影片
更多
2011-07-22
42 浏览
呢間「無敵家」並唔係日本果間「麵創房無敵家」！未講佢D麵得唔得之前，小妹想講講一段小插曲。話說上環近日開左呢間拉麵店，個名竟然同位於日本東京池袋，著名日本老拉麵店「無敵家」相同。咁啱我有個同事佢老婆都好鍾意食日本果間「無敵家」，於是佢Lunch time就咗落去問店裡面其中一個老闆娘，求證一吓佢地係咪日本果間「無敵家」。老婆娘二話不說就答「係」。但係睇完「無敵家」官方網站同埋Travel OpenRice都無提過香港有開分店...而呢間「無敵家」個網站及英文店名又同日本「無敵家」相類似...我諗佢係真定假，留返比各位精明嘅食家參詳及品評啦~食物魚介湯拉麵1. 東坡肉厚切扮叉燒...有煎過嘅痕跡...奇怪...2. 麵條好淋，缺少彈性3. 湯底好普通，食材用料例如筍、麵都唔見得係上盛； 比味精拉麵還要普通，有種馬虎嘅感覺地獄豚骨湯拉麵1. 唔係地獄豚骨湯，只係豚骨湯加左辣味，係跌左落地獄嘅豚骨，唔係本身o係地獄嘅豚骨。而且，個豚骨湯本身都無咩豚骨嘅肉味2. 只得少量普通肉碎同埋木耳日式煎餃子1. 餃子明顯係急凍後拎出黎煎，只係煎左一面，仲要唔係隻隻煎果面都係脆，仲係淋淋地濕濕地...屋企
未講佢D麵得唔得之前，小妹想講講一段小插曲。
話說上環近日開左呢間拉麵店，個名竟然同位於日本東京池袋，著名日本老拉麵店「無敵家」相同。咁啱我有個同事佢老婆都好鍾意食日本果間「無敵家」，於是佢Lunch time就咗落去問店裡面其中一個老闆娘，求證一吓佢地係咪日本果間「無敵家」。老婆娘二話不說就答「係」。但係睇完「無敵家」官方網站同埋Travel OpenRice都無提過香港有開分店...而呢間「無敵家」個網站及英文店名又同日本「無敵家」相類似...我諗佢係真定假，留返比各位精明嘅食家參詳及品評啦~
食物
魚介湯拉麵
1. 東坡肉厚切扮叉燒...有煎過嘅痕跡...奇怪...
2. 麵條好淋，缺少彈性
3. 湯底好普通，食材用料例如筍、麵都唔見得係上盛； 比味精拉麵還要普通，有種馬虎嘅感覺
地獄豚骨湯拉麵
1. 唔係地獄豚骨湯，只係豚骨湯加左辣味，係跌左落地獄嘅豚骨，唔係本身o係地獄嘅豚骨。而且，個豚骨湯本身都無咩豚骨嘅肉味
2. 只得少量普通肉碎同埋木耳
日式煎餃子
1. 餃子明顯係急凍後拎出黎煎，只係煎左一面，仲要唔係隻隻煎果面都係脆，仲係淋淋地濕濕地...屋企煎好似仲好味...
2. 五隻餃子煎埋一齊，加上煎得唔夠乾身，夾一隻隔離果隻就爛埋..
環境
1. 想模仿日式拉麵店，但同實際日式拉麵店嘅環境有距離
2. 裝修尚好，但係枱與枱之間比較密
服務
1. 新經營，店員都不太熟悉運作，有落錯單嘅情況
2. 店內調味料較少，菜單連Binding都冇做，散修修，冇酒牌
3. 價錢貴仲要加一，相比起真正嘅「無敵家」，人地賣緊最貴嘅雜錦拉麵都係1000円左右...
4. 最試得出日本拉麵店功架嘅溏心蛋竟然賣晒><
以上種種經歷，完全感受唔到經營者嘅熱誠。如果沒有對做菜嘅覺悟的話，相信長遠經營可能有困難...
张贴
