熨烤達人 (已結業)

以前荷里活嘅food court,早已搖身一變咗幾間食店，不過對想搵嘢食嘅人嚟講，都算有選擇，最終揀咗呢間熨烤達人進行韓國之夜雖然講到明喺韓燒，之但係佢又幾多其他種類韓國嘢食，有炸雞、部隊鍋咁，加埋其他小食樣樣都想試，最終就喺太多選擇之下由韓燒變成專攻芝士😅芝士炸雞方面，以為佢一上碟有得食，點知佢話仲要再燒，要即時燒熔啲芝士熔落啲雞到，待應示範一次後，見到芝士包晒成舊雞，超開心，咬落口更加不得了，芝士味好濃，啖啖都有芝士，本身個雞炸咗入口唔算好油，面嘅炸粉都算唔厚，雞醃嘅味唔重但食得出...其實單喺入口啖啖芝士已經感覺好好之後仲叫咗個芝士撈麵，一上碟好得意，有架貨車，好似以前小朋友食兒童餐咁，蛋，腸仔等配料都係其次，自己平時晌屋企煮麵加芝士撈，成日都變咗一舊舊好難夾，反而佢地嗰個好輕鬆夾之餘，食落又無話一啖多啲味，一啖就無味咁，又有啖啖芝士感...兩個人食啱啱好吃完呢兩輪芝士齊齊飽咗，好彩無眼闊肚窄，原本仲想叫多啲，點知個胃原來咁細...另外朋友覺得佢地嘅小碟好好食，尤其係泡菜啊，話醃嘅味好好但又唔係好辛辣，另外個蛋都唔錯，其實因為有芝士😂

lunch叫左悶牛肋肉，巨卵曼魚飯，蒸蛋. 加10蚊x2轉餐盛惠$315悶牛肋肉 – 份量少，過鹹，像牛腩，不過求其街上的一間麵鋪既牛腩都會好食過佢.巨卵曼魚飯－個鐵盆就巨，仲要係凍既，攪到飯都凍埋, 難食！侍應又話蛋內有芝士，但一點都無。蒸蛋-蒸過晒火，蒸蛋都唔識.咁既價錢同質素既lunch, 一定無下次.男士一定唔飽，女士減肥可一試

一直都對韓國燒烤情有獨鍾，今晚放學之後就同朋友一齊去熨烤達人食韓燒。其實一直都聽過熨烤達人依一間餐廳，但係一直都冇時間去試吓，今次就親朋友得閑一齊去食下野同埋傾吓計。我哋去到餐廳嘅時候都差唔多九點鐘，餐廳唔算太多人，唔需要等位，入到去第一個感覺就係唔會有好大陣油煙味，最怕就係食韓兆食到成身都係一陣味。不過因為太晏去到嘅關係，所以有部份嘅肉已經賣晒，我哋揀咗幾款肉黎食，燒肉嘅就揀咗濟州豬頸肉，同埋雪花牛肉。啲肉都幾新鮮同埋睇落都幾靚架，濟州豬頸肉唔會太肥覺得適中，而且職員總會提我地燒幾耐同埋燒邊一款肉先，然之後我哋仲叫咗個部隊鍋同埋牛肋骨，牛肋骨非常之好食而且仲要好大塊添我哋兩個人都食唔晒，但係佢個醬汁同埋肉質都非常之好同埋好juicy! 感覺上一間餐廳都唔錯，如果想傾下計食下韓國燒烤都可以試吓。

我見好多評語都講到呢間野好差特別係啲服務，但我覺得佢哋服務都唔算差，正常中等，你講野有禮貌佢哋都有禮貌，無特別差既感覺。呢間餐廳啲野飲幾好味，特別係上面無個噱頭樽個啲係好飲啲，不過有少少貴我覺得。雞肉薄餅同燒牛肉都幾好，佢噱頭係熨斗整厚燒既野，不過無叫厚野無得用。壽司就太一般，通常韓式野既壽司卷都好好食，但佢就麻麻，唔係唔好食但真係好普通。芝士飯我就真係麻麻，但好極端，我覺得又辣又唔好食，但我個朋友就覺得幾好食，我諗要睇你對芝士有幾熱愛。總括嚟講，呢間餐廳都可以但我唔會特別推介，經過可以試下，唔好期望咁高，但服務真係唔係其他人講得咁差我覺得。

