熊小館

营业中

休息中

除了熊仔佈置～仲好多熊熊毛公仔可以借嚟影相，仲有兒童遊戲區～心裡大叫果然係親子餐廳～小小的一個區域，已經令小朋友玩得開心～望望餐牌，食物以西式為主，而且價格親民！🥢🥢🥢🥢🥢🥢🥢🥢🥢🥢🥢🥢除了套餐，單點食物可以另加$28有餐湯、法包及飲品（特飲另加$16）是日餐湯：羅宋湯好味，仲好多湯料～法包香脆！尼哥斯吞拿魚沙律伴溫泉蛋 $68有薯仔、露荀、燈籠椒同好多吞拿魚，加上酸味味黑醋汁，好夾！溫泉蛋煮得好好，蛋白軟身，流心蛋黃～蜂蜜味BBQ燒豬仔骨 $140薯條勁脆！豬仔骨肉嫩，唔會痴牙😆本身條豬仔骨已經好好味，另外有個燒汁味道適中，唔會太濃太咸💯，加同唔加都好食！上枱先知有跟沙律，都係黑醋汁～啤酒脆漿炸洋蔥圈$48$48！咁多個圈！都好抵下喎！脆脆外層～入面洋蔥甜甜～熱氣又好食！薔薇之戀：柚子加玫瑰花茶，柚子味比花味更出，我個人覺得甜咗啲～你總是心太軟心太軟好耐無食，覺得唔錯，外層微脆，內裡流心～一齊share不會過甜～

帶小朋友去MegaBox，我通常都會去熊小館，一來有咁多熊仔陪你食飯，心情都特別好，二來小朋友有地方玩，咁我就可以安靜一下啦！今日同小朋友一齊嚟，順便預早慶祝埋佢生日啦，我哋叫咗一個燒美國穀飼厚切小牛扒，同埋一份兒童餐A, 再加一個生日版嘅心太軟，和一杯飲品。 燒美國穀飼厚切小牛扒：因為都要俾小朋友食，所以牛扒就要咗八成熟，不過好彩牛扒本身夠靚， 所以就算着到咁熟，都唔會話好靭，塊牛扒有牛味，燒得夠香，味道唔錯。伴碟仲有好多薯條、蘑菇、粟米，份量好夠飽。 飲品叫咗草子莓莓：係士多啤梨Syrup加橙汁，味道唔會好甜，都幾好飲。 兒童A餐：有炸蝦、薯條、炸雞翼、啫喱和粟米，全部都係小朋友喜歡嘅食物，小朋友平時食好少嘢，但對住呢個餐又點會停得到口呢？個餐仲有一杯橙汁，都係小朋友喜歡飲嘅。最鍾意佢啲啫喱，係小熊頭嘅形狀，好得意，見到都唔捨得食呀！ 生日版心太軟：小朋友就快生日，見到有呢個心太軟，賣相好靚，就叫左一個預祝佢生日。店員會為心太軟點上蠟燭，祝小朋友生日快樂。小朋友見到用糖霜畫出嚟嘅小豬同字，都覺得好開心。而且心太軟嘅味道非常好，朱古力流心好正，真係又睇得又食得。

同男朋友係九龍灣睇完戲，見到有一間用熊仔做主題嘅餐廳6點幾已經坐爆曬，肯定有佢吸引之處，一於就去試一試佢！ 入到去先發現原來佢係親子餐廳，除咗熊仔仲有玩具同圖書俾小朋友玩添！ 周圍都有呢啲超過一米嘅大毛公仔陪食！我嗰台都有隻熊仔陪我一齊食，佢仲好留心咁睇Menu介紹嘢食比我添！呢份青口只係需要$68 ，但係份量竟然大跌都嚇親，起碼有20隻，而且味道好好，好香牛油同蒜味！加$28轉套餐仲有埋湯蒜蓉包同埋飲品！另外加咗杯特飲薔薇之戀，味道唔錯！最簡單嘅蒜片意粉，最可以睇得出間餐廳嘅廚藝，呢個意粉超級超級好味，勁有層次，唔會剩係得鹹味，強烈推介！炸物一樣好出色！呢個炸魚薯條，係用咗啤酒做炸粉，食既時候完全無酒味，但炸粉外衣變得超級鬆脆！魚肉好嫩骨，推介！最後食埋佢地既招牌心太軟，感覺係用咗朱古力，唔甜，超濃朱古力味，食完都唔覺得漏！

