熊小館

营业中

休息中

係mega box 睇完戲，就順便黎呢到食🥰因為之前已經食過一次覺得好抵，同埋有我鐘意既熊仔，超級可愛！😚今次叫左個二人套餐，有哂前菜，main,甜品同野飲真係好抵！個餐湯好味好夠濃，個蒜蓉包好香好脆跟住簡左法式香草牛油田螺，呢個上次食過覺得好好味，今次再試真係完全冇失望😋必點跟住仲有蜂蜜bbq ribs，呢個份量好大，好鐘意個sauce，薯條粗身好有薯仔味意粉就簡左卡邦尼煙肉意粉，呢個個味岩岩好，唔會太咸，唔錯～甜品我地加左18蚊食心太軟😋😋岩哂我呢d朱古力控！😍😍餐飲簡左薔薇之戀係玫瑰花茶柚子，個味好清香唔會太甜Overall真係好抵食，間餐廳又好靚🥰見到佢下午茶時段仲有7折真係好抵，下次試下下午茶黎先！🥳

某天晚上朋友帶我去左一間好多熊仔既餐廳，叫做熊小館，熊迷一定會鐘意，因為可以同熊仔一齊坐又好多熊既畫同門口有勁大隻熊公仔迎接熊迷，地方好闊落好大，仲有個小朋友既玩樂地區不過疫情關係暫時關閉，我地坐低左响一個可以睇到溜冰場同冰球比賽既卡位，由於我地夜左去所以職員話心太軟已經賣晒，我地叫左個二人餐，有餐湯配蒜蓉包，田螺薯蓉小食香口，一碟蕃茄吞拿魚螺絲粉，好多吞拿魚肉，蕃茄配螺絲粉好開胃，之後仲叫左碟手切牛肉配薯條，牛肉比較煙韌，加埋黑醋汁都幾特別，薯條熱辣辣，再叫左炸雞翼小食，雞翼大大隻，飲品就叫左一杯爆谷紅豆冰，紅豆加爆谷既焦糖甜味都幾特別，另一杯士多啤梨橙汁，呢兩種味道又真係幾夾，幾好味，由於我好口渴所以我叫多左一杯薄荷特飲，薄荷味好fresh，味道不錯。仲有雪糕甜品食。

今日下午唔洗番學，就同朋友去九龍灣行下。本來諗住去德褔的，但估唔到三丶四點嘅時段都勁多人，行得唔舒服。突然諗起megabox，心諗要搭shuttle 先去到，應該會少人d 🙈🙈不出所料，megabox 冇人頭湧湧，行到7 點幾入黎呢間餐廳食， 重唔洗等位tim🤗🤗涷奶茶我哋兩個都係飲凍奶茶，佢嘅茶味比奶味重，唔會話過甜，飲落口可以飲得到茶嘅味唐揚脆脆雞翼呢個雞翼真係好抵食，50蚊都唔洗，舊舊都大大隻。佢配咗沙律汁同檸檬，個人比較鍾意檸檬汁。佢嘅雞翼皮真係炸得好脆，咬開入邊啲肉重好滑，又有肉汁，一啲都唔乾，配埋啲檸檬汁食真係好夾海鹽瘋薯條薯條係肥薯條，咬開入面係滿滿嘅薯肉，建議大家一嚟到就要即刻食，熱辣辣食係最好食的。我呢啲重口味人士覺得，如果海鹽再多啲就好了🙈🙈🙈意大利墨汁魷魚意粉幾好吃，魷魚唔會好銀好難咬，意粉亦唔會煮到林晒，唔係一夾就爛嗰啲。我keep 住起咁食，食到個嘴比d 墨汁整到黑哂🙈🙈🙈真係要同個冇形象包伏ge fd 黎先可以食到呢個意粉黑松露帶子黃金意大利飯賣相幾靚，帶子大大嚿，啲粟米又甜，配埋啲飯食一流，佢d 飯粒係仍然做到粒粒分明，冇話mix 左cream sauce

