燒蝦蝦 (金福閣） (已結業)

自從比我發現左呢間餐廳嘅存在，基本上我有gathering 都會力推比朋友要食呢間😆因為身為海鮮控嘅我，可以比一個性價比高嘅價錢食到好多唔同類型嘅海鮮，你都咪話唔爽呀😂🦐啲大頭蝦好鬼正，隻隻都生猛，燒完啲蝦肉好彈牙，完全唔會梅，好新鮮🦞🦐海鮮檔有好多海鮮揀，真係數數埋埋有十幾廿款，好似平時食開嘅燒海鮮都有齊，咩鮑魚，蚌，青口，生蠔，帶子，聖子等, 仲要係樣樣都好唔錯, 可能因為佢夠新鮮, 加少少調味就已經好正!🦐燒肉，啲肉其實係平時bbq肉，但勝在多款！特別推薦牛仔骨😋🦐熟食，推薦大蝦冬陰公湯，同係泰國餐廳飲嘅一樣咁好味😋🦐串燒，金菇牛肉串好正😳雞軟骨都正🦐甜品，葡撻仔燒完食好味呀❤️仲有好多好多不能盡錄，大家可以一齊試吓😝

近排新興呢啲流水蝦燒嘢食放題😃竟可以玩釣蝦又可以現場即時燒黎食😆所以好多一家大細黎食，因為小朋友可以玩大人又可以瘋狂食，一舉兩得😊就係因為咁，現場氣氛相當好，充滿笑聲！D流水蝦勁新鮮, D肉又爽又甜! 跟住食物款式又多，真係食三round都未必食得完所有食物😂單係海鮮都有十幾款，每款都好高質🤩最愛就係燒扇貝同生蠔🦪，完全無腥味，仲好鮮甜添！餐廳有埋唔同嘅肉類比我哋燒，豬，牛，羊，雞樣樣齊, 仲要有唔同既調味👍🏻仲有啲串燒同蔬菜！果個燒菠蘿好甜❤️熱食仲有啲燒魚同蒸魚食，唔錯！食飽再食埋甜品真係滿足到痺呀😎

慶祝生日食呢餐真係一流！餐廳位處元朗，個名又夠哂特別😳擺明話你知有得任食新鮮流水蝦啦😝仲有其他海鮮，烤肉，串燒，丸，熱食，雪糕甜品等！一次過滿足晒所有想食嘅願望！流水蝦新鮮跳跳紮😍而且好肥美多膏，食入口好彈牙！另外仲有好多款式嘅海鮮，有鮑魚，生蠔，聖子，扇貝，青口，蜆，螺，大眼雞魚。。大眼雞魚既魚肉真係令我好難忘, 燒完入面仲要好juicy, 入口嫩滑, 有埋醬料比你自己加，想食原味又得，加調味料又得😋肉類丸類都好多款，似足BBQ咁, 由其佢調左味既肉類, 夠晒入味，好開心😆自製牛油金菇勁好味，加埋椒鹽料估唔到咁正！然後重點係咩？呢度有清酒生啤任飲，我哋真係飲到好爽呀😍

今日同男朋友仔慶祝生日🎂我哋唔想去酒店食貴貴buffet 🫣於是上網睇到呢間尊食大頭蝦嘅燒烤餐廳。我睇見啲相已經好開心，因為有好多海鮮同其他食物！認真，真係覺得咁樣食好過食酒店，價錢都平一大半啦😳啲海鮮🦞仲要唔係普通料，生蠔🦪，鮑魚，青口，帶子，原條魷魚🦑，魚🐟等！跟住有好多個凍櫃有勁多凍肉同丸任拎黎燒😋最開心嘅係真係咩丸都齊，我最愛嘅貢丸同墨魚丸燒完勁好味😚仲有串燒添！如果燒厭左，或者太肚餓，餐廳仲提供熟食，啲餐前小食呀，粉面樣樣齊哂😋飲品甜品都包羅萬有👍🏻最後提提大家，餐廳提供有唔同醬料比我哋加，真係好正😎

