熱點 (已結業)

近來台灣野真係越開越多, 台式一人窩淨係尖沙咀都好幾間，自己都試過好幾個，今日咁啱經過就腳就黎左呢間食。位置方便， 喺正加連威老道，地下一層，座位很多。 menu上除咗有十款一人鍋外， 仲有好多小食，飲品， 價錢唔貴而且再加配優惠， 叫一個鍋加28蚊有嘢飲同小食一份。我哋二人一人叫咗一個鍋，一個沙爹肥牛鍋，一個 泰式冬陰功海鮮鍋， 兩杯飲品，兩個小食， 連加一都係300元。沙爹肥牛鍋好香沙嗲味， 配料有很多，有娃娃菜 ，麻吉燒，豬大腸，蜂巢豆腐 ，飛魚籽魚蛋腸等， 同台灣一樣，一鍋包白飯一配，亦可半價轉公仔麵，烏冬或粉絲，我就㨂轉烏冬。泰式冬陰功海鮮鍋 有新鮮蕃茄 ，斑片，天婦羅，花枝丸，蟹柳，墨魚仔，公仔麵， 湯底酸酸辣辣比較開胃。小食方面加配了台式香腸， 番薯薯條。 台式香腸應該唔係黑橋牌香腸，但係都好香口美味。 蕃薯薯條我個人覺得切細條d會好味D，因為太大條感覺似食成個 番薯多個比較似薯條。總括嚟講呢間嘢嘅食都幾抵食，而且又多選擇，位置便利

係尖沙咀一帶行完街， 差唔多六點已經叫曬肚餓。 近加連威老道見到有間食台式火鍋， 價錢唔貴一於去試。餐廳內籠都算大，  簡約裝修。 雖則處於遊客區，  價錢仍非常合理。見到各種唔同特色嘅鍋底已經十分期待。沙茶肥牛鍋$88很喜歡吃炒得很香的沙茶醬。 湯底充滿沙嗲，沙茶味， 濃郁又惹味。   配上豐富材料: 肥牛，豬腸，豬紅，蜂巢豆腐， 特色丸，魚肉餅， 粉絲， 麻吉燒和大量蔬菜! 每款鍋底还配上一碗白飯， 唔怕唔飽，配濃味食物 非常平衡!另一款選了" 竹笙椰子雞鍋$128"濃濃嘅椰子湯底， 非常清甜， 椰子 味極濃， 雞湯味和椰子味互相交錯， 滋味滿瀉。同樣 配上大量蔬菜和雞件， 當然仲有竹笙。 既養生又美味。 放了一個公仔麵， 變成相當有特色嘅椰味湯底公仔麵， 好啱椰子雞愛好者!惠顧每款鍋物可另加$28追加小食一款及泡沫紅茶或綠茶。泡沫紅茶， 表面真的只是一層泡，並非奶泡。 茶味濃無苦澀， 健康解渴。水蜜桃紅茶(左) 唔會太甜，水蜜桃味加進紅茶都好夾。可樂$22支裝可樂冇雪， 用上冰底杯， 唔可以擺太耐否則溝到好淡。蘑菇芝士雞翼( 追加小食份量)今晚最好味嘅小吃。 雞翼外皮燒得好香，

星期日同朋友突登去熱點食火鍋，因為好耐之前去過，實在令我回味無窮。環境方面，依然舒適啊！芒果紅茶：味道帶點點甜味，清新口感！可惜職員說沒有椰果可加，另一選擇是可另加珍珠。珍珠奶茶：奶味較重，珍珠口感不錯。麻吉燒：外面爽口，而入面煙煙unun啊！炸花枝丸：外面不太油膩，花枝丸口感為彈牙，墨魚味濃郁。美國肥牛：首次追加的價錢有優惠價格，牛肉和脂肪分佈平均，建議快食用。肥牛牛味濃郁，而且滲出不少肉汁！芝士牛乳豆腐鍋：由於個人比較喜歡清淡的口味，所以特意order左個牛乳鍋，清淡既口味當中帶有芝士牛乳香口味。當中有點點烏冬，口感滑身，連同本身的湯底食用，味道十分配合！飛魚子魚蛋腸非常彈牙，出面很少食用。豚肉不會太鞋身，也不錯。以百福豆腐，口感滑身。另外，還有不少丸類，例如：貢丸、芝士丸、花枝丸。整體來說，這個鍋非常適合我的口味。另外還跟了一個白飯，更為飽肚！忌廉龍蝦湯鍋：湯底忌廉味重, 鮮甜可口, 丸類很彈牙, 粟米清甜, 呢款湯底有大量吸味食材, 例如: 娃娃菜、金菇、粉絲, 完全吸左湯底精華, 兩塊豚肉鮮嫩不鞋口, 整體同樣豐富, 配上白飯, 夠哂飽肚!