上年來過覺得幾好味，今次帶亞媽來据下扒。餐廳以熊仔為主題，熊公仔處處，小朋友望見實好開心，好合適一家大細來食。環境確實唔錯非常闊落，仲可望到人溜冰。價錢經濟上年至今無加過價，水準依舊好味。蘑菇忌廉湯配蒜蓉包 (跟餐)忌廉湯味濃郁，滑溜好飲。白酒忌廉煮藍青口 $68廿隻藍青口份量勁多，食極都仲有幾抵食，個汁偏重白酒味好香但就無咁奶油，作為小食前菜都唔錯。軟殼蟹牛肝菌意粉$95軟殼蟹炸得香脆，意粉份量唔少好飽肚，味道好夠，每啖都咬到彈牙菇菌，好足料下。鐵板肉眼扒 $148粗薯條外脆內軟口感味道極佳，配料鮮艷栗米粒、蕃茄、露筍、洋蔥皆見。主角肉眼扒厚切有十六安士相當大份，七成熟肉質軟腍，肉汁豐富，淋左黑椒汁非常惹味。紅豆POP-POP +$18不一樣的紅豆冰，飲到爆谷焦糖味，味道非常特別，甜美可口。熱情玫瑰有玫瑰花香，淡淡的熱情果味，適合少甜朋友選擇。自家制心太軟心太軟層次分明，外層微脆內軟，劏開朱古力漿流出甜度適中，水準不俗，作飯後甜品非常滿足。玫瑰法式燉蛋白 $25燉蛋面有層焦糖脆面，蛋白不算好滑，清清地的甜品。

今晚和家人到九龍灣megabox睇戲，見到同層呢個好吸引好多熊仔的餐廳，於是晚餐就決定入去食啦。餐廳內真的好多熊仔佈置和公仔，令到童心未泯的我好開心呢！其實喜歡熊仔也不一定只是小朋友專利，大朋友都喜歡的，餐廳內有好多大朋友來吃呢。法式香草牛油焗田螺，價錢＄50，焗得好香，熱辣辣，配埋牛油味香濃的薯蓉來吃，推介！法式蛋黃醬焗鮮露筍，價錢＄48，露筍焗得夠曬淋，但又不失水份，咬下仍然好鮮甜多汁，健康之選。黑松露忌廉汁煙三文魚天使麵，價錢$92，天使麵好多忌廉汁，不會乾晒水，而且多菇菌，三文魚捲成玫瑰形。美國安格斯牛肩扒，價錢$158，牛肩扒比牛扒稍硬身，但仍有口感的，而且扒身厚切，肉汁鮮嫩，不錯的，同埋仲有薯條的。餐廳仲有二人餐供選擇，飲品款式亦頗多，還可以望到冰場，放輕鬆的一個好地方。

今日同食肉獸男友出到嚟九龍灣MegaBox呢邊拍拖行街，行到腳軟就搵野食，竟然比我地係11樓搵到利間熊小館🐻熊全部都係熊呀😍充滿童真嘅我一野就拉住男友衝左過去，等咗一張枱就入得去啦，仲要勁好彩咁樣俾我哋坐到靠邊位，點解會話勁好彩呢？因為可以望正溜冰場，而更更更好彩嘅係今日竟然有冰上曲棍球比賽睇🤤同熊仔一齊睇比賽 感覺好正呀❤️❤️講下今日既晚餐食左咩先🤤我哋叫咗個二人套餐餐湯係勁足料既羅宋湯加牛油法包，真係唔係講笑㗎，超足料，而且羅宋湯個味到調得啱啱好唔會好酸，個包又脆卜卜👍🏻頭盤小食我哋揀咗法式香草牛油焗田螺，呢個真係好意外地滿意，田螺連埋薯蓉一齊食個味道超夾👍🏻主食我地就揀左厚切小牛扒同埋芝士焗蜜桃汁去骨雞腿飯😍開頭仲以為牛扒會好細份，點知原來勁大份，我哋揀咗七成熟，呢個熟到啱啱好，煎得好靚，咬落唔韌，質素高👍🏻👍🏻蜜桃汁雞腿飯超開胃，甜甜地，啲雞腿既肉好嫩滑😍😍我哋另外仲叫多咗份雞翼😁😁因為我最鍾意就係食雞翼，所以點都要食😋啲雞翼炸得好香，唔會好厚粉，真係好正🤩飲品方面我哋就嗌左橙色派對同埋爆谷紅豆冰🥳男朋友話橙色派對反而啱女仔飲啲因為清清甜甜，但我真係勁鍾意佢杯爆谷紅豆冰，味道好夾