三人行 必有我師🤣🤣師傅今日就帶我哋去搵食😎仲話做好心理準備，一定會食到勁滿足勁飽先落樓😳好啦，我哋接受挑戰！結果真係飽到超滿足😋😋❤️海鮮❤️除咗新鮮生猛嘅流水蝦之外，仲有成堆海鮮任揀🦐仲要全部任食，真心食多兩轉已回本！啲海鮮仲要係貴野，有北寄貝，大蜆，象拔蚌，青口，鮑魚，原條紅衫魚等😍❤️串燒蔬菜❤️串燒都好多款，燒菠蘿🍍勁甜，肥牛露筍又勁脆勁濃味！仲有粟米🌽，又係好正！❤️肉類丸類❤️真係講得出都有🤣你花多眼亂，要企係凍櫃前諗一諗夾咩🤣因為夾哂應該會食滯🤣❤️甜品飲品❤️小型蛋糕，布甸杯，朱古力撻，糯米糍，窩夫，雪條都齊晒😍特別推介燒窩夫，超好味！熱辣辣好食！然後飲品竟然有梅酒，清酒🍶，單係呢兩款都賺哂啦！十分我比九分😳要再食呀！

4個人share一個爐，7:30坐到10點，蝦可能每個人燒得四至五隻，個爐就得咁大，火力又唔夠，燒成45分鐘先食到第一輪，仲要四個人平均食小小，食得啲咩，牙啦都唔夠攝，喊出嚟燒得最快，最正常就係呢個台灣腸，荃灣就靠佢嚟飽肚，真係慘，晚上去食海鮮嘅地方食台灣腸，建議大家去嘅話要食多啲台灣腸。因為真係冇咩好食，又唔係話冇咩好食嘅，係冇嘢揀，所以冇嘢食。蟶子，全晚係一條都冇，我就問個師傅佢話已經俾人夾晒，咩話，我來食晚市，一開波到尾都冇，咁你供應啲乜嘢，乜都冇就唔好開啦。蝦又唔係咁大隻，出去買盒越南虎蝦13頭呀先130，我成晚食得五隻蝦，收我405全晚就係咁食泡芙，台灣腸，雞翼比$400食呢d。。。甜品睇相以為有好多，點知先得4款比人揀好失望 好失望聚會都唔建議黎，太多人可能最後要返屋企整多個杯麵食，完全食唔到啲乜嘢，海鮮？扇貝，鮑魚仔，都唔係特別出色，直頭可以話係唔好食。

由早餐食到晚餐，持久戰食到飽飽大滿足，原來有兩層可以放食物燒，可以加快速度達至最佳的營運效益。雖然環境真係非常一般，唔講得上中高檔或寬敞舒適，不過食材有驚喜，大量海鮮貝類魚類合格食得過。我完全混淆釣蝦場及流水蝦場，流水蝦場無蝦釣，只有蝦樂無窮欣賞，隻隻蝦蝦都對住我笑呢。Asahi draught，細細杯任飲，最敝不夠凍，可以接受。冬蔭功，味道有趣，極似濃茄味的羅宋湯，沒有椰奶亦不太酸，難得滿意。白灼沙白，熟食檔隨時即食，幸好未過熟，還有一絲蜆的鮮甜，但肉汁已流失欠飽滿彈牙。椒鹽大頭蝦，熟食檔任食，欠缺鮮甜味似十足雪藏貨，蝦肉淡口已霉。流水蝦，從水缸夾出生猛紮紮跳，即捉即燒爽彈鮮甜爆膏，預先煮好的大頭蝦完全無得比，食到唔停口唔停手。燒活九孔鮑魚，手舞足蹈狂熱起舞！鮮彈充滿海鮮味，不用添加任何調味，我最愛飽滿甘香的內臟。燒紅腸，食不到甜只食到咸，雖然彈彈水潤。燒雞腎，懷疑外購日本貨，細細粒食到鮮甜帶爽脆。燒倉魚，耐心慢烤直至焦香微脆帶膠質，鎖住肉汁，結實啖啖肉而魚味濃，雖然雪藏貨欠缺鮮味。燒大眼雞，簡單易燒不怕燶，整塊魚皮去掉露出閃閃水潤魚肉，厚身大舊肉，實淨魚味香甜。精髓盡在魚眼，啫喱狀