三五知己聚腳有咩好過打邊爐?!但係一煲過又唔能夠迎合曬所有人口味, 咁點解唔試下一人一煲呢!?呢間餐廳有好多選擇畀大家, 有日本風嘅牛乳味🐮 到東南亞風嘅冬陰功味🦐都一應俱全!侍應落單有啲亂 😂😂不過經多次覆單後,總算叫齊想要既野配料都好多種選擇🥕🌽🥔🍆🌶不過烏冬雪到成舊變曬冰❄要多少少時間先可以溶化同入味!咁多配料了入面,我覺得蜂巢豆腐就最特別雖然冇一般豆腐咁滑,但係就多一重咬口 👌👌👌✌✌✌一咬落去啲汁仲飛曬出嚟!! 🔥小心辣嘴呀🔥當晚所有紅茶飲品都有啲澀味, 可能茶葉沖耐咗🍵不過都係好事,起碼中和番個甜味終於嚟到戲肉,火鍋啦!!!!!蕃茄湯清清甜, 入面真係有一粒粒蕃茄肉不過火鍋好快冇火,一晚起碼換4,5次先食曬嗰邊爐要叫職員換火都唔係容易嘅事,因為佢哋真係好忙冬陰功湯底本身就係配公仔麵湯底夠酸夠辣! 可以表現出冬陰功湯嘅神髓🌶🌶🌶但係食到底好多乾辣椒粒粒, 可以搵嘢隔一隔佢就最好啦令外可以加28蚊追加小菜🌽🌽🌽粟米薯餅都幾好食椰子雞湯🐥🐥🐥反應比較兩極。由於椰子味好濃,有朋友話頂唔順但另一個朋友就好鍾意我自己試過覺得ok,可以接受五個人食咗六百幾蚊咋!要就腳又唔想食咁貴,可以

餐廳位於尖沙咀某地鋪地牢位，處在熱鬧交界，但係唔算好旺丁。該店主打平價邊爐，起初標榜HKD68已有交易，後尾好快就加價，現時已加到最低HKD88一個邊爐，已經超出平價邊爐的range，但係食材無因應加價而提昇質素，卻依然係低價的水準，絕不值得再食。講番邊爐選擇，沙茶肥牛鍋有娃娃菜、金菇、粉絲、蟹柳、花枝丸、魚蛋腸、豬紅、芋頭天婦羅等等，以及肥牛。食材非常普通，同普通係街市買的感覺相去不遠，再加上湯底極之濃、好重口味，會食到好口渴。食過一兩次後真係唔太再想食~

沒有下次! 俾open rice 評價扼晒, 試過就知中晒伏... 食物已經唔係好食, 肥牛韌的, 飲品甜到一個極點。提起一人一鍋仲要蠟燭點, 真係好可怕。員工一時貪快兩手送上2個點著蠟燭的火鍋, (當時食物已全部放在鍋中)。一上檯, 鍋已輕微傾側, 湯仲滴左落d蠟上, 爆到"啪啪"聲彈埋上黎, 當然要求更換啦... 用餐過程, 員工服務差! 雖然無咩客, 但應客又慢。幫襯一次已經夠晒...

朋友來港，除了 shopping, 就是eating, 今天行完尖沙咀，訂了枱食台式火鍋，要餐餐試不同菜式，不枉此行。通常會早食， 免得同放工一族爭位，我們食完，他們才到最好有多款選擇，除了火鍋還有其他熟食小吃深海青蘋果梳打酒色澤深綠，入口凍涼，台灣飲品向來偏甜， 這個亦不例外，如果可以減甜， 符合香港健康飲食。蜂蜜紅茶入口有少許紅茶澀味，加上蜂蜜，味道剛好均勻招牌竹笙椰皇雞窩 $128湯底椰青味清甜， 湯料有腐皮、蜆、 娃娃菜、 金菇、 貢丸、 飛魚籽魚蛋腸、 蜂蜜豆腐、粟米、粉絲、名門捲、蟹柳配菜，全部都是好味一族，還有爽口竹笙和滑嫩雞塊海鮮豆腐鍋除了以上配料， 有蝦、鮮魚塊和 豚肉，一人一鍋飽到不得了，但都 追加了芝士蘑菇雞翼雞翼中間去骨，釀了芝士蘑菇醬，蘑菇味濃，芝士軟綿黐口，感覺 QQ, 好有台灣 feel 美國肥牛在尖沙咀區百幾元食到這水準，算超值了