大人小朋友都喜愛既熊啤啤餐廳熊小館，未入門口已經比門口個兩隻大熊啤啤吸引。7點到達已經9成滿座。餐廳裝潢四周都擺放熊啤啤，比熊啤啤包圍，食野都開心D，另外有間房入面佈置都好有心思，餐廳除左有好多熊啤啤，原來仲有kid’s corner 可以比小朋友入面玩，但由於疫情關係所以暫時關閉鐵板肉眼扒送餐湯、牛油法包、咖啡或茶（轉特飲+$18）羅宋湯&牛油法包牛油法包仲好脆，蒜味香濃，另外羅宋湯好足料，酸甜適中，都幾辣肉眼扒點了5成熟，份量十足，好大塊，5成熟剛剛好，肥膏位及筋位不多，牛味濃郁，肉質軟腍草子莓莓-顏色好靚，士多啤梨橙汁，甜度適中玫瑰法式燉蛋白-法式燉蛋白夠滑

熊小館今日收工去開MegaBOX搵個老朋友見到間主題餐廳都幾好環境大又唔係太多人一路食飯仲有隻熊仔陪你鐵板餐都只係$105起，真係好超值！紅湯夠味，一定唔係水溝。蔬菜喺入面，仲見到有牛肉蒜蓉包好香脆又熱辣辣鐵板西冷好多配菜，份量十足！好多薯條又好好味西冷7成岩岩好，唔會老，份量都超級大好岩食肉獸既我心太軟流心效果，暖暖的熱朱古力醬流出味道不太甜依個價錢食到鐵板又有好既環境，CP值超高店員非常友善同有禮貌，服務好好下次要再食過，因為好滿足#liukahin@gmail.com #93575555#foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #followers #photooftheday #amwriting #blogging #newblogpost #instablogger #me #followme #comme

耐不耐就會黎熊小館到食下，一來是店內滿滿的小熊深得小朋友喜歡，二來價錢十分親民，食物選擇又多。平日的下午更是超級抵食，一點半後九折，兩點半後更有七折！是日放下晏，當然是等到兩點半才入座啦，呵呵～平日下午人流不多，基本上可自由選位。店員見我只有一位，安排了跟小熊合座，這位置一向很受歡迎。點了全日套餐，再加了餐湯，是日係蘑菇湯，很香的菌味，再配上牛油香草多士一件，簡單又美味。餐飲要了熱檸茶，檸香茶濃，好飲。主菜點的是烤美國牛肉漢堡包配賓尼廸蛋炸薯條，即點即整關係都等左一陣㗎，上枱時香噴噴，正啊。厚厚的漢堡肉，煎得香口，入面仲有肉汁不乾身。蛋汁呀～勁好味！仲有荷蘭醬同沙律醬，至鍾意多醬！漢堡肉+蛋+生菜蕃茄，完全組合，唔少得塗了牛油的麵包，同樣煎過很香脆。薯條炸得香口，鹽略微多了點，哈哈，重口味。還加了甜品，是奶凍啊～滑滑的充滿奶香，上面有一個不太可愛的圖案，哈哈，店員盡力了～兒童區，有不少玩具及圖書，因為疫情影響下暫時關閉了，可惜呢。餐廳很大的，還可以包房辦生日party。周圍都是熊熊裝飾，除了小朋友，大人也會心動吧。

今日同屋企人到megabox行街，呢度真係好岩同屋企人黎，有好多傢私店之餘，仲有好多餐廳可以選擇。我地今日就去左一間親子餐廳食晚餐。每張檯都可以見到呢度既招牌熊仔，好得意！呢度既野食幾抵食，所以我地點左好多野！首先，我地點左個二人套餐，套餐包左餐湯同埋牛油法包！小食揀左法式香草牛油焗田螺，田螺好彈牙，唔錯！主菜方面，我地揀左燒美國榖飼厚切小牛扒伴醋漬野菌同埋露筍野菌意大利飯。牛扒都幾嫩滑，意大利飯好creamy！除左套餐，仲點左沙律同埋青口！食埋甜品就perfect！

在megabox看完電影後，發現了這間以熊作主題的餐廳。二人套餐定價合理。很多打卡位！喜歡熊的人一定很興奮。濃湯和法包，法包烤得很香脆，如果再熱一點會更好。叫了燒美國殼飼厚切小牛扒和露筍野箘意大利飯。美國殼飼厚切小牛扒，上菜時已經切好了，非常貼心的安排，牛扒7成熟，但口感仍嫩滑，而且juicy。露筍野箘意大利飯，很香很creamy，非常好吃，推介！最後還有甜品呢！我們升級了自家制心太軟，另還有一球雪糕。約300塊有前菜、main dish、甜品和飲品，挺實惠的選擇。

