熱點 (已結業)

去到旺角滾下滾下冬天，當然打邊爐啦。一班朋友，五六個人一邊打邊爐一邊傾計。依家餐廳，已經去過好幾次，台灣色彩嘅火鍋店。不過同一般火鍋店冇乜太大分別，位置就好就腳，喺The One對面，行落地牢就係啦。食物來講，其實唔會話有咩驚喜，不過開心在，價錢平民，又多料，仲有台式飲品。我同女朋友，分享一個蕃茄雜菜煲（$88），另外＋1個肥牛($22)。我一個人，覺得火鍋最緊要就係好多蔬菜，同埋好多蘑菇。咁樣湯底先甜。我朋友得一支公，大食啲，叫咗忌廉龍蝦湯火鍋（$108）。龍蝦湯，係三個火鍋入邊，我哋叫得比較濃、重口味。用嚟撈飯就一流另外一個朋友，同埋佢老婆，叫咗海鮮豆腐鍋（$108）。結左婚之後，係要食健康啲。最後叫多咗一個鹽酥雞大家分享。食左咁多年，都係咁平，抗通脹一流平均埋單，每人都係100鬆啲

呢排天氣咁凍，一講食野，就緊係想打邊爐啦！熱點可以一人一個火鍋，自己想食邊款都得，唔駛同人爭。 每個火鍋套餐都喺餐牌上寫明包含有咩食材，十分清晰。每個一人火鍋價錢大約$88-128，價錢都合理，仲可以追加野食。每個餐本身入面包左公仔麵/粉絲/烏東，另外再加配白飯一碗，可加錢轉其他粉麵。叫左個麻辣肥牛鍋，小辣，但都俾想象中辣好多，諗住食到少少辣既人最好唔好試，因為真係比較辣。鍾意食辣既朋友就一定要試下。食材新鮮，料都唔差，唔會煮到爛哂店員會幫你點火，湯不夠可叫加湯。下次會再黎試其他款

天氣跌到落去得返10度，唔使問梗係去打邊爐啦！雖然打邊爐都係大家各自落料烚吓烚吓，自己中意食乜就食乜，但你有冇試過你落咗嘅了比人哋食咗😒就算鴛鴦湯底都係得兩隻味，未必岩晒個個人口味。仲要冬天咁多人病，次次都係打完邊爐就一鍋熟全部病😷.選擇熱點除左因爲佢就腳，就係the one 對面，源記樓下，仲因爲佢湯底有好多選擇，有韓式泡菜部隊鍋，麻辣肥牛，招牌竹笙雞，蕃茄，咖哩，同海鮮鍋等。同埋一人一鍋可以自己想食乜就食乜，又衛生啲👍🏻👍🏻.熱點既一人鍋價錢好正路💰💰，唔算好貴或好平，由$88到128都有，每款鍋係餐牌上面都有圖同寫明有咩配料, 好清晰.🔹忌廉龍蝦湯鍋 $108豚肉🐽，娃娃菜，金菇，粟米，花枝丸，鳴門卷，蟹柳，貢丸，飛魚籽魚蛋腸，粉絲，蕃茄，雞蛋，大蝦，龍蝦丸，南瓜，蜆.三隻湯入面最濃味, 雖然無龍蝦肉, 得2隻大蝦, 湯底本身味道搭救, 隻味好似平時食酥皮龍蝦湯既味, 再加埋鮮蕃茄, 好開胃鮮甜。湯底仲好似愈煮愈濃郁, 配埋粉絲索哂D精華真係好好食!.🔹沙茶肥牛窩 $88肥牛🐮，娃娃菜，金菇，粟米，花枝丸，鳴門卷，蟹柳，貢丸，飛魚籽魚蛋腸，粉絲，蜂巢豆腐，腐皮，麻吉燒，豬紅，芋頭

