熨烤達人 (已結業)

呢個小羹同埋隔離樽野係用嚟食鍋邊蛋嘅，好可愛。首先食咗呢個黑毛豬，侍應會幫手燒埋，因為佢哋話呢個豬肉係好珍貴，喺韓國農場直接運過來，唔想客人燒到燶晒食唔到，所以會幫我地燒埋。成塊其實好厚肉，所以其實都幾飽，包生菜食加小小醬就好好味。另外食咗金仔炸雞飯，啲炸雞雖然淋左醬又放咗喺飯上面，但係都依然好脆，對於鍾意食炸嘢嘅人來講係值得一試嘅。而且佢其實份量都幾多，最好多啲人一齊share食。杯芒果沙冰好重乳酪味，食咁多重口味野嘅時候飲都幾清新。