熊小館

营业中

休息中

「熊小館」是一家環境舒適、充滿童真的餐廳，她以熊仔為主題及佈滿熊仔布偶，由於位置寧靜，十分適合休閒地談天。至於食物方面，是以西式菜式為主，所以首推的還是本人最愛的扒餐及焗飯類。當天我們點了吉列豬扒伴香草茄蓉汁配薯菜、黑椒雞扒配薯菜及焗墨西哥辣肉醬意粉。吉列豬扒炸的頗為乾身，但配以香而不濃的香草茄蓉汁則剛好融入；黑椒雞扒辣味則適中且雞扒肉汁鮮甜；而焗意粉的墨西哥辣肉醬香辣惹味，均是會想追加之選，而跟餐的白湯濃淡適中，配小片法包剛好。同時看到別桌的客人點的漢堡包套餐同樣吸引，漢堡肉汁溢出，很是吸引，這家店必定會再次encore！

Megabox其實都好多野食揀，但呢間熊小館長期都人氣爆滿，因為打卡位唔少，又有玩具比細路玩，要搵親子餐廳就唔易啦，尤其係可以放任細路大叫，周圍跑嘅就難上加難。一家人黎叫左好多野食，二人餐再散叫小食，意粉咁，價錢唔貴，叫野都唔使就住就住。飲品亦有不少特飲，靚靚樣啱晒打卡。個餐有餐湯送，仲有一塊蒜蓉多士，羅宋湯幾好味，酸酸地多雜菜。小食要左洋蔥圈同兩款沙律，沙律幾好味，菜爽脆，洋蔥圈就失望少少啦，炸過左火位，硬得濟啦。露筍好味，嫩嫩咁好正。卡邦尼意粉好味，醬汁夠多又杰身。牛柳都好好味，好有牛味，五成熟正。旁邊仲有個田螺焗薯蓉，好香好滑㗎。個餐仲有雪糕送，好似有四款味揀，要有大眾口味朱古力，味道無乜特別，好處係不易溶。二百幾蚊個人算係咁，有齊頭盤至甜品一個full set喎。

其實如果不是太偏僻，Megabox真是一個很好的親子場，駕車人士OK，只可惜我們沒車，就有點隔涉。所以一場來到，必定是消磨一整天！這家熊小館我來了幾次了，megabox之中算是親子餐廳得來大人可以吃得好。餐廳中間有一個玩具閣，小朋友可以自己玩，大人就享受美食～二人晚餐有餐湯小食主菜（兩款）餐飲，抵食！質素都不錯，雖然一看就知道是港式西餐，但當中不乏細緻，而且份量挺大的，正是我喜歡熊小館的原因！焗蘆筍每次必點，上面的是蛋黃醬之類，不是芝士。自己到超市買蘆筍都不便宜，這裡起碼用上一整束，超滿足！！這一次散點了凱撒沙律，調味很不錯，感覺除了欠一些煙肉碎之外，挺正宗的（笑）不過沙律份量好像就沒那麼大份，印象中是~$48左右，不算貴了，超市買沙律菜也要這個價錢。主菜一口卡邦尼扁意粉，小朋友最愛，汁濃而不膩，帶一點蛋香，水準不俗。爸爸媽咪就享受牛扒～我也忘了這是牛柳還是肉眼（因為下單的是爸爸）薯條都分給小朋友去，做父母後就是吃小朋友吃剩的食物嘛...（你懂的）真的要讚一讚這裡的牛扒！用料上乘！牛味極之香濃多汁，厚厚的一塊真是好感動～五成熟還可以，今天就好像有點點超過了五成吧？不過依然好好味～大力推

好耐無去Mega Box行街街，今個星期商場裡面有間百貨公司做特價，所以同朋友嚟濕平順便食埋飯啦！見水牌有間熊仔餐廳一於去試下先，一入去見到兩隻大大熊仔同熊人好得意呀！小熊套餐 - 肉醬意粉、腸仔、牛油粟米、小熊啫喱 配橙汁 $68餐湯 - 跟蒜蓉多士，多士香脆羅宋湯香濃夠足料。蒜蓉西冷牛扒 $72一大塊牛扒煎得香脆肉嫰，薯條幾多新鮮炸好味。洋蔥汁煎豬扒 $68豬扒都係一大塊，洋蔥汁香甜豬扒唔韌，意粉彈牙。餐飲 - 熱咖啡