同朋友約食飯 見到熨斗達人嘅裝修咁靚 決定入去食 佢連個餐牌都好靚有用心設計 當然啦價錢同靚唔靚係成正比嘅 比平時嘅韓國餐廳貴少少 但係有得坐得舒服啲係唔錯嘅～濟州黑毛豬- 五花腩其實我人生無點食過黑毛豬 肉質來講 唔係特別鬆軟 係有啲咬口 比一般嘅肉彈牙 但係豬肉既鮮味真係特出啲 五花腩嘅花紋非常之靚 燒既時候聽到滋滋聲～～正 待應會幫你燒 所以唔使擔心咁厚既燒肉會唔熟 而個熨斗既作用就出來 係壓住舊肉 餐廳會提供生菜 唔洗額外比錢 不錯！但今次反而少用生菜夾 因為我覺得就咁食已經好好食慶州青木瓜沙律感覺有啲似泰國既木瓜沙律 不過酸左啲 如果係咁食燒肉 再食一兩啖有清新既感覺 不過真係適合鐘意食酸野既人金仔炸雞飯呢個就正啊 啲炸雞又多juicy 仲有秘制醬汁 有啲似千島沙律醬 好好味 啲飯係珍珠米 成個都好味！

今次突然間又想食韓國嘢所以就去咗呢間熨烤達人食韓式燒肉。一入到去店員就好有心機咁同我地講解餐廳有乜嘢好食，有時令食物好似黑毛豬同埋和牛等，仲細心講解Menu上嘅食物，同埋推介一啲比較多人食嘅俾我哋選擇咁燒肉方面就揀咗極上牛肋肉同埋濟州豬頸肉，啲肉未到之前店員已經好細心幫我地加上蛋漿，可以整爐邊蛋，仲送上一系列嘅韓式小食，泡菜蘿蔔等等，亦同我地講解應該食邊樣先同埋點樣熨烤啲肉上到枱啲牛非常新鮮，肉嘅級數睇落都幾高除咗燒肉之外，餐廳都有好多唔同嘅熟食。我哋叫咗一個韓式部隊鍋，雖然係一人份量但係公仔麵加上芝士蛋午餐肉等等都非常之飽肚，另外仲叫左一個鐵板牛肋骨，係用一個好大嘅鏟上，店員亦都幫我地將牛肋骨剪碎非常之貼心。總括嚟講呢間餐廳非常之用心，無論係食物同裝飾方面都好值得讚賞，下次韓燒又多個新地方啦

食品尚可、超級貴、男待應態度差劣、部隊鍋內之麵一筷子可夾清、份量勁小收費勁貴、除男待應黑面外女待應亦招呼不足、一次貨仔、門口排大隊以為好野可能開業不久人人以為正！試過原來環境算不錯等候時間長、可能燒烤需時可以諒解但是以為多人排隊便可黑面招呼簡直離譜、飲料更費用高昂又無冷熱水供應三個人己消費/\佰多元仲要吾飽、食物品種有限選擇不多唯一可取是泡菜美味可口、醬汁無味道、座椅不舒服吾試吾係你損失………………

前陣子發現荷里活廣場開了新韓國餐廳，便入去試試。一坐下便被它吸引，這熨斗原來是燒五花腩用，很有趣。前菜很豐富，如果點套餐更可以fill呢。爐邊蛋是我的最愛，把上邊的芝士、粟米都加入，再在其中放一點泡菜，兩種口味的爐蛋輕易成形。當然生菜籃也少不了。黑松露明太子蛋卷黑松露香氣撲鼻，夾著蛋卷吃入口啖啖黑松露夾濃郁蛋香；另一邊明太子的鮮咸也一樣配合，沒有搶掉蛋味；蛋卷很嫩滑，中間有點蛋漿濕潤口腔，加上香濃的流心軟滑芝士，非常邪惡但讓人欲罷不能。浪漫薯角完全不知浪漫的點在哪？薯角又不夠香脆，薯味不算重。上面的芝士番茄亦有點少，附上的是薯蓉不是醬，薯蓉點薯角，是什麼玩法？難道這就是浪漫的點？不過這個薯蓉磨得幼細，味道也不錯的，點薯角也可以接受。特級雪花牛雪花分佈平均，燒過後，口感方面肥瘦恰到好處，牛肉入口鬆軟，咬一兩口已溶化，而且肉味濃郁。極上厚切牛舌牛舌肉質新鮮，入口紮實爽口有咬感，牛味十足。調味豬皮豬皮又厚又大塊，味道調得不錯，入口啖啖膠原，膠質多得幾乎黏住嘴巴。不過豬皮面有點粗糙𠝹口，扣了點分。不過實在太多同類型的選擇，價錢不吸引，抽煙設備也不太理想，未必會再去。

