燒蝦蝦 (金福閣） (已結業)

流水蝦嘅餐廳真係愈開愈多，今次嚟到元朗呢間燒蝦蝦~每個卡位旁邊都有水缸裝住好多蝦，店員會教你夾起蝦然後放入冰桶入面30秒就可以燒，隻隻蝦都好飽滿新鮮，入面啲蝦膏好多好足！店員定時會加蝦，好玩又好食！而所有串燒、海鮮等都係自助☺海鮮都幾多嘢揀，有鮑魚❨必食❩、 貴妃蚌、馬友魚、仲有唔同款嘅蜆，鮑魚真係encore咗幾轉，鮮味十足😝串燒就有海膽丸、芝士丸、牛肋骨等，不過講到最正係雞翼，真係燒咗幾隻嚟食，旁邊仲有海鹽、 孜然粉等，鐘意咩味加咩味☺飲品方面，除咗普通罐裝同埋紙包飲品外，亦都可以自己沖花茶飲，將幾款混合都係唔錯嘅選擇！記得食埋甜品先走，單係雪條都有幾款，有韓國雪條、雪糕等， 亦都有朱古力撻、芝士撻、tiramisu等~

又到元朗搵食! 🥳朋友介紹元朗有間食流水蝦🦐, 仲有超多海鮮, $338/位, 任飲任食! 人哋開張第2日佢已經去, 話超正, 叫我一定要試! 喺 Basement, 嘉城廣場後面街, 再轉入內街就見到, 好易搵! 🦐每枱旁邊都有個大大嘅蝦缸, 自己夾 (夾唔到就….搵人幫😂🤣)! 餐廳預備定冰桶, 凍暈啲蝦就可以燒! 隻隻鮮甜又爽口, 仲要勁多膏! 當被人夾得咁上下, 店員會加蝦, 所以食極都有! 🦪蝦未食就食住熱盤先, 菜同炒飯不時轉換款式, 仲有蝦, 椒鹽、黃金蝦等! 🤤🤤除蝦以外仲有好多其他海鮮, 魚、 扇貝、青口、帶子、生蠔、鮑魚、貴妃蚌、勁多蜆嘅朋友, 全部都超新鮮又甜, 除咗魚, 其他都係活海鮮, 仲郁架! 😱扇貝超勁大隻又厚肉, 不過掛住食唔記得影, 蠔都超級讚, 記住拎埋蒜油、蔥, 簡直好似街外食燒蠔一樣高質! 🐥除海鮮外仲有肉類, 雞翼、豬串骨、牛仔骨、雞軟骨、雞皮、腸、丸、瓜、菠蘿等等, 我只食咗部份, 全部高質, 真心讚!🍨最後係甜品、雪糕, 全部韓國雪糕, 無得頂, 食咗2條! 仲有芝士撻, 我都食咗2個! 

流水蝦任食放題！連鮑魚都係任食！？😱😍最近香港越嚟越興流水蝦，但一直冇機會試😖😖😖呢排知道元朗開咗間燒蝦蝦即刻9秒9衝過去試！🤩🤩🤩不過位置比較偏僻，比較難搵～入到餐廳入面見到周圍都係有水槽活蝦！既生猛又大隻！👍🏻😍勁新鮮！而且自己親自捉黎燒都好好玩！整體評分：7/10味道：7.1/10服務：6.2/10環境：6.8/10人均消費：$300-400地址：燒蝦蝦 (元朗)元朗西裕街5-11號金福閣地庫我哋揀咗$338/位嘅放題食物：首先一定要講嘅係大頭蝦！超大隻又生猛，仲要好多膏添🤤🤤🤤食左超多～而除左有水槽活蝦之外更多各種各樣嘅海鮮！仲重點係有包括鮑魚！仲要係生嘅唔係死架😍😍😍好新鮮呀～另外仲有沙蜆，本地帶子，細隻扇貝，原條魚，生蠔同東風螺🤩👍🏻都好好味另外佢仲有原條燒魚～好香好美味🤩十分之推介佢哋嘅海鮮！其他仲有多款串燒丸類，肉食，例如羊架，秋刀魚等，但個人覺得肉類相對海鮮比較遜色，但都物超所值！