今天去九龍灣睇戲，睇完戲出來搵野食先見到有幾間餐廳，突然見到有隻大熊熊🐻心心眼😍 即刻去睇睇，餐廳有好多熊公仔，見到個menu的食物都吸引，價錢又不是很貴，決定入去食😊望了一輪餐牌，最終決定點個2人Set $298，包了餐湯、包、扒、粉、餐飲同甜品，好像好豐富😌 餐湯是羅宋湯：好熱的送上，味道很好，濃郁的，酸酸地，有點辣辣的，喜歡的味道牛油法包：暖暖的，很多牛油，有些蒜蓉香味薯蓉焗田螺：熱騰騰、好香薯味，焗得好靚燒美國穀飼厚切小牛排：一塊有4件厚切，一咬就有好多汁，非常juicy, 牛肉味濃，配有芥末醬，不點也很好味。另配有薯條同粟米粒，一件煙肉卷，不錯吧蕃茄奶油吞拿魚螺絲粉：熱騰騰的，蕃茄味濃厚，有蕃茄碎，酸甜開胃，奶油味不是很濃，喜歡這個份量，好夠味是日甜品是雪糕：每人一球，我們選了曲奇同椰子口味。 原本想加$18升級食心太軟，可惜賣晒了😣 沒有甜品有點失落，於是我們點了個玫瑰法式燉蛋白：賣相幾好，食落都ok餐飲分別點了凍檸茶、玫瑰花茶柚子，花茶有玫瑰花粒，好有玫瑰花味，最底是柚子蜜，個人喜歡這個甜度，不太甜，太好了整體來說，我們都很喜歡，食物質素不錯，而且環境非常好，好多熊熊的佈

Lunch 5個同事叫左5個lunch sets：Beef bacon cheese burger X 2（大份又好食， 每人食半份都飽到....）粟米南瓜意大利飯（南瓜粟米味剛好唔太濃，好啱小朋友食）菠菜魚柳意大利飯 (菠菜魚柳都好味， 稍嫌個飯唔夠汁）香辣肉醬意粉（辣味啱啱好，好易入口）另外值得一提，有次打電話去訂位，問有冇位book，男接線生答:已經滿左，咁我就問有冇位比walk in 客人, 佢話: 都話Booking full左，你話呢？！ (態度不有善）我話有些餐廳有機會預留位俾walk in客人，我不知道你們有沒有留位俾walk-in 客，我話遇着你這態度都不想來用餐，接線生就立刻cut 我線!

今晚去左mega box 熊小館，因為太得意了，激發起我的童真，所以就要來一食。選了set dinner 兩人餐頭盤是蛋黃醬焗露筍，夲身露筍我已非常喜歡食再配蛋黃醬簡單合哂我心意主菜點了牛肩扒，熟到有七成熟，剛剛好，牛味濃郁。香噴噴最後有芝士波菜焗龍利柳飯，一上枱已是厚厚一疊芝士汁，龍利柳粉量好多，再有波菜夾一起，味道足夠但又不會太漏，呢個餐算自選配搭，但幾乎全部都岩我地食，仲可同埋可愛的熊熊🐻影相，很開心🥳呀今晚😍

假日吾知帶小朋友去邊度好？黎依間餐廳就最合適不過。餐廳好細心咁預左一個空間擺放煮飯仔、玩具車，係大人傾談或者細味品嚐美食嘅時候都吾會悶親小朋友。而且餐廳每枱都放住小熊公仔，深信一定可以勾起吾少朋友嘅童年回憶之餘，亦都可以令小朋友樂而忘返。二人套餐($298)頭盆:歐陸式濃湯兩客+牛油法包個濃湯係羅宋湯，酸甜適中，超級足料，食到湯入面嘅椰菜、蕃茄、紅蘿白、瘦肉真係超滿足。如果鐘意飲羅宋湯嘅朋友一定吾可以錯過。再將牛油法包點入羅宋湯，既唔會搶走本身蒜蓉味亦都保留酸酸甜甜嘅味道，真係冇得輸。前菜:啤酒脆漿炸洋蔥圈洋蔥圈即叫即炸，食落超脆口，而且入面嘅洋蔥仲好鮮甜，只係外面嘅炸粉略厚，有啲肥膩。主菜:蜂蜜BBQ燒豬仔骨之前食過出面嘅豬仔骨，肉質都好硬，而且冇咩味。但係依嗰豬仔骨俾咗我哋好大驚喜，肉質好嫩滑，吾點醬汁都食到陣陣嘅蜂蜜味，超級juicy，鐘意食肉嘅你又點可以錯過！配合埋鹹味適中嘅薯條，真係好夾。而且配菜仲有黑醋汁沙律，酸甜適中，岩晒健康嘅你！主食:卡邦尼煙肉扁意粉意粉質感不錯，而且煙肉都落得好足，令每淡食落都好有口感。但係卡邦尼醬就略 ，芝士味略重，如果你係超級芝士控，一定會好鐘