疫情終於放寬食肆可以晚上食飯即刻book咗呢一間燒哈哈放題三百幾蚊食足三個鐘海鮮大大隻又新鮮種類都好多有扇貝、流水蝦、帶子、蜆、鮑魚、蠔、魷魚、同埋唔同嘅魚類海鮮迷一定鍾意點埋佢嗰隻泰式醬汁真係好惹味😋不過流水蝦食咗兩隻就冇食啦因為要放冰桶整暈啲蝦再拎去燒見住佢掙扎真係好唔安樂肉類方面都唔錯不過就冇海鮮咁出色我最鍾意食佢嗰隻燒雞翼啖啖肉肉質又滑又Juicy飲品就係都係嗰啲一般放題嘅紙包飲品啤酒咁冇乜特別食足三個鐘真係好滿足下次有機會都會再黎

呢間餐廳冇可能一個負評都冇，網上所介紹嘅文章及短片，內容所提及嘅海鮮類大部份都冇！喺佢哋社交平台度留言評論，遭餐廳delete留言。早幾日同男朋友下午去食，見好多評論都係正評，又多海鮮選擇，於是book枱去試吓。去到海鮮區，只得螺、蜆、蠔、魚同魷魚。好多人所提及過有白鱔送，根本都冇。仲有鮑魚？帶子？扇貝？完全見唔到！雖然蝦係新鮮，蠔同其他海鮮類都係麻麻地，羊架係幾好食。如果佢老老實實咁做宣傳係冇咩問題，但竟然搵好多打手講話佢有好多唔同嘅海鮮，上佢社交平台留言仲要delete留言，呢個做法有啲離譜。

疫情下都要自娛一下，今天太太難得找到一間流水蝦店，期待已久的游水蝦店終於流到去元朗了。這裏地點方便，就在元朗千色店附近，我們選擇的是下午2時半至五時，但人數仍然很多，很有氣氛。這裏的流水蝦很大隻，蝦頭有很多膏，而且10分生猛，一定要用蓋蓋着，才可免得在桶內跳出來。另外亦有很多新鮮的海鮮，及一般的燒烤食物，很多不同的飲品，而且有雪糕和雪條等甜品，喜歡吃東西的人士，一定10分滿足。職員亦服務很好，值得一讚。每人不到300，有得食有得玩，很是值得。

呢間流水蝦真係超正😍 $333 任飲任食2.5鐘，而家仲做緊88折優惠，鍾意食海鮮同大食嘅朋友真係值得一試🥳以款式嚟講已經好多選擇，海鮮都有十幾款，仲有其他肉類🥩、蔬菜🥬同熱盤🥘選擇， 飲品除咗常見嘅罐裝，亦有花茶、生啤🍺、梅酒、清酒🍶有心思仲可以自製蒜香鮑魚、蒜香生蠔、清酒煮硯🤭我基本上主攻海鮮，鮑魚、流水蝦、貴妃蚌、生蠔🙈大頭蝦🦐超生猛，蝦頭爆膏，肉質厚實彈牙，燒熟左都無乜點縮細夾曬蝦缸裡面蝦可以要求店員fill， size無第一批咁大隻，不過都好新鮮鮑魚同貴妃蚌就更加唔洗講，勁鮮甜最後甜品除咗雪糕🍦、雪條，亦有奶凍、糖水、窩夫岩曬我呢啲黑洞胃，食完都想再encore🤤之前聽人介紹銅鑼灣另一間爐細、食唔飽、唔fill 蝦，呢間又無呢啲問題🤔 最後先同大家分享，淨計海鮮2個人起碼食左40隻鮑魚、20隻流水蝦、20隻貴妃蚌、20隻生蠔😂🤫

♥元朗都開左 🦐流水蝦放題啦～2.5小時 時間超足夠 可以慢慢嘆～放題包任夾流水蝦任食海鮮、肉類、蔬菜、熟食、蔬菜、飲品、甜品全部去唔同食物區自取每人只係$338(唔同時間再有8折/88折)~怕假期前夕人多所以一早book定位～❥ 流水蝦🦐 每枱都會坐係魚缸隔離流水蝦大大隻好生猛有時真係要眼明手快先夾到職員會時不時添蝦到水缸度想食幾多都得燒出離嘅蝦當然厚肉好鮮味啦～❥ 海鮮種類好多 🐟 🐚 🦪有生蠔、扇貝、鮑魚、魷魚、馬友、大眼雞、蜆、東風螺…新鮮都見到會郁嘅呢我就食左好多隻新鮮鮑魚👍🏻燒嘅時間可以加唔同嘅調味粉或者燒完點醬汁食都一樣惹味😋因為主力食海鮮以嘅食物就試左一部份啦～❥ 其他肉類🥩 和蔬菜🥬雞翼、牛仔粒、豬仔骨、腩肉、台灣腸、雞軟骨…菜類、鮮菇、茄子、翠玉瓜、京䓤…❥ 熟食和甜品 🍲🍨 蒜香炒蝦、炒飯、炒蜆、東蔭公湯雪條、雪糕、各種甜品❥ 飲品 🍺🥤 梅酒、清酒、啤酒…茶飲、汽水、梳打…