我和朋友叫了一個火煱和一個肉燥牛𦟌飯共吃。火煱味道不錯，材料豐富，只是食物放得太滿，要等許久才能開始舉箸。牛𦟌炆得冧，口感很好，可惜太鹹，肉燥汁也很鹹，白飯不夠熱，弄至吃了三份之一就不能吃下去！😞如果火煱的湯和生料分開上，會令食客方便一點，不怕湯太滿而不敢攪拌，也可先放易熟的東西，讓肚餓而心急的食客可先醫肚。希望肉燥汁和牛𦟌的調味能淡一點，吃慣淡味的人實在頂唔順！如肉燥汁下少一些或餸和白飯分開上，效果應更好！

在尖沙咀買完東西就想在附近吃飯，看到這家很多好評說很抵食，味道不錯。就來試試，結果完全中伏！！和朋友一人叫了一個據說是招牌的竹笙椰子雞窩，加一後每人141元，但食完覺得不如去食大家樂的火鍋。一大窩大部分都是粉絲和白菜雞肉只有三四塊，肉質很柴，丸子兩個，一條小蟹柳，一條腸。本來對椰子窩好有期待，但實際上就是普通湯底，只是加了一些椰肉末。食物質數很差。朋友也說覺得唔好食，好不抵，不知道為何那麼多好評，不會再去。

又到聖誕月啦！今日相約友人於尖沙咀影燈飾，當然影前要醫飽肚啦！昨日預約左，所以立即安排入座，幸好卜了位，因為7點多門口已經排了很多人。餐牌上所有火鍋湯底及配料預先set好曬，好適合有選擇困難症既我！超迷韓食既我立即點了韓式部隊鍋（$98），一鍋入面已經有好多配料，更配有白飯，如轉烏冬、粉絲或公仔面要加錢（價錢忘記了）唔夠既更可以另加配料，感覺比公認平價邊爐的吉x家更豐富更便宜！迷你小鍋上枱後除左蛋及豚肉外其他配料也是熟的，煮一分鐘左右等肉熟了就可以食啦！十分快捷方便！部隊鍋湯底好濃郁，微辣，我很喜歡的味道！配料同湯底好夾，特別推介豚肉，芋頭天婦羅及麻吉燒另外加了一杯珍珠奶茶，甜度適中，珍珠彈牙！朋友點了百香果紅茶也很出色，茶味香不太甜非常解渴！

芝士牛乳豆腐🐮暖意窩心❤️好味足料🍚星期一夜晚九點半，我地四個黎第二次一起黎熱點。因為過左吃飯時段，所以有好多位，我地坐卡位。以前黎過吃酸辣湯底覺得好好味，點知無左呢個窩有啲失望⋯⋯✏️我們的食單✅芝士牛乳豆腐窩 $88✅沙茶肥牛窩 $88✅芝士牛乳豆腐窩 $88：芝士湯底正點正！有超多材料，超級滿足！唯獨豆腐好似少左啲，不過吃過幾次呢個窩都咁鍾意。✅沙茶肥牛窩 $88：沙茶湯底好惹味！粉絲最入味。🏠環境唔迫，好舒服👳🏻‍♂️職員態度超友善，佢地睇落做得好開心，搞到我都想去做下兼職。

本不打算吃火鍋，但是被門口的菜牌吸引。夜了，人不多。有十款八款火鍋，看得有點心大心細，難以決定。也有一些非火鍋，但我沒有詳細看。點了一客龍蝦湯底。原來還可以加廿八元變套餐，多一客小食和餐飲。姐姐介紹芝士雞翼，是鑲了芝士的雞翼，很好吃😋火鍋也如圖片一樣，很足料。龍蝦湯又幾好吃，粉絲吸了湯底，非常惹味。肥牛厚身了點。蝦、蜆、龍蝦丸、鳴門卷、牛丸、雜菜⋯好滿足。飲了凍奶茶，淡味一點。Overall, 是不錯。冬天會再來。