今日，和男朋友相約到九龍灣拍拖食飯，經過這間熊小館，被大大小小的熊仔吸引著，一於吃這間了。店鋪面積很大，到處都是熊的蹤跡，每張枱上都有一隻小熊陪伴用餐，牆上都是小熊的掛畫，每個角落都秒殺不少菲林，岩晒打卡呃like。另外還有一個玩具角落，岩晒小朋友放電。由於時間尚早，俾我霸佔左這張有隻大熊的枱，可以和大熊一起用餐，十分開心，童心爆發呀！熊小館的位置對著溜冰場，今日剛好有冰曲的賽事，可以邊吃飯邊欣賞，緊張刺激。食物方面，以為這些玩味餐廳食物通常不好吃？熊小館卻是例外，好玩又好食。我們點了一個二人套餐，再加了一客白酒忌廉煮青口。先來羅宋湯和餐包，羅宋湯十分夠味，酸辣開胃。白酒忌廉煮青口。小小一碟，份量卻不少，青口爽口沒腥味，加上白酒忌廉甜甜的，男朋友喜愛吃青口，這個白酒忌廉煮青口最合他心意。意式焗肉醬茄子。外貌一百分，滿滿的肉醬和芝士包裹著茄子，咬下先有拉絲的芝士，後有軟腍的茄子，搭上粒粒肉碎的肉醬，多重口感。蘑菇紅酒汁牛柳伴法式田螺薯蓉批點了五成熟，餐廳表示經廚師特別手切，牛柳更美味。雖然個人吃不出手切有什麼特別之處，但牛柳軟腍，啖啖肉，對得住價格，除了蘑菇紅酒汁，還可沾黃芥末醬，解膩且

去咗九龍灣megabox到食 見到有間用熊做主題嘅西餐廳 就嚟試下一入到去就見到隻大熊仔 勁得意 而且如果坐邊邊位 有得睇人溜冰 每張枱都有隻熊仔 佢仲專有一間房仔掛住happy birthday banner 又有個角落 畀小朋友玩 所以好啱一家大細嚟玩㗎之後叫咗個蒜香白酒藍青口扁意粉 $72佢係一個套餐嚟嘅 有沙律同一杯飲品呢間啲沙律醬好開胃 而藍青口一啲都唔腥 加埋有少少白酒味 好順口 而且又係我最鍾意嘅扁意粉 q彈到啱啱好 唔會太硬 分量啱啱好 仲會有少少 紅椒 同洋蔥粒 令到成個意粉唔會好單調

今日同大家介紹下呢間餐廳，一入門口就好似入左童話世界咁，有好多大大小小既熊仔，打卡一流，重有好多圖書可以比小朋友睇，野食方面賣相非常好，睇見都流曬口水啦，結果無令人失望，非常好味道

入到熊小館就如入左公仔屋一樣，唔同大小同造型嘅啤啤熊🐻已經坐定定等緊我地！除咗有多款美味嘅西式餐飲，仲有特別為小朋友設計嘅小熊套餐，啱哂大朋友小朋友👨‍👩‍👧‍👦！原來新張期間，2：30入座，仲有7折！我們全家早到了15分鐘，店員叫我們坐著等，小朋友在裡面和小熊影相，又有煮飯仔玩！好開心！食物也非常有水準！

今日嚟到MegaBox行街，見到一間充滿童真的西餐廳，遠處還看到很多小熊的佈置，便立即小朋友上身，即刻拖住男友入去食晚餐。餐廳座位非常闊落，有些座位更能夠觀看到溜冰場，而當天溜冰場正進行曲棍球練習，可以一邊吃晚餐一邊欣賞表演。牆身更掛滿了不同的小熊圖畫，更有小熊毛公仔與我們一同吃晚餐，好像置身於小熊樂園一樣，太可愛了，下一次一定會帶埋小朋友一起玩一起吃晚餐。餐廳設有二人晚市套餐， $298，包括餐湯（羅宋湯）牛油法包，小食和主菜（兩款），更有精選甜品和咖啡茶。啤酒脆漿炸洋蔥圈洋蔥圈夠脆炸漿唔厚沾埋沙律醬 好好食 鍾意嘅可以問店員拎茄汁燒美國穀飼厚切小牛扒伴醋漬野菌穀飼厚切小牛扒係餐牌上面係廚師推介穀飼牛扒比一般既牛扒肉質較嫩滑廚師拿捏牛的熟度拿捏得非常好配上醋漬野菌醬 更美味 好似wasabi醬咁亦有甜粟米和小蘑菇及薯條仲有蘆筍卡邦尼煙肉扁意粉芝士夠濃一向我食呢個意粉都要再灑上芝士粉但呢個唔使灑已經夠曬入味意粉唔乾身煙肉份量亦很多隨餐 附送每日精選甜品 <朱古力雪糕、焦糖蛋白>