原來喺11樓有間親子餐廳以熊仔為主題，喺角落頭嘅位置所以我哋一直都冇食過。入邊呢有大量嘅熊仔公仔同埋擺設，就算人咁高嘅熊仔一樣都有！餐廳入邊亦都有遊戲區俾小朋友玩但係因為疫情關係就暫停開放。食物選擇都好多，味道唔錯，而且西餐嚟講份量算好多！仲有兒童餐可以叫俾小朋友食～價錢一啲都唔貴，我地三個人食四百蚊都唔洗鐵板什扒餐豬扒夠鬆軟，雞扒厚肉多汁，仲有薯條粟米洋蔥系底，份量好多下，仲仲包埋餐湯蒜蓉包。軟殼蟹牛肝菌意粉，軟殼蟹啱啱炸好食落去仲係熱辣辣，好脆口以蟹肉都好多，意粉味道就一盤小熊套餐B兒童餐，份量多，有埋橙汁小朋友好鐘意心太軟不過不失，如果配上雪糕就好啦！

放假去Megabox行街，順便去食過返尋味嘅呢間熊小館啲熊啤啤超得意，好啱少女心嘅女仔同小朋友嚟，裝修都好童話風，好似進入咗啤啤熊嘅世界咁。仲有個兒童遊樂區，可惜疫情關係冇開蒜香白酒藍青口扁意粉-平日全日套餐下午茶有7折，青口都好多下，有少少酒味，扁意粉軟硬適中，蒜香味出，推介芝士醬油魚柳鮮蛋焗飯-熱騰騰，魚柳加上邪惡芝士同甜甜地嘅醬油冇得輸橙汁、檸檬茶-大人細路都啱飲呢間係Kiwi我覺得環境同食物質素都幾好嘅餐廳之一，有機會會再食😋

今日去左位於九龍灣嘅熊小館食lunch。餐廳內亦都有好多熊啤啤擺設，裏面亦有其中一個位置可以專俾小朋友玩嘅兒童天地。而家全日餐做緊7折優惠，非常抵食。我地揀左一個全日餐黑椒牛扒配薯菜，加錢仲可以配餐湯+蒜蓉包或沙律或甜品。牛扒肉質唔錯，配菜都幾多有粟米粒，脆玉瓜，紅羅白，感覺好徤康同。另外set lunch 叫咗一個焗飯同肉醬薯條，另外再加埋甜品心太軟。個焗飯有驚喜，個魚柳煎適中，好香口再配埋流之煎蛋同芝士，好creamy！最後既心太軟，佢用咗新鮮芒果同cream作配料，而無用雪糕，有另一種口感。整體食物質素唔錯，下次帶埋侄女黎食先，一定開心死。

呢到真係好啱一家大細嚟食飯，一入去見到周圍都係熊啤啤已經童心爆發，見到有個kid’s corner比小朋友玩，入面有圖書同煮飯仔玩具，不過疫情關係暫停開放❗️叫咗個二人套餐($298)，餐湯係羅宋湯，個湯都幾足料，有好多蘿蔔、薯仔同椰菜，仲有牛油法包前菜揀咗法式香草牛油焗田螺，薯蓉好滑好香牛油味，田螺已經剝殼，總共有4粒，口感軟嫩又juicy燒美國穀飼厚切小牛扒伴醋漬野菌牛扒叫咗七成熟有少少韌，建議叫五成熟就夠啦，牛肉味都幾香濃，點甜黑醋好惹味，薯條同什菌都好食芝士焗忌廉菠菜龍利柳飯份量十足，有兩大塊龍利柳，忌廉味好濃郁，芝士控表示如果再多啲芝士就更加正啦跟餐甜品係一球雪糕，有芒果、雲喱拿、朱古力同曲奇味，另外可以加錢轉心太軟(+$18)，即叫即整要等十幾分鐘，朱古力流心都幾幼滑飲品試咗兩杯特飲，薔薇之戀(+$18)同橙色派對(+$18)，熊仔表示今餐好滿足