元朗市中心終於有流水蝦食🤩地點勁就腳，附近有停車場🅿️好彩嘅可能泊到錶位🌟成人$338 (任食2.5小時)大大個蝦缸係隔離，鐘意夾幾多新鮮蝦都得‼️是日每枱送咗一份蒜蓉大頭蝦+鰻魚串@位任夾海鮮有蜆、螄蚶、螺、沙插（帶子）、元貝、青口、生蠔、貴妃蚌、鮑魚同四款原條大魚最推薦係大頭蝦、貴妃蚌、元貝同生蠔🦪，完全係回本必食之選😆因為我腸胃差，怕難消化就唔食鮑魚啦燒烤常見嘅肉、丸類、時蔬都有，將海鮮放係爐上面燒，下層就放串燒，揀左雞皮、雞腎、雞軟骨同墨魚丸，我地掛住傾計，一唔留神就燒燶左少少有熟食區，等燒熟個陣都唔怕餓親，有蒸魚、炒蝦、菜、炒飯、麥樂雞、流心奶黃牛角酥、同芝士撻任飲方面，汽水、啤酒、茶、果汁，基本上講得出嘅都有，仲有甜品同雪條任食架總結🌸海鮮同流水蝦唔會好老土咁擺好少出嚟，燒烤爐火力夠，比想像中燒得快，而家天氣甘涷又大風，想燒嘢食，我情願揀甘坐室內舒舒服服甘燒

最近呢幾年，香港開左好幾間唔同字號既流水燒蝦任食燒烤餐廳，但我自己工作忙一直冇機會去試一下。前日終於約左個同我一樣仲未追上潮流既朋友，去左呢間號稱全港最正宗既任食燒蝦專門店「笑哈哈燒蝦蝦」試試真偽。餐廳位於一樓，如果沒有這個掛在外牆的招牌，即使在樓下經過也很容易錯過入口，而且因為落樓下既入口比起隔離大廈既入口實在太細，又唔顯眼，只有一條窄樓梯，連一個較為正規的小小大堂都無。咁其實流水燒蝦任食燒烤呢種形式經營既任食烤蝦餐廳源自泰國，係當地都甚受歡迎架，估唔到係香港都開始流行起黎餐廳環境方面:大家見到餐廳入面四圍牆身都係有D水槽養住D蝦，非常生猛，經常見到係度游水，保證新鮮，客人可以放心唔會食到死蝦病蝦啦 ! 呢個俾客人親自捉泰國既大頭蝦同親自燒黎食既體驗，感覺新穎又好玩 !煮食用具方面:烤爐設計很土炮，只是一個支架、一個底盤、一組發熱線、上面加一塊不鏽鋼烤架。安全性唔知有無問題，由於四邊無遮擋，熱力四周散發，客人要小心燙傷 ! 如果再烤其他海鮮就發覺烤爐實在太過細小。每次只剛好足夠放上四人分量海鮮或串燒。好彩烤爐夠熱，每次唔洗烤太耐。食物方面:食物區全部佈置係收銀兩旁。除左主打既水槽活蝦

今日同朋友興祝生日，我哋去元朗嘅「燒蝦蝦」食放題，試咗近年新興嘅流水蝦放題，有得玩，有得食，正呀！ 餐廳地方闊躺，主角緊係即夾即燒嘅流水蝦啦，店內有多個蝦缸，店員仲會不斷添活蝦，方便客人夾蝦，非常有趣！除了流水生蝦之外， 海鮮區仲有多款海鮮，例如帶子、蜆、生蠔&帆立貝等等。 呢間燒蝦好正，蝦頭仲有蝦膏，蝦肉爽口， 鮮甜無比，果然係生蝦，即夾即烤，正呀！ 每人一條鰻魚，超級好味， 皮脆肉嫩，魚香十足，正呀，可以encore 就好了。食完海鮮，就燒咗菠蘿，新鮮菠蘿，特別香甜，燒完仲好多汁添！除了海鮮外，仲有好多燒烤食物，包括雞翼，牛肉、丸類&菇類&蔬菜等等。 飲品方面有汽水，啤酒& 紙包飲品等等，仲有自整花茶區，非常貼心！ 其實仲有好多自助bar, 包括甜品&小食等等。總結，每款食物質素都好高， 味道相當好，好抵食， 值得Encore 呀，二條友食足兩個半小時， 真係超級大滿足！

即夾即燒流水蝦串燒放題🥰除了流水蝦外仲有鮑魚 扇貝 東風螺 魷魚 生蠔馬友魚 紅鮪(圖中所有食物都係任食）超新鮮 肥美 食落彈牙 加少少鹽就好好食每枱都會有椒鹽 辣椒粉 孜然粉 鹽 出邊有得拎牛油 泰式辣醬 蒜蓉 蔥大家可以diy調配自己喜愛味道除咗海鮮仲有羊扒 雞翼 牛仔骨 豬扒 甚至連蒜蓉包 玉子 窩夫都有！！！仲有熟食！有麻辣東風螺 炸蝦球 炒飯 冬陰功湯 薑水雪糕飲料都有好多選擇款款都想試😍😍💰成人$388 小童$1887:30前離坐88折 8:30後入坐8折任食兩個半鐘📍 燒蝦蝦 (元朗)元朗西裕街5-11號金福閣地庫