煮打菜打冷小菜館 (已結業)

今次特登黎到筲箕灣煮打菜打冷, 之前見到個鱔煲好正所以黎幫襯。叫左潮式爆花蠔餅, 荀蝦, 豬紅, 豉油皇鵝腸, 蝦醬炒通菜當然仲有個主打菜古法生煏鱔煲。爆花蠔餅同平時食既唔同, 唔會好似食粉咁, 因為而到落足料。啖啖都係蠔, 而且比平時D蠔仔大隻。荀蝦爽脆, 豬紅入味夠實夾起唔會散。豉油皇鵝腸有驚喜, 因為坊間好多所謂鵝腸都混雜左雞,鴨腸, 而到食得出全部都係鵝腸先有既爽脆。鱔煲比想像中仲要好食, 我地要左蒜蓉果皮, 一黎打開個蓋已經好香蒜同果皮味。果皮同鱔好夾, 令到食落口無咁溜。生煏方式用半煎半焗的方法，利用煎香蒜頭的濃香除去白鱔既腥味。而且咁樣整D白鱔唔會過老,保持白鱔應有既彈牙。