2017.10.22 😊【一人一鍋台式味道】尖沙咀天氣開始轉涼 又到了食火鍋的季節了不知道你們有無試過收工時間忽然想一個人好好享受下屬於自己的時間可是卻怕一人火鍋看似毒男腐女最近小妹就發現了Theone 對面有一間火鍋店鋪面是跟源記相連的一踏進店鋪 熱情的店員已經用國語跟你打招呼而且播放著一首又一首的流行曲看來是主打年輕人的路線主菜鍋物份量不會太多 一人享用亦可像我們當日4人食3窩亦得招牌竹笙椰皇雞窩 $128這個鍋物是小店的招牌推介椰皇雞感覺就是很滋補的模樣一上桌已傳出陣陣椰子香 湯頭亦很清甜跟配的食材以清淡簡單為主反而更讓雞肉更為突出清甜的湯底與我們選擇的粉絲相當配襯忌廉龍蝦湯窩 $108雖然叫忌廉 但是嘗不出來雖然叫龍蝦 卻換來了2隻大蝦幸好蕃茄湯底都尚算不錯而且是當日3個湯底中最為突出的可能是加上了肉片及雞蛋令其湯底越煲越濃郁 有意外驚喜芝士牛乳豆腐窩 $88本來對此湯底是最期待的 卻換來一點小失望芝士、牛乳味本來都不重去到後期更加淡淡的幸好跟上一點肉片調和一下台灣腸小食熱點 💌尖沙咀加連威老道18號地下B舖Mon-Thur,Sun: 1800-2330Fri-Sat,PH:

今晚又係做完野，約朋友食飯。行過THE ONE，朋友話想打邊爐，見到呢間有一人鍋物，就入去試下！呢間餐廳地面舖位好細，原來要落一層，落到去坐卡位，枱唔迫，都坐很幾舒服！呢度既鍋幫你配好野，每款鍋都係一人份量，仲配一個白飯，份量好多！貪心的我地，每人都追加小食同野飲！珍珠奶茶:不過不知，無特別，唔難飲。小食揀左鹽酥雞同炸花枝丸，2樣都炸得唔太油，食落好熱，味道都好食！份量以加配小食黎講，都大碟。當鍋上枱，職員會幫你點火，等一陣湯就會滾，唔夠湯時，可以叫職員加湯，但我地怕公仔面會煮到爆哂，所以滾左後，就整熄左火。麻辣肥牛鍋: 入面超多野食，(入面有咩，上面餐牌寫哂)，湯底好夠麻辣！朋友話好食，湯又好味！我自己叫左個冬陰功海鮮窩，入面所有野食，都已經煮熟左，除左隻蛋，所以我都係滾一陣就關火，冬陰功湯底煮滾後，揮發得好快，轉下眼就乾水咁濟😯。入面雖然每樣一件咁，但每樣材料都唔覺得係下欄野，有啲都幾好食！每窩都會配一個白飯，我地會食唔哂，所以只要一個白飯2份分，唔浪費！

本身個FD話去尖沙咀打邊爐即刻諗，不如吉野家算啦，夠平wor，但佢堅持一試，原來都係一個幾好既選擇既我地加左個小食套餐，佢係一個小食+兩杯指定飲品，但我叫個杯就咁岩唔可以補錢Sad sad。叫左個盬酥雞，幾爽口，但溫度就唔係好夠熱，因為冷氣真係有D大，一陣就已經凍哂，何況本身都已經唔係好夠熱，但味道還是不錯的。我叫個杯野飲係蘋果梳打酒，真係要攪勻先好飲，因為D蘋果果汁係哂個底度，極甜!個賣相都OK既!呃like首選重點當然就係個邊爐啦，其實此設計極危險，食個陣要好小心，肉份量還好，菜量偏多，適合怕肥又鍾意打邊爐既人類，豚肉肉質都係嫩滑，但對食肉獸既我黎講有D少，下次可能試下其他款，係尖沙咀有多個邊爐選擇啦haha

朋友等我收工時經過呢間一人一鍋，便覺得好吸引。到了店，職員很快提供餐牌給我們。這有10種鍋物， 唔中意鍋物，又可選擇台式便當。鍋物方面，還可以加$28追加指定台式小食及泡沫綠茶或泡沫紅茶。我和朋友分別選擇沙茶肥牛鍋及鮮茄蓉雜菜鍋。鍋內都是有雜丸，娃娃菜，金菇等。其中，飛魚籽魚肉腸， 一邊咬一邊食到一粒粒魚籽，好有口感～芋頭天婦羅，平時都唔會用炸物黎打邊爐，覺得好新穎。另外，我同朋友仲叫左酒精飲品^_^（果味梳打酒）-熱情果味（右）及荔枝味（左）。酒精味唔濃，唔會太飲酒既都飲到😝