喺Mega Box行左大半日，坐低食個下午茶。喺12樓見到呢間餐廳裝修得好靚，周圍佈置左好多熊仔。下午茶時間稍為等左一陣位就入得場，叫左兩個下午茶餐，終於都可以休息一下。烤棉花糖吐司 賣相好靚，呈司烤得微焦，上面嘅棉花糖半溶狀態，仲唧左好多朱古力醬。切開呈司已感覺到吐司脆脆的，棉花糖溶到可以拉絲，非常吸引。食落偏甜，岩晒甜魔。另外加配特飲，賣相好靚，士多啤梨橙汁，酸酸甜甜，味道都唔錯，正好中和左吐司嘅甜味。  自家製心太軟 心太軟整得幾出色，蛋糕殼結實成型，切開中間，朱古力漿直頭爆出黎，好澎湃。甜魔認為甜度適中，非常不錯。加配紅豆冰，紅豆大大粒，又夠甜。  呢個下午茶相當甜蜜，甜魔食得好滿足。而且服務態度好好，我地一家大細，小B喺BB車訓緊覺，經理二話不說就安排一個四人卡位俾我地，仲有大大個位俾我地放BB車，非常闊落舒適，搞到我地都有啲唔好意思。餐廳仲有一個細細嘅遊樂角，有些少圖書、玩具俾小朋玩，可算係一間對小朋友非常親切嘅餐廳，可惜BB訓左，有機會一定再黎。

My family went Megabox for a weekend family shopping with my princess . Bumped into this cafe MED because my little princess was attracted by such lovely teddy interior. Oh well... so We have to go as the "boss"  wants it badly . LolKids zone areas facilities without any charges. This encourages my "boss' finished her dinner  very efficiently. LOLWe ordered onion rings , snails , soft crab shell pasta and steak. Food in here was actually delicious !!! Reasonable price too!!! Onion Rings showed u

Megabox出名係親子樂園，除左有層專賣bb嘢，仲有完善嘅換片餵奶室，有間大房仲有水飲，而且仲大aeon同ikea, 吸引好多一家人揸車去玩一個週末，不過正係因為咁，要搵位食飯都難。。。今日買完bb嘢，就上左去戲院嗰層，行到最入有間寫住”新張優惠。。。”, 新嘢又有位就入去。。。原來入面好多熊仔擺設，所以就叫熊小館，仲有個俾小朋友玩同睇書嘅地方，可惜呀囡仲未夠大個未識玩，等大個可以再帶佢泥。。。講返食物，呢質素都唔差，今次叫左一個炸魚薯條同burger，佢啲薯條就係放喺度幾耐都係脆嗰隻而個湯係好飲，多料，酸辣剛好全部嘢都大大份又好食，好值得推介俾一家大細同情侶

撞正暑假，仲要megabox做緊pepper pig展覽，呢個商場真係多人到不得了，睇完戲想食嘢就唔好諗住下面啲餐廳，今次繼續食戲院同層嘅熊小館，其實佢個全日餐真係抵食，6:30pm叫都係加多$10, 今次食burger，個賓尼迪蛋超流心超香蛋味，薯條夠粗身等到最後食都冇淋到，有薯仔香，呢個漢堡包落樓下RT食要俾三倍價錢，所以性價比高，呢個真心推介！牛柳真係好滿足，首先牛上面嘅什菌用牛油等煎到勁香加上芥末醬，真係不得了，牛我地叫左5成，雖然邊邊位剪得過熟，但中間位的確係5成，而不論口感同味道都值呢個價，不過重頭戲係個砵仔薯蓉焗田螺，就係法國食到嘅味道！