天氣漸涼，打邊爐就最岩，特別係一個人，最岩打一人邊爐環境坐得好舒服，地方好大，我來得早，人還未坐滿，如果唔係要等位未選好食咩鍋之前，最好先來個小食台式香腸HKD36食落去好好味，好香，好彈牙，唔會過鹹之餘帶點微甜之後點了個鮮奶茶HKD30用上鮮奶代替平常用的花奶，入口更香更好飲，茶跟奶比例剛好，不過如果甜味可以再淡一點更好鍋物選擇頗多，係花多眼亂之下，最終揀左招牌竹笙椰皇雞窩HKD128整個雞窩一端上來就好香椰子香氣配料好多，湯好入味，鮮甜而且唔會膩整個雞窩有椰子肉，腐皮，蜆，竹笙，鮮淮山，娃娃菜，嫩滑雞件，金菇，貢丸，飛魚籽魚蛋腸，蜂巢豆腐，粟米，粉絲，鳴門卷及蟹柳湯入口還有絲絲椰蓉，椰皇湯底完全滲入所有配料及雞肉雞肉好嫩滑，口腔充滿絲絲椰香而每個窩亦會跟一個白飯，真的很夠飽，我食量不大既人真的吃不完呢......整體最為喜愛是其椰子湯，好足料，氣味好香，不鹹不膩值得一嚐!

今天和友人在尖沙咀想吃火鍋，上網找到這間熱點一人一鍋好像不錯，就來試一試。餐廳主打一人一鍋，有多款湯鍋選擇，另外亦有小食及台式飲品提供。麻辣牛𦟌先來一客小食，帶嚼勁的牛𦟌層次豐富而味濃，十分開胃。麻辣肥牛窩麻辣鍋是台式風格，不像川蜀的滿鍋紅油，麻辣風味刺激著舌頭，回味悠長。配料十分豐富，當中飛魚籽魚蛋腸的獨特口感最為特出，整體份量多，加上奉送一碗白飯，吃得捧腹而回。忌廉龍蝦湯窩舉勺淺嚐湯底，龍蝦湯鮮甜味美，香滑可口，加了忌廉令其口味更為豐富。其中的粉絲吸收了湯底的精華，更為出色。美國肥牛加$22即可追加一份美國肥牛，滿足食肉獸的胃口。鮮奶茶以鮮奶泡製，因此奶味香濃不過甜，正好解解渴。蜂蜜奶綠蜂蜜味道鮮甜可口，與綠茶味道互相配撘，入口清新。

相信好多香港人都好鐘意打邊爐一黎唔使諗食什麼二黎一班人滾下滾下圍埋傾計真係好爽今日黎上尖沙咀既 熱點佢係正THE ONE附近地點真係好方便佢有好多唔同口味加材料既hotpot份量我覺得一人一窩已好夠飽每個鍋都包個飯我地試左兩款忌廉龍蝦湯窩冬陰公海鮮窩兩款都好入味好足料唔止有肉仲有菜特別鐘意佢個飛魚籽魚蛋腸非常彈牙個湯底用黎撈飯一流追加肥牛一碟另外又試左個台灣鹽酥雞好好味唔油膩推介比鐘意打邊爐既朋友自己一個都食得又多選擇又方便

兩個人打邊爐，又想食多D款式，叫得多又怕食唔晒！一人一鍋就最好不過啦！簡簡單單就可以去打邊爐！見到招牌呢兩個字，就點左☝🏻呢個！（招牌竹笙揶皇雞窩）＄128當然重有好多選擇！有辣有晤辣🌶口痕痕想食埋其他野，台式小食都有！數一數🤔，大約有十二款材料，整個鍋都充滿了椰子香味，每個餸都沾上椰子肉🥥，清甜口感，好好味！👍🏻👍🏻忌廉龍蝦湯窩🦐＄108熱騰騰的龍蝦湯底，令所有餸菜都提升了鮮味，最後放入埋粉絲，滾一滾連濃湯都吸收埋，十分滋味！😋百香果綠茶＄22台式鹽酥雞（大）＄36