第一次留comment, 真心覺得呢間野可以做好d..芝士炸雞好難食，勁大油益味，食落就知唔新鮮，唔知炸左幾耐，我地2個人叫左鰻魚飯同芝士炸雞，無比前菜，要問先拎黎，侍應倒汁時整污漕左我部電話，乜都唔講就走左，紙巾都無張，好多comment都話服務態度差係真的，大部份都黑口黑面，得一個黑色扎長頭髮的幾好，會自動埋黎幫手整個炸雞，但可惜食物質素同價錢不付，2個人只食2樣野已經4百幾蚊埋單，仲要食唔落口，真係無下次！

第一次寫食評，直係嬲到爆先po第一次食野食得咁吾舒服又吾開心😡待遇差天共地，同時入去坐，同時落完單，隔離同枱嘅人，待應員已經主動俾曬水，生菜，醬料，小菜佢地，我地咩都冇，一直冇俾，因為第一次食吾清楚會俾咩。來左牛肉，又吾幫我地整爐，對隔離枱服務超好，對我地要自己逐樣問佢哋拎，加上我地第一次食吾清楚如何燒，冇人幫，但佢地會主動幫隔離枱燒，我地要問先來，待遇真係差好多。態度又差，見我地食得差唔多，直接叫我地埋單，完全吾知咩事，勁嬲絕對唔會再去，又吾係話好食

終於都試左呢間韓式燒烤熨烤達人一入門口已經覺得呢間餐廳好韓feel同門口個個MR.IRON CAPTAIN KIM好吸睛😍加上入面既電視全部播韓國MV，韓味甚濃🙈到食方面，我地叫左江南UFO $78 芝士控要注意！味道都ok，入面夾住既係豬肉。整體ok不過略嫌個餅太乾芝士燉飯 $68身為芝士控既我當然要試呢個可惜個飯芝士味唔重，不過勝在夠大碟好抵食😆扭紋五花肉 $158始終係烤肉店，當然要試試佢既肉！真係唔錯！仲會比好多配菜你，夾埋真係好好食！無諗過咁夾，本身以為食呢d烤肉好heavy，不過佢配埋kimchi，白蘿蔔，大豆牙菜，青瓜之後，完全中和晒d肥膩!!!!! Perfect match👍🏻*爐邊既蛋可以落芝士同粟米  可以做到拉芝士架👍🏻Cider special lychee $43叫左呢個飲！好大杯好抵飲，味道都唔錯☺餐廳嘅員工態度都唔錯，同埋佢會主動幫你燒，唔洗怕燒焦同搞唔掂😊

今日同同事放咗工之後，見聽日係星期六，咁我哋一於就去食餐好啲嘅😌咁我哋大家都想食韓國嘢，上網search search就見到呢間係鑽石山嘅熨烤達人，環境同食物都係幾吸引我哋嘅地方，所以一放工就衝左去😎首先我哋叫咗個沙律頭盤，猩猩沙津😂因為佢將嗰啲酥皮卷砌成一個星星嘅形狀，個名都幾特別，其實都幾大份，表面嘅係用一啲酥皮裏面捲着一啲肉碎，啲肉碎都幾香而且加埋酥皮食嘅感覺好香口👍🏻下面舖住一啲生菜、士多啤梨、藍莓同埋香蕉，加埋酥皮一齊食個感覺都好fresh，感覺好清新而且唔會覺得油膩，中間有一個沙律嘅醬汁，呢個菜式幾特別值得一試😍咁嚟到呢度必試嘅梗係烤肉啦💃🏼我哋叫咗一個佢哋招牌嘅五花腩，仲有牛，係一開頭嘅時候嗰度嘅員工都好積極咁幫我地先燒咗，因為舊肉都幾大件，怕我哋自己燒會燒唔熟，好細心❤呢度嘅其中一個特點就係用熨斗會壓着件肉令到肉汁唔會流失，有得玩仲有得食，好正💥另外牛肉嘅質素都好好，價錢唔貴但係食到嗰種入口即溶嘅感覺，食得出用嘅部位都係牛比較好嘅部份，好回味😋另外我覺得幾好食嘅就係當我地點完菜之後，店員會將一啲蛋漿放落去烤爐旁邊，咁係唔同嘅格裏面我哋加左唔同嘅配料有泡菜芝士同埋粟米，食