每次去mega box都係去個幾間，想搵啲新野，見到pizza隔離原來有間熊小館，呢個位置比較難見到，但大大隻熊好易認到。入到去見到好多一家大細，呢度枱同枱之間好闊落，好適合有小朋友既家庭，仲有個玩具圖書閣。我地叫左一個二人餐，點左個洋蔥圈，豬條骨同芝士蜜桃去骨雞腿焗飯，餐飲呢就叫咗檸檬草氣泡茶，同埋紅豆爆谷，個檸檬草氣泡茶好特別，因為唔係好多地方有香矛做特飲，仲加左7喜，好新鮮既配搭。呢個二人餐仲包左餐湯同麵包條，個湯有好多疏菜，非常足料，仲配埋個蒜蓉包。個洋蔥圈好有睇頭，個個都拳頭咁大隻，外脆內香。食左幾塊都開始飽飽地，豬仔骨黎啦，好大份，仲配埋薯條同沙律，男友幫手切開，好冧好易切，而且輕易就骨肉分離，唔會食到好狼狽咁，配埋個蜜汁同燒汁，好好味。最後個焗飯後到我地都有啲飽，不過見到厚厚芝士同蜜桃呢個配搭，又繼續食，都食左大半。最後上埋甜品木糠布甸同埋加18轉既心太軟，真係大滿足，個心太軟超正，一切開就係咁流朱古力漿，工作苦悶個陣最想就係食心太軟啦。

喜歡小熊的我，有一日係網上面見到MegaBox有一間club MED ，係一間熊啤啤主題的西餐廳，於是即刻打電話去訂位。😍😍餐廳係半露天，座位亦能夠看到溜冰場，而當天溜冰場正進行曲棍球練習，可以一邊吃晚餐一邊欣賞表演。餐廳主打二人晚市套餐， $298已包括餐湯（羅宋湯）牛油法包，小食和主菜（兩款），更有精選甜品和咖啡茶。啤酒脆漿炸洋蔥圈洋蔥圈夠脆炸漿唔厚沾埋沙律醬 好好食 鍾意嘅可以問店員拎茄汁燒美國穀飼厚切小牛扒伴醋漬野菌穀飼厚切小牛扒係餐牌上面係廚師推介穀飼牛扒比一般既牛扒肉質較嫩滑廚師拿捏牛的熟度拿捏得非常好配上醋漬野菌醬 更美味 好似wasabi醬咁亦有甜粟米和小蘑菇及薯條仲有蘆筍卡邦尼煙肉扁意粉芝士夠濃一向我食呢個意粉都要再灑上芝士粉但呢個唔使灑已經夠曬入味意粉唔乾身煙肉份量亦很多隨餐 附送每日精選甜品 <朱古力雪糕、焦糖蛋白>

當晚係母親節 去到19:30左右 人吾算太多 唔使等位 餐廳內有好多台都係一家大細 另外餐廳中間有一個小樂園 係熊啤啤樂園 除此之外餐廳內每台都會有小熊公仔 同小朋友影相一流 叫咗兩樣嘢食 原本諗住叫個沙律 但當日係母親節職員話只有雞翼同薯條兩個小食 頓時有點兒失望 叫左肉醬意粉同鐵板芝士雞扒 兩個份量都幾多下 對於我哋兩個唔大食嘅人來講 叫呢兩個食物已經好足夠 食物質素還可以 味道略嫌偏鹹兩個都係 職員服務態度還可以 下次可以再試食其他食物

