都幾多人食，同埋都幾吸引，如果下次再食呢間，都應該會試吓。

係旺角旺區核心地段，本來唔會期望有乜好食既餐廳🤔 加上呢間係一間經常都有人排隊既名店，齊晒中伏formula既因素😂 結論先上：不過不失，速食選擇，性價比一般，同我喜愛既有心小店南轅北轍週三晚上八點幾到，竟然唔駛排隊直入😋 舖頭裝修走簡潔路線，但坐位同坐位間好窄，畢竟係旺區😑 有一半客人都係遊客，手拿住唔少行李同戰利品，顯得店面空間更細係香港做日本嘢，其實真係好隱陣，只要食材唔太差，賣相可以，比人影下相，呃下like，就已經可以賣到好價🙄食物質素就中中挺挺，麵鼓湯先上，味道一般，入面有唔少肉。兩個大丼上黎，伴碟有washabi同紫菜，用紫菜包飯同餸自己搞，確實係一個幾得意既飲食體驗，但紫菜份量最好多番啲，碗飯咁大，紫菜得兩包🤢老實講，魚生丼，將啲嘢溝埋一齊，真係無乜技術含量可言，唔係話佢難食，只係走賣相路線佢都叫做有堆砌過，同場較多人嗌海膽飯同牛肉飯，如果唔多人排，係旺角都係一個快速用餐好選擇🌈

今日第一次去諗住試下新野，大約夜晚7點幾去到，見到一大堆人企晒係門口，我都明白星期五夜晚既旺角係會比較多人，但員工竟然一啲動作都無，完全無指示過叫人排隊，我仲聽到行過既路人指責我地霸佔左條街雖然等左唔係好耐就叫左我地號碼，但個員工叫我地要落單先，當我地落完單之後佢就咩都無講行開左，我同朋友企係到都唔知應該點。過多一陣我地可以入去坐，入到去坐等左好耐都未有野食到，不過我覺得還好，因為都始終比較忙。然而，當我終於等到啲野食到既時候，個侍應唔小心整跌左我碗上面既蟹柳，我當時並無任何不滿或指責，但佢就好快咁講左句「我一陣俾番條你」然後佢將一條好似岩岩先係冰箱到溶解完凍冰冰既‘蟹柳’放係細碟上俾我（張圖左上角個碗就係）仲有我同我朋友都係叫「火焰盛丼」但兩碗燒既程度都唔同，我個碗望落都比較好少少，但我朋友個碗啲餸就好似無燒過咁（可惜佢無影到相）啲三文魚食落就唔夠味，感覺有啲似廚房因爲忙而隨便燒，失望！而且係我進餐既時候，我旁邊更有侍應一邊執碗一邊同另一位同事嘈交，講真當時真係有少少嚇到。總結係雖然個飯分量很足夠，但員工服務態度、安排同食物質素都有好大改善空間！

8點幾去，大約等3個字。本來想叫原隻龍蝦盛丼既、賣晒，再改拖羅丼，又賣晒。店員推介食澳洲鮑魚拖羅丼（$388）、話隻拖羅靚d咁啦，同嗌左北海豪勢丼（$198）。鮑魚拖羅丼個鮑魚係真係爽同正既，拖羅都無呃人，完全係有爆丼效果，而且味道都ok既，但價錢真係有點偏高。北海丼同一般既差不多，唔覺得d料有特別多到，但新鮮既，特別左口魚夠溶化，魚子夠大粒，對得住個價錢啦。因為係兩個人share食，所以啱啱好，咩都有得食d咁。

爆丼屋一向人氣高企，將新鮮魚生慷慨鋪滿大碗，比人一種療癒嘅感覺。週末11點50分去到，已經攞唔到頭輪籌。約半個鐘後入座，四人枱已經要撘枱坐六位，以$250一位來說是太過親密。既來之，則安之。好日唔出旺角迫人，當然要試下招牌菜式，就要了拖羅，海膽，甜蝦和燒牛肉丼四款。拖羅丼先到，一塊塊油光令立的魚生令人食指大動。雖則有油香，但未到入口即溶嘅級數，魚生嘅厚度亦唔夠均衡。由於魚生只有表面一層，底下的全是白飯，其實真係要食好多飯。甜蝦丼賣相亦係非常澎湃，質素中等，無乜腥味但未到鮮甜級別。底下又係全白飯。壓軸嘅海膽丼，海膽份量絕不欺場。味道同一般港式壽司舖或放題分別唔大：雖然新鮮但仍有少少腥味，有口感但未到『肥美』級數。唔可以話唔抵，一分錢一分貨囉。燒牛肉丼係比較失望的。牛味欠奉之餘，啲牛肉已經完全唔熱。淋返啲秘製醬汁都無乜大用。可能啲牛肉由燒起至切好排盤上菜，花咗太多時間。只要改善溫度，應該好味得多。整體黎講，爆丼屋無論係環境定味道都未到『熱店』水準。佢最大嘅賣點係滿瀉嘅視覺效果，但撇除呢一點，並無專程而來嘅價值。油尖旺日式餐廳何其多，以『賣相』作主打只會對初到貴境嘅遊客有吸引力。加上白飯份量

2018.10.15呢個價錢配呢個飯係合理！好食 但係食到一半如果你覺得好厭 自己食一個係會好想死有朋友仔有男女朋友有屋企人一齊share完全冇問題！！飲品價錢貴得完全不物有所值建議大家食完後出去買其他野飲好過