難得去Megabox玩，通常一玩就玩一日，等埋老公放工就係Megabox食埋飯先走！今次經過呢間熊小館餐廳，以熊Bear Bear做主題，原來裡面有個兒童小角落，可以比小朋友玩玩具睇下書，睇睇menu又唔貴喎！一於試下😊我仔見到咁大隻熊一d都唔驚，仲打開雙手熊抱佢！原來每張枱都會有隻小熊公仔陪食飯，我仔見到好開心！我同老公決定試試呢個二人餐！忌廉蘑菇湯，香濃磨菇味！法式蛋黃醬焗鮮蘆筍，蘆筍夠香甜爽脆，不錯👍🏼美國安格斯牛肩扒，牛扒好有肉汁，鐘意食牛的仔仔食左一半😆芝士焗波菜龍利柳飯，芝士味好香濃，龍利柳肉質夠嫩滑！.等緊上甜品，我仔仔已經急不及待要去玩車，呢個Kids corner雖然細細地，不過男仔有得玩車車，女仔又有廚房玩，仲有好多圖書睇，麻雀雖小 ，五臟俱全👍🏼最後我地加錢要左朱古力心太軟，不錯！如果以親子餐廳黎講，呢到係相對好食又抵食！而且不限時任坐，大小朋友都大滿足！

因為聽同事講佢之前喺Megbox嘅「熊小館」幫佢個女慶祝生日，所以今次就嚟試下睇下啱唔啱帶姪女嚟食飯。今次就點咗個二人套餐同埋另加白酒忌廉煮藍青口。二人套餐總共有6 parts。Part one就喺羅宋湯同埋牛油法包。羅宋湯嘅味道唔會太鹹，飲落好醒胃，仲有好多蔬菜喺入面，牛油法包都焗得好香口。Part two喺餐前小食，今次揀咗意式焗肉醬茄子同埋另加白酒忌廉煮藍青口。口感似食肉末魚香茄子，因為茄子喺切片，所以唔會爛晒，可以原片放入口食。藍青口份量好多，性價比好高。Part three同four喺主食，揀咗蘑菇紅酒汁牛柳伴法式田螺薯蓉批同埋蕃茄奶油吞拿魚螺絲粉，而牛柳就揀咗5成熟。呢間店都好有良心，因為牛柳食落有牛味，無雪藏味，證明無偷工減料。而且牛柳火喉控制得好好，外香內嫩，無煎過頭。Part five同six喺甜品同餐飲。今次甜品喺朱古力味同埋雲尼拿味雪糕，其實可以加錢換心人軟，不過天氣熱所以食雪糕透心涼下好過。餐飲淨喺揀咗普通嘅凍檸茶同埋凍檸水。發現呢間餐廳嘅重點喺好多小朋友嚟嘅餐廳，因為周圍都放住熊公仔，每一張餐桌隔離都有一隻熊公仔。而且仲有個兒童角，可以俾小朋友玩。用餐中途發現

🐻 熊小館🐻今日tea time 黎左熊小館食tea. 好kawaii 既餐廳呀😆餐廳內內外外都係小小熊 連每張桌子上面都會有一隻小熊係度🤣幾kawaiiiTea time 比較少人，最適合和閨蜜一齊出嚟慢活聊一個下午🍮🍮-可惜今日我係自己食😜但望下樓下既人玩溜冰，時間好快又過去了。-🍞烤棉花糖吐司仲有邪惡的朱古力和煉奶醬，愈邪惡愈好味😋整得幾靚，啖啖棉花糖味。🌹凍。薔薇之戀其實是玫瑰花茶柚子清新飲品 so fresh🙌🏼總括而言，呢度平日好適合黎chill chill,成個商場都好少人，熊小館咁多熊bear bear ,大人細路都會好鐘意。

知道九龍灣有一間以teddy bear為主題的餐廳，我硬要男朋友陪我試試！入到去，好開心可以坐係一隻大嘅熊啤啤旁邊，影相打卡一流！我哋叫左一個墨魚汁意粉，一個炸魚薯條，一個煮蜆，一個蛋黃汁蘆筍。墨魚汁意粉看上來很濃味，但原來吃下去有一點淡，所以我們也自行加了點鹽來吃。反而個煮蜆果個汁就好濃，好啱「送」飯或意粉，所以最尾我們自創了新菜式：墨魚汁意粉撈煮蜆汁，味道一流。炸魚薯條見得多但係好食嘅就好少，啤酒「章」炸粉係最好食嘅，但呢間餐廳我就食唔出佢係唔係啤酒「章」，但係就一定唔係普通最cheap嘅炸粉。佢食起嚟個感覺好特別，好似酒樓蘿蔔絲酥餅嗰個酥。其實係好香口，好脆身，好惹味。最後令人大失所望嘅係蛋黃汁蘆筍，因為蘆筍係好細條好幼嘅品種，咬起嚟冇一般粗身蘆筍嘅口感。而且個蛋黃汁亦都唔係我想像中嘅蛋黃汁，有一點失望😞⋯⋯整體都係值得推介大家嚟打下卡嘅！