今次黎到尖咀 the one嘅對面熱點食新開嘅台式火鍋!呢間食店位於地庫，舖內連住源記茶餐廳一邊。餐牌圖片文字介紹真係睇到每個鍋物都清楚列明配料~白飯一碗，可半價加錢轉配烏冬，公仔麵，粉絲。重點其實所有鍋物內已經有粉絲或烏冬了剔野食時間~ 除左台式火鍋仲有不少台式便當提供，仲有唔少酒精飲品!台式火鍋一共有八款，yeah已經可以試到3款了!左起：椰皇海南雞窩 湯頭非常養生滋潤，好香嘅椰子味!雞肉嫰滑， 份量都不少。內裏有粉絲。中：忌廉龍蝦湯窩 超愛呢個，雖然飲唔出忌廉味，龍蝦味有少少 帶有番茄味，愈煲愈濃郁，內有兩隻鮮蝦粉絲 湯頭愈煲愈濃郁~加入稻庭烏冬超正， 吸收晒 湯汁嘅鮮味。右：芝士牛乳豆腐窩 反而最清淡嘅呢個湯窩，芝士味頭幾啖湯先感 受到，但慢慢愈食就愈無味。（只有呢個內含 烏冬） 所以其後嘅公仔麵都無加落呢個鍋度食。可以加錢轉配Somersby Apple cider呢餐食到超飽~細食嘅朋友可以3人叫2窩剛剛好，又唔洗浪費食物!

今次同大學同學約re-u揀左係尖沙咀既熱點我地每人揀左唔同口味既鍋價錢大約80-100到我自己就揀左沙茶肥牛鍋朋友就揀左部隊鍋，海鮮鍋等等其實佢本身個鍋仲會跟個飯之後加錢轉做套餐 會多杯野飲同小食我點左多多綠茶 同炸雞沙茶肥牛火鍋個湯底味道一般其實所有野真係無咩特別主點個鍋無咩肉 都係菜啊粉絲啊果d為主如果同我一樣鍾意食肉既朋友可能追加多碟肥牛會好d😂😂不過佢勝在一人一鍋夠衛生地理位置好方便 係正the one對面係尖沙咀區黎講晚餐120到其實幾平既

今晚比較晏食飯，經過呢間火鍋店，好似幾得意，再OpenRice 一下，都有幾多讚，就行入去試下啦。接近9點，店內都仲幾多人食緊，不過仲有幾枱吉位，所以唔洗等。入去坐低，個位頭頂吹正冷氣風口，吹得同行男士有啲辛苦，所以要求轉位，侍應都樂意安排！食緊途中加左2次湯同1次火都幾快同順利，係其中一個女侍應加完火唔記得加湯，要再叫過。點了一個沙茶鍋、部隊鍋，再加$28要咗一個小食（台灣香腸）同泡沫綠茶。我主要食沙茶鍋，沙茶味（醬）很夠，所以基本上唔洗沾其他醬料，我只係食豬紅時沾咗少少豆瓣醬。以飽肚而言，份量幾多，好夠碳水化合物，因為配飯之餘，鍋內仲有米粉同粉絲（冬粉），也有很多紹菜，飽足感很夠，同行男士都很夠飽，眼見旁邊4個男生都食唔晒佢地自己個鍋。沙茶鍋是跟牛肉的，但份量很少，就只有相中舖係面個3塊，各款丸類、蟹柳就只有一粒（切開咗一半），冰豆腐一塊等等。所以如像我打邊爐唔多愛食碳水化合物類，而鍾意食肉多啲，呢度就未必咁啱食，快餐店啲肉好似都多過佢。同埋啲牛肉麻麻地。反而個牛丸同豬大腸（2小塊）係唔錯。另外叫嘅香腸保持一般台灣香腸嘅味道，但其實台灣香腸好難唔好食😂此外，同行男士話佢個部隊鍋辣過