熊小館位於溜冰場旁邊😁溜完冰餓餓地見到成間餐廳都係熊仔裝飾😍就吸引左我入去🥰充滿熊仔嘅餐廳，少女心大發！如果男仔帶女朋友黎一定會氹到女朋友好開心🥳大家可以瘋狂同熊仔影相。開餐既時候熊仔仲係坐上客陪我地食野。2人套餐 👫$298 有哂餐湯、餐前法包、小食、2款主食、甜品同餐飲。抵食！足料羅宋湯，蕃茄味較重偏蕃茄酸，肉味都香濃。法包係加左蒜蓉上面烤焗，好香口。意式焗肉醬茄子🍆無諗過蕃茄肉醬芝士可以夾到茄子，覺得香噴噴又惹味。主食揀左：#燒美國穀飼厚小牛扒伴醋漬野菌粉嫩牛肉，腍身唔會靭，咬既時候會帶出淡啖牛肉味。菇🍄用醋漬呢個煮法第一次食，酸酸地好開胃。#卡邦尼煙肉扁意粉好creamy，煙肉味突出，😋係幼既扁意粉，令到接足面更大，沾到既汁比圓意粉多。意粉夠Al dente。不錯不錯👌🏻飲品：薔薇之戀 飲到有金橘味加玫瑰味，幾有特色。草子莓莓 似雜果賓治，偏甜。甜品 #心太軟 (加$18）超流心❤️，即叫即整要等15-20mins。記得預時間叫佢上。熱辣辣朱古力漿流出黎，好治療。🤩甜度啱啱好，外面焗到脆脆內面咁流心，難度高。🥰十分推介加$18食啊。Btw 喺呢度慶祝生日都唔錯，有個好靚嘅生日背景

相信不論男女 每個人童年時都一定曾經渴望過擁有一隻大bearbear熊公仔當然吃貨小妹亦唔例外 即使宜家已經貴為"輕熟女" 但都仍然對bearbear熊有不解既愛上星期同小胖男友去mega box睇戲後就遇上一間成間餐廳都係bearbear熊既熊小館未坐低已經見到好多勁大隻 成個人咁高既bearbear公仔 仲有一d唔同既bearbear畫, 擺設咁仲有一個coner for小朋友玩 好似去左bearbear熊樂園咁我地叫左個dinner for two 餐湯係羅宋湯二選一小食我哋揀咗蛋黃醬焗露筍 main course就揀咗大大塊嘅美國牛肩扒 牛肩扒嘅肉味濃郁 點芥辣食就最夾另一個main course我地揀左卡邦尼扁意粉個卡邦尼汁調教得幾好 食得出有蛋味 意粉硬度亦適中 幾好食不過最開心都係有兩隻一大一細嘅熊仔陪住我哋一齊食要讚下小妹杯玫瑰花熱情果茶 味道清新得黎又解渴食埋美味既朱古力心太軟 捧住個肚走人

帶着小朋友到九龍灣MegaBox的熊小館 (Cafe MED)，除了餐廳佈置吸引外，食物的味道也不錯，一家大細邊食邊欣賞。選擇了兩份Set Dinner，再加其他菜式，看來都抵食。其中一份選擇了蜜糖BBQ燒豬仔骨。燒得剛剛好，豬肉和豬骨都帶着蜜糖的香甜。薯條也炸得不錯，阿女寧願吃少點飯也要吃多幾條薯條。另一份美國安格斯牛肩扒也可以。因為小朋友也要吃，所以點了七成熟，但看來跟全熟沒太大分別，小朋友吃當然安心。雖然全城的牛牛都被命名為安格斯，但這一份牛肉都是厚身，仍帶著少許 juicy 的質感，相信半成熟會更好。不過周邊的配菜調得不錯。前菜中選擇了這一份意式肉醬焗茄子，非常厚身多汁的茄子，隨著香濃的芝士肉醬一同吃，更 juicy。味道最濃烈的，還是這一份芝士肉醬意粉，不過吃完有點口渴，重口味了。另一個極端，就是這一份味道較清淡的芝士焗忌廉菠菜龍利柳飯，菠菜味清到突圍而出。和上一碟芝士肉醬一同吃反而更和諧。意外地，這餐廳的羅宋餐湯雖然帶點辣，卻很開胃。最令人喜出望外，就是心太軟，原來是超水準之作，暖暖的香濃朱古力鬆餅，伴著清甜的忌廉加芒果，味道很夾。點計都好，Set Dinner 是不錯的選