最近在網上看到有人介紹這間，看完覺得非常吸引，而且就在家附近，那就趕緊繼朋友一起來吃了，而且解一解我一直想吃流水蝦的心願了！海鮮鮑魚串燒任食生啤任飲（２９８元）每個坐位附近都有個蝦缸，內裡都會放了十幾隻大頭蝦讓你即夾即燒即吃的，吃完就可以叫店員加蝦，店只加蝦完全不會手軟的，務求令你吃得過癮！不過蝦也不是即夾即燒的，要先去拿冰加點水，先把蝦凍暈以後才可以燒，如不是就會因為太生猛的關係而彈走了，這個要注意！蝦吃起來肉質爽滑，而且部份還帶有蝦膏的，愛蝦之人肯定要多吃！而第二主角就當然是海鮮了，一共有十多款，有很多貝類和魚類，其中的回本位就少不了鮑魚，貴妃蚌，帶子，蠔，大眼雞和烏頭。全都是無限任加的，而且都非常新解，吃起來鮮甜爽滑！其中特別推薦貴妃蚌，吃起來鮮甜多汁，加上蒜蓉一起去燒，吃起來特別惹味！鮑魚全都是活鮑魚的，這個真的是好評！而其他燒烤的食材，有肉有羊架有腸類有丸類有蔬菜，選擇非常多，而且都是處理好的，直接燒就好了，其中腸類燒完特別好吃，這裡也有提供台灣腸和紅腸都挺不錯的！熟食類有炸物和冷盤，有酸辣蝦也是挺特別的，味道都不錯！甜品選擇也有十多款，包括了多款不同的雪糕，更有榴槤雪條，這

🔼一坐低職員就會講解點捉蝦蝦，點燒海鮮類食物，同調味、飲品、食物擺放係咩位置💁‍♀️都幾貼心，唔洗估估下🔼坐底急不及待就同朋友仔係流水缸夾大頭蝦，啲大頭蝦仲跳跳扎😆彈下彈下，幾好玩🔼呢到嘅蝦果然係招牌，蝦頭好多膏😆肉質鮮味彈牙，朋友話街市市價成百幾蚊一斤😍 任食當然要食多啲回本🔼自助食物區仲有唔少海鮮同肉類、甜品、熟食揀，我地主攻平時處理比較麻煩嘅海鮮類▶️原條黃立䱽、蠔、扇貝同海蜆🤤 每款都新鮮，所以簡單加鹽、蒜調下味就已經食得😚🔼 自助食物區有調味料拎，個人推薦泰式酸辣汁，個味調得啱啱好，酸辣解膩🔼呢到有得飲茶、果汁、汽水、啤酒、清酒、梅酒，種類都算多 ，仲有雪糕雪條食😆 我個人食咗好多枝咸蛋黃珍珠雪條，好奇特，入口咸咸甜甜又有粒粒咬口，估唔到雪條都做到咸蛋黃味🤣

早兩日放假同老婆去左元朗嘅「燒蝦蝦」，已經期待已久啦！😍見好多人都食過，好吸引，終於到我哋試啦😊一去到已經急不及待要出去拎嘢食 同 嘢飲啦😋有無限量嘅海鮮供應，而肉類都有好多選擇😊仲有甜品同雪條都係任食！嘢飲方面，有梅酒、清酒，仲有汽水、同紙包飲品，自己仲可以即沖花茶黎飲添😊$590/2人，2.5小時任燒任食任飲！同埋 啲蝦一少左，就會有職員refill 生猛嘅蝦😋味道：😋😋😋😋 4/5環環：😋😋😋😋😋 5/5服務：😋😋😋😋 4/5價錢：😋😋😋😋 4/5翻食：😋😋😋😋 4/5