呢個小羹同埋隔離樽野係用嚟食鍋邊蛋嘅，好可愛。首先食咗呢個黑毛豬，侍應會幫手燒埋，因為佢哋話呢個豬肉係好珍貴，喺韓國農場直接運過來，唔想客人燒到燶晒食唔到，所以會幫我地燒埋。成塊其實好厚肉，所以其實都幾飽，包生菜食加小小醬就好好味。另外食咗金仔炸雞飯，啲炸雞雖然淋左醬又放咗喺飯上面，但係都依然好脆，對於鍾意食炸嘢嘅人來講係值得一試嘅。而且佢其實份量都幾多，最好多啲人一齊share食。杯芒果沙冰好重乳酪味，食咁多重口味野嘅時候飲都幾清新。

同朋友係荷里活間百老匯睇完盧根，突然英雄情懷爆發，所以就去咗附近呢間以超級英雄做主題嘅熨烤達人，幻想自己係一個super hero，滿足下自己！雖然，事實上，我只係一個鍾意食燒肉嘅大食怪~因爲餐廳以英雄做主題，所以餐廳嘅裝潢都係以英雄人物為主，有唔少搞怪得意嘅畫做裝飾，例如呢啲惡搞咗金正恩係美國隊長嘅畫，搞笑得泥又符合主題！當職員知道我哋食烤肉之後，好快就幫我哋set好哂野，擺放好一碟碟前菜同倒蛋漿，仲提供埋生菜，可以用泥包住啲肉一齊食。前菜種類多，有白泡菜、蘿蔔、茄子、青瓜、芽菜，所有前菜都唔太辣，啱哂唔食得辣嘅朋友。而前菜同生菜都係可以無限refill !食烤肉又點少得牛肉呢，所以我就發板，叫咗一碟特級雪花牛。一碟總共有十塊，其中一半色澤比較紅潤，但另一半就比較暗沉，脂肪比例尚均勻，呈雪花紋理。飲品方面，就有少少中伏，蜜瓜梳打，顏色就幾靚，上面半透明，下面就淺綠色，但略嫌偏甜同有少少藥水味。

早一日先諗住出街食團年飯，跟住直接去睇戲。打過去好多間餐廳都話已經滿座冇得訂枱，呢間就仲有頭輪18:00可以訂，又係新開，所以就黎試吓。不過要限時交枱。五點幾職員已經打俾我提我哋要準時到，如果唔係就唔留枱，準時六時正去到，見到餐廳門口已經有好多人等緊位，店入面得返一張枱冇人坐，就係留咗俾我哋，因為我哋訂咗枱，好彩&GOOD我哋三個人叫咗五樣嘢食猩猩沙律 $78冇參考圖咁大，材料份量又唔算多，又唔覺好新鮮，味道一般，有少少失望真露煮蜆 $88純粹屋企人鍾意食，個湯好重酒味，可以當酒飲，但我哋都飲唔晒殺手雞翼 （7隻）$158好食。再嚟會encore調味豬頸肉 $78肩胛肉 $120燒肉要叫兩款先至送蛋漿，牛同豬係會用兩款唔同嘅網燒，所以要食完一款肉先至再食第二款肉，唔可以兩款肉同時食用生菜包燒肉食泡菜有好多唔同款，食完可以免費添加餐廳人手好似唔係好夠，搵店員要舉好耐手先有人理我地🙄 呢方面需要改善下