到尖沙咀做運動，當然也在這附近找吃，今次打到金融才子飯聚，喜中式菜，便找到the one附近那間台式火鍋店-熱點。熱點位置不起眼，但知道了很易找到，正是在the one加拿芬道出口，即通常有大型戶外展覽的位置，加連威老道有間茶記，側邊有個門面落樓梯，餐廳就在地下一層。餐廳主要簡約設計，但十分寬敞，相信可以容納百人。我們被安排在餐廳安靜的一角，怕被忽略？不會！服務生不時的望向我們，要求協助時，總快速回應。餐廳主要提供兩款食品—一人火鍋和便當，我們點了兩個一人火鍋。我愛吃辣，所以點了麻辣肥牛鍋，問帥哥服務生湯辣不辣，他也禮貌地回應：每人的標準不同，他自己便吃不了辣，但同事卻不為所動（心想：他也說得對），如果吃得辣，可以點大辣，太辣可以加湯混淡。其實自己也吃不了太辣，便叫個中辣試試，正如他所說，太辣便加湯了，朋友叫了沙茶肥牛鍋。另加$28有個小點及$18以下的飲料，但朋友不渴甜，所以沒有轉套餐，散叫了台灣香腸（份量有兩條，剛好）和一杯黑糖珍珠奶茶。麻辣肥牛鍋有陣陣麻香，吃到最後也真的很辣，牛肉有四五片，配料種類繁多，愛吃其中的蟹子肉腸及豬大腸。蟹子肉腸吃起來脆口又有蟹子一粒一粒的口感，豬大腸

朋友介紹到尖沙咀熱點打邊爐, 話去過好多次, 都幾好食咁話。我哋一行四人八點到, 唔知係咪間餐廳係地庫關係定新學年開學關係, 餐廳出奇地少人, 10個都無, 朋友話貪佢依度夠靜, 可以慢慢坐, 雖然門口貼住用膳時間為90分鐘, 但我哋坐咗兩個鐘都無俾人趕走。我點咗沙茶肥牛窩, 好快送到, 一見到個鍋都幾驚自己食唔晒, 因為好大兜, 好多配料。首先講 啲正常配料, 裡面有三到四塊肥牛, 金菇, 粉絲, 娃娃菜, 蟹柳, 花枝丸, 豬紅, 粟米, 豬大腸同蜂巢豆腐。最好食係個飛魚子魚蛋腸, 好彈牙, 味道就似細個食嘅即食魚腸。最難食就係麻吉燒, 鳴門卷, 軟淋淋, 口感唔好！所有配料有一至兩舊, 希望佢可以俾多幾舊蜂巢豆腐！個窩聞就聞到有沙茶未, 但食出黎個味又唔係話好濃, 唔咸, 做得算係好。侍應服務還算可以, 成間餐廳嘅侍應都幾搞笑, 幫我地落單個位女侍應唔係好幾得我地點咗咩, 會返轉頭問, 好似好驚咁。仲有一位男侍應幫我地加火時唔小心加咗四舊固體酒精, 就話無事嘅, 好彩我地唔係麻煩客人, 反而覺得佢地幾搞笑。

呢排興台式火鍋，貪佢細細個，人少少可以食，又唔太貴！見呢間係同區黎講comments都唔錯，所以黎左！平日7點幾黎到人唔太多，我地兩個人都可以坐4人位，而佢鋪頭同隔離茶餐廳係相同ge!我地叫左海鮮豆腐鍋同椰皇雞鍋！跟左兩碗白飯！兩個鍋都好大個！兩個人唔洗加配料。椰皇雞鍋係呢度的推介，我都覺得係，湯底清甜，而材料好豐富，有丸有菜有雞，成個感覺都比較清新！海鮮豆腐鍋都唔錯，湯底都係OK，豚肉好多好大塊，相反海鮮少左d，一隻蝦兩隻蜆同一隻魷魚仔！入面有隻生蛋，撈左佢其實都幾好食，配菜吸曬d味！味道會濃左！好食左！整體唔錯，但服務就差左d，兩位侍應傾計傾到叫佢落單都睇唔到

前兩日係the one 睇完戲，緊係去吃個一人一鍋嘆下啦。其實呢間餐廳吃過好多次，入到去好快就有得坐啦見佢地最近最近新出左台式便當，之前好似係吃麻辣牛展飯，今次就點台式肉燥鹽酥雞扒飯黎吃啦。 當然唔少得麻辣肥牛一人一鍋啦飲品方面就點左百香果紅茶 2杯。 一人一鍋送上黎時， 個人感覺俾以前更大份，特別一提，夏天吃麻辣鍋真係好正。等多3-4分鍾左右，個台式便當都到左啦！哇！好大塊雞扒，吃落去同台灣個邊d雞扒都有得揮！ 前後大概吃左1個鐘左右啦。而好喜歡呢到ge原因係同朋友慶祝生日唔收蛋糕費，d歌又好聽！會繼續一直來的